أونتاريو ترحب بـ سوسو

[Alrefaey]

بالتوفيق يادكتورة وتأكدى (ان الله لايضيع آجر من احسن عملا) وانتى تعبتى واجتهدى ومثال ومثل وقضوة حسنة للمصريات بكندا

هانت ,,,

نسأل الله لكى التوفيق الدائم

تحياتى

[moheltohamy]

إنتي لسه بتيجي هنا يا سوسو؟

والله زمان يا ممدوح بجد!!!

أنا مش عاوز أقول إني شفت إسمك منوّر أونلاين على أحد المواقع ، وجمبه لمحت كلمة Yonge St. يعني عشان الناس ما تصدقش أوي الكلام ده :P

تعرفي يا سوسو إني مفتقد أوي اللمة بتاعة زمان ، والجو اللي يفرح اللي كان موجود أيامها ، واللي من بعدها جالي فتور غير طبيعي

أنا كنت أيامها بافتح المنتدى قبل ما افتح الإيميل بتاعي! :blush2:

حال الدنيا بقى... لعله خير...

تحياتي دائماً

[دعاء]

:aslam:

ازيكم كلكم اخوانى واخواتى اعضاء المنتدى الكرام

مش عارفة اذا كان لسة فى حد فيكم فاكرنى ولا لأ ؟

بس مداخلة اختى سوسو خلتنى ادمع لانها قالت اللى جوايا انا وانا هنا بقالى سنتين و3 شهور

حبيت بس امسى عليكم كلكم واقول لكم انى مانسيتكمش ولا لحظة و انا كمان اشتقت جدا جدا للمتنا الحلوة

شكرا يا سوسو يا حبيبتى علشان خرجتينى من صمتى

والف تحية للدكتور تهامى

:waf:

[Alrefaey]

الدكتور تهامى ,ومدام دعاء

يامرحبا يامرحبا

والله زمان ياجدعان ,بجد بتوحشونا وياريت نرجع نتلم تانى هنا ,انا بردة كملت كدة فى تورونتو عامى الاول ,,,

اخبار ادمنتون ايه يادكتور ياريت تطمنا عنك ,,

انا فاكر انك كنتى فى كيبك يامدام دعاء اخبار حضرتك ايه ياريت تطمنينا على امورك .

تحياتى

[Om Zayd]

ربنا يصلح لكم الحال

[miracle]

د سوسو انا قريت كل التوبيك بتاعك والفضول هيموتنى عاوزة اعرف نبرة الحزن وعدم الارتياح فى كندا دى سببها ايه يعنى لو موضوع شخصى خلاص لكن لو حاجة تقدرى تتكلمى فيها يا ريت تشركينا

ويالريت ترجعى تتكتبى تانى الواحد بيحس براحة لما يخرج اللى جواه مستنياكى

[yassergaafar]

يا دى النور يا دى النور

دكتوره سوسو رانى و دكتور محمد التهامى و مدام دعاء و الدكتور الرفاعى

أحمدك يا رب

[SoSo R]

بالتوفيق يادكتورة وتأكدى (ان الله لايضيع آجر من احسن عملا) وانتى تعبتى واجتهدى ومثال ومثل وقضوة حسنة للمصريات بكندا

هانت ,,,

نسأل الله لكى التوفيق الدائم

تحياتى

ميرسى يا دكتور مصطفى لذوقك...أنا لا قدوة و لا حاجة فيه ناس كتييير أشد و أحسن ...ربنا يوفقك فى امتحاناتك و تيجى تفرحنا هنا الشهر الجاى بإذن الله

إنتي لسه بتيجي هنا يا سوسو؟

والله زمان يا ممدوح بجد!!!

أنا مش عاوز أقول إني شفت إسمك منوّر أونلاين على أحد المواقع ، وجمبه لمحت كلمة Yonge St. يعني عشان الناس ما تصدقش أوي الكلام ده :P

تعرفي يا سوسو إني مفتقد أوي اللمة بتاعة زمان ، والجو اللي يفرح اللي كان موجود أيامها ، واللي من بعدها جالي فتور غير طبيعي

أنا كنت أيامها بافتح المنتدى قبل ما افتح الإيميل بتاعي! :blush2:

حال الدنيا بقى... لعله خير...

تحياتي دائماً

مساء الخير و الفل...لو حضرتك لسه عامل تتبع لموضوعى المتواضع هيجيلك إيميل حالا بالا ...يقولك ألحق ياعم سوسو رديت عليك:WelEgTks:تقوم تدخل دلوقتى زى الشاطر و ترد علطول و بكدة الروح بتاعة زمان هترجع أكيد

أولا خلينى أقولك أنا سعيدة جدا إن حضرتك كتبت...لينا الشرف يا فندم ان الرجوع يكون من هذوها الموضوع المتواضع...ثانيا أنا متفهمة جدا اللى حضرتك بتقوله...I have been through all of this يعنى الفتور و اللمة اللى نقدر نقول ما تكررتش و الروح الجميلة اللى ما حصلتش حتى مع المحاولات فى المطاريد..يفضل هنا الأساس

ثالثا ليه انا لسه باجى هنا...لأنى باحن للمكان و للحيطان الأفتراضية و كأنى لسه باسمع صوت ضحكنا بين المواضيع..النكت و الهزار...وكمان للمكان هنا و الناس اللى فيه فضل كبير إنى أذاكر و اتشجع ما استسلمش للوحدة و الكآبة...عارفة إنى لما أنجح فى كتير هيفرحولى زى أهلى!!!

رابعا ودى أهم واحدة...انا من ساعة ما شفت البوست ده واتا مش عارفة ادخل ارد بإيه!!! لأن "الموقع اللى اسمى منور فيه و جنبه يانج ستريت" دى الجملة اللى قفلتنى...هى دى سبب النكد و الحزن اللى مش عارفة اتغلب عليه...عارفة انها ارادة ربنا بس ما كنتش متوقعاها...بجد حسيت سكينة و اخدتها فى ضهرى...انا من كتر انفعالى بسبب الموضوع ده خفت ادخل اقول كلام فى وقت انا متعصبة فيه..يتحسب عليا وحضرتك مالكش ذنب..انت فاكرها حاجة حلوة...وهيا من اصعب التجارب اللى قابلتنى فى حياتى..وكدرتنى جدا...ادعيلى يا دكتور ربنا يحلها...

لعله فعلا يكون خير انا مش شايفاه دلوقتى...ارجوك يا دكتور ترجع تانى

:aslam:

ازيكم كلكم اخوانى واخواتى اعضاء المنتدى الكرام

مش عارفة اذا كان لسة فى حد فيكم فاكرنى ولا لأ ؟

بس مداخلة اختى سوسو خلتنى ادمع لانها قالت اللى جوايا انا وانا هنا بقالى سنتين و3 شهور

حبيت بس امسى عليكم كلكم واقول لكم انى مانسيتكمش ولا لحظة و انا كمان اشتقت جدا جدا للمتنا الحلوة

شكرا يا سوسو يا حبيبتى علشان خرجتينى من صمتى

والف تحية للدكتور تهامى

:waf:

دعاء...مش عايزة اكرر كلامى اللى قلته فوق لدكتور تهامى...بس بجد احنا كلنا فاكرينك...وكل القطاع الفرنسى قعدوا يسألوا لحد ما فقدوا الأمل و اكيد جاتلك رسايل كتيير جدا...انا اكيد فاهمة و عايشة صعوبات البداية بس اللمة و الروح احنا اللى بنعملها...احنا نقدر نرجعها و نتونس ببعض...من فضلك ارجعى تانى...اكيد احنا نضجنا و تجاربنا اختلفت...نفسى نكون مجموعة لينا إحنا.. الناس اللى بقالها سنة و اتنين اللى لسه الطريق مش واضح قدامها..لسه بينحتوا الصخر بضوافرهم...اكيد هنفضفض و نستفيد من بعض.

دعاء ارجوكى ارجعى تانى

[SoSo R]

ربنا يصلح لكم الحال

متشكرة لحضرتك يا أم زيد

د سوسو انا قريت كل التوبيك بتاعك والفضول هيموتنى عاوزة اعرف نبرة الحزن وعدم الارتياح فى كندا دى سببها ايه يعنى لو موضوع شخصى خلاص لكن لو حاجة تقدرى تتكلمى فيها يا ريت تشركينا

ويالريت ترجعى تتكتبى تانى الواحد بيحس براحة لما يخرج اللى جواه مستنياكى

مدام ميركل..الموضوع مش محتاج فضول ولا حاجة...أقرى ردى على دكتور تهامى يمكن تفهمى حاجة...مش هاقدر اتكلم دلوقتى...يمكن بعدين لما تتحل...لما أعدى المرحلة دى...أكيد هاقول...بإختصار الغدر من حيث لا يتوقع بيبقى موجع جدا...تحياتى لحضرتك

يا دى النور يا دى النور

دكتوره سوسو رانى و دكتور محمد التهامى و مدام دعاء و الدكتور الرفاعى

أحمدك يا رب

دكتور ياسر جعفر...منور نا اتفضل فى الأنتريه او الصالون...بنحاول نعمل إعادة تأهيل للناس القديمة rehabilitation....يمكن يحنوا علينا و يتحمسوا...نفسك معانا

[SoSo R]

عشان ما نقضيهاش بكاء و دموع..ونحيب...ولا سلامات و تحيات..عايزين نعاود النشاط حتى ولو بصورة متقطعة...

للأسف دماغى بايظة و قلبى مفطور..بس ممكن حد يقترح يمكن يفتح لى سكة فى الكلام...

أنا كنت بافكر ابتدى اكتب حاجة كدة زى حلقات و اسميها يوميات نائب فى الديسبنسرى...على وزن يوميات نائب فى الأرياف بس حاساها مش هتهم غير الصيادلة...

لو فيه اقتراحات أخرى ...أفيدونى

سلام و مستنية ردودكم...

تحياتى

[AmiraT]

عشان ما نقضيهاش بكاء و دموع..ونحيب...ولا سلامات و تحيات..عايزين نعاود النشاط حتى ولو بصورة متقطعة...

للأسف دماغى بايظة و قلبى مفطور..بس ممكن حد يقترح يمكن يفتح لى سكة فى الكلام...

أنا كنت بافكر ابتدى اكتب حاجة كدة زى حلقات و اسميها يوميات نائب فى الديسبنسرى...على وزن يوميات نائب فى الأرياف بس حاساها مش هتهم غير الصيادلة...

لو فيه اقتراحات أخرى ...أفيدونى

سلام و مستنية ردودكم...

تحياتى

دكتورة...

طبعا حضرتك ما تعرفينيش (أول مرة أكلمك)

لكن حبيت أقوللك اني عاملة "تتبع" لموضوع حضرتك + 2 موضوع آخر فقط في المحاورات

دا ممكن يديلك احساس أد ايه في ناس عايزة تسمعلك ، ويمكن كمان يتفاعلوا معاكي

بالنسبة لـ " يوميات نائب فى الديسبنسرى" طبعا لو الكلام حيبأ متخصص أوي مش حيفيد غير الصيادلة..

لكن لو حضرتك مزجت فيه تجربتك الإنسانية كسيدة مصرية مهاجرة بدأت رحلة معادله وتواجه الحياة ومتطلباتها بشجاعة

فهذا ما سيفيد الجميع.. وفي النهاية القرار لحضرتك طبعا

وأقترح ان يتم هذا الموضوع داخل هذا التوبيك وليس في توبيك جديد

علشان الزخم يرجع تاني ، واللي مقرأش تجربتك قبل كده أو عضو جديد يستفيد بإجمالي التجربة

ويا سلام لو المشاركة تبقى بالتزامن مع المطاريد كمان

انتي ليكي جمهورك هنا وهناك :)

تحياتي

أميرة

[miracle]

c Sans MS"]

انا حاولت افهم لكن مفهمتش حاجة (هو حضرتك عزلتى )على العموم كل ما يعمل يعمل للخير وان شاء الله اللى جاى احلى انا مثلا بالنسبة لظروفى الحالية مفيش قدامى غير الهجرة وتعبنا انا وزوجى لغاية ما عرفنا نقدم لكن حصل معانا شىء غير متوقع ومبيحصلش كتير وهو غلطة من السفارة معطلة الفايل لكن انا بحاول انى اطمن نفسى بان ربنا كبير وهيتصرف كله هيبقى تمام ان شاء الله ارجعى بس اكتبى باستمرار

[miracle]

GOD gives in 3 ways; He says YES n gives u whatever u want, He says No n gives u something better, or He says WAIT n gives u the best !! Have faith

[hazemtara]

مساء الخير على الجميع...

إيه ده هو فين الجميع دول ده حتى الموضوع بيصفر من الهوا اللى فيه..

ما علينا .كل دى حاجات سطحية.و أنا من الأصل باكتب هنا عشان أسجل الأحداث بالتواريخ فى المكان اللى بعتبره دفتر مذكراتى لدرجة إن فيه حاجات بفتكرها من الموضوع هنا!!!

المهم أنا داخلة عشان أقول إن النهاردة تميت فى هذه البلاد سنتين بالتمام و الكمال....

مع إنى حاسة إنى لسه واصلة إمبارح...مش مصدقة إن ممكن تكون الأيام عدت بالسرعة الرهيبة دى؟!!!

يعنى الموضوع ده بأه عمره سنتين!!!

أنا لما بفتكر اللى فات بحس إنى بتفرج على شريط سينما بس أحداثه شبه بعض و بتعدى بسرعة البرق

حاسة كأنى لسه سايبة الكويت إمبارح..

لسه فاكرة إنه كان طالعين ع المطار الساعة خمسة و نصف صباحا و الشمس فى نص السما و لاكأنى الساعة 12 عز الضهر

كنت بودع الطرق بعينيا و باقول مش هاشوفك تانى يا بلد..ماكنتش اعرف إنها هتوحشنى ساعات و اتمنى ارجعلها!!!

كنت ع التليفون مع شيرى صاحيتى و هيا بتعيط عشان مش هتقدر تيجى ع المطار...مش قادرة اصدق انى احتمال كبير ما اشوفهاش تانى وانا مفتقداها قوى قوى..

السنتين دول عدوا إزاى و امتى؟؟

الأحداث كتيييير لدرجة إنى باصدع لما بحاول أفتكرها...كان فيها أمل و ترقب و انتظار وحزن ووحدة و فرحة و دموووووووووووع كتيرة قوى و رجاء فى ربنا انه مش هيسيبنى لوحدى

أد إيه عدت عليا مواقف كنت بحس إن خلاص مافيش مخرج و انا لوحدى و ماحدش هيسندنى و جوزى فى قارة تانية...

وفى وسط كل الحيرة دى كنت ابص للسما و اقوله يا رب انت اتصرف...خلصت كل حيلى..

وهو كان بيتصرف

لو هقيم تجربة الهجرة اللى يعتبر ما نجحتش فيها لحد اللحظة دى و الله اعلم ايه اللى مخبيه المستقبل ...هقول إنى قربت من ربنا قوى... آه ما بقتش قديسة!!!...بس عرفت حجمى الحقيقى...

انا ولا حاجة...وان كنت حققت اى نجاح فى اى مرحلة من حياتى فده بفضله و رزقه و نعمته مش شطارة ولا ذكاء منى

مشكلة الواحد انه بينسى انه مجرد عبد و انا ربنا هو اللى بايده كل شىء,,

وانا بكتب لكم دلوقتى برضه فى حالة ترقب و انتظار لحاجة مهمة فى مستقبلى ...و كل اللى اقدر أقوله يا رب انت اتصرف...حيلى خلصت و رميت تكالى عليك...أختر انت يا رب الطريق و دلنى عليه

دعواتكم جميعا - ده يعنى لو فيه حد أساسا بيقرا- دعواتكم بالتوفيق و إن ربنا يختار الصالح...

و أسيبكم مع الأغنية دى ...ركزوا فى كلماتها لأنها مؤثرة و معبرة جداhttp://www.youtube.com/watch?v=Rkkw8RhH9ck

الأخت الفاضلة سوسو/

مُش عارف واضح من كلامك إنك فى مرحلة مُفترق طُرق ووقت هام بالنسبة ليكى

طبعاً أتمنى لكى التوفيق وربنا ييسر لك أمورك ويهديكى للقرار السليم والسديد.

بالنسبة للتوبك الى حضرتك تقترحية & أظن من وجة نظرى الخاصة إن أى كلام حضرتك تكتبية يلقى أذان كثيرة مُصغية لة لما فى تجربتك الشخصية من فائدة كبيرة لكثير من الأخوة الأفاضل فى المحاورات & توكلى على الله .

ربنا يوفقك ويكرمك

[عبير يونس]

اشتقت لحضراتكم جميعا

أبكيتيني بحرقة يا سوسو و خلليتيني انهنه بصوت عالي و أنا بأقرأ كلامك

ردي عليكي امبارح كان من غير ما أقرأ لك هنا

و كأني كنت حاسة بيكي و انا بأدعيلك إن ربنا يصلح أحوالك و يسعد قلبك

ليه بتقييمي تجربتك بعد سنتين بس؟؟

لسه الطريق طويل يا حبيبتي

اوعي تزهقي في النص

حلو إيمانك بربنا

قربي منه أكتر يا سوسو

اوعي تسيبيه

اللي جاي أحلى أكيد و الله

بس شوية صبر

و بلاش احباط

الغيه من قاموسك للأبد

خليكي دايما معانا هنا

التواصل مهم فوق ما تتصوري

قلوبنا معاكي يا حبيبتي

و ربنا يهون عليكي

آمين

[عبير يونس]

دعاء حبيبتي

وحشتيني جدا جدا جدا

الحمد لله انك بخير

د.تهامي

مش حأقول وحشتني

أنا مخاصماك أصلا

:sad:

[SoSo R]

[

دكتورة...

طبعا حضرتك ما تعرفينيش (أول مرة أكلمك)

لكن حبيت أقوللك اني عاملة "تتبع" لموضوع حضرتك + 2 موضوع آخر فقط في المحاورات

دا ممكن يديلك احساس أد ايه في ناس عايزة تسمعلك ، ويمكن كمان يتفاعلوا معاكي

بالنسبة لـ " يوميات نائب فى الديسبنسرى" طبعا لو الكلام حيبأ متخصص أوي مش حيفيد غير الصيادلة..

لكن لو حضرتك مزجت فيه تجربتك الإنسانية كسيدة مصرية مهاجرة بدأت رحلة معادله وتواجه الحياة ومتطلباتها بشجاعة

فهذا ما سيفيد الجميع.. وفي النهاية القرار لحضرتك طبعا

وأقترح ان يتم هذا الموضوع داخل هذا التوبيك وليس في توبيك جديد

علشان الزخم يرجع تاني ، واللي مقرأش تجربتك قبل كده أو عضو جديد يستفيد بإجمالي التجربة

ويا سلام لو المشاركة تبقى بالتزامن مع المطاريد كمان

انتي ليكي جمهورك هنا وهناك :)

تحياتي

أميرة

أهلا مدام أميرة نورتى الموضوع...و يشرفنى إن حضرتك متتبعة الموضوع مع اتنين كمان بس...بالنسبة للموضوع اللى هابتدى فيه انا ماكنتش ناوية أفتح موضوع جديد ...كنت هاكمل هنا فعلا عشان الناس أكيد عايزة تعرف حكايتى على بعضها...وأوعدك إنها مش هتكون متخصصة قوى...بالعكس هتلاقيها مسلية بشدة.

انا حاولت افهم لكن مفهمتش حاجة (هو حضرتك عزلتى )على العموم كل ما يعمل يعمل للخير وان شاء الله اللى جاى احلى انا مثلا بالنسبة لظروفى الحالية مفيش قدامى غير الهجرة وتعبنا انا وزوجى لغاية ما عرفنا نقدم لكن حصل معانا شىء غير متوقع ومبيحصلش كتير وهو غلطة من السفارة معطلة الفايل لكن انا بحاول انى اطمن نفسى بان ربنا كبير وهيتصرف كله هيبقى تمام ان شاء الله ارجعى بس اكتبى باستمرار

ميرسى قوى على البوست اللى بالأنجليزى عجبنى جدا و غالبا هاحطه فى توقيعى...على فكرة أنا ما زعلتش ولا حاجة و بعدين المفروض إنك بتقريلى و عارفة إنى مش بزعل بسرعة...و بالنسبة لموضوعك أكيد ربنا هيتصرف...سيبى همك كله عليه

[SoSo R]

الأخت الفاضلة سوسو/

مُش عارف واضح من كلامك إنك فى مرحلة مُفترق طُرق ووقت هام بالنسبة ليكى

طبعاً أتمنى لكى التوفيق وربنا ييسر لك أمورك ويهديكى للقرار السليم والسديد.

بالنسبة للتوبك الى حضرتك تقترحية & أظن من وجة نظرى الخاصة إن أى كلام حضرتك تكتبية يلقى أذان كثيرة مُصغية لة لما فى تجربتك الشخصية من فائدة كبيرة لكثير من الأخوة الأفاضل فى المحاورات & توكلى على الله .

ربنا يوفقك ويكرمك

دكتور حازم..عاش من سمع صوتك..أنا ماكنتش أعرف إنى لما أرجع الحبايب كلهم هيرجعوا كدة...

متشكرة لتمنياتك ..أنا فعلا على مفترق طرق...بس القرار مش بإيدى..كله فى إيدين ربنا..وهو يختار الصالح.

وانا هاكمل الموضوع فى نفس المكا يا دكتور...وما تغيبش علينا تانى.

اشتقت لحضراتكم جميعا

أبكيتيني بحرقة يا سوسو و خلليتيني انهنه بصوت عالي و أنا بأقرأ كلامك

ردي عليكي امبارح كان من غير ما أقرأ لك هنا

و كأني كنت حاسة بيكي و انا بأدعيلك إن ربنا يصلح أحوالك و يسعد قلبك

ليه بتقييمي تجربتك بعد سنتين بس؟؟

لسه الطريق طويل يا حبيبتي

اوعي تزهقي في النص

حلو إيمانك بربنا

قربي منه أكتر يا سوسو

اوعي تسيبيه

اللي جاي أحلى أكيد و الله

بس شوية صبر

و بلاش احباط

الغيه من قاموسك للأبد

خليكي دايما معانا هنا

التواصل مهم فوق ما تتصوري

قلوبنا معاكي يا حبيبتي

و ربنا يهون عليكي

آمين

أولا مشاركتك دى أسعدتنى بأمانة..و خصوصا إنك مقاطعة باب كندا من زمان...ثانيا آسفة إنى أبكتيك بس معناها إنها وصلتك ..أصلى كنت باعيط و انا باكتبها:closedeyes:

دعواتك دايما يا حبيبتى...و انا كل ما الدنيا بتشد عليا أكتر بقرب من ربنا أكتر..هو أحن من كل البشر.

[SoSo R]

طيب خلونا نبتدى نتكلم ..و نعمل فلاش باك على فترة الأختفاء...

بعد ما نجحت بمعجزة فى إمتحان الأوسكى..والناس أبتدت تهنى و انا ما ظهرتش ولا حطيت منطق...طبعا قالولك دى عدت يا عم وما بقناش من مستواها...

الحقيقة ...و بما إنى أسمى الحيقيى سوسو قلق...

كان مسيطر عليا قلق رهيب...

طبعا هتستغربوا ...ما هى المعادلة خلصت و الأمتحانات خلصت..وكلها مسألة وقت...بس اللى ادركته مع الأيام إن اللى فات ده كله كوم واللى مخبياه الأيام كان كوم تانى خالص.

أول عقبة و اللى بسببها حطيت ستاتس فى البروفايل بتاعى وموجودة لحد دلوقتى...اتفضلوا اتفرجوا عليها....I am confused :( و كان السبب إنى مش عارفة هاعمل إيه فى موضوع البريسبتور؟؟

و البريسبتور هو عبارة عن الكفيل بتاع الخليج بالضبط...إن ما كانش ألعن...هو واحد صيدلى لازم يكون بقاله سنة على الأقل مرخص فى نفس الولاية ..ما عليهوش أى مشاكل أو عقوبات ..بيشتغل على الأقل 18 ساعة فى الأسبوع.

و فوق كل ده يوافق إنه هيدربك...و بيمضى على كدة قدام الكوليدج.

الكوليدج: هى أمنا الغولة بتاعة كل الصيادلة ما حدش بيحبهم..ما بيظهروش غير فى المصايب ...المفروض إنها زى النقابة..بس هما دورهم حماية البابليك...الشعب يعنى من الأشرار المفتريين اللى هما الصيادلة...و ده معناه إن اى حد عايز يشتكى صيدلى او صيدلية يكلم الكوليدج.

غير إن هما المسئولين عن إصدار التراخيص للصيادلة و بياخدوا كمية فلوس وهمية قبل و أثناء و بعد التدريب..

بالنسبة للبريسبتور...كان زمان يدربوا الناس و يدوهم مرتب معقول...بعدين بأه منيم ويدج...بعدين بأه ببلاش.

بعدين بأه ببلاش و مش سهل كمان حد يرضى إنه يدربك...ولازم معارف ووسايط...

مستقبلا هندفعلهم فلوس عشان يرضوا يدربونا بدون أجر.

كفاية عليكم و أشوفكم بعدين.سلام

[عبير يونس]

الأغنية دي عشانك يا سوسو

لبريتني

و كلماتها رائعة

هي المفروض من واحدة لحبيبها

بس مش عارفة ليه حسيت انها تنفع تبقى موجهة لينا من السعادة

شوفي كلماتها كده

و تخيلي أن السعادة اللي بتقولها لك

http://www.youtube.com/watch?v=t0bPrt69rag

You tell me you're in love with me

Like you can't take your pretty eyes away from me

It's not that I don't want to stay

But every time you come too close I move away

I wanna believe in everything that you say

'Cause it sounds so good

But if you really want me, move slow

There's things about me you just have to know

Sometimes I run

Sometimes I hide

Sometimes I'm scared of you

But all I really want is to hold you tight

Treat you right

Be with you day and night

Baby all I need is time

I don't wanna be so shy

Every time that I'm alone I wonder why

Hope that you will wait for me

You'll see that you're the only one for me

I wanna believe in everything that you say

'Cause it sounds so good

But if you really want me, move slow

There's things about me you just have to know

Sometimes I run

Sometimes I hide

Sometimes I'm scared of you

But all I really want is to hold you tight

Treat you right

Be with you day and night

Baby all I need is time

Just hang around and you'll see

There's nowhere I'd rather be

If you love me, trust in me

The way that I trust in you

Sometimes I run

Sometimes I hide

Sometimes I'm scared of you

But all I really want is to hold you tight

Treat you right

Be with you day and night

Baby all I need is time