أونتاريو ترحب بـ سوسو

[SoSo R]

مساء الأنوار ....005 سوسورانى سابقا تحييكم وبتقولكم

وحشتوووووووووووووووونى...أكتر حتى من أغنية وردة

عايزة أحكيلكم حاجات كتير قوى بس حاسة المفروض أجيب ضرف التوبيك دة ...لأنى مش منتظمة دى حاجة

تانى حاجة فوجئت بكم المواضيع اللى إتفتحت فى غيابى

كل دى ناس هاجرت!!!!!!!!!!!!!!

المهم هو كل الناس دى هتحكى إيه

طبعا السبب هو إن الناس أتهبلت بنجاح قهاوى 001 و 002 و 003

فقالوا إشمعنا إحنا ؟!!

وكدة أنا أتوقف حالى... :sad:

لأن الكلام هيتكرر وهتبقى حاجة مملة

إنى وايز ( على رأى واحدة صاحبتنا) wst::

هاحكى اللى باشوفه و خلاص

أنا عايزة أشكركم قوى على سؤالكم و دعاويكم ليا

ود

أنا أتأثرت قوى :wub: من كم المشاعر الجميلة الحقيقية...ربنا يخليكم ليا

أنا الفترة اللى فاتت ماكانش عندى نت فى البيت و كمان لحد بكرة ...بكرة هتتركب

أخدت اللاب توب ورحت عند ناس أصحابنا...بسبب أعراض إدمان المنتدى وعمرو دياب و قلت أتصعلك و أغلس شوية عليهم و أدخل أشوف إيه الأخبار؟؟

المهم مش عارفة أرد على الناس ولا أجاوب على الأسئلة ولا أحكى الأمتحان

الموضوع فلت من إيدى...محتاجة أعين سكريتير wst::

راجعة لحسن قلة الذوق إنى سايبة الناس و قاعدة على النت...هيطردونى غالبا

تحياتى

سوسورانى

[moheltohamy]

هل هلالك شهر مبارك يا سوسوراني :wub:

أنا ما صدقتش لما شفتك بتحضّري لمداخلة... متابعيييين wst::

ألفين حمد الله ع السلامة... إيه يا بنتي الغطسة اللي عملتيها دي؟! :wub:

طمنينا عليكي wst::

----------------------

إضافة بعد مداخلتك...

رأيك هيكون إثراء فكري للمنتدى. أنا فكّرت زيّك كده شوية ، بس رجعت وقلت مش هتتشابه الآراء أبداً بين شخصين مختلفين ، لا الآراء ، ولا المواقف والتجارب الشخصية ، ولا الفكر ولا الحكم على الأشياء.

حمد الله على سلامتك تاني ، وبانتظار كلامك ، ولو في الطريقة السوسورانية للف المحشي :sad:

تم تعديل 12 يوليو 2009 بواسطة moheltohamy

[MZohairy]

ظهر الملوك بين المشافق في الورى بازغة في ثواني

ها قد عادت اليكم بين السهول الوارفات سوسوراني

[SoSo R]

هل هلالك شهر مبارك يا سوسوراني :wub:

أنا ما صدقتش لما شفتك بتحضّري لمداخلة... متابعيييين wst::

ألفين حمد الله ع السلامة... إيه يا بنتي الغطسة اللي عملتيها دي؟! :blink:

طمنينا عليكي :wub:

دكتور تهامى

بذاته ونفسه بيرحب بيا!!!

متشكرة يا دكتور على ذوقك و على دعواتك اللى أرجو إنها تستمر لحد يوم 30 يوليو الساعة 12 ظهرا..هتتطلع النتيجة أونلاين....ربنا يسترها

أختك عكت...هاحكيلك بالتفصيل...بس أنا عند الناس دلوقتى

يوم 30 هافتح صفحة النتيجة و صفحة المنتدى

يا تنتن....يا تنتن :blink:

لو نجحت هتعرفوا معايا أونلاين wst::

لو لا قدر الله :sad:

:wub: مش عارفة رد الفعل هيكون عامل إيه؟!!!

تحياتى

سوسورانى

[SoSo R]

----------------------

إضافة بعد مداخلتك...

رأيك هيكون إثراء فكري للمنتدى. أنا فكّرت زيّك كده شوية ، بس رجعت وقلت مش هتتشابه الآراء أبداً بين شخصين مختلفين ، لا الآراء ، ولا المواقف والتجارب الشخصية ، ولا الفكر ولا الحكم على الأشياء.

حمد الله على سلامتك تاني ، وبانتظار كلامك ، ولو في الطريقة السوسورانية للف المحشي :wub:

يا رافع معنوياتى wst::

هى دى المزايا الأشرافية...برضه الكبير ........كبير

تحرير المداخلات بتاعتك و بتاعة التانيين...مدير بأة

قشطة يا ريسنا

أخبار الظرف إيه :wub:

تخن ولا لسه؟!!!

ولو إنى واخدة على خاطرى...هاقولك فى قهوتك

ظهر الملوك بين المشافق في الورى بازغة في ثواني

ها قد عادت اليكم بين السهول الوارفات سوسوراني

زهيرى باشا...

كنت حاسة إن فى حاجة ناقصانى...

طلعت إيه؟؟؟؟؟

طلعت إيه؟؟؟؟؟؟؟؟؟؟؟؟

الشعر الحلمنتيشى بتاعك wst:: :sad:

متشكرة على البيتين التمام دول

بيفكرونى بشوربة الكوارع

تحياتى

سوسورانى

[precanadian]

الف حمد لله على السلامه دكتوره سووسوراني

ان شاء الله نبارك لك بالنتيجه

اما القهاوي الجديده فالمنافسه هترفع من جوده الخدمه

ده غير ان كل قهوه وليها اسار في التحويجه .يعني عمر ما COSTA يكون زي لTim Hortons wst:: wst::

[ام محمد]

تحية من الاعماق لاختنا سوسوراني ....يارب تكوني بخير ويشفيلك ايدك وتكوني عملت كويس ف الامتحانات .....هي الامتحانات دي ورانا ورانا ...لامتى ,,امتحان مرور ...وبعدها معاهم .....وبوسة لبنوتك الامورة ....

[poulaemad]

الف حمد الله على السلامه ياسوسو وان شاء الله تكونى دايما بخير ايه الغيبه الطويله ده كلها

[SoSo R]

مساء الورد و الرياحين أخيرا النت دخلت بيت سوسورانى...مش هتصعلك على الناس تانى الحمدلله .....نفسى أزغرط :110: :110:

الف حمد لله على السلامه دكتوره سووسوراني

ان شاء الله نبارك لك بالنتيجه

اما القهاوي الجديده فالمنافسه هترفع من جوده الخدمه

ده غير ان كل قهوه وليها اسار في التحويجه .يعني عمر ما COSTA يكون زي لTim Hortons gra:- :waf:

دكتور بريكناديان...أخبارك إيه؟؟؟

الله يسلمك من كل شر...ربنا يسترها على النتيجة...إدعى كويس

بالنسبة للقهاوى...أهه كله بن :waf: ...مش هتفرق كتير

تحية من الاعماق لاختنا سوسوراني ....يارب تكوني بخير ويشفيلك ايدك وتكوني عملت كويس ف الامتحانات .....هي الامتحانات دي ورانا ورانا ...لامتى ,,امتحان مرور ...وبعدها معاهم .....وبوسة لبنوتك الامورة ....

متشكرة يا أم محمد...

الأمتحانات فى البلد دى مستمرة طول ما أنتى عايشة

دة اللى لمسته و شفته من ناس عايشة هنا

و البوسة وصلت...ميرسى

الف حمد الله على السلامه ياسوسو وان شاء الله تكونى دايما بخير ايه الغيبه الطويله ده كلها

شكرا ...الله يسلمك...بس هو الأسم يدى على ولد أو بنت ..و أنا مش عارفة الحقيقة... ممكن حد يغششنى؟؟ clp::

++++++++++++++++++++++++++++++++++++++++++++++++++++++++++++++++++

بالنسبة لأيدى نفسى أطلب من السادة المسئولين يسمحوا لى أنزل حلقات صوتية...بدل ما أكتب أسجل بصوتى :bsmal:

يا سلالالالالالالالالالا :aslam: م و عمرو دياب فى الخلفية !!!!

كدة يبقى عامل زى الحلقات اللى بتاعة الشعر اللى كانت بتيجى فى القناة الأولى زمان...

و أنت يا توأم الروح.....يا مهجة النفس :lol:

شوفتو حلقات عن الهجرة ...تبقى رومانسية كدة :wub:

تحياتى

سوسورانى

[MZohairy]

وامتى ناويه تروحي كندا ان شاء الله?

خلي بالك الجو هنا بيبرد

واوعي تضيعي ورق اللاندينج بعد الوصول

ربنا يجيب العواقب سليمه

[SoSo R]

وامتى ناويه تروحي كندا ان شاء الله?

خلي بالك الجو هنا بيبرد

واوعي تضيعي ورق اللاندينج بعد الوصول

ربنا يجيب العواقب سليمه

:bsmal: :aslam: :waf:

بصراحة أنا لسة مستلمة جواب الأبديت....عقبال ما يبعتوا لى الكشف الطبى

و يطلبوا الباسبورات clp::

دعواتك أنت بس gra:-

فكرتنى بحيبيبتى مدام سمية :waf:

تحياتى

سوسورانى

[bent misr]

الف حمدلله على سلامتك يا سوسو :waf:

والله كنا مفتقدين كلامك الجميل ده :bsmal:

نفسنا تحكيلنا عن المواقف الي بتمر عليكي هناك

و يومياتك زي ما وعدتينا بس نعمل ايه في موضوع

ايدك ده مش عاوزين برضوا نتقل عليها :aslam:

و ربنا ان شاء الله هيوفقك في الامتحان

بس يكونلي الحلاوه علشان أنا دعيت كتير clp::

[SoSo R]

الف حمدلله على سلامتك يا سوسو clp::

والله كنا مفتقدين كلامك الجميل ده :aslam:

نفسنا تحكيلنا عن المواقف الي بتمر عليكي هناك

و يومياتك زي ما وعدتينا بس نعمل ايه في موضوع

ايدك ده مش عاوزين برضوا نتقل عليها :waf:

و ربنا ان شاء الله هيوفقك في الامتحان

بس يكونلي الحلاوه علشان أنا دعيت كتير gra:-

ربنا يخليكى وما يحرمنيش من ذوقك...اليوميات موجودة بس القهاوى مقطعة على بعض

بالنسبة لأيدى ...بادور على واسطة فى المنتدى يكلم لى السادة المسئولين عشان أعملها كليبات صوتية :bsmal:

بس أنتى قولى يا رب

تحياتى

سوسورانى

[SoSo R]

مساء الأمتحانات....

ننزل بأى حاجة دلوقت عشان أنا مقضياها سلامات

الأمتحان كان على يومين من 9 ل 12.30

فى جامعة تورنتو...واللى طلعت زى بلد صغيرة ممتدة على أكتر من محطة صبواى إبتداء من محطة سان جورج اللى نزلت فيها و بدلت المترو لمحطة كوينز بارك

أول مبنى جنب المحطة هو مبنى صيدلة و بعدين مشى 5 دقايق لحد المبنى اللى فيه الأمتحان...اللى جنبه مبنى كلية تمريض

طبعا الجامعة عبارة عن مبانى متفرطة وسط الشارع عادى مش زى الحرم الجامعى بتاع جامعة القاهرة و متحوط بسور

85% من الموجودين كانوا مصريين

الأعمار من 22 سنة لحد واحد شاوروا لى عليه عنده 60 سنة ومعاه بى إتش دى...مش عارفة هيعادل ليه وهو قرب يتقاعد أصلا clp::

كانت معايا واحدة كندية لسة مخلصة فى جامعة أيرلندا و جاية تعادل و عرفتنى على أصحاب ليها مخلصين حالا من أيرلندا و إنجلترا

الناس دى فى منتهى الظرف و بيتصاحبوا بمنتهى البساطة و من غير كلكعة

أكتر واحد إتشتم هو مصبااااااااح و هنبقى نقول ليه...أصلهم خدوا معاه كورس قبل الأمتحان :wub:

أول يوم كان كويس ورفع معنوياتى...

قلت بقى الحياة إحلوت!!!

تانى يوم كان هباب و قطران...ودة اللى هيضيعنى :bsmal:

أنا مرعوبة :lol:

ماجاتش أى حاجة من الورق أو الكتب...كله حاجات فى الوهم

اللى مطمن الواحد شوية...إن كله قال نفس الكلام

يعنى مش أنا لوحدى gra:-

المهم ...

النتيجة يوم 30 يوليو الساعة 12 الضهر أونلاين

يعنى 7 مساءا بتوقيت مصر و السعودية...ربنا يسترها و نعرفها مع بعض على خير

كانوا الجماعة الكنديين بيقترحوا نتجمع عند حد و نشوفها مع بعض أونلاين.....

طبعا نوواى...

أنا ما عنديش أعصاب للكلام الفارغ دة

آخرى مكالمة تليفون أسأل الناس عملت إيه و دمتم

موقف طريف حصل و إحنا مروحين فى الصبواى...واحدة كانت فى الأمتحان بتسأل على محطة إجلينتون .....نورث ولا سوز

اللى هى مصرية و أنا عارفة كدة....بس عشان كنت باكلم البنت إنجليزى ...فافتكرتنى أجنبية أنا كمان...و بتكلمنى إنجليزى

أنا بأة سقت فيها و مكملة .....إشتغالات بأة!!!

حصلت معايا فى الطيارة مرة كنت رايحة من الكويت لدبى

و الراجل اللى جنبى كان كويتى و فاكرنى خواجية...ماعرفش السبب بس سبته براحته

وفرحان بأه بيكلم خواجية و أنتوا عارفين عقدة الخواجة عند العرب :aslam:

و يسألنى و يترجم لمراته اللى جنبه ماهو بقى الخبير اللغوى :waf:

أنا كان كل خوفى لحسن يشوف فردة الشبشب اللى معايا...قصدى الباسبور

وساعتها هيبقى شكلى وحشششششششششش :waf:

تحياتى

سوسورانى

[Nassarlink]

حمد الله علي السلامه يا د سوسوراني

وانشاء الله نتيجه الامتحان تكون تن تن الكويسه

المهم ايدك دلوقتي عامله ايه

انا بقترح عليكي بدل ما تتعبي ايدك او صوتك ممكن تصوري الاحداث بكاميرا وتنزليها

وكل واحد يفهم الصوره بالمعني اللي يريحه :bsmal:

[somayasaleh]

مساء الأمتحانات....

ننزل بأى حاجة دلوقت عشان أنا مقضياها سلامات

الأمتحان كان على يومين من 9 ل 12.30

فى جامعة تورنتو...واللى طلعت زى بلد صغيرة ممتدة على أكتر من محطة صبواى إبتداء من محطة سان جورج اللى نزلت فيها و بدلت المترو لمحطة كوينز بارك

أول مبنى جنب المحطة هو مبنى صيدلة و بعدين مشى 5 دقايق لحد المبنى اللى فيه الأمتحان...اللى جنبه مبنى كلية تمريض

طبعا الجامعة عبارة عن مبانى متفرطة وسط الشارع عادى مش زى الحرم الجامعى بتاع جامعة القاهرة و متحوط بسور

85% من الموجودين كانوا مصريين

الأعمار من 22 سنة لحد واحد شاوروا لى عليه عنده 60 سنة ومعاه بى إتش دى...مش عارفة هيعادل ليه وهو قرب يتقاعد أصلا smk:

كانت معايا واحدة كندية لسة مخلصة فى جامعة أيرلندا و جاية تعادل و عرفتنى على أصحاب ليها مخلصين حالا من أيرلندا و إنجلترا

الناس دى فى منتهى الظرف و بيتصاحبوا بمنتهى البساطة و من غير كلكعة

أكتر واحد إتشتم هو مصبااااااااح و هنبقى نقول ليه...أصلهم خدوا معاه كورس قبل الأمتحان wst::

أول يوم كان كويس ورفع معنوياتى...

قلت بقى الحياة إحلوت!!!

تانى يوم كان هباب و قطران...ودة اللى هيضيعنى :rolleyes:

أنا مرعوبة :sad:

ماجاتش أى حاجة من الورق أو الكتب...كله حاجات فى الوهم

اللى مطمن الواحد شوية...إن كله قال نفس الكلام

يعنى مش أنا لوحدى :blink:

المهم ...

النتيجة يوم 30 يوليو الساعة 12 الضهر أونلاين

يعنى 7 مساءا بتوقيت مصر و السعودية...ربنا يسترها و نعرفها مع بعض على خير

كانوا الجماعة الكنديين بيقترحوا نتجمع عند حد و نشوفها مع بعض أونلاين.....

طبعا نوواى...

أنا ما عنديش أعصاب للكلام الفارغ دة

آخرى مكالمة تليفون أسأل الناس عملت إيه و دمتم

موقف طريف حصل و إحنا مروحين فى الصبواى...واحدة كانت فى الأمتحان بتسأل على محطة إجلينتون .....نورث ولا سوز

اللى هى مصرية و أنا عارفة كدة....بس عشان كنت باكلم البنت إنجليزى ...فافتكرتنى أجنبية أنا كمان...و بتكلمنى إنجليزى

أنا بأة سقت فيها و مكملة .....إشتغالات بأة!!!

حصلت معايا فى الطيارة مرة كنت رايحة من الكويت لدبى

و الراجل اللى جنبى كان كويتى و فاكرنى خواجية...ماعرفش السبب بس سبته براحته

وفرحان بأه بيكلم خواجية و أنتوا عارفين عقدة الخواجة عند العرب :lol:

و يسألنى و يترجم لمراته اللى جنبه ماهو بقى الخبير اللغوى :lol:

أنا كان كل خوفى لحسن يشوف فردة الشبشب اللى معايا...قصدى الباسبور

وساعتها هيبقى شكلى وحشششششششششش wst::

تحياتى

سوسورانى

الحمد لله يا دكتورة سوسو يا ختي

اخيرا ظهوتي.....ان شاء الله نبارك لك يوم 30 علي النتيجة.... وترفعي راس المصريين في كندا

نورتي بيتك يا شابة :lol:

تم تعديل 14 يوليو 2009 بواسطة somayasaleh

[pink rose]

ربنا معاكي يا سوسو و ان شاء الله نباركلك يوم 30 و نعملك حفلة كمان و تورت و جاتوهات(اهم حاجه)

موتيني من الضحك على فردة الشبشب دي و الاخ الخبير -_-

[safaalabana]

الفاضله د سوسو.....

يارب نبارك لك يوم 30

يا ترى ممكن نعرف الكتب اللى زاكرتى منها.....وهل هناك كتب اخرى ....و جزاك الله خيرا

[poulaemad]

بالتوفيق ان شاء الله وخلى دايما الموضوع ده فى بالك نفس الكسلان تشتهى ولاتحصد شيئا اما نفس المجتهد تسمن

تحياتى لك واكيد حنبارك يوم 30 ان شاء الله

[SoSo R]

حمد الله علي السلامه يا د سوسوراني

وانشاء الله نتيجه الامتحان تكون تن تن الكويسه

المهم ايدك دلوقتي عامله ايه

انا بقترح عليكي بدل ما تتعبي ايدك او صوتك ممكن تصوري الاحداث بكاميرا وتنزليها

وكل واحد يفهم الصوره بالمعني اللي يريحه :D

الله يسلمك يا أستاذ نصار...بس أنت كدة عايز تقطع عليا

يعنى لما أحط صور ...مين اللى هيعلق و هيحكى؟؟؟

و بعدين فيه حاجات ما ينفعش تتصور

الحمد لله يا دكتورة سوسو يا ختي

اخيرا ظهوتي.....ان شاء الله نبارك لك يوم 30 علي النتيجة.... وترفعي راس المصريين في كندا

نورتي بيتك يا شابة :ninja:

إزيك يا جميل ..أخيرا ظهرتى!!!

منور بيكى يا سكيننة :ninja:

ربنا معاكي يا سوسو و ان شاء الله نباركلك يوم 30 و نعملك حفلة كمان و تورت و جاتوهات(اهم حاجه)

موتيني من الضحك على فردة الشبشب دي و الاخ الخبير :)

ريمو....عاملة إيه و مريم أخبارها إيه؟؟

أول مرة أشوفك فى المنطقة بتاعة الهجرة!!!

أنتى ناوية...ولا فرجة بس؟؟!!!

أفصحى بسرعة

الفاضله د سوسو.....

يارب نبارك لك يوم 30

يا ترى ممكن نعرف الكتب اللى زاكرتى منها.....وهل هناك كتب اخرى ....و جزاك الله خيرا

أنا صيدلانية يا دكتورة صفاء مش طبيبة

إرجعى لموضوع دكتور هشام فيه كل التفاصيل عن المعادلة

بالتوفيق ان شاء الله وخلى دايما الموضوع ده فى بالك نفس الكسلان تشتهى ولاتحصد شيئا اما نفس المجتهد تسمن

تحياتى لك واكيد حنبارك يوم 30 ان شاء الله rs:

يارب...يسمع منك و يعدى اليوم دة على خير

ويوم 20 يوليو كمان يعدى على خير

والحكمة دى جميلة جدا و فى الصميم

بس أنا ما عرفتش برضه حضرتك ميل ولا فيميل؟؟

تحياتى

سوسورانى