ياكاس العالم

[ahmadmosa]

*ياكاس العالم معاندنا ليه؟ -كل منقرب تبعدنا ليه؟

*في 2008 قلنا تمام -وبعد 2008 علينا السلام

*فرق بتوصل كل مونديال -واحنا مكانا ماشيين زي الافيال

*لاعب بقة كل همه الاحتراف -والتاني بحكم سنه بيكتفي بالإشراف

*ياناس يامحترمة دي سمعة مصر -فكروا فيها وبلاش الفيلا والقصر

*حسن شحاتة يامعلم -إلحق رجالتك إلي إبتدت تبلم

*الي يحب مصر نشيله في عنينا -والي بيحب نفسه مكانه رجلينا

*قلنا هنكسب زامبيا على ارضنا -الكل اكتفى بالتعادل ونفضلنا

*وماتش الجزاير واه م الجزاير -مكنتش ناقصة تزيد الخساير

*رحنا ودعينا وكلنا أمل -رجعنا اشتكينا وبقة عندنا ملل

*واصوات تنادي تعالى ياميدو -ياعم والله مامنه هتستفيدوا

*لاعب افريقيا بيسافر يتبني -واللاعب المصري بيروح ينحني

*بقالنا سنين بنادي ونقول -اللاعب المصري دة ضراب طبول

*بيهيص وينفخ صدره على طول -ويعقد مؤتمرات ويقول غيري المسؤل

*واحلى مافي الفرقة الجماعة المحترفين -مجرد مايسافروا بيبقوا مترفين

*وتبقى المادة هي الاساس -وشعبك يامصر هيفضل محتاس

*وكاس القارات احنا فيه موجودين -والحسرة هتلازمنا ليوم الدين

*حرام عليكم الي بتعملوه -منتوش قد العلم خلاص سيبوه.