ماذا بعد مبارك

[dawn walker]

مبارك لو اعلن مصر مملكة مرة اخرى سيوافق الشعب

واذا رشح ابنه للرئاسة فالشعب سينتخبه

وسينجح فى اى انتخابات شبه ديموقراطية

انا شفت بعينى الانتخابات الرئاسية الماضية ناس جمعها هتيفة الحزب الوطنى (وهؤلاء الناس من اكثر المتضررين من سياسات النظام الاقتصادية ) وانتخبوا حسنى ..

مرددين عن قناعة المفولة البايخة اللى نعرفه احسن من اللى مان عرفوش

وعن نفسى انتخبت ايمن نور ..ولو رشح نفسه سانتخبه مرة اخرى (ان شاء الله )

[sherifhfm]

على فكرة لو حصلت انتخابات نزيهه فى مصر بدون تدخل الشرطة برده حسنى مبارك او ابنه حيفوز فى الانتخابات

لان لوبى المنتفعيين من وجود هذا النظام ناس واصله وحتقف وراه بكل ما تملك من مال وقوة .

:happy:

[شرف الدين]

بسم الله الرحمن الرحيم

جميع الأسماء المذكورة تصلح للحكم ... كل شخص مثقف ومتعلم تعليم عالي ... وقضى بعض الوقت في مزاولة النشاط السياسي يستطيع الحكم ... الحكم ليس مسألة عويصة كما يتخيل البعض .. العويص بحق هو كيفية المحافظة على الحكم .. وهو ما نجح فيه مبارك بامتياز طول هذه السنين ...

المفروض أنه في البلاد المتقدمة الحاكم ليس آلهة لا يجري أي شي إلا بدونه ... المفترض أن هناك فريق ... وقائد هذا الفريق هو الحاكم ... وفقط على الحاكم أن يحسن اختيار أعضاء الفريق ... وحينها ستكون الأمور بسيطة وسهلة جدا .. مثل الأخ سهل جدا ...

المسألة ليست فيمن يصلح لتولي الحكم بعد مبارك ... وإنما في كيفية وصول هذا الشخص للحكم .. فلا انتخابات ... ولا نقابات ولا هيئات ولا أي شيء في بلدنا له قدرة فاعلة على إحداث أي تغيير سياسي سوى القوات المسلحة ... والانقلابات العسكرية أمر مرفوض تماما... وهو أساسا لن يحدث .. لأن القوات المسلحة كما قلنا تدين بالولاء للقائد الأعلى ...

المعضلة هي كيفية حدوث التغيير .. وليست فيمن سيأتي به التغيير ؟؟؟!!!

والسلام عليكم ورحمة الله وبركاته

[SAW]

أرجو ألا ينخدع أحد بحملات تشويه و تلطيخ سمعة أيمن نور لأن الأمر شبيه بتلويث سمعة الملك فاروق بعد الإنقلاب على حكمه - و أنا شخصيا كل كلمة يقولها الإعلام المصري الرسمي أصدق عكسها تماما و أفكر في نقيضها - و لا يجب أن يقول أحد و إحنا مالنا أو هيطبخوها أو السيناريو جاهز - كفاية 28 سنة خراب و ضياع - 28 سنة من عمر بلد زمن طويل جدا - 28 سنة من عمر على الأقل 100 مليون مواطن عاشوا و ماتوا خلال الفترة دي يعني 2 مليار و 800 مليون سنة من عمر المصريين اللي عاشوا و ماتوا خلال الفترة دي - مش ممكن اللي بنعمله في نفسنا ده - أرفض الننوس جمال بشدة و يجب محاكمة عائلة مبارك بكاملها و كنسها من السلطة - إذا كان في البعض فرط في مستقبله فلا تفرط في مستقبل أبنائك بوضعه في أياد لا تعرف إلا النهب و التخريب.

تم تعديل 14 يونيو 2009 بواسطة SAW

[esocial]

ما بعد مبارك دون تردد وبأختصار

عائلة مبارك ستستمر وتتوغل وتنتشر وتستمر وتستمر وتستمر

[واثق الخطوة]

بعد مبارك ..

جمال مبارك

إلا إذا ثار الجيش

في ثورة ستشبه ثورة 23 يوليو .. بالضبط

[mamdowh]

انا ارشح عادل امام راجل مش ممثل وبس ده خبره وفاهم كل حاجه ............... انتخبوه. والا اقول لكم خللوه

[tarek hassan]

ألم يحن الوقت الأن

لأن يتم تعيين أو انتخاب نائب رئيس جمهورية محدش ضامن عمره فمتوسط أعمار الأمة بين الستين والسبعين

هل يمكن تذكير الرئيس بذلك ؟

هل يضمن الرئيس مبارك عدم حدوث فوضى من بعده ؟

بسبب

المتأهبون للتوريث

أوالمتأهبون لمنعه

أو الطامعون في الحكم من غير آل مبارك

أو غير ذلك مما لا يعلمه إلا الله

والرئيس حريص على المصريين كلهم من الفوضى

وشكرا للسيد الرئيس على دعمه لمحدودي الدخل

ويجعله عامر

[SAW]

اللي بيقول عمرو موسي : عمرو موسي ممكن يدخلنا في حرب تاني يوم لأنه عصبي

واللي بيقول أيمن نور : أيمن نور هيودينا في داهية بأفكاره وبعدين القصة الأخيرة بتاعة وشه والدكتورة اللي طلعت تقول إنه حرق سطحي من السشوار يقلق

واللي بقول أسامة الغزالي : مين أسامة الغزالي ده ..... أنا بجد ماعرفوش

1- عمرو موسى ليس عصبي و لكنه رجل وطني مخلص غيور يحب بلده و يتمتع بكثير من الإتزان و الحكمة.

2- أيمن نور رجل وطني يكره الظلم و الإحتكار و بعدين فين أفكاره اللي هتودينا في دهية - يا ترى بيبيع غاز مدعم لإسرائيل - و لا سايب البلد في ايد ولاده و سوية عيال اصحابهم يلعبوا بيها - و لا سمم الملايين و سرطنهم و لا موزع البلد على قرايبه و حبايبه و لا بيكرر اسطوانة محدودي الدخل محدودي الدخل و بعد كده تلاقي الضرايب و القوانين نازله على محدودي الدخل - و لا بيحمي الحرامية و اللصوص و بيرقيهم و يعينهم في أعلى المناصب - ثم يعني حكاية شعره!!! هو الشعر يفرق اوي مع الرئيس!!

3- أسامة الغزالي حرب:رئيس حزب الجبهة الديمقراطية الليبرالي المصري الذي تم الموافقة على تأسيسه مؤخرا. وكان عضوا بأمانة السياسات بالحزب الوطني الديمقراطي الحاكم في مصر قبل أن يستقيل اعتراضا على سياسات الحزب وتباطؤ خطوات الإصلاح. وهو عضو بمجلس الشورى بالتعيين. رئيس تحرير مجلة (السياسة الدولية) المصرية، وعضو مجلس شورى ومستشار بمركز الأهرام للدراسات السياسية والاستراتيجية، ويعمل أستاذا غير متفرغ للعلوم السياسية بجامعة قناة السويس وعدد من المؤسسات الأكاديمية الأخرى، حاصل على دكتوراه في فلسفة العلوم السياسية عام 1985من جامعة القاهرة، ألف وشارك في تأليف عدد من الكتب منها (الاستراتيجية الإسرائيلية والمقاومة فى الأرض المحتلة )، و(مستقبل الصراع العربي الإسرائيلي)، و(الإرهاب والثورة فى العالم الثالث)، و(الأحزاب السياسية في العالم الثالث).

المهم إن الثلاثة دول هم أبرز وجوه التيار الليبرالي في مصر الذي سيؤدي دور كبير في المرحلة القادمة.

[سكر]

وماذا عن البرادعى

خبرة وعلاقات دولية وصاحب مشروع علمى

وله صولات وجولات فى كل انحاء العالم

[Egypt]

انتم بتتكلموا فى موضوع من الاساس خاطئ

السؤال ماذا بعد مبارك؟

واين سيذهب مبارك حتى نسال من بعده؟

اجبنى عن هذا السؤال اجيبك عن السؤال الاول

هل تستبعد ان يمد الله فى عمر الرئيس الى 140 سنه

وهو الان 80 سنه

يعنى لسه باقى 60 سنه لما نفكر مين بعد مبارك

اظن لسه بدرى اوى على الكلام ده

[elshafey]

اللي بيقول عمرو موسي : عمرو موسي ممكن يدخلنا في حرب تاني يوم لأنه عصبي

واللي بيقول أيمن نور : أيمن نور هيودينا في داهية بأفكاره وبعدين القصة الأخيرة بتاعة وشه والدكتورة اللي طلعت تقول إنه حرق سطحي من السشوار يقلق

واللي بقول أسامة الغزالي : مين أسامة الغزالي ده ..... أنا بجد ماعرفوش

2- أيمن نور رجل وطني يكره الظلم و الإحتكار و بعدين فين أفكاره اللي هتودينا في دهية - يا ترى بيبيع غاز مدعم لإسرائيل - و لا سايب البلد في ايد ولاده و سوية عيال اصحابهم يلعبوا بيها - و لا سمم الملايين و سرطنهم و لا موزع البلد على قرايبه و حبايبه و لا بيكرر اسطوانة محدودي الدخل محدودي الدخل و بعد كده تلاقي الضرايب و القوانين نازله على محدودي الدخل - و لا بيحمي الحرامية و اللصوص و بيرقيهم و يعينهم في أعلى المناصب - ثم يعني حكاية شعره!!! هو الشعر يفرق اوي مع الرئيس!!

.

يا أنا ما قصدتش إنه بشعر ولا من غير شعر

انا قصدي إنه قال إن حد رمي علي وشه مادة حارقة وإن وشه إتشوه

وبعدين طلعت دكتورة بتقول إنه ايمن نور راح لها عشان وشه حصل له إحمرار نتيجة تعرضه لهواء السشوار

ولو الكلام ده صحيح يبقي هو بيحاول يعمل نفسه بطل وده نوع من أنواع الاحتيال

يبقي ده ينفع رئيس

[sayed_ossman]

مين دة اللى بيقول ان جمال قرف من السياسة ومش هيرشح نفسه يا عم الله يرحمنا منكم هو حد وده البلد دى فى تراجع دايما غير البنكر وحاشيته اللى ما يعلم بيهم الا الله وعايزين يتحطو فى death capsule والهم مدام نظيفه اللى وديت ثروات القطاع العام فى كروش لعيبة البلاك جاك

[esocial]

انتم بتتكلموا فى موضوع من الاساس خاطئ

السؤال ماذا بعد مبارك؟

واين سيذهب مبارك حتى نسال من بعده؟

اجبنى عن هذا السؤال اجيبك عن السؤال الاول

هل تستبعد ان يمد الله فى عمر الرئيس الى 140 سنه

وهو الان 80 سنه

يعنى لسه باقى 60 سنه لما نفكر مين بعد مبارك

اظن لسه بدرى اوى على الكلام ده

والله عندك حق يعنى حتى لو قلنا انه هيقعد كمان 15 او 20 سنة شوف بقى حلنى على ما يعدوا يكون اللى لسة بيرضع بقى شباب واللى شباب عجز واللى عجز مات واللى مات مات عليه العوض سيبوها لله مادام مفيش حل اخر وفى الأول والأخر كله على الله .