عالم مفاتيح مفاتيح مفاتيح

[se_ Elsyed]

هذه هي بعض مفاتيح قلب المرأة التى يجب أن يعرفها الرجال وينفذوها

وأنا أقول سرقات الشقق زادت ليه اتاري كل واحد شايل لي كبشة مفاتيح وتيجي تسأله أيه دول يا عم يقولك دول مفاتيح قلب المرأة اما المفتاح الكبير ده فمفتاح إنجليزي علشان إذا المفتاح بتاع القلب مافتحش نضطر نطفشه بالمفتاح الإنجليزي

1-الإصغاء‏‏

طب ماهو كده يا ست فرح الواحد مش هايلاقي ودنه دول مابيصدقوا يستلموا ودن الواحد وهاتك يا أكل ...

2-التأييد

جميع أفراد عائلات الشبوكشي تؤيد الحاجه زهره في الترشيح للمجلس المحلي ..

3-الاعجاب‏‏

أهو ده مفتاح حلو .. وعلى الأقل يرجع الواحد لأيام المراهقة لما كان بيعاكس بنت الجيران وهي بتنفض الكليم في البلكونة وكان يبدي أعجابه بطريقه التنفيض العجيبة .

4-الاهتمام‏‏

ماحدش يقدر يقول حاجة في المفتاح النضيف ده .

5-ادفع بها للأمام‏‏

أهو المفتاح ده اللي ممكن يودي الواحد أبو زعبل ... لأنه عايز شرح .. يعني الواحد يخلي مراته واقفه في البلكونه وييجي مسهيها وهوب يقوم دافعها إلى الامام ... والسبب مين مفاتيح الست فرح اليوم

6-افخر بها‏‏

حاضر ده مفتاح سهل .. وزي الواحد ما بيفخر بنسبه وأصله وفصله هانفخر بالزوجه كمان بجملت هو يعني الفخر بفلوس ..

حد بقى يشوفلي مديلية فاضية علشان الميدالية اللي ست أمينة مديهاني هدية مش هاتكفي كل المفاتيح دي .

[mnman]

سي السيد نسيت حاجة مهمة في التعامل مع المرأة... إلا وهي:

الصبر ... ودة بقة مفتاح الفرج....

[Farah]

س س

تصدق بالله انا من ساعة مكتبت الموضوع وانا عارفه ان الرد بتاعك حيكون عسل بس بجد متخيلتش انه حيكون بالجمال ده

بس يارب يخليك بلاش المفتاح الانجليزى ده

وبعدين اتكل على الله واسخدم كل المفاتيح اول ام عمر متيجى عشان اخد دعوتين منها على رمضان

اما بالنسبه للمديليه فدى سيبها على

س س كتب

أهو المفتاح ده اللي ممكن يودي الواحد أبو زعبل ... لأنه عايز شرح .. يعني الواحد يخلي مراته واقفه في البلكونه وييجي مسهيها وهوب يقوم دافعها إلى الامام ... والسبب مين مفاتيح الست فرح اليوم 

ايه ياس س هو انا جبت سيرة البلكونه هو انت متلكك

خلاص بلاش من المفتاح ده؛؛؛؛ بناقص

mnman كتب

الصبر ... ودة بقة مفتاح الفرج

....

على فكره ده اهم مفتاح لو مش معاك مش حتعرف تستخدم الباقى

[إبن مصر]

الموضوع جميل ولى سؤال...

هل استخدام هذه المفاتيح سيؤدى بالتبعيه انى افقد مفاتيح البيت والعربيه ومش بعيد الخزنه؟؟؟

سؤال اخر هلى عدم استخدامها يؤدى الى ان اتعامل بشده وبعنف من قبل المرأه بواسطه

مفتاع 18 بتاع الانبوبه .. وشكرا

سعيد ابادير

مدرسه الليسيه للصنايع

[حشيش]

أقصر الطرق إلى قلب المرأة:

المرأة تحب الرجل:

1- الجرئ

عندما تراها تعبر الطريق إندفع تجاهها بسيارتك بأقصى سرعة وتوقف قبلها بسنتيمترات قليلة بفرملة قوية جداً (لا عليك إن ماتت من الخضة...المهم أن تكسب قلبها)...

2-الشجاع

ادعوها إلى نزهة بحديقة الحيوان...وعند قفص الأسود قم بمغافلة الحارس واقفز داخل القفص وإنتزع بعضاً من وجبة اللحم المقدمة إلى الأسد ولفهلها فى ورقة وقول لها برقة (خلى إمك تعمل لنا شوية اللحمة دول على الغدا النهاردة)...

3- العنيف

تعلم الكاراتيه أو الكنغ فو فى معسكر مغلق بالصين لمدة ثلاثة أعوام...وعند عودتك إذهب مباشرةً من المطار إلى بيتها وإطرق الباب بعنف وعندما تقم هى بفتح الباب إطلق صيحة مدوية (هاااااااااااااااا) وبرشاقة وجه لها شلوت شديد فى رأسها ثم إنهال على بطنها ووجهها بضربات خطافية متلاحقة.....

[DARWEEN]

جرى أيه ياشباب ... مالكم ماسكين للبناتيت عالواحده ليه

بتقولكم مفاتيح وأقفال ... قولولها ماشي وخلاص أنتوا دافعين حاجه من جيبكم .....

ياساتر عليكم ..... لأ بجد بجد أنتوا ولاد وحشين خالص

ولا يهمك منهم يافرح ... أنا معاكي وسيبك من العيال دول

س وغلاوتك ... كل المفاتيح اللي قلتي عليها دي مصديه ألاقيش عنك شوية جاز نلين بيهم الكالون

(وش واحد سمكري كوالين )

[Handicraft]

طيب يا جماعة انتوا ناسين الماستر كيز

الحب

والعطف

والحنو

والتسامح

"زوجتى لتحمل لكى كل نسمات الهواء كمة احبك بكل ما تحوى من معانى ... امضاء زوجك"

[فــيــروز]

طيب يا جماعة انتوا ناسين الماستر كيز

الحب

والعطف

والحنو

والتسامح

"زوجتى لتحمل لكى كل نسمات الهواء كمة احبك بكل ما تحوى من معانى ... امضاء زوجك"

اهى دى لفته كويسه اوى منك يا هاندى لفته لفته لفته هه بقى