كأس العالم للقارات

[شرف الدين]

ربنا ينتقم منك يا حضري انت وجمعة

كسرتوا فرحتنا

اتنين واحد للبرازيل

تم تعديل 15 يونيو 2009 بواسطة شرف الدين

[شرف الدين]

تلاتة واحد

أخطاء دفاعية متكررة

[الترجمـان]

والله يا جماعه على فرق الامكانيات الكبير الولاد عاملين ماتش حلو ...

المشكله الكبيرة كالعاده تكن في خط الدفاع ماعدا "اوكا" ..

نفسي حسن شحاته يرضى عن حمص وينزله بدل محمد شوقي ...

وانشاء الله كاس القارات هتبقى فاتحة خير بس يشغل الإحتياط معاه ومايعملش زي جوزيه ويكرر خطيئته مع دكة البدلاء ..

وبالتوفيق :closedeyes:

[Alrefaey]

جوووووون 3 :3 التعادل

[Alrefaey]

انتهت المبارة 4-3 لصالح البرازييل بعد اداء مشرف ورائع للمنتخب المصرى

[شرف الدين]

خساررررررررررررة كبيرة

لكن الحمد لله على كل شيء

مهما كان النتيجة تعتبر مشرفة

[مسافر زاده الخيال]

امام البرازيل هذا انجاز كبير.................ززلم يسجل اي منتخب حتى الارجنتين هدفين في دقيقه على البرازيل الا مصر

[mandoo]

اللى يشوف كلامكم قبل الماتش نفسه تتسد ويجيلوا ضغط وسكر وعشى ليلى من غير مايتفرج على المباراة :closedeyes: وأقل المتشائمين كان متوقع نشيل أربعة أهداف مع الرأفة لكن بالعند فيكم عملوها الرجالة وخسرنا بشرف وأعتقد ظهر معدن المواطن المصرى وقت الشدة وبكده نقدر نقول ماتش الجزائر مش مقياس العيب كان من أكلة الكسكسى ويارب الماتش القادم نلعب بنفس الآداء وإن شاء الله ربنا يكرمنا ومش بعيد ناخد الكأس أو أضعف الإيمان نكون من الأربعة الكبار .

[الحازم حسن]

الف مبروك الاداء والنتيجة كمان

كحرتنا البرازيل والصعود لكأس العالم الىن ممكن جداً بعد عودة الروح للمنتخب

مصر الشجاعة - من موقع الفيفا

[pink rose]

مبروك و الله نتيجة كويسة جدا طبعا دي البرازيل مش اي حد

ربنا يكرم في باقي المباريات

هو الماتشات بتتذاع على انهى قناة الله يعزكم؟

[elshafey]

لجنة خبراء الفيفا : زيدان أحسن لاعب في المباراة

تفتكروا كاكا أبو 65 مليون كان فين

http://www.fifa.com/confederationscup/news...hamed+zidan+egy

[elshafey]

إحصائيات المباراة من موقع الفيفا

[محمد افندى]

اداء رائع وجميل للمنتخب المصرى والف مبروك على النتيجة المشرفة دى بغض النظر عن الهزيمة وان شاء الله تتعوض فى المباراة الجاية

[Abu Reem]

لجنة خبراء الفيفا : زيدان أحسن لاعب في المباراة

تفتكروا كاكا أبو 65 مليون كان فين

http://www.fifa.com/confederationscup/news...hamed+zidan+egy

مش عارف ليه دايما منحوسين ، يعني نقع اساسا في المجموعة لصعبة ، وحتى في تصفيات كاس العالم مجموعة رخمة ، وكل كورة في ماتش البرازيل تتسدد على مرمانا تدخل وتكون مركونة في مكان صعب رغم ان كورة حسنى عبد ربه في اخر الشوط الاول اللي حطها براسه تطلع فوق العارضة رغم ان هدف البرازيل الثالث كانت نفس اللعبة ، وضربةجزاء في اخر دقيقة ،

على العموم اول مرة اشوف البرازيل تتمسخر ، ونفسي بس يشيل هاني السعيد نقطة ضعفنا الكبرى والمتسبب الاول كالعادة في جميع المباريات في خسارتنا.

[الترجمـان]

مش هقول مبروك لإن إحنا خسرنا...

في الوقت اللي كان ممكن فيه نكسب ...بس شوفوا حكمة ربنا ...

ضربة جزاء صحيحه في آخر دقيقة تحتسب للبرازيل وتتشاط في نفس الزاويه اللي اترمى عليها الحضري وتدخل ..

الحمدلله على على الأداء لإن فعلا الروح رجعت تاني للعيبه مع تحفظي على سوء إختيار حسن شحاته لبعض اللاعبين وهم محمد شوقي وهاني سعيد ...

والحمدلله على النتيجه لإن لو مصر كانت فازت على البرازيل ( كان ممكن جدا )كنت اتوقع أنها تنقلب بنتيجه عكسية على الحالة النفسية وتركيز الفرقة دا غير النفـخ الإعلامي المتوقع للعيبه على أثر ذلك من النشوة والغرور اللي ممكن يصيبهم ويأثر عليهم في مشوار تصفيات كأس العالم..

[se_ Elsyed]

مش عارف اوصف شعوري

كنت اشاهد المباراة انا وصديقي هاندي كرافت في النادي الرياضي اللي مشتركين فيه

ويكفي ان اقول ان الشباب السعوديين اللي كانوا بيتفرجوا معانا كانوا متحمسين اكثر مننا

وفعلاً شيء مُشرف

بس اللي يزعل

ان يبقى ماتش سهل زي زامبيا مثلا ونتعادل

او الجزائر المفككة ونخسر

ليه ما ناخدش الامور بحرفية واتقان صنعه اكتر من كده

[elshafey]

مصر تحتج رسمياً علي ضربة الجزاء

[medopharm]

ياترى مواعيد باقى الماتشات ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[drbeso]

الف مبرووووووووووووك لكل مصري

و ياريت تشوفو اد ايه ال فيفا فرحانه بالفريق المصري ------------------- www.fifa.com

و بيقول ان كاكا في اللحظات الاخيره يوقف الشجاعه المصريه

و لو شفت الردود و الكومنت من البرازيلين نفسهم

فرحاننننين بالاداء المصري و الكل مبسوط بهذا الاداء

وربنا معانا في التصفيات لانها الاهم

تم تعديل 15 يونيو 2009 بواسطة drbeso

[medopharm]

لقيت المواعيد خلااااص

كأس العالم للقارات

الأحد 14 يونيو 2009

16:00 جنوب أفريقيا -- : -- العراق المجموعة a

20:30 نيو زيلندا -- : -- أسبانيا المجموعة a

الأثنين 15 يونيو 2009

16:00 البرازيل -- : -- مصر المجموعة b

20:30 الولايات المتحدة الأمريكية -- : -- إيطاليا المجموعة b

الأربعاء 17 يونيو 2009

16:00 أسبانيا -- : -- العراق المجموعة a

20:30 جنوب أفريقيا -- : -- نيو زيلندا المجموعة a

الخميس 18 يونيو 2009

16:00 الولايات المتحدة الأمريكية -- : -- البرازيل المجموعة b

20:30 مصر -- : -- إيطاليا المجموعة b

السبت 20 يونيو 2009

20:30 العراق -- : -- نيو زيلندا المجموعة a

20:30 أسبانيا -- : -- جنوب أفريقيا المجموعة a

الأحد 21 يونيو 2009

20:30 إيطاليا -- : -- البرازيل المجموعة b

20:30 مصر -- : -- الولايات المتحدة الأمريكية المجموعة b

نصف النهائي

الأربعاء 24 يونيو 2009

20:30 بطل المجموعة a -- : -- صاحب المركز الثاني من المجموعة b المباراة رقم 13

20:30 بطل المجموعة b -- : -- صاحب المركز الثاني من المجموعة a المباراة رقم 14