كأس العالم للقارات

[مسافر زاده الخيال]

المهم الا (يغتر) المنتخب المصري في باقي مباريات التصفيات................

وبصراحة هذه المبارة قد تكون فاصلا في تاريخ البرازيل فقد اثبت منتخب مصر ان الفوز على البرازيل ليس معجزة.....وقد تتجرأ منتخبات العالم من الان على الاقل على الاداء القوي والندي المشرف

[se_ Elsyed]

سر تألق المنتخب المصري هو عدم اللعب تحت ضغط

لم يتخيل عاقل واحد على وجه الأرض إننا رايحين نفوز بالكأس ..

أو نكسب البرازيل ونقطع إيطاليا ..

وبالتالي أنت تلعب كرة من أجل الكرة

11 لاعب أمام 11 لاعب

لكن لما تيجي تسحبها بالنقطة وتخاف ... ساعتها تخسر بكل جدارة ...

ك

[سكر]

ربنا يهديك يا حضرى مش عارف انت فين

ايه يا بنى الى بيحصلك دة

انت لوحدك نص الفريق

ارجع يا حضرى لتسيب المنتخب لغيرك

مستواك مش حلو خالص

[elfakhrany]

بصراحة أداء مميز جداااا للمنتخب المصرى وطبعا زيدان وابو تريكة مش محتاجين كلام والى الأمام دائما .. واكثر ما شدنى هى التعليقات من الأخوة العرب على المباراة وجعلنى أشعر ببريق جديد من الأمل

[Egypt]

انظر منظر روبينوا وهو وخارج للتغيير

قارن بينه وبين منظر حسنى عبدربه وهو خارج

نحن مجتمع نرفض التغيير

ونعتب على الرئيس والحومه لانهم لايرغبون بالتغيير

اتحدى اى انسان مصرى يؤمن بالتغيير

[mandoo]

ممكن حد من الأخوة الأفاضل يقول لنا المحمدى حيتوقف كام مباراة ؟

ويارب تكرمنا ونحقق نتيجة إيجابية على منتخب إيطاليا

[م الغزالى]

ياترى هل سيكتب التاريخ أننا لعبنا شوط ممتاز أمام البرازيل ام سيذكر النتيجة فقط ؟

لاأفهم سر الفرحة المبالغ فيها من الإعلام لمجرد أنا فريقنا الوطنى لعب شوطاً ؟

نحن الشعب الوحيد الذى يصفق للهزائم سواء رياضية أم سياسية ؟

لماذا لايتكلم أحد عن الشوارع فى الدفاع المصرى والذى يقع قلبه فى رجله عند كل كرة مرفوعة فى منطقة جزائنا؟

لو لاحظنا أنها نفس الأخطاء الدفاعية من سنين طويلة وكأننا لانتعلم من أخطأنا ؟

من المسئول ياترى عن عدم وجوود لاعبيين جيديين فى مركزى المسالك والليبرو فى بلد بها مايقرب من 80 مواطن ؟ 

الكابتن حسن شحاتة أعتبره من أفضل لاعبى الكرة التى أنجبتهم مصر على الإطلاق ولكن كمدرب لاأعترف به وإرجعوا لمبارة زامبيا والجزائر ؟

مجرد رأى يمكن يغضب البعض ولكن يبقى رأى !!!

[وليد نور]

تسلم ايدك والله

كلام مليوووووووووووووووووووووووون المية

*****************

*****************

*****************

تم تعديل 16 يونيو 2009 بواسطة أبو محمد
تم حذف باقى المداخلة لاستخدام أسلوب مرفوض

[مصري أصيل]

ياترى هل سيكتب التاريخ أننا لعبنا شوط ممتاز أمام البرازيل ام سيذكر النتيجة فقط ؟

لاأفهم سر الفرحة المبالغ فيها من الإعلام لمجرد أنا فريقنا الوطنى لعب شوطاً ؟

نحن الشعب الوحيد الذى يصفق للهزائم سواء رياضية أم سياسية ؟

لا حضرتك تقدر تقول اننا الشعب الوحيد اللي ما بيعرفش يفرح . ما عدا واحد مصري بس الكاميرا جابته في المدرجات و هوه دموعه نازله بعد هدف مصر الثالث و كلنا فكرنا انها دموع الفرح حتي مزيع الايه ار تي فكر زينا و اتاريه كان بيدمع لانه كان ماسك بصله في ايده و بيخرطها .

العالم كله فرحان و العرب كلهم بيشيدوا بمباراة مصر و البرازيل و تقدر تشوف ده علي جميع المواقع و كلهم فرحانين ان فيه فرقه عربيه قدرت تحط ثلاثة اهداف في مرمي بطل العالم لخمس مرات و بصرف النظر عن الهدف الذي جاء من ضربة جزاء في الدقيقة الاخيره . الفريق الذي ثمن اقل لاعب فيه بثمن منتخب مصر بالكامل و يمكن يزيد .

لماذا لايتكلم أحد عن الشوارع فى الدفاع المصرى والذى يقع قلبه فى رجله عند كل كرة مرفوعة فى منطقة جزائنا؟

لو لاحظنا أنها نفس الأخطاء الدفاعية من سنين طويلة وكأننا لانتعلم من أخطأنا ؟

من المسئول ياترى عن عدم وجوود لاعبيين جيديين فى مركزى المسالك والليبرو فى بلد بها مايقرب من 80 مواطن ؟

من قال انه لم يتكلم احد عن الاخطاء الدفاعية القاتلة التي يرتكبها خط الدفاع كل من شاهد مباريات المنتخب المصري سواء في التصفيات او في مباراة البرازيل تكلم عنها و يستطيع اي طفل لا يفهم في الكره ان يستنتج هذا الاستنتاج و لكن هذا يمنع أن المنتخب قد أدي مباراة ابهرت كل من شاهدها و فرضت أحترام كل من شاهدها للمنتخب المصري و لاعبيه و هل لو لم تكن هذه الأخطاء موجوده لفاز المنتخب المصري بالمباراه ؟ و لكن من قال ان هذه الأخطاء او هذا المستوي لخط دفاع منتخب مصر من سنين طويله كما تقول حضرتك و يا ريت تفكرني كده حضرتك يمكن أنا ناسي. لأن المنتخب المصري صاحب أقوي خط دفاع في غانا 2008 و تم اختيار اثنين من لاعبيه هم هاني سعيد و وائل جمعه لمنتخب افريقيا و ايضا حصول عصام الحضري علي افضل حارس مرمي في البطولة. و ده بيأكد أن خيبة خط الدفاع و عصام الحضري جديده تماماً علي المنتخب.

الكابتن حسن شحاتة أعتبره من أفضل لاعبى الكرة التى أنجبتهم مصر على الإطلاق ولكن كمدرب لاأعترف به وإرجعوا لمبارة زامبيا والجزائر ؟

مجرد رأى يمكن يغضب البعض ولكن يبقى رأى !!!

نعم لا يستطيع احد ان ينكر اخطاء حسن شحاته في مبارتي الجزائر و زامبيا و لكن هذا يجعلنا لا نعترف به كمدرب ؟ الم يكن حسن شحاته مدرب المنتخب حين فاز ببطولة الامم الافريقية دورتين متتاليتين و هذا ما لم يحققه اي مدرب اخر غيره.

يا اخي خلينا نفرح يوم يستاهل نفرح فيه بكره النكد جاي كتير ما تقلقش

تم تعديل 16 يونيو 2009 بواسطة مصري أصيل

[مصري أصيل]

تسلم ايدك والله

كلام مليوووووووووووووووووووووووون المية

******************

******************

******************

***************

***************

***************

تم تعديل 16 يونيو 2009 بواسطة أبو محمد
تم حذف الرد .. وذلك لحذف الأصل

[elshafey]

******************

******************

******************

والله عندك حق يا عم مصري .....

تصدق يا أخي حسن شحاته ده مش مدرب كويس

كسب كأس الأمم 2006 بس إتغلب ماتش في البطولة

والمدرب التعبان كسب البطولة اللي بعدها في غانا 2008 وإتعادل مع زامبيا

ولعب حتة ماتش قصاد البرازيل مكانش أشد المتفائلين يحلم بيه ومسك البرازيل مسح بيها الارض في الشوط التاني بتغيير ......... لدرجة إن الواحد لولا إنه عارف إن مصر بتلبس أحمر مكانش عرفها من البرازيل

يا جماعة إرحمونا بقي من تعذيب النفس وجلد الذات

ومبروك الهزيمة المشرفة لمصر ..... بالعند في اللي مش عاجبه

تم تعديل 16 يونيو 2009 بواسطة أبو محمد
حذف الاقتباس لحذف الأصل

[dawn walker]

فرحونا والله

بس الدفاع بتاعنا وحارس المرمى مشكلة

اى كورة مرفوعة بحس انها هتيجى جون

يا رب يوفقنا فى الماتشات الجاية

وان شاء الله ربنا يوفق زامبيا والجزاير ويتعادلوا

[د هشام ابراهيم]

الكل كان متوقع البرازيل تجيب أربع أجوال ....بس ما حادش اتوقع إن مصر تجيب تلاتة ...... و تلعب حلو و تحرج البرازيل

نتيجة مرضية جدا .....أكيد ما حدش متوقع مصر حاتفوز بالكاس مثلا و احنا محطوطين في مجموعة الموت

لكن الواحد برضه مش قادر يبطل طمع ..... لو عندنا حارس مرمي ماسك نفسه و خط دفاع محترم كنا فزنا علي البرازيل

ربنا يستر مع ايطاليا ...أعتقد إن ايطاليا حاتدخل الماتش عاملة حساب لينا و الماتش بالنسبة ليها مهم جدا قبل مواجهة البرازيل

[matzakos]

زيادة وزن عصام الحضري بصورة ملفتة ...عامله له مشكله الحكاية دي ....تحس انه زاد عشره كيلو مرة واحدة

هاني سعيد مضروب بالنار مش عارف ليه .....

انا باقترح ان حسن شحاته ييجي شوية على أحمد فتحي النهاردة و يلعبه مساك و ان كان على الناحية اليمين بقى أي يحد يقوم بالمهمة هناك ..... المهم قلب الدفاع لابد يتظبط شوية

[pink rose]

لقيت المواعيد خلااااص

كأس العالم للقارات

الأحد 14 يونيو 2009

16:00 جنوب أفريقيا -- : -- العراق المجموعة a

20:30 نيو زيلندا -- : -- أسبانيا المجموعة a

الأثنين 15 يونيو 2009

16:00 البرازيل -- : -- مصر المجموعة b

20:30 الولايات المتحدة الأمريكية -- : -- إيطاليا المجموعة b

الأربعاء 17 يونيو 2009

16:00 أسبانيا -- : -- العراق المجموعة a

20:30 جنوب أفريقيا -- : -- نيو زيلندا المجموعة a

الخميس 18 يونيو 2009

16:00 الولايات المتحدة الأمريكية -- : -- البرازيل المجموعة b

20:30 مصر -- : -- إيطاليا المجموعة b

السبت 20 يونيو 2009

20:30 العراق -- : -- نيو زيلندا المجموعة a

20:30 أسبانيا -- : -- جنوب أفريقيا المجموعة a

الأحد 21 يونيو 2009

20:30 إيطاليا -- : -- البرازيل المجموعة b

20:30 مصر -- : -- الولايات المتحدة الأمريكية المجموعة b

نصف النهائي

الأربعاء 24 يونيو 2009

20:30 بطل المجموعة a -- : -- صاحب المركز الثاني من المجموعة b المباراة رقم 13

20:30 بطل المجموعة b -- : -- صاحب المركز الثاني من المجموعة a المباراة رقم 14

يا جماعة الخير

الماتشات بتتذاع على قنوات ايه مشفرة و لا مفتوحة

و لو مشفرة ما فيش على ال hot bird قنوات مفتوحة بتذيعها

و التوقيت اللي مكتوب فوق دا توقيت مكة المكرمة و لا جرينتش؟؟؟؟؟؟؟؟؟

تم تعديل 18 يونيو 2009 بواسطة remo

[medopharm]

بسم الله الرحمن الرحيم

البديل هو قناة slo TV2 وهي قناة سلوفينيا على الهوت بيرد

محدش يفهمني غلط أنا والله مركب الهوتبيرد عشان الماتشات فقط لا غير

تردد القناة على الهوتبيرد هو 12303 أفقي

فين القناه دى

مش لاقيها

ياريت تتأكد من ترددها

شكراااااااااااااااااااااا

[سهل جدا]

يا مدام ريمو الماتشات متشفرة

بس ممكن تشوفيها على بعض المواقع على الانترنت , أقصد مواقع ال tv

من ضمنها الرابط ده

http://www.justin.tv/directory/sports

دا رابط لأكثر القنوات الرياضية, وقت المباراة هاتلاقيه قنوات كثيرة منها ذايعة الماتش

==================================================

بالمناسبة ياجماعة

أنا حلمت إن مصر كسبت إيطاليا, وإنها جابت جول في بداية المباراة كمان

بعض الناس اللي بيفسروا أحلام بيقولوا إن ممكن الأحلام ييجي تفسيرها بالعكس :blush2:

يعني لو واحد حلم إنه مات مثلا, ممكن ده يكون معناه إن عمره هايكون طويل ..

عموما هايبان في الساعات القليلة القادمة

[galaxy]

ساعات قليله ويبدا ماتش مصر وايطاليا علي ايه ار تي الخامسه...........رغم الاداء المشرف جدا في مباراه البرازيل لكن مش لازم المنتخب ينام علي كدا بقي ونشوف ايطاليا لان دفاعهم لا يستهان به واحنا دفاعنا ما يعلم بيه الا ربنا :D دا غير حارسنا الهمام. :rolleyes: ...............دا غير ان البرازيل شكلها كدا فاقت من الماتش بتعتنا بعد ما كانت مستهونه بينا وشاده حيلها قوي في ماتشها مع امريكا اللي شغال الان والنتيجه اتين واحد في الشوط الاول bv:- .....والبرازيل حطت رجلها علي عتبه الدور التاني والمنافسه هتبقي رهيبه :) .................دفاع ايطاليا بنظام المنطقه رهيب وعقيم في الاهدف.................ربنا يستر ويسهللها .. bv:-

تم تعديل 18 يونيو 2009 بواسطة galaxy

[النجم الثاقب]

سر تألق المنتخب المصري هو عدم اللعب تحت ضغط

:rolleyes:

[elshafey]

يا مدام ريمو الماتشات متشفرة

بس ممكن تشوفيها على بعض المواقع على الانترنت , أقصد مواقع ال tv

من ضمنها الرابط ده

http://www.justin.tv/directory/sports

دا رابط لأكثر القنوات الرياضية, وقت المباراة هاتلاقيه قنوات كثيرة منها ذايعة الماتش

==================================================

بالمناسبة ياجماعة

أنا حلمت إن مصر كسبت إيطاليا, وإنها جابت جول في بداية المباراة كمان bv:-

بعض الناس اللي بيفسروا أحلام بيقولوا إن ممكن الأحلام ييجي تفسيرها بالعكس bv:-

يعني لو واحد حلم إنه مات مثلا, ممكن ده يكون معناه إن عمره هايكون طويل ..

عموما هايبان في الساعات القليلة القادمة

والله يا عم انا حلمت إن مصر كسبت ......

لأ وكسبت 3/صفر وكان في جون منهم جاي من فاول علي بعد حوالي 40 ياردة في سقف الجون

بس مش عارف دي حيتحقق ولا انا كنت مش متغطي كويس :rolleyes: