كأس العالم للقارات

[mandoo]

اليومين تلاته اللي فاتوا كنت مسافر .. خارج الرياض

نورت المحاورات ياباشا bv:-

أقسم بالله في الرايحه والجايه جميع موظفي المطار السعوديين أول ما يعرفوا إني مصري .. بيعامولني كاني أبو تريكه وهات يا ضحك وتشجيع وإعجاب بفريقنا اللي شرف العرب كلهم وواحد قال لي " ما تسلفونا فريقكم يا عم نلعب بيه ماتش الملحق بتاع تصفيات كأس العالم ؟ .... " كنت عايز ارد عليه وأقول له : مش لما ننفع نفسنا الأول ههههههههههه :

أمال لوعرفوا إنك كنت بتدرب شباب المنفوحة كانوا عملوا معاك إيه؟ :D

وبس بقى أحسن قربت اشحت وأقول : عشانا عليك يارب

عشاك عندى ياباشا بس إنت تؤمر وفى الفيصلية كمان

ويارب نكسب أمريكا

[Abu Reem]

حد شاف حسني عبد ربه

حد شاف هاني سعيد قبل الهدف لما مهاجم أمريكا سبقه ، ووقف هوه يتفرج عليه

- أنا بقول يطلع 3 مدافعين وينزل 3 خط وسط بدلهم لأن الحضري بيلعب لوحده مدافع أحسن منهم ،

- هوه ده الفريق إللي عاوز يكسب 4 مباريات متتالية ، بصراحة حتى لو وصلنا الدور قبل النهائية وأخذنا البطولة تبقى عندنا مشكلة

رهيبة في الدفاع إللي لازم يتغير بأكمله ، يعني 7 فرص في ماتش ايطاليا و5 إلى الأن في ماتش أمريكا التعبانة ، يبقى ده فريق

[شرف الدين]

أنا مش عارف ايه اللي عملوا شحاته في التشكيل ده

أحمد سعيد اوكا خرج من التشكيل ليه ...

ومحمد حمص كذلك

[Abu Reem]

أوعوا حد يقول لي لسه عندنا امل في كاس العالم

الظاهر ان عقدة المباراة رقم 3 في كاس القارات لن تنفك ، مرة من السعودية ومرة من امريكا

فريقنا عاوز ( طبيب نفسي يعالجه من عقدة المبارايات اللي بيبقى فيها حسابات )

[خالد شحاته]

والله حرام الا بيحصل ده

[mandoo]

أوعوا حد يقول لي لسه عندنا امل في كاس العالم

الظاهر ان عقدة المباراة رقم 3 في كاس القارات لن تنفك ، مرة من السعودية ومرة من امريكا

فريقنا عاوز ( طبيب نفسي يعالجه من عقدة المبارايات اللي بيبقى فيها حسابات )

ياأبوريم أمل مين بس ، الله يعكنن عليك ياشحاتة خليتها ليلة غم ، المنتخب محتاج مستشفى أمراض مستعصية لحل مشكلة الدفاع قبل الخروج من تصفيات كأس العالم وآه ياخوفى من القادم

[حسام يوسف]

ليس تبريرا

لكنى أرى أن السبب الرئيسي في فضيحة النهاردة انهيار اللياقة البدنية بعد معركتي البرازيل وايطالياده سبب 70%من المشكلة

وباقى النسبة موزعى بين غياب زيدان ومعوض

وائل جمعة كفاية أوى كدة دولى

هانى سعيد أتمنى ما يلمسش كورة فى حياته لا زمالك ولا منتخب

مصر تعانى من غياب المدافعين

[esocial]

يا جماعة ده مش مستوى فرقة تلعب على كاس القارات نهائى كأن الفرقة مبنية على شخصين او ثلاثة لو انشالو اصبح الفريق فريق حوارى بتوع الكورة الشراب

الفضيحة الكبيرة كانت لفريقى ايطاليا والبرازيل لأنهم معرفوش اننا ملناش فى الكورة كانوا لازم ميأخدوناش عليهم بدليل اللى حصل مع امريكا شكمتنا من البداية وده مستوانا الحقيقى مفيش غير كدة وأنا لو من اتحاد الكورة لكنت شلت حسن شحاتة واللعيبة اللى لعبوا النهاردة خالص وملعبش الا لما ادور كويس على لعيبة على قدر المستوى .

[النجم الثاقب]

حسبى الله و نعم الوكيل فيك يا حسن يا زفت شحاته .

مين احمد عبد الغنى ده اللى عنده كساح اللى منزله من اول الماتش .. و لاعيبة تانين برضه قاعدين ليييييييييييه مش عارف .. يعنى كان متأكد انه هيلاعب اسبانيا فالراجل كتر خيره مريحهم .. طب يا عم خليك فى اللى قدامك و بعدينربنا يفرجها بعدين .

و الله حاجه تعكر الدم .

نحمد ربنا قوى ان احنا لعبنا الماتشين الاولانين بمستوى كويس على الرغم من ان المنتخب ناقصه لاعيبه كتير زى احمد حسام و عمرو زكى و محمد بركات و حسام غالى

[شرف الدين]

بسم الله الرحمن الرحيم

باختصار شديد ... حسن شحاته لم يركز جيدا في المباراة ...

بصراحة شديدة .. حسن شحاته استهتر ..

يعني أحمد فتحي ... لا منه ريحوا وقعدوا في الاحتياطي .. ولا منه استفاد منه في مركزه ...

وفين محمد حمص ... !!

حسن شحاته كان خارج الخدمة النهاردة

وربنا يستر على كاس العالم

[النجم الثاقب]

يعني أحمد فتحي ... لا منه ريحوا وقعدوا في الاحتياطي .. ولا منه استفاد منه في مركزه ...

و الله اللعيب ده فى رايى ارجل لعيب فى مصر .. ربنا يقومه بالسلامه

وربنا يستر على كاس العالم

كاس عالم مين يا باشا cr((: .. كل سنه و انت طيب

[Abu Reem]

حسبى الله و نعم الوكيل فيك يا حسن يا زفت شحاته .

مين احمد عبد الغنى ده اللى عنده كساح اللى منزله من اول الماتش .. و لاعيبة تانين برضه قاعدين ليييييييييييه مش عارف .. يعنى كان متأكد انه هيلاعب اسبانيا فالراجل كتر خيره مريحهم .. طب يا عم خليك فى اللى قدامك و بعدينربنا يفرجها بعدين .

و الله حاجه تعكر الدم .

نحمد ربنا قوى ان احنا لعبنا الماتشين الاولانين بمستوى كويس على الرغم من ان المنتخب ناقصه لاعيبه كتير زى احمد حسام و عمرو زكى و محمد بركات و حسام غالى

يعني الاربعة اللي انت قلت عليهم في الأخر (ميدو وبركات ...الخ ) دول بالذات لو كانو لعبوا كنا اتغلبنا 5 صفر جميع المباريات

وبعدين الناس اللي بتقول احمد فتحي مش بيلعب في مركزه ،طيب أهو طلع الشوط الثاني ونزل احمد هباب اوكا ، عمل ايه حد سمع اسمه ، ودخل بعد نزوله هدفين،

وبعدين حسن شحاته نزل احمد عبد الغني واحمد عيد والشوط الثاني نزل أبو جريشة ، عملوا ايه

ياجماعة والله لو كل اللاعبية نزلوا ولعبوا وبقوا 14 ضد 11 كنا هنخسر برده

المسألة في النفسيات الخائفة اللي بتخلينا نشوف اللعيب بيبقى زميله بجواره على بعد متر وبعدين يباصيها له في الاوت ،

ياخونا شوفوا الجون الأول كويس وشوفوا الدفاع بتاعنا لم يفعل شيء ، وهذه الاخطاء تكررت في ماتش ايطاليا وماتش كوت ديفوا في نهائي 2006 نفس الدفاع المسالم الذي لم يمنع اي هجمة ، ولكن الفوز غطى على الاخطاء

المشكلة تتلخف في حاجتين : مشكلة نفسية من الضغط الاعلامي بتاعنا بالمبالغة في اهمية المباريات بدليل ان عندما نلعب في مباراة لا نضع لها اهمية او حسابات بنكسب

- المشكلة الثاني الدفاع الان اصبح كله سيء لابد من الاستغناء عنه كله ماعدا احمد فتحي ، والمحمدي

الوسط يتغير شوقي ،...كده ممكن شوية نتحسن ،،، ولا ننسى الطبيب النفسي

[أبو محمد]

وأرجو هواة ضرب الكرسى فى الكلوب إنهم يسامحونا على فرحتنا .. معلش .. مش حنعمل كده تانى cr((:

كنت شبه متأكد أن مباراة أمريكا ستكشف المستور

وحتى لا يفهمنى أحد خطأ .. فلست أعنى بقولى هذا أى هجوم على اللاعبين الذين ستنصب لهم المشانق خاصة بعد ما تردد عن سبب سرقة نقود وأشياء أخرى من بعض اللاعبين

ولا أعنى أيضا الجهاز الفنى ..

فقد أثبت اللاعبون والجهاز عبر مباراتين أننا نملك الخامة الجيدة .. ولكن الصنايعى عامل دماغ cr((:

الصنايعى ياسادة هو المسئول عن إدارة تلك اللعبة التى تتوفر لها جميع عوامل النجاح ولكنه - أى الصنايعى - له حسابات أخرى

الصنايعى هو اتحاد الكرة .. الذى يدير اللعبة

قلت فى مشاركتى السابقة إن جميع الفرق المصرية دفاعها ضعيف خصوصا أمام الكرات العرضية والثابتة .. هل هذا عيب لا يعرفه الجميع ؟ .. لا أظن ذلك .. يا خوانا .. مدرب أجنبى واتنين لاعيبة أجانب شافوا العيب ده والتلاتة غلبوا كووووول الفرق المصرية

طيب ما دام كلنا شايفين العيب .. ليه مش بنعالجه ؟ ..

الرد على السؤال هو سؤال آخر ... حنعالج العيب إزاى وإمتى ؟ ..

إزاى ؟

بالتدريب طبعا

إمتى ؟

مش عارف بصراحة .. لقد استمعت إلى أكثر من مدرب فى الموسمين الماضيين .. أهمهم جوزيه .. مدرب الفريق الذى "كان" يتكون منه القوام الأساسى للفريق القومى .. سمعت جوزيه يشتكى من أنه لمدة ثلاث مواسم فإن فريقه يلعب مباريات فقط .. يلعب مباريات ولا يجد وقتا للتدريب .. لماذا ؟ لم يقل الرجل السبب الحقيقى ..

السبب الحقيقى هو أن اتحاد الكرة كان يسدد فواتير الانتخابات .. فبدلا من تقليل عدد فرق الدورى الممتاز من 14 فريق إلى 12 فريق لتزداد المنافسة وليتسع الوقت للتدريب والاستشفاء والوفاء بالالتزامات الإقليمية والقارية .. وجدناه يزيد العدد من 14 إلى 16 .. وكأنه لا يعلم أن أربع فرق (إن لم يكن خمسة) تابعة له ، لها التزامات إقليمية وقارية بالإضافة إلى التزامات الفريق القومى فى بطولات أفريقيا وتصفيات كاس العالم .. الاتحاد طحن الخامات الجيدة التى يملكها وذلك تسديدا لفواتير الانتخابات وتمهيدا للانتخابات القادمة

أيضا نجد أن الاتحاد الموقر ، وتسديدا لباقى الفواتير ، يصدر فرمانا يزيد الطين بلة .. فرمان يقضى بتقليل قائمة اللاعبين المسجلين من 30 لا عبا إلى 25 لاعبا .. وكأنه لم تعجبه نتيجة طحن الخامات (يعنى شاف إن الطحين خشن شوية وقال إن الطحين محتاج يكون أنعم من كده ) .. أراد أن يطحن الأربع أو خمس فرق التابعة له والتى تلعب فى المسابقات الإقليمية والقارية والتى تنص لوائحها على تسجيل 30 لاعبا طحينا أكثر نعومة .. يعنى الاتحاد الموقر بيسلم الفرق (الأربعة أو الخمسة) لتكون لقمة سائغة لمنافسيها .. الفرق المصرية مسجلة 25 لاعب والفرق العربية والأفريقية مسجلة 30 لاعب cr((:

هذا غير الفواتير الأخرى (الشخصية) والتى تصطبغ بألوان الانتماءات الحمراء أو البيضاء أو الصفراء والتى تطفو على سطح أى سياسة (المفروض يكون فيه سياسة) يسير عليها هذا الاتحاد

مرة أخرى ..

فرحنا فى كاس العالم للقارات فرحتين نستحقهما .. فرحتين من صنع الخامات الطيبة التى يتكون منها المنتج (اللاعبين والجهاز الفنى) ..

ولكن ، وكما توقعت جاءت المباراة الثالثة لتكشف المستور

أشكركم عشان استحملتونى ضيفا ثقيلا على باب الرياضة

[حسام يوسف]

ده حضرتك منورنا يا عزيزى الفاضل أبومحمد

لكن كل اللى عايز أقوله

الزعل مش هيصلح حاجة

ولافائدة من البكاء على اللبن المسكوب

والمدافعين دول مش هيتغير مستواهم بين يوم وليلة

المهم دلوقتى المنتخب يفوق

ويكز فى ماتش رواندا اللى جاى

ونلعب كل ماتش بماتشه زي ماتشات الكأس

ونفوز كل اللى جاى

هوة صعب

بس مش مستحيل

[شرف الدين]

وحزينة ليلتنا حزينة

الاستاذ / أبو محمد

كلام في الصميم

اتحاد البيزنس هو سبب كل البلاوي

مجدي عبدالغني سافر ليه ؟؟

لو سألنا نفسنا .. قناة الحياة التي يديرها تقريبا أحمد شوبير يعمل بها سيف زاهر ابن شقيق سمير زاهر ..

وقناة الحياة هي التي احتكرت عن طريق شركة ميديا أونلاين نقل تدريبات المنتخب في جنوب إفريقيا. ونوه شوبير عن هذا الأمر مع مراسل الحياة مهيب عبد الهادي

أحمد شوبير استضاف علاء صادق قبل البطولة بأيام قليلة ويومها هاجم علاء صادق الجهاز الفني وطالب بإقالة الجهاز الفني وحل اتحاد الكرة ...

حسن شحاته برد فعل قام بمقاطعة قناة الحياة.. وأعلن عن عدم إجراء أي حوارات مع مراسل الحياة .. ومنعه من التصوير مع المنتخب ...

وقد نوه شوبير عن هذا الأمر .. وانتقد حسن شحاته في هذا القرار

في اليوم التالي عاد المياه لمجاريها.. وعادت قناة الحياة لتقديم الرسائل من جنوب إفريقيا . ولكن فوجئنا بأن كريم حسن شحاته قد انضم لقائمة مراسلي قناة الحياة .. مع أن كريم حسن شحاته يقدم برنامج كورة أف إم .. أي أنه بعيد كل البعد عن قناة الحياة ..

قيل بعدها أن كريم حسن شحاته يقدم المراسلات باعتباره يعمل في شركة ميديا أونلاين .. وهي الشركة التي قامت بشراء حق تصوير تدريبات المنتخب من إتحاد الكرة .. ثم باعت بعد ذلك لقناة الحياة.. التي اختلفت مع حسن شحاته في البداية ثم تصالحت معه عقب انضمام كريم حسن شحاته لفريق مراسليها ..

هذا هو اتحاد الكورة أو بمعنى أصح .. إتحاد البيزنس ..

ياسر أيوب كان قد كشف في حلقة سابقة أن هاني أبو ريدة ( أبو بدلة ) رئيس بعثة المنتخب في مباراة الجزائر قام بشراء حقوق الإعلان في ملعب المبارة من محمد راورة رئيس الاتحاد الجزائري مقابل 50 الف دولار ثم قام ببيعها مرة أخرى لوكالة الأهرام للإعلان مقابل 250 ألف دولار.

هذا هو تفكير رجال اتحاد البيزنس

تم تعديل 21 يونيو 2009 بواسطة شرف الدين

[شرف الدين]

مكرر

تم تعديل 21 يونيو 2009 بواسطة شرف الدين

[adrianocrespo]

في كل يوم يمر

يزداد يقيني ان

التحليل الكروي ما هو الا ستامبات

جمل معينه لكل موقف

و تغير في الاراء 180 درجه

ما اقصده بالاساس هو الفضائيات

و ليس رواد المنتدي

ساشرح بالتفصيل في وقت لاحق

[فولان بن علان]

وايه يعني !!!!!!!!!!!!!!

زعلانين محبطين ها نام متنكدين

كان أملنا نفرح فرح كبير بحجم احباطاتنا السابقة والحالية

غلبنا ايطاليا وكنا ند للبرازيل حلم ماكناش نحلم بيه

لعبنا أيوه لعبنا .... زيهم ...زيهم ..وأحسن منهم أحيانا

حماس ورجولة واستقتال

عشان نفرح أيوة عشان نفرح

محتاجين للفرح ...محتاجين بشدة

وجدناه عند الولاد دول ..أيوة وجدناه

طمعنا أيوا طمعنا وليه لأ

كنا عايزين الحلم يستمر وما نصحاش منه

عرفنا اننا ممكن نعملها ممكن ...ممكن

نقدر :::: نقدر ::: لو ::::لو::::

لكن الفرح خلص أيوة خلص وبشكل بايخ ..بايخ جدا

ياااااااااااااااااه ...ليه كده

لسه ما شبعناش

يااااااااااااااااااااه دا احنا شعب غلبان محتاج فرح كمان ينسينا الهموم

تعبنا وتعبوا

.

نشكرهم على اللي عملوه ..كتر خيرهم

وايه يعني

مفيش سكاكين ها نسنها

ولا مشانق ها نعلقها

رغم ورغم

مش ها ننسى انهم فرحونا

رجالة واحنا وراكم

واييييييييييييييييييييييييييه يعني

كل الفرق بتتغلب

ايطاليا اتغلبت بالتلاتة

منتظرين منكم يا رجالة فرحة تانية تقدروا عليها

لو وصلتوا يبقى تشكروا

وانتم في نن العين من جوه

ولو ماقدرتوش برضه تشكروا

وانتم على الراس والعين

وايييييييييييييييييييييه يعني

ولا يهمكم ...احنا متعودين على كده

لكن والله من قلبي تشكروا يا رجالة

يالله أما اخبي الدمعتين

تشكروا يارجالة

وايييييييييييييييه يعني

[ابو محمود]

هل يوجد ما يستحق ان نحزن بسببة فى الرياضة المصرية انها رياضة مصرية فاسدة يومآ فى الاعلى وايام فى الحضيض

وهذا سر تعلق الفقراء بالرياضة فهى تعكس عيشتهم تمامآ يتعلقون بالوهم كما يتعلق مشجعى الكرة بالفوز

[د هشام ابراهيم]

زمان من ساعة ما وعيت علي متابعة المنتخب القومي كان فيه تعبير بيستعمله الراحل نجيب المستكاوي الله يرحمه ....فصل بايخ ..... و ده كان في وقت الفريق فيه فطاحل .....اكرامي ...مصطفي يونس ....ماهر همام .....الخطيب ...شحاتة ..... مصطفي عبده و غيرهم و غيرهم ..... مع ذلك برضه كل شوية نقابل ماتش نخسره من غير سبب غير إنه فصل بايخ .....نكد و خلاص ....قول بقي محتاجين تأهيل نفسي ..محتاجين تأهيل مهني ...محتاجين مش عارف إيه مش حتفرق .....

و جيل يجي ورا جيل و تتوالي الفصول البايخة ......يبقي في الأخر إن الماتشين اللي قبل الماتش بتاع أمريكا كانوا حلم جميل و حيفضل ذكراه رغم أمريكا شيكا بيكا