متابعة حية للوجو الخاص بإبن مصر

[se_ Elsyed]

منذ ان إنضممت للمنتدى ملاحظ ان إبن مصر من وقت للآخر بيختار لوجوهات مرعبه بصراحة ... مره مختار حاجة كده عامله زي البرق والرعد كل ماشوفها أحس ان برقايه من دول هاتنزل على دماغي تقسمها نصين ..

والنهاردة طلع لنا بلوجو على شكل قلب بينبض وبيفكرنا بغرفة العناية المركزة ومحسسني إني نايم على السرير وجانبي الجهاز بتاع تخطيط القلب والدكاترة واقفين حواليه وعمالين يبصوا لبعض وخايفين يصرحوني بالحقيقة ...

نداء لأبن مصر .... غير اللوجو إلى حاجة مبهجه ولتكن صورة إنجي وهي بتلف على الجيران تلم البلح بتاع رمضان ...

[إبن مصر]

يا حبيب قلبى يا سى السيد..

منذ ان تعرفت عليك وتحادثنا سويا فى موضوع محاولات سيكوباتيه الذى كتبته انا فى باب الادب والشعر حيث كان هناك اول مداخله موجهه لى صراحه منك ايها الحبيب الغالى وانا اعلم ان الله قد كتب لنا صداقه من نوع اخر وخصوصا ان بيننا الكثير من الامور المشتركه سواء فى التعبيرات الاذعه او خفيفه الظل جدا والتى بالفعل تجعلنى فى حاله ... حاله.... موكاليه استباريه مقنقنه جدا جدا..

المهم يا عزيزى..( حلوه عزيزى دى ..)

اول لوجو لى كان نيران مستعره نعبر عما بداخلى..

الثانى كان هيكل عظمى متحرك يظهر فروض الولاء والطاعه كاى مواطن مطحون..

الثالث عندما مكنى الله من رقابكم وتملكت سلطه كبت ارائكم فعلى الفور تحول اللوجو الى انفجار نووى مثل هذا المواطن المطحون لما ربنا يمكنه من حد وربنا ما يوريك لدرجه انى حذفت لى انا شخصيا مداخلات ويمكن كنت هاتسبب قى ايقافى!!!!!

الرابعه الى هى البرق لانى شعرت فى لحظه نفس شعور من اصابته صاعقه افاقته الى ان يتقى الله فى نفسه ولا يفرط فى جنب الله فاردت ان اذكر الناس بهذه الصاعقه..

والاخيره لانى فى فتره المستشفى كنت انظر الى جهاز رسم القلب واسرح مع دقات قلبى الرتيبه وتخيلت تلك العضله التى لا تتوقف ابدا بامر الله وكم نرهقها بما نفعل فوضعهتا احتراما لها ..

بس خلاص ....

اه والله

ابن مصر

دكتوراه اللوجوهتات المقارنه جامه مايكروسوفت بامبابه