النظام التعليمى

[فــيــروز]

من غير زعل

[se_ Elsyed]

طب وهأنزعل ليه إذا كنتي بتتكلمي عن نظام التعليم في باكستان ...

شوفي العيال دي لابسه أيه ؟... ده الزي الرسمي بتاع باكستان lol

أما تلمذتنا فميت فل وأربعتاشر

[Handicraft]

دايما الحمير مظلومه معانا

الصورة دى بتفكرنى بفيلم عائلة زيزى .... الألمان ياخترعوا ماكنه تدخل العجل من ناحية يطلع سوسيس من الناحية التانية.

احنا اخترعنا نظام تعليمى تدخل الطفل من ناحية يطلع .... ينهق من الناحية التانية.

على رأى فيروز

يسقط الإستحمااااااااااااااااارررر

س س :

يا باشا دى المريلة القديمة ايام زمان انت معدتش على ابتدائى ولا ايه ؟؟؟

[ســيد مرزوق]

يووووووووووووه فكرتونا بالذي مضي !!!!

كانت أيااااااام ..

هاااااء هاااااء هاااااااااااااااااء

[se_ Elsyed]

لأ والله يا هاندي . انا طول عمري كنت بأرتدي قميص ومنطلون .. أصل أخوك كان قيم قوي ومن أشيك 10 رجال في كفر الشيخ .

بس كنت بأشوف عيال معايا لابسين مريلة زي القميص بتاع المجانين أم زراير من ورا ... كان منظرهم بيبقى مضحك جداً .

وبهذه المناسبة أحب أزف خبر إفتتاح توبيك جديد في باب الإبتسام وهأسمية " أكل المهلبية والطرائف المدرسية "

وواحد تلميذ ييجي يقولي طب يا عمو س س أيه علاقة المهلبية بالمدرسة أقول له يا حبيبي ده سجع لزوم توزيع التوبيك يعني إشمعنى الناس بتوع زمان كل كتبهم كانت كده وأقرب كتاب صدر عن بلدية محافظة القاهرة أسمه " العقد النفيس في إنفجار ماسورة رمسيس "

يالا بلاش غلبه وتعالوا أكتبوا طرائفكم أيام المدرسة هناك.

[فــيــروز]

انا طول عمري كنت بالبس قميص ومنطلون .. أصل أخوك قيم قوي ومن أشيك 10 رجال في كفر الشيخ .

الحقيقه هاندى ده اروبه جدا ..

بالفعل هى دى المريله البيج اللى كانوا العيال بيلبسوها زمان فى مدارس الحكومه .. "انا اصلى كنت بالبسها لبنى بزراير من الامام عقبال الحبايب" :-)

حتى بالاماره كانوا بيجيبوا كشرى ياكلوه فى الكيس وانا كنت اتعفرت من الحركه دى اللى كرهتنى فى الكشرى فى طفولتى المشرده هييييه على راى الاخ سيد مرزوق فكرتونا بالذى مضى

[Handicraft]

س س

وبهذه المناسبة أحب أزف خبر إفتتاح توبيك جديد في باب الإبتسام وهأسمية " أكل المهلبية والطرائف المدرسية "

فين يا عمووووو التوبيك ؟؟؟ انا رحت هناك ملقتس حاجه

مليس دعوه انا عايز التوبيك هه.

[afiona]

الحقيقه هاندى ده اروبه جدا ..

بالفعل هى دى المريله البيج اللى كانوا العيال بيلبسوها زمان فى مدارس الحكومه .. "انا اصلى كنت بالبسها لبنى بزراير من الامام عقبال الحبايب" :-)

عايز اسجل إعتراضي علي الألوان الغريبة والموديلات المتفرنجة للمريلة اللي Handicraft و فيروز كانوا بستعملوها ..... المريلة لازم تكون أما أسود فاتح تعبيرا عن واقع التلاميد المظلم والأسود أو تكون إسود غامق كالليل البهيم تفاؤلا بمستقبل حالك السواد....

اما حكاية الزراير اللي من قدام فمش عارف إيه التسيب ده.... الزراير يجب أن تكون من الخلف علشان من ساعة لما التلميد اللي ماترباش ينزل من البيت إلي ساعة رجوعه للبيت مايعرفش يفك أو يفلفص من المريلة .... ويا سلام كمان لو كان فيه حبل حول وسطه تأكيدا لعدم هربه من المريلة.... اللي عايز يطلع علي الموديل ده يرجع لمسلسل الأفيال بتاع محمود ياسين اللي كان طالع فيه تلميد بالأبتدائي بسوالف...

امضاء: سجين المريلتين

[فــيــروز]

فى الحقيقه يا افيونه هى كانت متفرنجه فعلا الموديلات دى .. فييييييييين ايام مرايل شكرى سرحان !! taz::

لكن انت مش شايف ان موضوع الزراير ده فيه قولان :lol:

يعنى ازاى الواحد يلوح رقبته -اللى هى ملووحه خلقه من الكفيه على المكتب- عشان يربط زراير المريله؟ :D

ولا يكونش قصدك الواحد يقفل الزراير وهو بره وبعدين يزحف الى داخل المريله بعد كده؟ والله فكره ;) وانا كنت باعملها زمان فى البلوزات عشان اغلس على نفسى ..

تلميد بالأبتدائي بسوالف...

:D

[afiona]

يعنى ازاى الواحد يلوح رقبته -اللى هى ملووحه خلقه من الكفيه على المكتب- عشان يربط زراير المريله؟  :huh:

ولا يكونش قصدك الواحد يقفل الزراير وهو بره وبعدين يزحف الى داخل المريله بعد كده؟ والله فكره  :huh:  وانا كنت باعملها زمان فى البلوزات عشان اغلس على نفسى ..

ty:)

:D انا النهاردة حاولت إني أجرب موضوع الزحف لداخل القميص وهو متزرر علشان أعيش طفولتي بأثر رجعى و كان صعب جدا.. رجاء إرسال كتالوج..

بخصوص السؤال عن كيفية قفل الزراير في المريلة دات الزراير الخلفية وعن تأثيرها علي رقبة الطفل الحضانجي أو تلميد الإبتدائي... فالرد بسيط ... ما تتلوح الرقبة او تنكسر، ماهي مسيرها حتتلوح...

بس علشان اطمئن المعنيين بحقوق الطفل فالأم او الأب هو من يقوم بقفل وفك الزراير وده علشان بعض الأطفال مع الحر والعادم و القرف كانوا بيتخلصوا من المزبلة في الاتوبيس مما يسئ للمنظر العام و الإنضباط...

طيب ما هو ممكن طفل آخر يساعده علي التخلص من المريلة... ده موضوع مختلف تماما.... (وش واحد معقد من المريلة)

[فــيــروز]

لا بقى معلش .. الموضوع اصله محتاج تمرين .. :D

تخيل نفسك مشارك فى الحرب وداخل نفق :huh: اخويا اصله زمان كان بيحب اللعبه دى .. بتعمل ايه؟ تنام على الارض و تكون السجاده مبرومه عشان الغسيل مثلا و تتمرن تزحف جواها زى بتوع الصاعقه ax: انا عارفه طبعا ان ممكن يجيلك صاعقه من كلامى ده بس ده كان نفس احساسى بالبلوزه .. او مثل فيلم الهروب الكبير او وداعا شوشانك .. bk:

بس تصور وجهة نظر بردو ان يبقى الام و الاب فقفط هما اللى ليهم سيطره على زراير المريله احسن العيال تتهف فى نفوخها وتخلص منها ودى بالشئ الفلانى يا ضنايا ty:) ولو ولد تانى ساعد الولد الاولانى فى الخلاص من المريله نرجع على ابوه بالتعويض :D

فيروز .. عرضحالجى قديم :huh: