مصر للطيران

[طبيبة مستجدة]

السلام عليكم ورحمة اللة وبركاتة

انا ان شاء اللة مسافرة قريب وعايزة اسال بالنسبة للمشكلة اللى اعتقد انها بتواجة المعظم من المصريين وهى الوزن الزائد فانا مسافرة ان شاء اللة على مصر للطيران ودة اول مرة وعايزة اعرف اقصى حد للوزن اية بالنسبة للتذكرة الكاملة وبالنسبة للاطفال اقل من سنتين على طبعا الدرجة العادية Y

[زهره]

السلام عليكم و رحمه الله

بالنسبه للوزن المجانى المسموح :

30 كجم لركاب الاسكندريه شامل الهاند باج

35 كجم لركاب القاهره شامل الهاند باج

ووزن الشنطه الواحده لا يتعدى 32 كجم

موقع مصر للطيران

www.egyptair.com

بالنسبه لطفل اقل من سنتين لا اعرف

[fatfouta]

الطفل اللى اقل من سنتين بيبقى تقريبا 10 كجم

خدى بالك فعلا ان الشنطة الواحدة لاتزيد عن 32 او 34 كجم بالكتير اوى لان لو زادت هيوقفوكى وهضطرى تشترى شنطة تانى او تدورى على اى حاجة كرتونة مثلا تخففى فيها الوزن بتاع الشنطة ....فعلشان كده ابقى حاولى توزنى شنطك قبل ماتروحى المطار على اى ميزان فى البيت عادى انا بعمل كده

[طبيبة مستجدة]

الف شكر على الرد يا جماعة يعنى الشنطة الواحد ماتزيدش عن 32 يبقى الوزن اللى 35 للفرد الواحدصح؟ اوزعة احسن على كذا شنطة بس انا نش هاخد معايا هاند باج يعنى ينفع احط ال35 كيلو كلهم على الطائرة ؟؟وشكرا جزيلا :sad: :wub:

[alex man]

نعم ينفع

[fatfouta]

الف شكر على الرد يا جماعة يعنى الشنطة الواحد ماتزيدش عن 32 يبقى الوزن اللى 35 للفرد الواحدصح؟ اوزعة احسن على كذا شنطة بس انا نش هاخد معايا هاند باج يعنى ينفع احط ال35 كيلو كلهم على الطائرة ؟؟وشكرا جزيلا :sad: :wub:

بصى لو معاكى اطفال او طفل رضيع وهتحطيه طبعا على رجلك مش هيكون ليه كرسى وعلشان كده احسن انك ماتخديش هاند باج لانها هتلخمك جداااا يبقى بس انا بعمل حاجة وبيرضوا بيها بعد الوزن ببقى واخدة شنطة هاند باك معايا وبعد ماوزن واخلص لو لقيتها لخمانى بطلب من اللى واقف عالبوردينج انه يحطهالى مع اللاجيدج(العفش يعنى) جوا الطيارة وهو لو زوووووق هيرضى ولو رخمم هيرضى برضو لانه بيشوف معاكى اطفال وملخومة بيهم بس هيقعد يرخم شويه بس انتى بقى رخمى اكتر واطلبى انهم يحطوهالك جوا

بصى انتى لما بتيجى تشترى الشنط بيبقى فيه شنط ماتشيلش اكتر من 35 كجم يعنى ماتكبسيش الشنطة اوى وتقولى لا لسه فى هوا اهو

عشان مرة عملت كده والشنطة وصلت معايا ل 47 كجم والله وكنت لوحدى بولادى ووقفت افضى بقى واتبهدلت جداااا يعنى خدى بالك كويس لان بتوع مصر للطيران بالذات رخمين جدااا فى الموضوع ده ومش هتلاقى حد يساعدك وكمان عشان معاكى اطفال

وربنا معاكى

[enjisultan]

بالمناسبة اية اخبار تذاكر الاطفال على الطيران بناتى 5 و3 سنين تذكرة كاملة ولا اية

ومتوسط سعر التذكرة من القاهرة للرياض كام

[المهندسه]

بالمناسبة اية اخبار تذاكر الاطفال على الطيران بناتى 5 و3 سنين تذكرة كاملة ولا اية

ومتوسط سعر التذكرة من القاهرة للرياض كام

السلام عليكم

بالنسبه للاطفال فى هذا السن فهى تذكره كامله للاسف تقل حوالى 150 ريال فقط انا لسه حاجزه بس الفرد حوالى 1680 ريال ذهاب و عوده و الطفل فى هذا السن 1420 ريال ده الطيران السعودى و الطيران المصرى تقريبا نفس السعر يقل او يزيد بالكتير 100 ريال عن ثقه انا لسه حاجزه.

[enjisultan]

شكرا وكتر الف خيرك

[doha]

بالمناسبة اية اخبار تذاكر الاطفال على الطيران بناتى 5 و3 سنين تذكرة كاملة ولا اية

ومتوسط سعر التذكرة من القاهرة للرياض كام

السلام عليكم

بالنسبه للاطفال فى هذا السن فهى تذكره كامله للاسف تقل حوالى 150 ريال فقط انا لسه حاجزه بس الفرد حوالى 1680 ريال ذهاب و عوده و الطفل فى هذا السن 1420 ريال ده الطيران السعودى و الطيران المصرى تقريبا نفس السعر يقل او يزيد بالكتير 100 ريال عن ثقه انا لسه حاجزه.

غريبة جدا الاسعار الي بسمعها دي ..

فعلا انا سافرت من شهرين كده بتذاكر بنفس القيمه دي تقريبا على الخطوط السعوديه بس لما جيت سألت من يومين على اسعار التذاكر النهرده قالوا لي كلام تاني خالص .. الذهاب وعوده من الرياض للقاهرة للكبار بـ 2295 وللاطفال 1758 وقالوا لي ان دي ارخص اسعار على ام كلاس وعوده على اتش كلاس .. وبالمناسبة الاسعار القديمه الي سافرت عليها من شهرين كانت ( في كلاس ) وتقريبا مش متوافرة دلوقت عشان السيزون.. نسيت اقول ان التذاكر دي مدتها ثلاث شهور

ياريت حد يفيدني بالظبط الاسعار ايه دلوقت وارخص وقت الواحد ممكن يسافر فيه كام ..

[OmarBak]

معلوماتى مصر للطيران 35 غيرالهاند باج

يعني 35 + 12 تقريبا

[زعلان]

:happy: شنطة سفر 42 كيلو وشنطة سفر 32 كيلو المفروض الشنطة ما تزيدش عن 25 كيلو علشان ينفع تتشال و تترفع من على الارض ويبقى ليها عجل

و الافضل ان الوزن يكون للشنطة المفترية

ما بين 27 و 32 كيلو

وللشنطة الكبيرة يكون ما بين 20 و 25 كيل+-2

+-2و الشنطة المتوسطة يكون ما بين 15 ز 20 كيلو

+-2و الشنطة الصغيرة ما بين 7 و12 كيلو

و الهاند باج في حدود خمسة كيلو بالكثير+- مع مراعاة الحجمة

طبعا كل ده مع مراعاة ابعاد الشنطة و اشكالها و توفر عجلات في الشنط الثقيلة لجرها و الشنط الي تزيد عن 27 كيلو المفروض يتحط عليها علامة علشان الشيالين ما يتفجؤش وهما بيشيلوها وما يحصلهمش ضرر