استفسار بخصوص اجراءات السفر

[KAhamid]

السلام عليكم ورحمة الله وبركاتة

يوم الجمعة اللي فات كان في عندي انترفيو في شركة ابو خليل لالحاق العمالة بالخارج

هما كلموني من حوالي اسبوع وقالو ان في وظيفة محاسب في شركة قواعد الاعمار للمقاولات في الرياض وسالوني اذا كانو يرشحوا السي في بتاعي ولا لا المهم قولت ماشي وبعدين كلموني علشان الانترفيو

تمام

عملنا الانترفيو

وبعديها بيوم كلموني وقالوا ان اللجنة ( مدير مالي ـ مدير عام ـ محاسب مصري ) اختارتني انا للوظيفة

وحددنا موعد للجلوس وتوقيع العقد

في يوم توقيع العقد كان في اختبارات لوظيفة مراقب عمال ودي كانت اختبارات عملية في موقع في 6 اكتوبر والناس اتاخروا هناك جامد فاضطرينا اننا ناجل الموعد

المهم انهم سافروا

الراجل بتاع المكتب كلمني علشان اروح اشوف العقد علشان لو في اي ملاحظات غير اللي اتفقنا عليها

وقال انه منتظر انهم يبعتولوا الوكالة من السعودية ( انا موش فاهم يعني ايه )

فياريت لان دي اول مرة اسافر فيها

فانا معرفش اي حاجة عن الاجراءات المفروض هيحصل اية ويعني ايه ها تتبعت الوكالة من السعودية

وخالص شكري وتقديري للسادة الزملاء

[KAhamid]

معقولة ان في 45 مشاهدة للموضوع وما فيش حد عنده فكرة عن الكلام اللي انا بقولة

[أسد]

أخي الفاضل ..

محدش يقدر يرد عليك في حاجة دلوقت .. لأن مفيش معلومة نقدر نعلق عليها

إنت روح شوف العقد وشروطه والمرتب ومكان العمل وطبيعة العمل .. وبعد كده إسأل سؤال محدد

وقتها الناس حترد عليك

نتمنى لك التوفيق

[alex man]

سيدى الفاضل

المقصود بالوكالة انهم يوكلون المكتب لانهاء اجراءات السفر لدى السفارة السعودية بالقاهرة ولابد ان يكون التوكيل الكترونيا يعنى ليس لك علاقة بالوكالةنهائيا وهو مجرد تفويض للمكتب لاختيار الموظفين وانهاء اجراءات السفر

اهم مافى الموضوع العقد الذى سوف توقع عليه لابد ان يكون من الشركة وليس من المكتب لان المكتب يكتب عقد مختلفا نهائيا عن عقد الشركة

اذا يوجد اى استفسارات اتصل على

[elfakhrany]

أخى الفاضل KAhamid

المقصود بإرسال الوكالة من السعودية هو أن تقوم شركة المقاولات بإرسال تفويض بالفيزا لشركة أبو خليل لإنهاء الإجراءات فى مصر واستخراج التأشيرة لك من السفارة ( لأن السفارة السعودية لا تتعامل مع أشخاص ولابد من وجود مكتب مرخص لإلحاق العمالة )

وعند رؤيتك للعقد أخبرنا بالتفاصيل و سوف يفيدك الأعضاء إن شاء الله

[KAhamid]

انا متشكر جدا ليكم

وانا كلمت المكتب فعلا وقالولي انهم ما يقدروش يبداو في اي اجراءات الا لما الوكالة توصلهم

وانا شاكر جدا ليكم