انا اعتذر اذن انا ؟؟؟

[فــيــروز]

فى احدى المجموعات البريديه ارسل احد الاعضاء رساله تتحدث عن واجبات الزوجه تجاه زوجها

عادى :rolleyes:

فقره فى الرساله لفتت نظرى و غاظتنى الصراحه <_<

بتقول ايه ..

لا تنتظري او تتوقعي منه كلمة أسف او اعتذار بل لا تضعيه في هذا الموضع الا اذا جاءت منه وحده ولشيء يحتاج اعتذاراً فعلا.

<_< :angry:

وفى الحقيقه لا اعرف ما الذى يعيب الزوج اذا اعتذر عن خطا ارتكبه !! ;)

الن يعتذر لزميله فى العمل لو اخطا فى حقه؟

الن يعتذر لصديقه اذا جرح مشاعره !!

مش هيعتذر لعم عبده البواب لو شيله فوق طاقته !! <_<

يعنى هى جت على الزوجه !! ثم ان الاعتذار عن الخطا عموما من شيم الشجعان ولا ينقص من قدر الانسان اى شئ بل يزيد احترام الناس له ..

ولا ايه؟ <_<

[مصرى]

وهل يعتذر الانسان لنفسه ؟

[فــيــروز]

وهل يعتذر الانسان لنفسه ؟

آخ <_<

رد مفحم .. <_< <_<

يوووه .. انا كده اتكروتت يا جماعه ;)

لا صحيح الزوج مش بيحب يعتذر يعنى ولا بيبقى مكسوف ولا ايه بالظبط؟ :rolleyes:

تم تعديل 23 أكتوبر 2003 بواسطة فــيــروز

[مصرى]

أتصور أن أسلوب الإعتذار يختلف بين الزوجين عما يكون بين الآخرين

الاعتذار ليس كلمة كالتى تستخدم بين الغرباء .. لكنه يمكن أن يأخذ أشكال أخرى .. نظرة أو لمسة .. أو موقف أو هدية ..

[فــيــروز]

تمام لكن المبدا نفسه موجود صح؟

ان الزوج ممكن يعتذر لزوجته بالطريقه التى تناسبهم

[مصرى]

تمام كده .. فالمودة والرحمة هى أساس العلاقة الزوجية

[سقراط المصري]

فيروز

طبعاً الزوج بيعتذر ، امال احنا ورانا إيه غير الاعتذارات.

وعلى حسب علمي ، انت انسه ، فصعب شرح طرق الاعتذار او التوضيح لان دي بالخبره والمعايشه .

وربنا يكرمك وتلاقي اللي يعتذرلك.

سقراط

[فــيــروز]

شكرا يا اخ مصرى طمنتنى :P

يا استاذ سقراط

ايوه يا فندم انا آنسه :D وسعيده والله ان مبدا الاعتذار لا يجد فيه الازواج غضاضه بناء على كلامك و كلام الاخ مصرى .. وانا شخصيا موضوع الاعتذار مش باحبه :D تخيل بقى B) قصدى يعنى انا ممكن جدا اعتذر لكن ماحبش فعلا ازنق حد اوى كده لدرجة انه يحس انه محتاج يعتذر .. و ممكن المواضيع تتصفى من غير اعتذار صريح و انا اعدى الموضوع بمزاجى عشان بردو الجدع كرمته ماتنقحش عليه :D اصل الرجاله دول يا اخى عليهم حركات !! :ph34r:

[Farah]

اعتراف

ويمكن دي والله اول مره اعترف بيها لاحد بس بما انكم متعرفوش جوزى

ان قررت اعترف لكم

انا مابحبش وبالذات زوجى يعتذرلي

اول ما احس انه حيعتذر احاول اضيع فرصة الاعتذار واعدي الموضوع

بس بحاول مبينلوش ان ده احساسى عشان ميدوسش جامد

انا بحس ان الاعتذار كلمه ملهاش لزمه ولا حتذود ولا حتاخر(رائ شخصي)

المهم ان الواحد يعترف بغلطه

انا حيفدنى باياه لو قال انا اسف ولا حتى I'M SORRY

اصل ده مش واحد معدى وداس علي رجلى وحيقول اسف وخلاص دي عشره ومدام قررنا نعيشها يبقى نفوت مش كل يوم حنقدم كشف حساب بالغلط وللى له الحق

اللي غلط يحاول يصلح عشان السفينه تمشى واللي له الحق يسامح شويه

فيروز

من احتكاکي بمتزوجات كثيرات وحالمات مستقبل (كنت انا واحده منهن سابقا )

تخيل الانسان بالحياه الزوجيه شى والعيش فيها شيئا اخر

كثير من التنازلات من الطرفين يجب ان يوضع في الاعتبار

ولا يسطيع احد ان يعرف اي تنازولات يجب ان توضع في الاعتبار الا بعد التجربه

زي بالضبط لما الانسان يدرس شئ معين دراسه جيده ويعرف قوانيينه

وينزل بدراسته في الحياه العمليه يجد ان ما درسه شيئا وما عليه ان يلتزم به شيئا اخر

ربما تنفعه دراسته ولكن التجربه والتاقلم مع الواقع هو الي حايساعده لاسخدام مؤاهلاته

وعلي الجانب الاخر ويمكن دي انانيه انا باأعتذر علي حاجات كثير جدا ولاي أحد يمكن عشان

مبحبش اضايق احد

ويمكن عشان بحس ان مش حخسر حاجه لو قلت انا اسفه

وعندى المقدره انى اعتذر لائ احد مهما كان

احتمال تكون دي انانيه الله اعلم

تم تعديل 25 أكتوبر 2003 بواسطة FARAHELYOM

[فــيــروز]

شكرا يا فرح معلش اتاخرت كتير فى الرد :D

على فكره انا لم اقصد الاعتذار بمعنى كلمة "انا آسف" بالشكل الحرفى

ولكن الاحساس بالخطا باى طريقه كانت هو الاهم :unsure: هذا هو ما يهمنى

ان الزوج يشعر فقط ان زوجته متضايقه او حزينه ويحاول يخرجها من هذه الحاله

وانا باتخيل ان اى اتنين بينهم ود و مشاعر جميله كالزوجين بيكون كل واحد فيهم بيتلكك وقت الخصام لاى حاجه حلوه يعملها الطرف التانى عشان يعتبرها اعتذار او مصالحه :lol: لان جو الخصام و الزعل بيكونوا غلسين جدا ..

والظاهر ان الاعتذار ببساطه صفه نسائيه :lol: اصل انا ايضا معنديش مشكله اعتذر بسرعه عشان الاحوال تهدا و الجو يصفا :lol: شكرا على الرد يا فرح :D