ممكن اعمل عمرة (تأشيرتى زيارة تجارية)؟؟؟؟؟

[ABO ADAM]

السلام عليكم انا الان فى جدة فى مهمة عمل... بفيزا زيارة تجارية

ممكن اعمل عمرة ؟؟؟؟

فى ختم

( غير صالح للعمرة) جانب التأشيرة ...و فى ناس تقول عادى روح ....و ناس تقول لية المخاطرة....انقسمت الاراء

أرجو النصيحة....و ليكم دعوة فى الحرم ان شاء اللة

[doha]

هي ممكن مفيهاش حاجه بس بما انك بتحب تبقى في السليم دائما فاحسن حل في رايي انك تأجل العمرة لغايه مايبقى على سفرك اسبوعين كده ولا حاجه وتروح تعتمر وفي الحاله دي لو لاقدر الله على اسوأ الظروف حصل الاحتمال البعيد جدا في ان حد يوقفك او يمنعك ففي الحاله دي هتكون مش خسران حاجه انت في آخر تاشيرتك اصلا ومش فارقه معاك لو تتلغي ..

على كل حال استخير وان شاء الله هيدلك للي فيه الخير بس اهم حاجة حاول تكون عمرتك في وقت ميت من السنه مفيهوش ضغط عشان ميدققوش معاك في التصريح وماشابه ..

[أسد]

المقصود بختم غير صالح للعمرة

هو أن هذه التأشيرة غير صالحة لأن تدخل السعودية ضمن مجموعة للعمرة ..

يعني ماينفعش تروح شركة سياحة في مصر مثلاً وتدفع علشان تروح عمرة .. وبعد كده يجيبولك تأشيرة زيارة تجارية ويقولك هي دي تأشيرة تدخلك السعودية

لكن طالما أنت هنا .. ليس هناك أي مشكلة إطلاقاً ..

التأشيرة وما مكتوب عليها يخص الدخول من المطار فقط

ربنا يتقبل منك إن شاء الله

وإبقى إدعيلنا وإنت بتعمل العمرة

[ABO ADAM]

10000 شكرا و ان شاء ادعيلكم من الحرم,و لكل المسلمين

[Mercedes]

السلام عليكم و رحمة الله و بركاته

أنا كان عندى استفسار بسيط و هو ما هى الأوراق المطلوبة للتأشيرة التجارية و هل يمكن استصدارها للسيدات اللاتى يمتلكن أعمال حرة أم لا .

و مع الشكر الجزيل

[alex man]

الاوراق المطلوبة أن يكون صاحب المؤسسة التى تطلب التاشيرة مذكور داخل السجل التجارى نشاط المؤسسة بما يتوافق مع مهنة الشخص المطلوب للزيارة بمعنى ان تكون مهنة الشخص المطلوب للزيارة فى جواز السفر داخل نطاق النشاط المؤسسة

وتذكر سبب الزيارة مثل لتبادل الخبرات او ابرام صفقات او ابرام عقود

الورق 1- السجل التجارى للمؤسسة2- صورة من جواز سفر المطلوب زيارته موضحا بها المهنة

[alex man]

اخى الكريم توكل على الله واعمل عمرة و لاتنسى الدعاء

[doha]

المقصود بختم غير صالح للعمرة

هو أن هذه التأشيرة غير صالحة لأن تدخل السعودية ضمن مجموعة للعمرة ..

يعني ماينفعش تروح شركة سياحة في مصر مثلاً وتدفع علشان تروح عمرة .. وبعد كده يجيبولك تأشيرة زيارة تجارية ويقولك هي دي تأشيرة تدخلك السعودية

لكن طالما أنت هنا .. ليس هناك أي مشكلة إطلاقاً ..

التأشيرة وما مكتوب عليها يخص الدخول من المطار فقط

ربنا يتقبل منك إن شاء الله

وإبقى إدعيلنا وإنت بتعمل العمرة

معلومه مفيده فعلا اول مرة اعرفها .. افادك الله ..

ماشاء الله انت كده تقدر تعمل عمره طيب امانه متنساش تدعي لي انا وزوجي نعمل عمره قريب .. وربنا يتقبل من الجميع يارب ..