عايز اشترى علم مصر من الرياض

[سكر]

عايز ابنى يحس ويلمس علم البلد فى الغربة

بدور على العلم فى شارع الستين فى الرياض مش لاقى ابدا

يا ريت لو حد يعرف مكان يتباع فية العلم يقول

[المخنوق دائما]

عليك وعلى المنفوحه يامعلم

وتحيا مصر

[ابو زمزم]

(مخنوق دايما ) ربنا يفك خنقتك ويعينك على ايجاد فرصة عمل جيدة ان شاء الله

وربنا يغنيك بحلاله ان شاء الله وان تنفع المسلمين بما علمك الله به

اما بخصوص الصورة الرمزية لك فاانت بتحلم ان يحطو صورتك على الجنيه او الريال حتى لو سددت كل ديون مصر هما ملهومش امان :blush2:

ارجو ان تقبل هه الدعابة

اخوك مغترب مصرى بس فى مصر ربنا يفرج كربنا وكرب المسلمين

[سكر]

الاخ مخنوق دايما

شكرا على مرورك

ياريت لو تعرف حد معين فى المنفوحة وانا ان شاء الله هروح اشترية بس قولى فين

[المخنوق دائما]

بص ياريس انا فيه واحد جابلى العلم وقاللى من المنفوحه والبطحاء

روح البطحاء عند محلات بيت الرياضه الفالح او محلات غرناطه للأدوات الرياضيه

وياريت يا ابو زمزم توضحلنا ازاى مغترب فى مصر (يعنى حضرتك مش مصرى)؟

وطبعا دعابتك مقبوله وبصدر رحب وشكرا ليك

[ابو زمزم]

بص ياريس انا فيه واحد جابلى العلم وقاللى من المنفوحه والبطحاء

روح البطحاء عند محلات بيت الرياضه الفالح او محلات غرناطه للأدوات الرياضيه

وياريت يا ابو زمزم توضحلنا ازاى مغترب فى مصر (يعنى حضرتك مش مصرى)؟

وطبعا دعابتك مقبوله وبصدر رحب وشكرا ليك

شكرا لك ا/ "المخنوق دائما " على قبولك المتواضع للدعابة

انا مصرى وافتخر بس مغترب مصرى معكم فى هذا المنتدى نتحاور نتشاور فى امورنا

واتمنى ان ارى احوال المصريين مع المصريين امثالهم فى الغربة فى احسن حال وان يكونو ا كمثل الجسد الواحد وان يقفو بجوار اخوانهم المصريين مثلا على سبيل المثال السودانيين و البنغالية مع بعضهم الا ما تجد بعض الشرائح المصرية يخونون اخوانهم بضرب الاسافين ويوقعون ببعضهم بعضا من اجل ظهوره النجم الساطع المطلع على كل كبيرة وصغيرة وانه ولائه الاول لصاحب العمل وهو منافق له هذه امثلة بسيطة وهى قلة ولكن ارتفع صوتها وذاع سيطها فى المملكة احدثت قلقا فى العلاقات بين المصريين وبعضهم فقام باستغلال هذه الوقيعة من لا ذمة ولا ضمير لهم فى اكل حقوق الضعفاء استغلال مسميات الفيزا للعب بحقوق المصريين

اذا كانو من اصحاب المؤهلات العليا ويستقدمون بمهن مثل العامل زراعى ومربى مواشى وغيرها من المهن وانها استغلها ال...................... لكى يكسرو انف المصريين مع سوء الوضع فى مصر ادت الى انقطاع الثقة عندما ياتى مصرى جديد الى المملكة ويجد من ولاد بلدهم الاسافين ويجدونهم ذو القوة والنشاط والرغبة فى تحقيق اهداف وان يظهرو حسن ماعندهم من طاقات امام كفيلهم وهنا تبدء الغيرة من (ذوى النفوس الضعيف ) ولا يؤمنون بان تك هى ارزاق الله يقسمها لعباده فلكل له رزق فى وقته

وانا لااشكك ان هناك الكثير من المحترمين المصريين المخلصيين لبعضهم :ninja: ايو قلوبهم مثل هذه الوردة المفتوحة لاخوانهم ولكن للاسف الكل ينظر الى النصف السيء الذى يسىء للكل وذهب معهم قلة رواتب المصريين بدافع ان زملائك قد قبلو بهذه الرواتب وهذا هو الحال الواقعى فى مكاتب العمالة بمصر مع ازدحام المكاتب يوميا على المقابلات فيفرح السعودى ويقلل من الرواتب من نظرية السعودى الجديد ه : :closedeyes:

بما ان المصرى لا يقبل اذا غيره المصرى يقبل

والدليل على ذلك الخير كتير من الشباب المصريين العاطلين

اعذرنى اخى الكريم على الاطالة ولكن الموضوع كبير وانا حاسس انك مااختارتش اسم " المخنوق دائما " هذا من فراغ ولكنه عن تجربة مع الواقع الخنيق باستخدام دائما وكمان مش سايب صورة الا ما تظهر خنقتك للعالم وتحط بصمتك (الرمزية طبعا )مخنوق دائما :sofa:

فى النهايه اشكرك على سعة صدرك لهذا التوضيح كما طلبت بمعنى مغترب مصرى بس فى مصر انا حاسس ان الاولوية للاجنبى

وليس للمواطن وافتخر ويزيدنى فخرا عندما يعود وضع المصريين المغتربيين وتعود مكانتهم

واسأل الله العظيم ان يهدي ( المسلمين ) الى طريقه وان يحببنا فى بعضنا وان يجمع شملنا وان يفرج كربنا وان يحفظنا من امراض الفتن اللهم اميــــــــــن

[doha]

ممكن لو ملقيتوش جاهز تفصله عادي ..

اعمل بحث في الجوجل على صورة العلم وخذ نسب الصورة يعني كام في كام وهات ثلاث الوان قماش ابيض واحمر واسود وقصهم بنفس النسب بس على كبير بالحجم الي انت عاوزه وخيطهم في بعض وخلاص هيطلع لك علم ..

بالنسبة للنسر الي في النص امامك طريقتين لتنفيذه اما تشتري قلم ( ماركر ) ذهبي او ( ريليف ذهبي ) من اي مكتبه وترسم النسر بالكربون على القماش ( طبعا هتجيب صورة النسر برضه من الجوجل وتكبرها على البرنتر للحجم المطلوب بعدين ترسمها بورق الكربون الخاص بالقماش وده تشتريه برضه من اي مكتبه عادي )

او لو عاوز حاجه اكثر احترافا ممكن تودي القماشه عند خياط من الي بيعملوا تطريز وتديله صورة النسر يطرزه لك على القماش بالخيط الذهبي .. وطبعا لو عندكم في البيت ماكينة خياطه من النوع الي بيطرز ( الي فيها امكانيه عمل زجزاك بالخيط ) فعادي ممكن انت تطرزه في البيت ..

وطبعا ممكن تكتفي بالعلم بالوانه بس بدون اضافة النسر لو هيكون اضافته صعبه عليك ..

ممكن يكون تفصيل العلم ( موال ) وشغلانه بس اعتقد طالما هدفك وطني فالحكايه تستاهل جدا خاصه لو ابنك شافك وانت تعبان في العمل كده اكيد هيقدر تعبك ده ويقدر العلم اكتر

[أسد]

الفالح للرياضة

غرناطه للرياضة

حتلاقي أعلام الدول كلها

[المخنوق دائما]

عندك حق يابو زمزم

انا اسمى ده مش من فراغ انا لسه خريج السنه اللى فاتت واتخنقت من كل حاجه فى مصر وعشان كده جيت هنا على طول

وعجبتنى اوىىىىى نصيحة الاخت ضحى بتاعت العلم

بصراحه النصيحه دى ماتجيش الا من واحده ست (دول عالم رايقه ياعم الحج)طبعا مع احترامى الكامل والشديد للاخت ضحى

تم تعديل 22 يونيو 2009 بواسطة المخنوق دائما

[ابو زمزم]

عندك حق يابو زمزم

انا اسمى ده مش من فراغ انا لسه خريج السنه اللى فاتت واتخنقت من كل حاجه فى مصر وعشان كده جيت هنا على طول

وعجبتنى اوىىىىى نصيحة الاخت ضحى بتاعت العلم :lol:

بصراحه النصيحه دى ماتجيش الا من واحده ست (دول عالم رايقه ياعم الحج)طبعا مع احترامى الكامل والشديد للاخت ضحى

صباح الفل يا برنس يا عم بصماتك كمان يا نجم مخنوق دائما فى مدينة المعلومات ( فى الصورة )طيب ربنايعدلهالك وتبقى على الاقل ( مخنوق احيـــــــــاناًَ ) عشان يبقى العادى والطبيعى و ان شاء الله ربنا يبسطها معاك ومعانا

يا باشا انت لسه ورور انا خريج 2004 ومش انت لوحدك الى مخنوق من الوضع الى فى مصر وبرضه لسه ورور

بس تعرف الواحد مننا كمصرى هيلف ويدور ويتمنى يعيش فى مصر برضه بس بيهون عليه انه يقعد فيها من غير ما يعمل حاجه لمستقبله ولاولاده مع العلم ان :

العلم كله فى عقول مصرية :blink: +الدين والتدين الى من القلب فى مصر + الاكله الحلو ة الحرشة فى مصر :D

+فساد فى المحليات (وانا بعتقد ان هيا دى صاحبة الوضع السىء الى فى مصر ) بمعنى ههى دى الى درجها مفتوح للرشاوى وبالتالى جاءت المحسوبية والوساطة والاولوية فى مصر لاصحاب هؤلاء ومن هنا اتبنى الوضع فى مصر وانا اتمنى ان يجى فارس ويخلصنا وانت فاهم طبعا

احنا خرجنا عن موضوع ا/ ataamer بس معنديش رد لانى مكنتش مقيم بالرياض ومشكورين حضراتكو قمتو بالواجب

صحيح ا/ataamer هل لسه حضرتك بتفكر فى العلم برضه بعد مهزلة امبارح مع امريــــــــكــا انت تحس ان ماتش امبارح مكنش له طعم بالفرق الكبير مع ماتش البرازيل اللعيبة من شدة الماتش مكناش عارفين مين برازيلى من مصرى لعيبة البرازيل كانو ا عاملين زى لعيبة البرازيل فى البلاى ستيشن لما يكون الدراع معلق رغم الخسارة بشرف فى الماتش وكمان ماتش ايطاليا والى حصل فيه من ابداعات مصرية على فكرة انا مش كروى خالص بس بتفرج بحماس فى الماتشات الكبيرة الى زى دى برضه هنبقى رافعين

( علمنــــــــــــا المصــــــــــرى ) رغم كيد الامريكان

كلو من المصبح الى فى اعلان بيبسى :lol:

[الحر الأشقر]

في جدة عندنا

متواجد العلم المصري في محلات الرياضة كلها

[هشام عبد العزيز]

ممكن لو ملقيتوش جاهز تفصله عادي ..

اعمل بحث في الجوجل على صورة العلم وخذ نسب الصورة يعني كام في كام وهات ثلاث الوان قماش ابيض واحمر واسود وقصهم بنفس النسب بس على كبير بالحجم الي انت عاوزه وخيطهم في بعض وخلاص هيطلع لك علم ..

بالنسبة للنسر الي في النص امامك طريقتين لتنفيذه اما تشتري قلم ( ماركر ) ذهبي او ( ريليف ذهبي ) من اي مكتبه وترسم النسر بالكربون على القماش ( طبعا هتجيب صورة النسر برضه من الجوجل وتكبرها على البرنتر للحجم المطلوب بعدين ترسمها بورق الكربون الخاص بالقماش وده تشتريه برضه من اي مكتبه عادي )

او لو عاوز حاجه اكثر احترافا ممكن تودي القماشه عند خياط من الي بيعملوا تطريز وتديله صورة النسر يطرزه لك على القماش بالخيط الذهبي .. وطبعا لو عندكم في البيت ماكينة خياطه من النوع الي بيطرز ( الي فيها امكانيه عمل زجزاك بالخيط ) فعادي ممكن انت تطرزه في البيت ..

وطبعا ممكن تكتفي بالعلم بالوانه بس بدون اضافة النسر لو هيكون اضافته صعبه عليك ..

ممكن يكون تفصيل العلم ( موال ) وشغلانه بس اعتقد طالما هدفك وطني فالحكايه تستاهل جدا خاصه لو ابنك شافك وانت تعبان في العمل كده اكيد هيقدر تعبك ده ويقدر العلم اكتر

على فكرة صندوق رعاية المصريين و كثير من الجمعيات المصرية بالرياض بتعمل نفس الحركة التفصيل 

لكن النسر بيتم شغله بالكمبيوتر في مشاغل بالشميسي 

وبيكون التكلفة قليلة 

لان العلم الحجم الصغير تقريبا سعره 150 ريال 

لكن بقاعدة نحاسية 

يوضع فوق المكتب 

[سكر]

متشكر جدا على كل الردود

والمرور على الموضوع

باين كدة هبعت حد يجيبه من مصر

عشان يبقى علم بلدى زى الفراخ البلدى مش البيضة