الجزائر كسبت زامبيا - أنا جالي إحباط

[شرف الدين]

بكده أصبحت الجزاير 7 نقط ... وزامبيا 4 نقطة ومصر نقطة ورواندا نقطة

والجزاير باقي لها ماتشين سهلين على أرضها ... مع زامبيا ومع رواندا .. يعني بنسبة كبيرة هتوصل 13 نقطة

وفوق كده كمان فارق الأهداف للجزائر موجب 4 .. بينما مصر سالب 2

---------------

يعني خلاص .. لم يعد أمامنا حل آخر .. لازم نفوز المباريات الأربعة الباقية .. ولازم نفوز على رواندا بسكور كبير كمان سواء في مصر أو في رواندا .. عشان فارق الأهداف ..

ربنا يستر

[MoTo]

ملناش دعوة .. يكسبوا ميكسبوش هنا حرين .. إحنا لينا نكسب ماتشاتنا بغض النظر عن نتائج الجزائر .

إيه يمنعنا نفوز علي زامبيا ؟ إيه يعوقنا عن غسيل و مكوة رواندا رايح جي ؟ إيه يمنعنا من دك الجزائر في ستاد القاهرة ؟

ببساطة .. إذا فزنا الماتشات الثلاثة المقبلة و هو شئ مش صعب .. لن يكون أمام "الجـــــزائــــــر" سوي في الفوز علي مصر في ستاد القاهرة .. و هو موقف أصعب بكثير .. و بعدها نتساوي معهم في النقاط و نلجأ لفرق الأهداف .. انا شايف مفيش داعي للإحباط البطاقة لسة في الملعب و الفرصة 50 50 .

إنت إتعادلت مع زامبيا و خسرت من الجزائر و ليك معاهم ماتش هنا

و هم إتعادلوا مع رواندا و كسبوك علي أرضهم و ليهم ماتش معاك هنا

يعني لو حسبتها هتلاقي نفس الموقف .

[الحازم حسن]

الأمل دلوقتي في بطولة القارات لو قدرنا نكمل المسيرة الناجحة وناخد مركز من التلاتة الأولى أفتكر ده حيفرق كتير في مشوار تصفيات كاس العالم وسعتها نقدر نكسب كل الماتشات بتاعتنا في التصفيات.

عموما محدش عارف ايه اللي جاي ممكن جدا زامبيا تكسب في الجزائر او رواندا تتعادل محدش عارف

[ذهبية]

اعتقد ان الموضوع بقى صعب جدا وموقفنا حرج للغاية لاكثر من سبب اولها الاجهاد و التعب دة انا قلقانة على فريقنا بكرة مع امريكا بسبب اللياقة البدنية

يعنى هنكون مجهدين للغاية و من ناحية تانية احنا عندنا عقدة بصراحة مع الجزائر معرفش قدمها بيحصل لنا اية

و بعدين انهو فريق مش هيموت نفسة على الاقل هيلعب على التعادل

يا جماعة الفرصة صعبة للغاية وبلاش نعيش نفسنا فى حلم صعب التحقيق

[محمد يوسف]

الأمل في ربنا قبل كل شيء

[حسام يوسف]

ملناش دعوة .. يكسبوا ميكسبوش هنا حرين .. إحنا لينا نكسب ماتشاتنا بغض النظر عن نتائج الجزائر .

إيه يمنعنا نفوز علي زامبيا ؟ إيه يعوقنا عن غسيل و مكوة رواندا رايح جي ؟ إيه يمنعنا من دك الجزائر في ستاد القاهرة ؟

ببساطة .. إذا فزنا الماتشات الثلاثة المقبلة و هو شئ مش صعب .. لن يكون أمام "الجـــــزائــــــر" سوي في الفوز علي مصر في ستاد القاهرة .. و هو موقف أصعب بكثير .. و بعدها نتساوي معهم في النقاط و نلجأ لفرق الأهداف .. انا شايف مفيش داعي للإحباط البطاقة لسة في الملعب و الفرصة 50 50 .

إنت إتعادلت مع زامبيا و خسرت من الجزائر و ليك معاهم ماتش هنا

و هم إتعادلوا مع رواندا و كسبوك علي أرضهم و ليهم ماتش معاك هنا

يعني لو حسبتها هتلاقي نفس الموقف .

الله يكرمك يا عزيزي :blink:

[ابو محمود]

حتى لو كسبو ماتشاتهم كلها على ارضهم جايين جايين

المهم اننا نكسر كل خوف عندنا من المباريات الخارجية وبعدين زامبيا كانت منحوسة معاهم من غير كسكسى

وانا على يقين ان زامبيا هناك هتكون مختلفة المهم والاهم ان لا نترك فرصة لهم بمعنى ان نكسب كل مبارياتنا وبعدد محترم من الاهداف ونحافظ على شباكنا فارغة ونظيفة هنصل بأذن الله الى جنوب افريقيا ومرتاحين وهنعمل حجات كثيرة زى اللى بنعملها دلوقتى بس قولو يارب

[ziad]

يا باشا بلعكس

أنا شايف إن علي الرغم إن ديه مش أفضل نتيجه لينا إنما لسه أملنا واقعي جدا

الجزاير عندها زامبيا على أرضها و روانده ،أنا علي متأكد إنهم مش هيكسبو الماتش مع الاتنين،ساعتها يبقي تاعدولنا مع زامبيا هناك مش مشكله و يبقي ماتشنا مع الجزائر في إستاد القاهره هو الصعود

حتي لو كسب الجزائر الماتش مع زامبيا و روانده،تكسب أنت روانده هنا و هناك و نعمل الصعب و نكسب زامبيا هناك و نلعب مع الجزائر في إستاد القاهره ،طبعا ساعتها فرق الأهداف مهم

بس إن شاء الله الجزائر تتعادل في ماتش من الاتنين الجايين

[dawn walker]

بصراحة كده

زامبيا شكلها بتلعب بره ارضها احسن من جوا

لان رواندا تعبتها على ارضها

وفازت عليها بالعافية

المهم ...ان يكون فى ماتش من ماتشاتنا حصالة اهداف ممكن يكون رواندا والجزائر نغلبهم بفارق يزيد عن 3

التصفيات لسه فى الملعب

وان شاء الله زامبيا تتعادل او تكسب الجزاير

الجزاير فريق مش جامد ...

بالتوفيق لمصر .وان شاء الله صاعدين

[محمد افندى]

بصراحة يا جماعه انا مع رأى الاخت ذ هبية بلاش نعيش فى حلم احنا لو كسبنا كل المباريات اللى جاية هيبقى عندنا 13 نقطة ولو الجزائر فازت فى مبارتى زامبيا ورواندا هتبقى 13 نقطة ونلجأ لحسبة الاهداف هو دايما المنتخب بيعمل فينا كدة فى كل تصفيات يعنى بنسبة 90 % الجزائر هى اللى هتوصل وبعدين ما احنا عارفين دول الشمال بتعمل معانا اية وعلى ارضنا كمان