نظام التقويم الشامل (الفاشل)

[لين الكلام]

نظام التقويم الجديدة للتلاميذ نفسى أعرف ايه الفايدة منه ما الذى يستفيده التلميذ عدم معرفته للدرجاته فى نهاية العام فالتلميذ المتفوق فقد تشجيعه لانه اصبح لا يعرف درجته ولم يعد له ترتيب بين الأوائل يجعله دائما فى تحدى مع النفس لانه لم يعد هناك درجات تقيمه و حتى التلميذ الضعيف قلنا له نام فى العسل فلن يعرف احد درجات وأصبحت كلها تقديرات المدى بينها كبير فمن المستفيد !!! واضافة نشاطات صفيه ولاصفيه لم يستفيد بها التلميذ الا من اضافتها للبروتوفيليو وزادت من تحكم المدرسين . ارجو ان اعرف آراء المهتمين بالموضوع لان اولادى متميزين واصابهم اليأس من هذا النظام

[عادل أبوزيد]

تم إختزال العملية التعليمية فى إستظهار - أكرر إستظهار - المادة العلمية و ليس إستيعابها بغرض الحصول على أعلى قدر من الدرجات .... و فى هذا تفريغ العملية التعليمية من مضمونها.

ما سبق كان إستهلالا لابد منه

لا أزعم أن نظام التقييم المستمر نظام جيد أم سيئ ؟ و هل سيأتى بالمقصود منه أم لا ؟ إذا أصبح هدف التلميذ ووالد التلميذ أن يتعلم التلميذ أكرر أن يتعلم بمعنى أن يستوعب و تزيد قدرته على إستيعاب معلومات متنوعة يكون النظام الجديد ناجح.

هل يمكن أن تعود البسمة إلى وجوه التلاميذ بأن نطالبهم بالمعقول و ليس 100% من الدرجات ... الهدف السائد الآن و الذى يتنافى مع أبجديات علم الإحصاء.

أذكر فى طفولتى ..... و ربما حتى أواخر الخمسينيات من القرن الماضى أننا كنا نقرأ كل الكتاب المدرسى و نتناقش معا - نحن التلامذة فيه - و كنا نتسلم مثلا أربعة كتب بعنوان المنتخب من أدب العرب و كان المطلوب للإمتحان ربما لا يزيد عن عشرين أو ثلاثين صفحة من هذه الكتب الأربعة و نفس الأمر فى باقى المقررات .....

درست يا سيدى رواية الأيام للدكتور طه حسين أظن سنة 1954 و تصفحت نفس الرواية المقررة الآن أو العام الماضى ووجدت مسخا يطالب التلاميذ تقريبا بحفظ و إستظهارها دون إستيعاب المحتوى البلاغى و الجمالى للرواية .....

أشعر أننى ربما خرجت عن الموضوع الأصلى و أعتذر عن ذلك

[Alshiekh]

نظام التقويم الجديدة للتلاميذ نفسى أعرف ايه الفايدة منه ما الذى يستفيده التلميذ عدم معرفته للدرجاته فى نهاية العام فالتلميذ المتفوق فقد تشجيعه لانه اصبح لا يعرف درجته ولم يعد له ترتيب بين الأوائل يجعله دائما فى تحدى مع النفس لانه لم يعد هناك درجات تقيمه و حتى التلميذ الضعيف قلنا له نام فى العسل فلن يعرف احد درجات وأصبحت كلها تقديرات المدى بينها كبير فمن المستفيد !!! واضافة نشاطات صفيه ولاصفيه لم يستفيد بها التلميذ الا من اضافتها للبروتوفيليو وزادت من تحكم المدرسين . ارجو ان اعرف آراء المهتمين بالموضوع لان اولادى متميزين واصابهم اليأس من هذا النظام

طيب بهدوء وبالراحة

ممكن تشرح لنا ايه هو النظام الذى اشرت اليه حسب وجهة نظرك وايه اللى مش عاجبك فيه؟

أنا فى رأيى أن فكرة النظام نفسها ممتازة اذا طبقت صح حيث ستتيح للتلميذ ان يخرج مابداخله من افكار كل حسب ميوله وحسب البيئة التى تربى فيها هذا بالاضافة لتنمية امكانيات الطفل العقلية والمهارية ، بدلا من الاسلوب العقيم الذى وصلنا اليه الذى اوصل بعض الطلبة لحفظ المسائل الرياضية.

ولكن كيف يتم تطبيق ذلك النظام ، هنا تكمن المشكلة ، لانها تحتاج الى جهود جبارة تشترك فيها الاسرة والمدرس والمدرسة والدولة .

وقدر علمى ان هذا النظام قد بدأ منذ عدة سنوات ولكن على المراحل الاولى من التعليم الابتدائى ولكنى لست متأكد من هذه المعلومة.

[ذهبية]

انا ابنى فى مرحلة ابتدائى و هذا التقويم الغير شامل بالمرة اعانى منة اشد معاناة لاسباب كتيرة

اولا هو نظام خادع لانة لا يذكر درجات و يترك الامر على مجرد تقديرات تترواح بين امتياز وجيد جدا و جيد ومقبول

صعب للغاية ان تعرف مستوى ابنك لان مستوى التقدير مفتوح وواسع

الاخطر من دة انة بيتيع التراكمية يعنى الشهادة الابتدائية مثلا اصبحت تراكمية تقديرات على مدى السنين السابقة

طيب انا ابنى مش بياخد درس عند المدرس الفصل بالتالى اخد درجات مش كويسة وتقدير مش كويس انا اقول مش مشكلة لان المهم الشهادة لانها بدون اعمال سنة و يعتمد على اجتهاد التلميذ فى اخر العام

بدون تدخل من مدرس الفصل دة اللى اخدنا علية

اتفاجات بموضوع التقويم الشامل انة تراكمى على مدى السنين و مش بس كدة هيكون فية اعمال سنة

يعنى المرفوض منى انى اخد درس على المدرس علشان اضمن الدرجة و التقدير

وافضل معتمدة السنين الى فاتت انها نقل مش هتتحسب افاجىء انها داخلة داخل المجموع

ام موضوع النشاط كلنا عارفين انة على الورق فقط مفيش مدرسة بتعمل نشاط نشاط اية لفصل يتجاوز الخمسين وعدد فصول المدرسة لا تقل عن 11 12 فصل

و بعدين انا من وجهة نظرى ان مواهب الاطفال هبة من الله يعنى هتلاقى طفل عندة موهبة الرسم وطفل تانى مش بيعرف اصلا يرسم طيب اظلمة لية و اخلى الرسم داخل المجموع هل عطاء الله هتحاسب علية انى لا املكة

واظلم الطفل اللى مش عندة موهبة من عند ربنا وانقصة يجى 11 او 12 درجة لانة منضاف فى المجموع من اعدادى لية

و الله العظيم انا اعرف ناس بيدوا دلوقتى دروس رسم والمدرس بالشىء الفلانى و بيدوا دروس كمبيورتر

اعتقد ان النظام دة نيتجة تاخر التلميذ دراسيا لا يوجد فرق الان بين الطفل المتميز والعادى

زيادة الدروس الخصوصية فى جميع المراحل

زيادة الاعباء النفسية على الطفل و اسرتة وحرق دم طوال العام لكل المراحل الدراسية

هلك لميزانية الاسرة واضة بنود عليها سواء شئنا ام ابينا كلنا عارفين ان مفيش تعليم فى المدراس

اجبار عليا انى اخد درس على المدرس الفصل لاضمن تقدير متميز طول ما درجاتى فى ايدة وما بقى معتمد على مجهودى

[أحمد سيف]

طالما اننا بنفكر في التعليم على إنه شهاده يبقى هنفضل محلك سر ... عايزين بقى نغير العقليه دي ... يا اخوانا التقويم ده وسيلة وليس هدف وسيلة لمعرفة نقاط القوة وتنميتها ومعرفة نقاط الضعف ومعالجتها ... مش فاهم احنا مموتين نفسنا علشان اولادنا يجيبوا مجموع في الابتدائيه ليه ؟؟؟؟ في النهاية المجموع مش هيفرق معاه في حاجه وأهم حاجه الولد يتأسس كويس في الدين واللغات والعلوم الأساسية ... أنا شخصيا شايف إن موضوع التقديرات ده هيحل مشكله كبيره لإنه هيريح أولياء الأمور من التفكير في الدرجه والنص درجه ... ارحموا نفسكم شويه العيال بقت بتاخذ دروس في الحضانه . أصحاب المجاميع الوهمية اللي بنسمع عنها في الثانويه بيفشلوا في الجامعات وللي بيتخرج بيقعد في البيت واللي بيلاقي شغل بيشتغل بملاليم وحتى اللي بيطلع بره بيشوف الغلب ... كفايه بقى تفكير في إن الشهادة والمجموع هما الطريق الوحيد للنجاح في الحياة ... مش كل الناس اتخلقت علشان تبقى دكاتره ومهندسين وعلماء ولو الحكايه بقت كده بكره أصحاب المؤهلات العليا هيقعدوا يشحتوا في الشوارع لإن محدش هيحتاجهم ... أعطوا الأطفال فرصه لاكتساب مهارات أخرى غير الصمّ وحل أسئلة الامتحانات عسى أن يفلحوا في شئ يتناسب مع قدراتهم ومهاراتهم ويقدروا يفيدوا بلدهم بدل ما يصبحوا عاله عليها. أنا شخصيا أقسم بالله العظيم إني مش هدي أي واحد من عيالي درس خصوصي ولو حد فيهم قرر يشتغل حاجه حرفيه أو فنية بعد المدرسه بدل ما يروح الجامعه مش همنعه ولا هكون زعلان.

[محمد عبدالعزيز]

طالما اننا بنفكر في التعليم على إنه شهاده يبقى هنفضل محلك سر ... عايزين بقى نغير العقليه دي ... يا اخوانا التقويم ده وسيلة وليس هدف وسيلة لمعرفة نقاط القوة وتنميتها ومعرفة نقاط الضعف ومعالجتها ... مش فاهم احنا مموتين نفسنا علشان اولادنا يجيبوا مجموع في الابتدائيه ليه ؟؟؟؟ في النهاية المجموع مش هيفرق معاه في حاجه وأهم حاجه الولد يتأسس كويس في الدين واللغات والعلوم الأساسية ... أنا شخصيا شايف إن موضوع التقديرات ده هيحل مشكله كبيره لإنه هيريح أولياء الأمور من التفكير في الدرجه والنص درجه ... ارحموا نفسكم شويه العيال بقت بتاخذ دروس في الحضانه . أصحاب المجاميع الوهمية اللي بنسمع عنها في الثانويه بيفشلوا في الجامعات وللي بيتخرج بيقعد في البيت واللي بيلاقي شغل بيشتغل بملاليم وحتى اللي بيطلع بره بيشوف الغلب ... كفايه بقى تفكير في إن الشهادة والمجموع هما الطريق الوحيد للنجاح في الحياة ... مش كل الناس اتخلقت علشان تبقى دكاتره ومهندسين وعلماء ولو الحكايه بقت كده بكره أصحاب المؤهلات العليا هيقعدوا يشحتوا في الشوارع لإن محدش هيحتاجهم ... أعطوا الأطفال فرصه لاكتساب مهارات أخرى غير الصمّ وحل أسئلة الامتحانات عسى أن يفلحوا في شئ يتناسب مع قدراتهم ومهاراتهم ويقدروا يفيدوا بلدهم بدل ما يصبحوا عاله عليها. أنا شخصيا أقسم بالله العظيم إني مش هدي أي واحد من عيالي درس خصوصي ولو حد فيهم قرر يشتغل حاجه حرفيه أو فنية بعد المدرسه بدل ما يروح الجامعه مش همنعه ولا هكون زعلان.

متفق معاك ياباشمهندس 100% , بجد حالنا فى التعليم بقى صعب جداً ومحتاج تغيير لعقلية أولياء الأمور.

امبارح كنت بتناقش مع ابن أخويا -وهو فى أولى إعدادى- عشان حكاية الدرس اللى فى جميع المواد ده, وده لأنى صعبان عليا جداً الطفل يقعد طول ماهو صاحى بيدرس, وساعة مايفكر يلعب شوية تلاقى الأم والأب يلوموه ولا كأنه عمل جريمة ويستحق عليها الشنق لأنه مش بيقدر تعب أبوه وأمه وتوفيرهم للفلوس عشان ياخد أكبر قدر ممكن من الدروس, المهم...

سألته إنت بتاخد دروس فى جميع المواد ليه هو إنت مش بتفهم من المدرسة وكتب المدرسة؟

اتفاجأت بإجابته بإنه بيفهم من المدرسة ومن كتب المدرسة ومش محتاج يروح درس!!!

قلت له أمال بتروح ليه؟

قال لى هما -أبوه وأمه يعنى- اللى عاوزين يأكدوا عليا فى الشرح!!!

بصراحة قعدت فترة ساكت ومش عارف أقول للولد إيه, وأنا اللى كنت مجهز نفسى أديله درس فى الاجتهاد والاعتماد على النفس وتحمل المسئولية وإنه مايرهقش أبوه فى المصاريف فى الظروف اللى احنا فيها دى ويحاول يعتمد على نفسه فى المذاكرة وإن هى دى الطريقة السليمة لبناء المستقبل وحاجات كتير, ولكن صدمت من إجابته ومابقتش عارف أقول له إيه!!!

المهم يعنى بعد فترة من التفكير ربنا فتح عليا بكلمتين أقولهم للولد عشان يجتهد ويثبت لأبوه وأمه بالفعل مش بس بالكلام إنه مش محتاج لدروس.

وأنا متأكد إن فى حالات تانية مشابهة كتير والأب واﻷم بيعملوا زى الدبة اللى قتلت صاحبها بدافع الحب, بمعنى إنهم بيعلموا أولادهم التنبلة -آسف فى اللفظ- واللامبالاة والاعتماد على الغير فى كل حاجة وده كله بسبب محاولاتهم المستميتة فى تأمين مستقبل أولادهم بأى طريقة, ومش بياخدوا بالهم إنهم بكده بيربوا شخص مالوش أى فايدة لا لنفسه ولا لأهله ولا لمجتمعه ده إذا مكانش بيضرهم كلهم.

وأنا كمان بإذن الله ناوى أعمل زيك ياباشمهندس ومادخلش أولادى دروس خصوصية ولا كلام من ده, ودعواتكم جميعاً إنى أنجح فى التحدى ده عشان قرب خلاص كلها سنة وبنتى تبتدى الدراسة.

[طه بدر]

بداية شكرا حقيقى لجميع المشاركين بالموضوع

فالتعليم حقيقى بكل جوانبه هو سبب كل البلاوى التى نعانى منها

فمنذ ان ترك الرجل المحترم مصطفى كمال حلمى وزارة التعليم لم تعرف هذه البلد وزير تعليم حقيقى

وكلنا يشهد بنفسه او فى اولاده نتائج الافكار الخزعبلاية لناس امثال بهاء الدين واتباعه

ربما كانوا علماء فى مجالهم ولكنهم بالتاكيد اجهل من الجهل فى التعليم والنتيجة ما نراه الان

فى كل مصيبة ابحث عن التعليم

الفتنة الطائفية.................. بسبب التعليم

البطالة............................. بسبب التعليم

الفقر................................ بسبب التعليم

التعذيب............................ بسبب التعليم

وكل مشاكل هذا البلد لان لا المسئول ولا حتى الوزير ولا ولى الامر الذى هو الاخر نتيجة للمنظومة الفاسدة فى التعليم كلهم - الا من رحم ربى - يعلم الهدف من التعليم

الهدف الذى يصنع الفرق بين دول متقدمة واخرى متخلفة

دول يشعر عامل النظافة فيها بالفخر لانه يودى عمل شريف

ودول يشعر المهندس والطبيب والقاضى فيها بالامتهان لانه عاجز عن فهم الحياة حوله وان يرى الامور من منظورها الصحيح

التعليم وليس اسلوب التقويم هو سبب بلاوينا

وسيظل سبب البلاوى مادام ولى الامر يبحث عن درجات ابنه لا عما تعلمه واكتسبه من مهارات وقيم لا يمكن وضعها فى درجات

الصدق الشجاعة الامانة الاخلاص ...................... قيم كان يتعلمها الطالب فى المدرسة دون ان ياخذ بها درجة

الان نعلم اولادنا ان الدرس الخصوصى مع مدرس الفصل سبب النجاح لنضرب له اكبر المثل وبالدرس العملى على معنى الرشوة واهميتها فى المجتمع

التعليم سبب النكبة

وهو فقط اول خطوة للاصلاح

لذلك لن ترى وزرير تعليم حقيقى فى هذا البلد

وانما مجرد نكرة يتسلم من نكرة

ولن يغير الله ما بقوم حتى يغيروا ما بانفسهم

مع التحية

تم تعديل 21 يونيو 2009 بواسطة طه بدر

[لين الكلام]

لم أقصد أبدا اهتمامى بالدرجات فى حد ذاتها لان دى سنوات نقل ولكن قصدت عامل تشجيع التلميذ المتفوق (المتفوق دون ضغط هائل عليه كما يحدث) ولكن بطبيعته متفوق كيف أشجعه بدون درجات وترتيب لمستواه بين زملائه كيف أخلق روح التحدى والتنافس الذى قضى عليهم التقويم الشامل الذى لم يطبق منه سوى حجب الدرجات واعطاء تقديرات بدلا منها ولم يتغير أى شئ آخر من نظام التعليم ولا كثافة الفصل ولا اسلوب المدرس كل ما حدث شغل المدرس بثلاث امتحانات كل شهر شايل همهم المدرس يوفر وقت امتى من الحصص مع تضخم المناهج المعدلة وامتى يصحههم وفى الآخر اى ولى يأمر يتكلم فى أى خلل يكون الرد جاهز "كله مساوى بعضه دى تقديرات" كمان دخل فى التقويم أشياء ازاى التلميذ يآخذ عليها درجات ذى الرسم وده مهارات فردية وكمان الألعاب والموسيقى الخ .. بدل ما ندى درجات على الحاجات دى نهتم بالنشاط نفسه وتطبيقه فى المدارس وتوفير الامكانيات له كالمعامل والملاعب أنا مضايقة من النظام لان أولادى متفوقين بدون ضغوط ولا كبت ولا دروس خصوصية الا فى اضيق الحدود فمن حقهم على الأقل يعرفوا نتيجة جهدهم بالتشجيع البسيط عن طريق معرفه الدرجة التى حصلوا عليها ليكملوا الطريق بنفس الحماس ولا يصابوا بخيبة الأمل واليأس وفعلا أقدر أقول بضمير مرتاح ان مستواهم يرجع على مجهود البيت وثقافته ولا يعود للمدرسة بأى فضل صدقونى الطفل فى السن ده ما شاء الله على ذكائه ولكن لا يوجد من يهتم به واسلوب التعليم عقيم ولا يفرق بين الفروق الفردية وكله فى فصل واحد ازاى ممكن يكون مجموعة تلاميذ فائقين وفى نفس الفصل البعض الذين يعانون من صعوبات التعلم . الموضوع ده فى ظن البعض انه مش مستاهل لانهم أطفال لكن بالممارسة الفعلية فعلاً حقق احباط

تم تعديل 21 يونيو 2009 بواسطة لين الكلام

[Sherief AbdelWahab]

لو أنا مكانك .. عندي الهدف الأساسي يعدي وينجح ، بس يبقى عنده مهارات أساسية يتعلمها ويعرف يستخدمها صح ، بدل ما نفرح بيه وهو داخل كليات "الكيمممة" ع الجامعة وهو بيحفظ جدول ضرب 5 بصعوبة..

خلص الكلام