إساءة إستخدام البريد الخاص

[se_ Elsyed]

لم أكن أتوقع أن يقوم فرد من أفراد الإدارة بكتابة مثل هذا الموضوع

لإن ببساطة المكان معروف توجهاته

فمن الواضح إننا لسنا موقعاً للدردشة

او للتعارف بين الجنسين بشكل خاص ... ولا أخفي عليكم بأنني كنت من أشد المعارضين بعدم فتح موضوعات الزواج او التعارف بين الجنسين للزواج ... لإن معظم النار من مستصغر الشرر ... وقد لا يجد الشاب حرجاً من وضع بياناته في موضوع مثل هذا .. لكن الفتاة ... في مجتمعنا الشرقي .. أعتقد لها وضع خاص يجب أن نعمل جميعاً على الحفاظ عليه ..

ولسنا موقع هلا وغلا .. ومشكور اخوي ما جصرت .. وتدخل 500 موضوع تلاقي نفس الكلمات دي متكررة كوبي وبيست بدون محتوى .

وحتى من إسمنا فلا إحنا موقع الدلوعة ولا شباب رِوش

وبالتالي كل إنسان فاضل عزيز علينا قام بالتسجيل ...بالتأكيد عارف من نحن .. ويعرف أين هو الأن ..

لكن أن نُفاجأ ببعض المرضى النفسيين المكبوتين قاموا بالتسجيل وليس لهم إلا مداخله أو إثنين من عينه مشكور ... لكن على الجانب الأخر من الواضح أن لهم نشاط ملحوظ ودؤب في إرسال البريد الخاص إلى أخواتنا وأمهاتنا بالمنتدى عشان يقول "عايزين نتعرف " أو " صباح الخير " أو " إزيك " وتكرر ذلك من نفس الأشخاص مع كثير من العضوات الذين مرروها إلينا ووجدنا أنها من اشخاص معينين ...

وبدون سابق معرفة وبدون سبب ..

وازيد على ذلك ... يقوم العضو الغير محترم بالتسلل إلى بروفايل العضوات الفضليات والمتاح للجميع وهو ليس به أي أسرار بالتأكيد .. ويقوم بسرقة البريد الخاص سواء ياهو او هوتميل ليُضيفة لديه على الماسنجر ويرسل لهم دعوات لقبول ذلك !!!!!!!!!!!!!!!!!!!!!!! ..... فهذا سلوك صبياني مُشين .

والحمد لله إن هناك عضوات فضليات ينبهوا الإدارة بذلك ويقوموا بإرسال نسخ من تلك الرسائل السمجة الغير محترمة لنتأكد من نوايا مثل هؤلاء المرضى الشريرة الذين ضلوا الطريق ودخلوا في المكان الغير مناسب لأمثالهم ...

وبالتالي نحن نتعامل بلا هوادة ولا تبرير أعذار مع مثل هؤلاء ونقوم بإلغاء عضوياتهم فوراً وبدون تردد .

وكل ما أرجوه من اخواتنا العزيزات علينا والذين نكن لهم كل إحترام وتقدير .. ألا يتحرجوا من هذا الموضوع أو يقولن لأنفسهن " مش عاوزين دوشه ونتجاهل الموضوع وخلاص " فأرجو منهن جميعاً ألا يتحرجن من ذلك ويقومن فوراً بتمرير مثل تلك السخافات لنا لكي نحميهم ونحمي غيرهن من مثل تلك التفاهات .

وشكراً للجميع

[sherifhfm]

ممكن اقتراح اخى لو تسمح

لو ينفع انك تخلى ارسال الرسائل الخاصة غير مفعله الا للاعضاء الذين تجاوز عدد مشاركاتهم عدد معين

اسف لتدخلى بس مجرد فكره

[Nassarlink]

النوع ده موجود في كل مكان

بس انشاء الله ملوش مكان بيننا

والحل الوحيد زي ما س س قال

هو البتر

وده مش هتقدر عليه الاداره لوحدها من غير معاونه الاعضاء الي بتقابلهم المشكله دي

[سهرانه]

احب اكون اول( المشاركات)في الموضوع ده لاني كنت من الناس اللي اتعرضوا لمضايقات عن طريق البريد الخاص

وكنت من ضمن اللي بلغوا فريق الاشراف بالمضايقات دي

عايزه بس اقول ان للاسف في ناس للاسف بتحددشخصيه العضو من الاسم اللي داخل بيه ده (للاسف)

يعني انا داخله باسم سهرانه....واول ما دخلت كتبت في موضوع ترحيب وتعارف

انا عضوه جديده هنا في المنتدي

ودي اول مشاركه ليه. وبصراحه يشرفني اني اكون احد اعضاء محاورات المصريين

المنتدى اكثر من رائع

ولاني اكتشفت المنتدى ده وانا كنت قاعده سهرانه بالليل بادور على بعض المعلومات

فقررت اني ادخل بالاسم ده :سهرانه

ووجدت احد الاعضاء بيبعت لي رسائل على الخاص لمجرد اني داخله بالاسم ده

واعتقد ان مش من المفروض ان كل واحد يقعد يكتب سبب اختياره لليوزر نيم بتاعه

وانا من الؤيدين :sofa: لراْى العضو الاستاذ nasserlink و هو ان الحل هو البتر وان فعلا الاداره مش هاتقدرعلى الموضوع ده لوحدها بدون معاونة الاعضاء اللي بتقابلهم المشكله دي

كمان احب اشكر الاخ المشرف (سي السيد)انه طرح الموضوع ده علشان يشجع كل اللي اتعرض لمضايقات انه يكون ايجابي ويبلغ فريق الاشراف

خصوصا انه صرح بان الاعضاء دي بتلغى عضويتهم فورا

اما بالنسبه لاقتراح الاخ hfmshiref وهو ان لازم يبلغ عدد مشاركات العضو عدد معين قبل ما يستطيع انه يبعت رسائل خاصه

انا مش معاه في الراْي ده :closedeyes: لان ممكن واحد يدخل ويكتب عدد المشاركات المحدده والمطلوبه لتفعيل الرسائل الخاصه ا دي سهله جدا انه يدخل في كام موضوع يكتب شكرا للعضو فلان او يكتب اي كلمتين في اي موضوع وبكده يكون وصل لعدد المشاركات المطلوبه

وفي مقابل كده ممكن عضو تاني محترم يكون عايز يعرف معلومه مهمه ووجد احد الاعضاء هنا ممكن يفيده فيها بس ممكن المعلومه دي تكون ماينفعش انها تتكتب على العام كده( يعني اسئله في مجال معين )حاجه خاصه.ولابد انه يكتبها على الخاص والعضو ده يتحرم من خاصيه الرسائل الخاصه ولازم يوصل لعدد مشاركات معينه قبل ما يقدر يحصل على المعلومه دي

فانا بصراحه مش مع الراْي ده

الرسائل الخاصه المفروض تكون للجميع

بس المخالفات يتبلغ عنها

وانا شايفه ان فريق الاشراف هنا .ماشاء الله .مابيتاْخرش

بصراحه دي شهاده مني بكده

وللمره التانيه باقولها .يشرفني اني اون احد اعضاء المنتدي الجميل (المحترم) ده واحط خمس خطوط تحت كلمة محترم

تحياتي

سهرانه

:ninja:

[ozoozo]

اظن ان في خاصيه عمل بلوك لعضو معين حتي لا استقبل رساءله

[لولا]

قضية مهمه فعلا ومشكلة للأسف الشديد جدا لا حظت انها دخلت مكان شديد الرقى كا المحاورات يجهل الكثيرون من ضعاف النفوس

انه ليس امتداد لمنتديات "الفرفشة " !!

محق انت يا سي السيد هؤلاء أشخاص ليس لهم مكان بيننا وبترهم هو واجب لا هواده فيه واشكر الإدارة بشده كعضوة هنا تعرضت للكثير

من هذه النوعيه من الرسائل من اشخاص ليس لهم وجود سوى فى الكواليس الخلفيه وبرسائل خاصه مزعجة وغير محترمه.

وحيث اننى كنت من الأشخاص الذين يتحرجون من الحديث فى هذا الموضوع ومخاطبة الإدارة بشأنها لأننى كنت اتجاهلها تارة وارد بحده وصرامة

تارة اخرى فأرجو فعلا من كافة الزميلات والأخوات هنا ان نتعاون معا - دون تحرج او خجل - فى القضاء على اى وجود لمثل هؤلاء بيننا .

تحياتى للجميع ..

اكرر شكرى للأداره .

لولا

[doudy]

ايوة فعلا يا س س

انا كمان فى عضو و للاسف المفروض انه زميل لنا

و جديد كمان ارسل ليا طلب صداقة ع البريد الخاص و رفضت اضيفه كصديق

و انا لما دخلت اشوف ملفه

ما كانش له ولا مداخلة لسة و طالب صداقتى استغربت

بس لما سمعت من فتفوتة انه برضه ضايقها عرفت انه انسان مش كويس

مش عارفة الاشكال دى بتيجى منين

اظن انه شايف طبيعة المنتدى محترم و اعضائه كلهم ناس محترمين

فاكر نفسه مشترك فين

[الباشمهندس ياسر]

طب و الولاد العساسيل المؤدبين :closedeyes: اللى ماشيين على الرصيف و مبيمشوش ف وسط الشارع

يتبعت ليهم رسايل زى كده من البنات الشرسة اللى شعرها منكوش و بتعض على طول

و تقوم فاتحه عليه المطوة و عايزين نتعرف يا واد انت ..

يعملوا ايه يا عمو... :ninja:

[se_ Elsyed]

طب و الولاد العساسيل المؤدبين :closedeyes: اللى ماشيين على الرصيف و مبيمشوش ف وسط الشارع

يتبعت ليهم رسايل زى كده من البنات الشرسة اللى شعرها منكوش و بتعض على طول

و تقوم فاتحه عليه المطوة و عايزين نتعرف يا واد انت ..

يعملوا ايه يا عمو... :ninja:

دول تبعتهم لي اتصرف أنا معاهم ...

بس يا عم أنتي ما تضحكنيش بقى أنا باتكلم جد دلوقت

هاتعمل زي أول ما جيت السعودية

سمعت العيال بيقولوا قصايد شعر في معاكسات التليفون

قبل أختراع الموبيل يعني

وأنا الوحيد اللي كان عندي تليفون في غرفتي بحكم طبيعة شغلي ..

و 6 سنين يا مؤمن إن حد يتصل ويسأل حتى عن محل هوهو الكبابجي ؟

أقسم بالله زي ما يكون تليفون راكبه عفريت .. لدرجة كنت ساعات أرفع السماعه عشان شاكك إن ما فيهوش حرارة ..

وبس بقى بجد بدل ما أتهمك بالتحرش

[se_ Elsyed]

اظن ان في خاصيه عمل بلوك لعضو معين حتي لا استقبل رساءله

مش ده الحل يا ريس

لأني لاحظت أن الموضوع ماشي بالعكس

يعني قلالات الادب عمالين يبرطعوا ويعملوا عمايلهم

وإخواتنا هما اللي مكسوفين

لو عالبلوك سهل يتعمل

لكن البتر هو الحل ...

مش عايزين نقول بقى نمسكهم ونحلق لهم زلبطه وننشر اساميهم ... لأ عمرنا ما هانعمل كده .. لكن الحذف هوم الحل .. وتعاون الجميع إن المكان ده يفضل راقي بناسه وأفكارهم وحبهم وتعاونهم مع بعض هو ده هدفنا جميعاً ..

[doudy]

اظن ان في خاصيه عمل بلوك لعضو معين حتي لا استقبل رساءله

مش ده الحل يا ريس

لأني لاحظت أن الموضوع ماشي بالعكس

يعني قلالات الادب عمالين يبرطعوا ويعملوا عمايلهم

وإخواتنا هما اللي مكسوفين

لو عالبلوك سهل يتعمل

لكن البتر هو الحل ...

مش عايزين نقول بقى نمسكهم ونحلق لهم زلبطه وننشر اساميهم ... لأ عمرنا ما هانعمل كده .. لكن الحذف هوم الحل .. وتعاون الجميع إن المكان ده يفضل راقي بناسه وأفكارهم وحبهم وتعاونهم مع بعض هو ده هدفنا جميعاً ..

لا الافضل ياسى السيد

انك تحلق لهم زلبطة عشان يكونوا عبرة

و يحترموا المكان اللى هما فيه

و يعرفوا يتعاملوا ازاى مع اخواتهم و امهاتهم فى المنتدى

بدل ما كل واحد فاكر نفسه دون جوان و الواد اللى مفيش زيه ولا منه

[mandoo]

الأخ الفاضل / أبو الأسيان

إسمحلى أقتبس من مداخلتك بعض الجمل

لكن أن نُفاجأ ببعض المرضى النفسيين المكبوتين

..... فهذا سلوك صبياني مُشين .

مثل هؤلاء المرضى الشريرة الذين ضلوا الطريق ودخلوا في المكان الغير مناسب لأمثالهم ...

لقد كفيت ووفيت فى طرحك للموضوع ونعتهم بصفات هى أقل مايوصفون بها فهذه النوعية لايجب أن تأخذك بهم رحمة ولا شفقة بل ويجب على إدارة المنتدى أن تكون حازمة فى إتخاذ إجراءات صارمة فى حق هؤلاء وأتمنى أن يتم نشر أسماء هؤلاء علشان فضيحتهم تكون بجلاجل ويتم بعد ذلك طردهم من هذا المنتدى المحترم

أما بخصوص الأخوات الفاضلات فأقول لهم لاتتكاسلوا فى الإبلاغ عن أى شخص غير ملتزم

[elshafey]

اظن ان في خاصيه عمل بلوك لعضو معين حتي لا استقبل رساءله

مش ده الحل يا ريس

لأني لاحظت أن الموضوع ماشي بالعكس

يعني قلالات الادب عمالين يبرطعوا ويعملوا عمايلهم

وإخواتنا هما اللي مكسوفين

لو عالبلوك سهل يتعمل

لكن البتر هو الحل ...

مش عايزين نقول بقى نمسكهم ونحلق لهم زلبطه وننشر اساميهم ... لأ عمرنا ما هانعمل كده .. لكن الحذف هوم الحل .. وتعاون الجميع إن المكان ده يفضل راقي بناسه وأفكارهم وحبهم وتعاونهم مع بعض هو ده هدفنا جميعاً ..

والله يا سين سين فعلا ممكن تحلق لهم زلبطة وتعمل إعلان مثبت في أعلي كل سم في المحاورات

بأسماء الحلوين دول وتكتب إنهم إتشطبوا عشان دمهم خفيف وبترازلوا علي إخواتنا

وبكدة كل واحد بيحلو هيفكر قبل ما يعملها

وممكن كمان تعمل بلوك لأكتر آي بي بيدخل عن طريقه عشان مايخشش يسجل بإسم تاني

وبكدة هتكون حلقتله زلبطة

[الباشمهندس ياسر]

دول تبعتهم لي اتصرف أنا معاهم ...

لما قريت الحتة دى

افتكرت عادل امام ف مسرحية الزعيم

لما بصيت تحت بقى

بس يا عم أنتي ما تضحكنيش بقى أنا باتكلم جد دلوقت

هاتعمل زي أول ما جيت السعودية

سمعت العيال بيقولوا قصايد شعر في معاكسات التليفون

قبل أختراع الموبيل يعني

وأنا الوحيد اللي كان عندي تليفون في غرفتي بحكم طبيعة شغلي ..

و 6 سنين يا مؤمن إن حد يتصل ويسأل حتى عن محل هوهو الكبابجي ؟

أقسم بالله زي ما يكون تليفون راكبه عفريت .. لدرجة كنت ساعات أرفع السماعه عشان شاكك إن ما فيهوش حرارة ..

وبس بقى بجد بدل ما أتهمك بالتحرش

و الله يا مؤمن قعدت اضحك لغاية ما فرجت عليا البيت

و الجيران اللى قدامنا .. زمانهم قالوا ياسر اتجنن او حصله حاجة

ربنا يفرحك يا ابو حميد

[سهل جدا]

طب و الولاد العساسيل المؤدبين اللى ماشيين على الرصيف و مبيمشوش ف وسط الشارع

يتبعت ليهم رسايل زى كده من البنات الشرسة اللى شعرها منكوش و بتعض على طول

و تقوم فاتحه عليه المطوة و عايزين نتعرف يا واد انت ..

يعملوا ايه يا عمو...

آه وانت الصادق

دا أنا خايف أحط الصورة بتاعتي في المربع اللي على جنب ده عشان ما تجنيش معاكسات bv:-

=====================================

بصراحة يا جماعة حسب خبرتي المتواضعة في المنتديات إن أبلغ رد على الرسائل اللي زي دي هو تجاهلها تماما

هاتلاقي العضو ولّع من الغيظ , وتلاقيه عمال يضرب أخماس في أسداس , يا ترى وصلت الرسالة ولا ما وصلتش

يا ترى قرأتها ولا ما قرأتهاش ..... ؟؟

[fatfouta]

بدل ما كل واحد فاكر نفسه دون جوان و الواد اللى مفيش زيه ولا منه

ايوه والله عندك حق يا دودى كل واحد فاكر نفسه دوووون جوان وهو فى الاساس لو شيلتى المقطع التانى من الكلمة هيبقى كده بالضبط

الشخص اللى ضايقنى انا وانتى واحد وانا عارفة كده وطلع والحمد لله مش مصرى ومش هقول جنسيته ايه لكن بصراحة كان اسلوبه فى منتهى الاستفزاز وبصراحة كمان فى منتهى العبط تحس كده انه داخل عمال يبعت فى رسايل وخلاص والرساله تلاقيها كلمه واحدة او كلمتين ولا تتعدى الجملة

والغريبة انه لسه ليه مشاركة واحدة بس يعنى عارفنا منين انا مش عارفة وهو فى بلده لو حد عمل حاجة ذى كده فى واحدة ست ممكن كانوا احلوا دمه لكن فاكرينها معانا هتبقى سهله بس الحمد لله اخد على دماغه

اما بقى عن الرجالة الامامير المسمسمين اللى خايفين من المعاكسات فاستنوا شوية على الادارة هتشوف موضوع الستات وبعدين تبقى تشوف لكم انتوا حل واوعوا تحطوا صوركوا

كنت عاوزة اقول حاجات كتير بس كفايه كده دلوقتى

بصراحة انا بجد افتخر بوجود ادارة ذى ادارة محاورات المصريين

[icehearted girl]

الشخص اللى ضايقنى انا وانتى واحد وانا عارفة كده وطلع والحمد لله مش مصرى ومش هقول جنسيته ايه لكن بصراحة كان اسلوبه فى منتهى الاستفزاز وبصراحة كمان فى منتهى العبط تحس كده انه داخل عمال يبعت فى رسايل وخلاص والرساله تلاقيها كلمه واحدة او كلمتين ولا تتعدى الجملة

والغريبة انه لسه ليه مشاركة واحدة بس يعنى عارفنا منين انا مش عارفة وهو فى بلده لو حد عمل حاجة ذى كده فى واحدة ست ممكن كانوا احلوا دمه لكن فاكرينها معانا هتبقى سهله بس الحمد لله اخد على دماغه

اوبببااااااااااااااا

انا ممكن اقول هوا مين علي فكرة

[fatfouta]

الشخص اللى ضايقنى انا وانتى واحد وانا عارفة كده وطلع والحمد لله مش مصرى ومش هقول جنسيته ايه لكن بصراحة كان اسلوبه فى منتهى الاستفزاز وبصراحة كمان فى منتهى العبط تحس كده انه داخل عمال يبعت فى رسايل وخلاص والرساله تلاقيها كلمه واحدة او كلمتين ولا تتعدى الجملة

والغريبة انه لسه ليه مشاركة واحدة بس يعنى عارفنا منين انا مش عارفة وهو فى بلده لو حد عمل حاجة ذى كده فى واحدة ست ممكن كانوا احلوا دمه لكن فاكرينها معانا هتبقى سهله بس الحمد لله اخد على دماغه

اوبببااااااااااااااا

انا ممكن اقول هوا مين علي فكرة

لا مش ممكن عشان انتى لسه صغنونة لما تكبرى شوية

[الحازم حسن]

لزميلة فاضلة من جنسية عربية تجربة سيئة جداً في هذا المنتدى من حوالي سنتين أو أكثر دعوتها للمنتدى من منتدى اسلامي اتردد عليه وواحد في المنتدى كتب قصيدة في باب الشعر قامت ردت عليه بكل ادب وقالت له شكراً قام عمنا الشاعر الكبير " أحمد شوقي " زي مايكون ما صدق وفضل يبعت لها قصائد حب وشعر وغزل على الخاص لغاية ما قالت حرمت وانسحبت تماماً من المنتدى بس قبل ما تنسحب اقنعتها انها تضيفه في قايمة الزبالة لست او تعمله بلوك لانها رفضت تشتكي للادارة واقتنعت فعلاً وبعدها بيومين دخل واحد تاني وبدون اي مشاركة قال لها اسم حضرتك مش غريب عليا ممكن نتعرف

[Alshiekh]

أرجو بكده أن الصورة تكون قد اتضحت عن سبب تشدد الادارة فى موضوع العضويات الجديدة والمسببة للمشاكل.