إساءة إستخدام البريد الخاص

[Tafshan]

يا مسا ء الخير عليكم ..

س س حبيبي الملايين ... في حل فنى بسيط مش عارف امكانيته ايه في المنتدى هنا .. في خاصية الابلاغ ممكن تضاف على البريد و يا سلام لو تضاف على المداخلات كمان بحيث انها تشيل الحرج عن الشخص اللى تم التحرش بيه سواء على الخاص او على العام .. شوف كده ايه امكانيتها ؟؟

[doudy]

أرجو بكده أن الصورة تكون قد اتضحت عن سبب تشدد الادارة فى موضوع العضويات الجديدة والمسببة للمشاكل.

و الله بجد الادارة معاها حق

[الباشمهندس ياسر]

اما بقى عن الرجالة الامامير المسمسمين اللى خايفين من المعاكسات فاستنوا شوية على الادارة هتشوف موضوع الستات وبعدين تبقى تشوف لكم انتوا حل واوعوا تحطوا صوركوا

احم احم

يا فتفوته ... كده برده

الرجالة المجدع يتقال عليهم امامير و مسمسين cr((:

[الباشمهندس ياسر]

دا أنا خايف أحط الصورة بتاعتي في المربع اللي على جنب ده عشان ما تجنيش معاكسات cr((:

هى مش الصور حرام يا مولانا cr((:

[سهرانه]

الشخص اللى ضايقنى انا وانتى واحد وانا عارفة كده وطلع والحمد لله مش مصرى ومش هقول جنسيته ايه لكن بصراحة كان اسلوبه فى منتهى الاستفزاز وبصراحة كمان فى منتهى العبط تحس كده انه داخل عمال يبعت فى رسايل وخلاص والرساله تلاقيها كلمه واحدة او كلمتين ولا تتعدى الجملة

والغريبة انه لسه ليه مشاركة واحدة بس يعنى عارفنا منين انا مش عارفة وهو فى بلده لو حد عمل حاجة ذى كده فى واحدة ست ممكن كانوا احلوا دمه لكن فاكرينها معانا هتبقى سهله بس الحمد لله اخد على دماغه

اوبببااااااااااااااا

انا ممكن اقول هوا مين علي فكرة cr((:

لا مش ممكن عشان انتى لسه صغنونة لما تكبرى شوية

cr((: طيب ممكن اقول انا هوه مين ؟؟

cr((:

هههههههه........من الواضح انه نفس الشخص برضو اللي بعت لي على الخاص لانه مش مصري وبنفس الوصف اللي قلتوا عليه

بس من هنا اقدر استشف انه (كان) عضو واحد اللي بيضايقنا كلنا

ودي علامه كويسه.........انه يكون هوه شخص واحد اللي بنتكلم كلنا عليه

يعني الحمد لله انهم مش كتير

ونفسي يدخل ويقراْ الموضوع اللي اتفتح مخصوص علشانه cr((:

[dawn walker]

ولسنا موقع هلا وغلا .. ومشكور اخوي ما جصرت .. وتدخل 500 موضوع تلاقي نفس الكلمات دي متكررة كوبي وبيست بدون محتوى .

احسن ما فى المحاورات

[عنبو]

السلام عليكم ورحمة الله وبركاته

اولا : بالنسبه لاخواتنا احسن حاجه الايجابيه وتبليغ الاداره وحيث ان الامر بقى معروف لدى الجميع ومافيهوش كسوف ولا حاجه

ثانيا : بالنسبه للرجاله المجدع الامامير المسمسمين واخدلى بالك انت ياهندسه فدول طبعا برضه من الواجب عليهم يعملوا زى اخواتنا بس ميبلغوش الادراه على طول ولكن يعملوا ايه يبلغوا اخواتنا وبعدين اخواتنا يبلغوا الاداره علشان يبقى فيه تسلسل ومرونه فى المنتدى

بجد موقف مشرف للادراه وياريت نعلن اسمائهم ونعمل صفحه عن الاعضاء الذين تم ايقاف عضويتهم والسبب

[Nassarlink]

وياريت نعلن اسمائهم ونعمل صفحه عن الاعضاء الذين تم ايقاف عضويتهم والسبب

انا معاك في الاقتراح ده

[se_ Elsyed]

لا الافضل ياسى السيد

انك تحلق لهم زلبطة عشان يكونوا عبرة

والله يا سين سين فعلا ممكن تحلق لهم زلبطة وتعمل إعلان مثبت في أعلي كل قسم في المحاورات

في حل فنى بسيط مش عارف امكانيته ايه في المنتدى هنا .. في خاصية الابلاغ ممكن تضاف على البريد و يا سلام لو تضاف على المداخلات كمان بحيث انها تشيل الحرج عن الشخص اللى تم التحرش بيه سواء على الخاص او على العام .. شوف كده ايه امكانيتها ؟؟

بجد موقف مشرف للادراه وياريت نعلن اسمائهم ونعمل صفحه عن الاعضاء الذين تم ايقاف عضويتهم والسبب

حاضر من عيني

هات يابني العِدة عشان نبدأ الشغل

ونغني للزباين " نان يا حبيبي نان " عشان ما يزهقوش

نعيماً يا معلم

خلاص متفقين يا رجاله ؟

اللي مسجل جديد ومالوش ولا مداخله وشغال على الناس غلاسه وعايزين نتعرف وصباح الخير و أنا مش عارف كتبت لك الكلام ده إزاي لكن كتبته .....ده معروف ديته وهايتعلق من رجله ... أوكي كده ؟

طب واللي قديم والمفروض عارف الناس اللي هنا كلهم ومع ذلك ملقح جتته عليهم وغالباً بيتهزأ منهن بس شكله جتته نحست .... نعمل فيه إيه يا شُطار ؟

واللي ما بيسمعش كلام ماما وواخد رغبته في الزواج حجه للعربدة والبرطعه ....... وهذا حقه وربنا يوفقه يدور على بنت الحلال ... لكن لما يعيش في دور محمد فوزي في فيلم فاطمه وماريكا وراشيل وكل واحده يشوفها يقوم واخد الجواز حجه عشان عايز يتعرف عليها ... ومن عبطه وجهله ساعات بيستعجل ويقوم رازعها الرسالة اللي أعتقد إنها Template عنده وبيبعتها لهم كلهم بنفس الصيغه فساعات بأقولكم ما بياخدش باله من استعجاله وتطلع الست يا عيني متجوزه وعندها عيال ..قده ....... هــــــا قولوا لي نعمل فيه إيه ؟

واللي ما بيسمعش كلام معلمته على رأي نانسي هانم عجرم وبيبعت لسيدات افاضل رسالة تقطع القلب يشتكي فيها من مراته عشان بتديله على قفاه وعايز يفضفض معاهم وبيصدوه ويدوا له هو كمان على قفاه ومع ذلك ما بيتوبش وقفاه بقى عرضه متر ...... ها نعمل فيه إيه يا ولاد ؟

هههههههههههه

كل هذا عرفناه في اليومين اللي فاتوا دول ولم نكن نتصور أن يحدث مثل هذا هنا أو ان يكون لموضوعنا هذا صدى لدى عضوت فضليات كاتمين في قلبهم ومعتقدين إنهم مش عاوزين شوشرة ....

لكن نحن نطمئنهم ونقول لهم ... مرحباً بالشوشرة ... ومالكمش دعوى إنتم بس بلغونا بأدلة ورسائل بتوصل لكم من هذا النوع سواء رسائل خاصة أو دعوات مشبوهه للماسنجر وتأكدوا إن حتى أسماءكن في إيد امينه .. للمحافظة على هذا المكان ووللقضاء على هواة التسالي أو الأستظراف أو تلقيح الجتت ....

وهات الموس يابني عشان عندي كام زبون عايز أدرج لهم شعرهم ... وعنداً فيهم هانحلق لهم بنفس الموس عشان اللي عنده عدوى تتنقل للتاني ... ويستاهل أكتر من كده ...

فوتوكو بعافيه

[محمد افندى]

:sad:

وهات الموس يابني عشان عندي كام زبون عايز أدرج لهم شعرهم ... وعنداً فيهم هانحلق لهم بنفس الموس عشان اللي عنده عدوى تتنقل للتاني ... ويستاهل أكتر من كده ...

هههههههههههههههههههههه

حرام عليك يا سين سين هموت من الضحك والناس فاكرنى اتجننت :sad:

[SAW]

أنا رأيي كل من قام بمثل هذه الأعمال أن يتم فضحه على الفور و لا يمكن التساهل معه - كما أن هذا الشخص أكيد من الدول المؤقتة اللي قاعدين ياكلوا و يشربوا و يعربدوا و مابيعملوش حاجة تانية في حياتهم - كما أرى أنه لا داعي من كتابة أي معلومات شخصية في بروفايل العضو - فكل المحاورات تتم في النور و أمام مرأى من الجميع و نحن هنا لنتشارك و نتبادل الاَراء في شتى المواضيع و اللي بيحاول يعرف معلومة أو يسأل عن حاجة أكيد ناس كتير بتساعده و اللي مش عارف بيحاول يدور و يرد عليه - أعتقد أن هذا المنتدى سيظل عظيما و مفيدا لأنه يضم عدد كبير من الأناس المتحضرين المتنورين.

[عنبو]

طب واللي قديم والمفروض عارف الناس اللي هنا كلهم ومع ذلك ملقح جتته عليهم وغالباً بيتهزأ منهن بس شكله جتته نحست .... نعمل فيه إيه يا شُطار ؟

ده بقى يابشا يتم التاكد من سلامة قواه العقليه واذا تاكدنا انه قواه العقليه سليمه كده يبقى مالوش حجه ويطبق عليه القانون اللى طبق على اللى قبله بل ده المفروض يبقى العقاب دوبل علشان ده المفروض انه قدوه

واللي ما بيسمعش كلام ماما وواخد رغبته في الزواج حجه للعربدة والبرطعه ....... وهذا حقه وربنا يوفقه يدور على بنت الحلال ... لكن لما يعيش في دور محمد فوزي في فيلم فاطمه وماريكا وراشيل وكل واحده يشوفها يقوم واخد الجواز حجه عشان عايز يتعرف عليها ... ومن عبطه وجهله ساعات بيستعجل ويقوم رازعها الرسالة اللي أعتقد إنها Template عنده وبيبعتها لهم كلهم بنفس الصيغه فساعات بأقولكم ما بياخدش باله من استعجاله وتطلع الست يا عيني متجوزه وعندها عيال ..قده ....... هــــــا قولوا لي نعمل فيه إيه ؟

ده بقى يستتاب 3 ايام وان مرجعش يبقى خلاص هو اللى حكم على نفسه

واللي ما بيسمعش كلام معلمته على رأي نانسي هانم عجرم وبيبعت لسيدات افاضل رسالة تقطع القلب يشتكي فيها من مراته عشان بتديله على قفاه وعايز يفضفض معاهم وبيصدوه ويدوا له هو كمان على قفاه ومع ذلك ما بيتوبش وقفاه بقى عرضه متر ...... ها نعمل فيه إيه يا ولاد ؟

ده المفروض محصن يعنى مشكلته مشكله وطبعا ده نشوف مكان ونحط فيها صوره له وكل لما حد يدخل يتوف عليه علشان يبقى عبره لمن لا يعتبر

هههههههههههه

كل هذا عرفناه في اليومين اللي فاتوا دول ولم نكن نتصور أن يحدث مثل هذا هنا أو ان يكون لموضوعنا هذا صدى لدى عضوت فضليات كاتمين في قلبهم ومعتقدين إنهم مش عاوزين شوشرة ....

لكن نحن نطمئنهم ونقول لهم ... مرحباً بالشوشرة ... ومالكمش دعوى إنتم بس بلغونا بأدلة ورسائل بتوصل لكم من هذا النوع سواء رسائل خاصة أو دعوات مشبوهه للماسنجر وتأكدوا إن حتى أسماءكن في إيد امينه .. للمحافظة على هذا المكان ووللقضاء على هواة التسالي أو الأستظراف أو تلقيح الجتت ....

وهات الموس يابني عشان عندي كام زبون عايز أدرج لهم شعرهم ... وعنداً فيهم هانحلق لهم بنفس الموس عشان اللي عنده عدوى تتنقل للتاني ... ويستاهل أكتر من كده ...

لا لاحظ انك كده هتعمل على انتشار الاوبئه انا بفكر نعمل ليهم فيروس معدل وراثيا بحيث ميصبش الا هم بس واكيد هنلاقى حاجه مشتركه بينهم وبين بعض نربط من خلالها الفيروس بيهم وتبقى ولعت ونبقى مشهورين بقى وكده وبتاع وتبقى اخر دلع ووووووو

وخلاص ياه الواحد اتأخر على الشغل

[Scorpion]

بصراحة يا جماعة حسب خبرتي المتواضعة في المنتديات إن أبلغ رد على الرسائل اللي زي دي هو تجاهلها تماما

هاتلاقي العضو ولّع من الغيظ , وتلاقيه عمال يضرب أخماس في أسداس , يا ترى وصلت الرسالة ولا ما وصلتش

يا ترى قرأتها ولا ما قرأتهاش ..... ؟؟

عفوآ يا استاذ سهل جدآ ...

و لكن تلك الفقرة اثارت فضولي جدآ ... فوددت ان استعلم من حضرتك عن كيفية الأحساس بشعور من يقوم بأعمال مماثلة ...

يعني حضرتك عرفت منين شعور العضو اللي بيبعت و ما حدش بيرد عليه ....

لا أعني بالطبع انك و العياذ بالله من ضمن هؤلاء ...

و لكن مثلما ذكرت ان لك خبرة بمسائل مشابهة .. فربما اذا شاركتنا فيها ستساعدنا كمشرفين في الحد منها ...

تحياتي ...

[سهل جدا]

بصراحة يا جماعة حسب خبرتي المتواضعة في المنتديات إن أبلغ رد على الرسائل اللي زي دي هو تجاهلها تماما

هاتلاقي العضو ولّع من الغيظ , وتلاقيه عمال يضرب أخماس في أسداس , يا ترى وصلت الرسالة ولا ما وصلتش

يا ترى قرأتها ولا ما قرأتهاش ..... ؟؟

عفوآ يا استاذ سهل جدآ ...

و لكن تلك الفقرة اثارت فضولي جدآ ... فوددت ان استعلم من حضرتك عن كيفية الأحساس بشعور من يقوم بأعمال مماثلة ...

يعني حضرتك عرفت منين شعور العضو اللي بيبعت و ما حدش بيرد عليه ....

لا أعني بالطبع انك و العياذ بالله من ضمن هؤلاء ...

و لكن مثلما ذكرت ان لك خبرة بمسائل مشابهة .. فربما اذا شاركتنا فيها ستساعدنا كمشرفين في الحد منها ...

تحياتي ...

ها حاول أصدق كلام حضرتك اللي لونته باللون بالأحمر

لكن هاسيبوا , وهارد على اللي بالأسود :closedeyes:

هذه القاعدة ليست في المنتديات فقط, وإنما في الحياة كذلك ..

كما يقول الشاعر:

متاركة اللئيم بلا جــــواب *** أشد على اللئيم من السباب

فما شيء أحب إلى لئيم *** إذا شتم الكريم من الجـــــواب

يعني شوف حضرتك ببساطة كده, لما أي عضوا يكتب موضوع، وييجي واحد من الأعضاء يرد عليه رد مش كويس, وفيه إهانة

يقوم صاحب الموضوع يتجاهل رده تماما, ويقوم يعقب على الردود اللي قبله واللي بعده..

شوف شعور العضو ده هايكون إيه..

هاتلاقيه في الغالب اتغاظ جدا..

وحصل معايا مواقف زي كده كثير, وكان بعض الأعضاء في منتديات أخرى, كانوا يرسلولي رسائل خاصة فيها إهانة وشتايم لمجرد إني قولت رأي مخالف لهواهم في أحد الموضوعات, ولما ما كنتش برد عليهم, كانوا بيتغاظوا أكثر..

[Alshiekh]

هذه القاعدة ليست في المنتديات فقط, وإنما في الحياة كذلك ..

كما يقول الشاعر:

متاركة اللئيم بلا جــــواب *** أشد على اللئيم من السباب

فما شيء أحب إلى لئيم *** إذا شتم الكريم من الجـــــواب

يعني شوف حضرتك ببساطة كده, لما أي عضوا يكتب موضوع، وييجي واحد من الأعضاء يرد عليه رد مش كويس, وفيه إهانة

يقوم صاحب الموضوع يتجاهل رده تماما, ويقوم يعقب على الردود اللي قبله واللي بعده..

شوف شعور العضو ده هايكون إيه..

هاتلاقيه في الغالب اتغاظ جدا..

وحصل معايا مواقف زي كده كثير, وكان بعض الأعضاء في منتديات أخرى, كانوا يرسلولي رسائل خاصة فيها إهانة وشتايم لمجرد إني قولت رأي مخالف لهواهم في أحد الموضوعات, ولما ما كنتش برد عليهم, كانوا بيتغاظوا أكثر..

أعتقد ان هذا الرد يمكن ان ينطبق على الكتابات والردود المخالفة والتى من الممكن ان تصل الى حد الشجار ، والتى من الممكن ان نراها فى البرلمانات ايضا .

لكن موضوعنا هنا خاص ومحدد بالاعضاء الذين يسيئون استخدام البريد الخاص لمضايقة أخوات لنا فى المنتدى مستغلين خدمة البريد الالكترونى وضعت لتسهيل التعامل بين البشر وليس لمضايقتهم .

ومن خبرتى ايضا اقول ان الرجل لن يشغل باله اذا ارسل رسالة فيها سباب لشخص آخر ولم يعيره الشخص الآخر أى إهتمام ، ولكن من اعتادوا مراسلة الجنس الآخر هم من " يتغاظوا أكثر " عندما يتم تجاهلهم.

[doha]

اعتقد الموضوع بشكله الحالي لا يحقق الهدف الي انطرح من اجله .. ده لو كنت فهمت الهدف صح ..

دلوقت ان في شخص او اشخاص بيضايقوا العضوات على البريد الخاص .. ايه المشكلة؟

ينزل اعلان مثبت في كل الصفحات ان اي عضو او عضوة يتعرض لمضايقات ياريت يبلغ الادارة ويتم وضع ايقونة تحت المشاركات ـ كل المشاركات ـ سواء على العام او الخاص اسمها ابلغ المشرف عن هذا الرد .. بمجرد الضغط على الزر او الايقونة دي بيوضل رد للادارة في قسم مخصص للتبليغات والحكايه دي تقنيا سهله ومطبقة في منتديات كتير وتريح بال ناس كتير برضه من ازعاجات وردود ملهاش لازمه ..

وطبعا العضو الي يتكرر منه التصرف ده او تبليغين تلاتيه عن مضايقات منه يتهدد الاول لو المخالفة وحيده ولو تكررت خلاص ينشطب وانتهينا .. ولا له لزوم ينقال فلان انشطب عشان كذا ولا مش كذا. . اهو راح لحاله وخلاص واحنا مش هنربي الناس الي اهاليها مربتهاش ده مش اختصاصنا على فكره ..

لكن نيجي ونفتح موضوع ونقعد ( نلقح بالكلام ) على اثنين واحد سعودي والثاني عاوز يتجوز وكل وحده تدخل تقول ايوه هو بغباوته الي بعت لي صدقوني مينفعش .. عن نفسي معرفش في المنتدى كله غير واحد بس سعودي وواحد بس عاوز يتجوز وبطريقة الاتهامات الجزافية الاثنين دول سقطوا من عيني مع انهم كانوا من اكثر الناس احتراما في المنتدى ..بصراحه محدش يلومني لو فكرت كده خاصه والكل عمال يصر على توجيه مسار النقاش لاتهام الاثنين دول بالذات .. المحترم السعودي والغلبان الي ناوي يتجوز ..

اما ان كان هو ده هدف الموضوع الاساسي وان ترميز الرموز مقصود بيه اتهام الاثنين دول بالذات باختيار صفتهم المميزه وابرازها كصفة لمستر اكس الي عمال يعاكس العضوات فاقولكم معليش مش كده يااسيادنا ده مش اسلوب ابدا للتعامل الراقي بين اعضاء راقيين وفاهمين .. التشهير والضرب من تحت لتحت والتلميح بما يشبه التصريح في امور زي دي لايقل خسه عن مراسلة العضوات باغراض دنيئة زي الي بتتكلموا عنها .. ولانكم اكيد زيي عارفين كده فاستبعد ان يكون ده هدفكم من فتح الموضوع او الردود الملمحه الي توالت فيه ..

اذا ياريت بقى بعد اذنكم وبما ان ربنا امر بالستر وان مش من شيمنا كمسلمين ابدا اننا نشهر ببعض بالطريقة دي فآمل ان الموضوع ده يغلق ويستبدل كما قلت لكم باعلان وان كان ثبت تجاوزات من بعض الاعضاء ياريت الاعضاء دول تتلغي عضويتهم من سكات مع ابلاغهم طبعا بالسبب لكن ميكونش الابلاغ على العام ونراعي برضه شيء من الانسانية في تعاملاتنا .

عارفه ان كلامي ده يمكن ميعجبش البعض بس انا بقول الي يخلص ضميري واعتقد في كتير معايا في رايي ده ..

تم تعديل 24 يونيو 2009 بواسطة doha

[moheltohamy]

وانا كمان يا عمّو ثين ثين بتجيلي رثايل معاكثات! وثوبيان كتير بيطلبوا مني إيميلي وأرقام تليفوناتي!

أعمل إيه يا عمو؟! أبلّغ برضه؟!

[doudy]

ا

لكن نيجي ونفتح موضوع ونقعد ( نلقح بالكلام ) على اثنين واحد سعودي والثاني عاوز يتجوز وكل وحده تدخل تقول ايوه هو بغباوته الي بعت لي صدقوني مينفعش .. عن نفسي معرفش في المنتدى كله غير واحد بس سعودي وواحد بس عاوز يتجوز وبطريقة الاتهامات الجزافية الاثنين دول سقطوا من عيني مع انهم كانوا من اكثر الناس احتراما في المنتدى ..بصراحه محدش يلومني لو فكرت كده خاصه والكل عمال يصر على توجيه مسار النقاش لاتهام الاثنين دول بالذات .. المحترم السعودي والغلبان الي ناوي يتجوز ..

اذا ياريت بقى بعد اذنكم وبما ان ربنا امر بالستر وان مش من شيمنا كمسلمين ابدا اننا نشهر ببعض بالطريقة دي فآمل ان الموضوع ده يغلق ويستبدل كما قلت لكم باعلان وان كان ثبت تجاوزات من بعض الاعضاء ياريت الاعضاء دول تتلغي عضويتهم من سكات مع ابلاغهم طبعا بالسبب لكن ميكونش الابلاغ على العام ونراعي برضه شيء من الانسانية في تعاملاتنا .

عارفه ان كلامي ده يمكن ميعجبش البعض بس انا بقول الي يخلص ضميري واعتقد في كتير معايا في رايي ده ..

يا ضحى يا حبيبتى

انتى بتقولى المحترم السعودى

لو كان محترم ما كانش اتصرف التصرفات الغير محترمة دى

و الزميل اللى عايز يتجوز ربنا الاعلم بتصرفاته بقى

و بعدين ايوة ربنا امر بالستر بس مش مع الاصناف دى

لازم يتفتح موضوع زى دة عشان كل اللى زيهم يعرف نتيجة التصرفات اللااخلاقية دى

و بعدين نستر عليهم ليه اللى على راسة بقى يحس و يعرف هوة عمل ايه

تحياتى ليكى يا ضحى مش كل الناس كويسين زيك و جواهم الخير

[لولا]

تصرفات كهذه عندما تصدر من اعضاء لهم تواجد مكثف هنا - لو حدث - ويعرفون بحق القيمة الثقافيه والأدبيه والأخلاقيه للمكان ومن فيه عندها للصدمة حتما

شكل مختلف عن تلك التى تكون مع عضو عابر سجل فقط لهذه الأغراض والجهل يعميه عن ادراك نوعية المكان والأعضاء الذين تواجد وسطهم

وهذا ما اجزم انه ينطبق غالبا على كل من كان يزعجنى ويعطى نفسه الحق فى اقتحام بريدى لإرسال طلبات تعارف واعجاب لا افهم مكانه من الإعراب حتى .

دائما ما اقول ان المحاورات عباره عن اسره كبيره وعليه اى خلل صارخ فى نظام الأسرة بهذا الشكل عندما يصدر - ممن نظن فيهم اهل بيت - هو شذوذ يجب التعامل معه بمنتهى الجديه والردع .

وعليه اذا كان هناك ازعاج قد صدر من شخص تعتبره الأخوات هنا اخ او ابن فذلك فعلا يستحق الإستهجان التام والتعجب والمفاجأة وارى ان يتم على اقل تقدير

حرمانه بشكل نهائى من استعمال خاصيه البريد الخاص للمحاورات هذا اذا لم يكن الوقف التام وسحب العضويه حسب الحاله وحسب ماترى الإداره .

لولا

[mandoo]

وهات الموس يابني عشان عندي كام زبون عايز أدرج لهم شعرهم ... وعنداً فيهم هانحلق لهم بنفس الموس عشان اللي عنده عدوى تتنقل للتاني ... ويستاهل أكتر من كده ...

فوتوكو بعافيه

قبل ماتفوتنا بعافية هات ودنك عاوز أقولك كلمتين md2:

حرام عليك ياأبو الأسيان بلاش إفترى فى خلق الله يعنى لو واحد فيهم عنده أنفلوانزا الخنازير والثانى عنده أنفلوانزا الطيور وتخيل بقى الكوكتيل حيكون إيه ؟

انا بقى عندى ليك حل كويس يعنى مثلا نعمل لكل واحد حفره وندف :blush2: المتعوس فى حفره وخايب الرجى فى الحفرة الثانية وبعدين نردم الحفرة بالنوشادر مع حمض الكبريتيك المركز . بس بالله عليك ماتنساش ياريس لوحة رخام كبيرة ونكتب عليها ( إتلم المتعوس على خايب الرجى )

شفت بقى أنا حنين قد إيه :P