مخاوف وردود حول الهجرة الى كندا

[حسام يوسف]

السلام عليكم ورحمة الله وبركاته

فكرة الموضوع ببساطة هى أن يكتب كل منا ما يقلقه بشأن الهجرة أو الحياة فى كندا

وأن يرد عليه أهل الخبرة بما يزيل مخاوفه أو يؤكدها ويحذره منها

الحقيقة الفكرة مش فكرتى

الفكرة أثارها دكتور جادوللى الله يكرمه فى موضوع مدام دعاء

وبدأت البشاير بمشكلة -عفوا-الشطافة-والحمدلله تم تداول أفكار لحلها

استأذنت دكتور محمد التهامى مشرف الباب فى عمل الموضوع

ليكون شاملا وجامعا لكل المخاوف التى تثار بشان الهجرة الى كندا أو الحياة فيها

وياريت لو الزملاء يساعدوا بحل المخاوف

وطبعا مش كل المشاكل ممكن ازالتها

فيبقى دورنا هوة التوعية بيها

والتأكيد على كيفية تلافيها واتقاءها

لان الوقاية خير من العلاج

نتمنى فى الموضوع ألا يتحول الى شكل جدلى أو اختلاف بشكل يخرج بالموضوع عن مساره

ونتمنى أيضا أن يكون موضوعا جامعا لكل المشاكل والمخاوف والحلول باذن الله لكل أعضاء المحاورات

وشكرا لكم :closedeyes:

[حسام يوسف]

ودي أول مشكلة تم نقاشها فى موضوع مدام دعاء

http://www.egyptiantalks.org/invb/?showtop...4687&st=480

[arora]

الف مبروك د. حسام على الموضوع الهام والمميز

فعلا اختيار موفق لتهدئة خواطر المنتظرين فى طابور الهجرة

عن المجهول المقدمين عليه

ولو انه لم يعد مجهولا تماما بفضل المنتدى المحترم

وخبرات اخوتنا المهاجرين الذين سبقونا

وايضا الموضوع الشامل لخبرات المهاجرين السابقين والذى قامت بتجميعه اختنا سمية صالح

ولكن يظل عندى مخاوف ؟؟؟؟!!!!

من كيفية الاندماج فى المجتمع الكندى

وما هى ايسر السبل الى ذلك ؟

وهل المصريون هناك متعاونون كما نحن فى منتدانا

اعرف ان الاندماج وعدم الانغلاق ضرورى جدا لضمان النجاح فى المجتمع الجديد

ولكنى اسال عن اقصر الطرق الى ذلك ؟؟؟

[حسام يوسف]

الحقيقة موضوع الاندماج فى المجتمع الجديد ده موضوع غاية فى الاهمية لاكثر من سبب يا دكتور

arora

والله يبارك فيكي ع الموضوع اللى يارب يكون اضافة لمنتدى كندا

وحقيقي سؤال الاندماج ده من الموضوعات الهامة للغاية وكان أثاره فى موضوع منفصل أخونا العزيز نصار

أولا احنا بطبعنا شرقيين ولو ماكانش فيه علاقات وصداقات ومعارف

معتقدش أبدا هنكون مبسوطين

ثانيا

الاندماج له أيضا جانب مادي بجانب الجانب المعنوي

العلاقات ممكن تساعد فى العمل

وللدراسة

وفرص سكن مناسب

واقامة بيزنس ولو صغير

يعنى الاندماج هيساعدنا في جوانب حياتية يومية مفيدة

ثالثا

وده حلمى بجد

(مين حلمى ده؟ :closedeyes: )

نفسي بجد فى تكوين جالية مصرية محترمة تشرف أى مصري

وتكون عنوان محترم لمصر

ونقدر نغير صورة الغرب السيئة عننا كعرب ومصريين ومسلمين

عن نفسي أرى الاندماج ممكن يتعمل عن طريق

صداقات

الانضمام لأحزاب سياسية حسب ميول كل واحد

الانضمام لهيئات تنفذ أعمالا تطوعية

والمايك دلوقتى بقى مع الهبرات المصرية فى كندا

همة طبعا أدرى منى ويقدروا يشرحولنا أكتر

زي دكتور جادوللى

ودكتور هشام ابراهيم

وباشمهندس ايهاب

وباشمهندس ياسر

وكل الأفاضل بكندا

تم تعديل 21 يونيو 2009 بواسطة حسام يوسف

[سهل جدا]

السلام عليكم

معليش يا جماعة , أنا ماليش في موضوع الهجرة لكندا

بس شوفت الأخ الفاضل حسام ذكر مشكلة , هي ليست مشكلة أصلا

وهي موضوع الشطافة ..

المعروف في الشريعة الإسلامية إن بعد ما الإنسان ينتهي من قضاء حاجته ينظف بأي شيء يمكن التنظيف به , ولا يشترط الماء في ذلك ..

والموضوع ده ثابت في السنة النبوية المطهرة وهو ما يعرف في الفقه باسم: الاستجمار (لأن العرب قديما كانوا يستعملون الجمار بدلا من المنديل)

وهذه فتوى من اللجنة الدائمة للإفتاء في السعودية

س: نستعمل في بريطانيا المناديل والأوراق في الاستنجاء في الحمامات فهل يجب استعمال الماء بعد استعمال المناديل أو لا؟

جـ: الحمد لله وحده والصلاة والسلام على رسوله وآله وصحبه.. وبعد:

يجوز استعمال المناديل والأوراق ونحوهما في الاستجمار وتجزئ إذا أنقت ونظفت المحل من قبل أو دبر والأفضل أن يكون استعمال ما يستجمر به وترا ويجب ألا ينقص عن ثلاث مسحات ولا يجب استعمال الماء بعده، لكنه سنة.

وصلى الله على نبينا محمد وآله وصحبه وسلم .

اللجنة الدائمة للبحوث العلمية والإفتاء

الفتوى رقم 2922

معذرة عن التدخل في ما لا يعنيني , ولكن فائدة أحببت أن أضيفها

[Phizer]

والله يا حسام موضوعك مهم اوي وفعلا الواحد مش عارف الاندماج ده هيتم بعد قد ايه يعني هاخد اد ايه عشان احس اني مبقتش غريب فالبلد

طبعا اهم مشكله بتواجهنا افتكر الشغل يعني انك تشتغل فمجال انت بتحبه وتبقا مرتاح فيه

بس لا يسعني غير اني اقلك ربنا يكرمك على الموضوع الجميل ده ومستنين فطاحل الهجره ويقلولنا ارائهم

[حسام يوسف]

يبقى دلوقتى عندنا مشكلتين يحتاجوا للراى والمشورة

الاندماج فى المجتمع الكندي

والعمل وخصوصا فترة العمل الكاجوال حتى تتم المعادلة باذن الله

حد يحب يقول حلول ومقترحات فى هاتين المشكلتين؟

[safaalabana]

يبقى دلوقتى عندنا مشكلتين يحتاجوا للراى والمشورة

الاندماج فى المجتمع الكندي

والعمل وخصوصا فترة العمل الكاجوال حتى تتم المعادلة باذن الله

حد يحب يقول حلول ومقترحات فى هاتين المشكلتين؟

السلام على من ا تبع الهدى د حسام اللة يكرمك

انا خايفة من 3 حاجات

اولا العمل معايا دكتورة باكستانية هاتعمل لاندنج فى شهر 8 بتقول ليها اصحاب عملوا المعادلة ولحد دلوقتى ما لقيوش شغل :roseop:

ثانيا ابنى 16 سنة ثانوية امريكية انا عاوزاة يدخل جامعة فى كندا الاقى ناس كتير بتقول دا المصريين اللى فى كندا بيبعتوا ولادهم الجامعة فى مصر نفسى اعرف لية ؟

ثالثا الاولاد المراهقين خايفة يعيشوا بمبدا امى مسافرة و هاعمل حفلة bv:-

[jessika]

انا بصراحة خايفة من نقطة ومترددة اكتبها مش عايزة حد يزعل منى بس اكيد هاتفهمونى

اصل بصراحة انا شايفة المنتدى دة بجد زى بيت العيلة وكلكم ناس ذوق وفى منتهى الاخلاق والمحبة وكل واحد عايز يقدم كل مساعدة يقدر عليها

بس بلاحظ كل واحد بيطلب دعوة ويقول ربنا يوفق كل مصرى مسلم او كل عربى مسلم

طيب واحنا رحنا فين مش احنا بردو اخواتكم لية منقلش ربنا يوفق كل مصرى بس ونبقى كلنا ايد واحدة هناك وصورة مشرفة لمصر فعلا

انا كتبت اللى حسيتة من باب انى اختكم وهاتفهمونى عشم يعنى

وربنا يوفقنا جميعا

[د هشام ابراهيم]

الموضوع فكرته جميلة جدا يا دكتورنا العزيز بس أنا لي تعقيب صغير ..... كتير باحس إن المهاجر الجديد و أنا كنت و لا زلت منهم .....عايزين كل حاجة جاهزة و واضحة و ما فيش لا مخاطر و لا مخاوف و لا تعب و لا و لا ......و ده عمره ما حيحصل سواء هاجرت و لا قعدت مكانك ......مش عايز حد يزعل مني بس كتير باحس إن التفكير الزيادة عن اللزوم و "شيل عبد القادر فوق الرؤوس " ده مش بيفيد أكتر ما بيضر .....أرجو أني أكون وضحت وجهة نظري ......و تسجيل تواجد و متابعة يا صديقي العزيز

ثانيا ابنى 16 سنة ثانوية امريكية انا عاوزاة يدخل جامعة فى كندا الاقى ناس كتير بتقول دا المصريين اللى فى كندا بيبعتوا ولادهم الجامعة فى مصر نفسى اعرف لية ؟

السبب الوحيد و الأساسي المصاريف

[حسام يوسف]

انا بصراحة خايفة من نقطة ومترددة اكتبها مش عايزة حد يزعل منى بس اكيد هاتفهمونى

اصل بصراحة انا شايفة المنتدى دة بجد زى بيت العيلة وكلكم ناس ذوق وفى منتهى الاخلاق والمحبة وكل واحد عايز يقدم كل مساعدة يقدر عليها

بس بلاحظ كل واحد بيطلب دعوة ويقول ربنا يوفق كل مصرى مسلم او كل عربى مسلم

طيب واحنا رحنا فين مش احنا بردو اخواتكم لية منقلش ربنا يوفق كل مصرى بس ونبقى كلنا ايد واحدة هناك وصورة مشرفة لمصر فعلا

انا كتبت اللى حسيتة من باب انى اختكم وهاتفهمونى عشم يعنى

وربنا يوفقنا جميعا

على فكرة يا مدام جيسيكا

انا شفت الكلمة دي وبشوفها كتير ومش موافق عليها

وأتمنى لو ربنا وفقنا فى الهجرة نبقى نواة جالية مصرية محترمة

ونسيب أشد العيوب اللى موجودة دلوقتى بين بعض المصريين

من تعصب على أساس ديني

دول المسلمين ومع بعضهم

ودول المسيحيين ومع بعضهم

أتمنى نبقى جالية واحدة

كلنا كويسين مع بعض

وننسي النزعات العنصرية والتطرف الديني المتبادل ده

أنا مش زعلان من كلامك

وبالعكس ده أنا معاه تماما

تقبلي تحياتى

[precanadian]

انا بصراحة خايفة من نقطة ومترددة اكتبها مش عايزة حد يزعل منى بس اكيد هاتفهمونى

اصل بصراحة انا شايفة المنتدى دة بجد زى بيت العيلة وكلكم ناس ذوق وفى منتهى الاخلاق والمحبة وكل واحد عايز يقدم كل مساعدة يقدر عليها

بس بلاحظ كل واحد بيطلب دعوة ويقول ربنا يوفق كل مصرى مسلم او كل عربى مسلم

طيب واحنا رحنا فين مش احنا بردو اخواتكم لية منقلش ربنا يوفق كل مصرى بس ونبقى كلنا ايد واحدة هناك وصورة مشرفة لمصر فعلا

انا كتبت اللى حسيتة من باب انى اختكم وهاتفهمونى عشم يعنى

وربنا يوفقنا جميعا

اختنا الفاضله جيسكا

اكيد كل المصريين اخوات. وصدقيني ان في كندا حتحسي بمعني كلامي ده اكثر.

تحياتي لحضرتك ولكل مخلص وعاشق لكل ما هو اصيل بداخلنا.ولكل قلب مصري مليان حب وخير لاهل بلده .

تم تعديل 21 يونيو 2009 بواسطة precanadian

[حسام يوسف]

الموضوع فكرته جميلة جدا يا دكتورنا العزيز بس أنا لي تعقيب صغير ..... كتير باحس إن المهاجر الجديد و أنا كنت و لا زلت منهم .....عايزين كل حاجة جاهزة و واضحة و ما فيش لا مخاطر و لا مخاوف و لا تعب و لا و لا ......و ده عمره ما حيحصل سواء هاجرت و لا قعدت مكانك ......مش عايز حد يزعل مني بس كتير باحس إن التفكير الزيادة عن اللزوم و "شيل عبد القادر فوق الرؤوس " ده مش بيفيد أكتر ما بيضر .....أرجو أني أكون وضحت وجهة نظري ......و تسجيل تواجد و متابعة يا صديقي العزيز

ثانيا ابنى 16 سنة ثانوية امريكية انا عاوزاة يدخل جامعة فى كندا الاقى ناس كتير بتقول دا المصريين اللى فى كندا بيبعتوا ولادهم الجامعة فى مصر نفسى اعرف لية ؟

السبب الوحيد و الأساسي المصاريف

ياسلام يا دكتور هشام

ده شرف عظيم ليه اننا نكون أصدقاء

وحضرتك بجد رغم أنى لم التق بحضرتك مباشرة

الا أن كتاباتك وأفكارك تعكس شخصية محترمة وواقعية وغاية فى حب التعاون

وبالفعل

ما أشرت اليه حضرتك فى وصف تعقيب هوة مش تعقيب

ده مشكلة كبيرة فينا

عايزين كل حاجة جاهزة

حتى لما نهاجر لمجتمع جديد

بنفكر بشكل مش جديد

مابنغيرش طريقة تفكيرنا

وبنفضل على السلوك الاعتمادي

ودي نقطة خطيرة فينا لازم نصلحها

التعاون حلو اه

لكن برضة الواحد لازم يجرب يلاقى حلول بنفسه لمشاكله

لو لقى تعاون

خير

ولو مالقاش حد يسأله

يبقى الحياة ماتقفش

وألف شكر بخصوص الرد فى مشكلة اللى بيبعتوا أولادهم مصر عشان التعليم الجامعي

تحياتى يا دكتور هشام

[precanadian]

انا بصراحة خايفة من نقطة ومترددة اكتبها مش عايزة حد يزعل منى بس اكيد هاتفهمونى

اصل بصراحة انا شايفة المنتدى دة بجد زى بيت العيلة وكلكم ناس ذوق وفى منتهى الاخلاق والمحبة وكل واحد عايز يقدم كل مساعدة يقدر عليها

بس بلاحظ كل واحد بيطلب دعوة ويقول ربنا يوفق كل مصرى مسلم او كل عربى مسلم

طيب واحنا رحنا فين مش احنا بردو اخواتكم لية منقلش ربنا يوفق كل مصرى بس ونبقى كلنا ايد واحدة هناك وصورة مشرفة لمصر فعلا

انا كتبت اللى حسيتة من باب انى اختكم وهاتفهمونى عشم يعنى

وربنا يوفقنا جميعا

على فكرة يا مدام جيسيكا

انا شفت الكلمة دي وبشوفها كتير ومش موافق عليها

وأتمنى لو ربنا وفقنا فى الهجرة نبقى نواة جالية مصرية محترمة

ونسيب أشد العيوب اللى موجودة دلوقتى بين بعض المصريين

من تعصب على أساس ديني

دول المسلمين ومع بعضهم

ودول المسيحيين ومع بعضهم

أتمنى نبقى جالية واحدة

كلنا كويسين مع بعض

وننسي النزعات العنصرية والتطرف الديني المتبادل ده

أنا مش زعلان من كلامك

وبالعكس ده أنا معاه تماما

تقبلي تحياتى

تحياتي لك يا دكتور حسام علي الموضوع وعلي ردك علي مدام جيسكا

وعايز اقول مره تانيه الي هيزرع حب حيصد حب والكلام ده مع كل كائن حي ان كان انسان او حيوان

والكلم ده اكيد احنا محتاجينه في اول سنوات الهجره اكثر

لن نستطيع الاندماج في مجتمع واحنا خايفين منه لان فيه اخطار ولن يتقبلنا ذلك المجتمع اذا لم نظهر له الحب والاخلاص. الناس بتحس ببعض ومعظم الناس عموما في جميع الديانات فيها خير لان دي الفطره والغريزه الانسانيه.

الخلاصه قدم الحب للناس هتلاقي الي هيحبك بسرعه والي هيحبك بعد فتره وفي الي بيكره ممكن ميحبكش لكن ممكن يكون منصف ولا يئذيك واذا كان حد مصر يئذيك اكيد كتلاقي ربنا واقف معاك وبيسخر لك من مخلوقاته من يساعدك ويحميك

تم تعديل 21 يونيو 2009 بواسطة precanadian

[jessika]

كنت متاكدة من الردود المحترمة دى .....ربنا يديم المحبة لاننا مش عايزين من بعض غير كدة والدين لربنا وياريت كل واحد يقدم للتانى محبة حقيقية بصرف النظر عن دينة ومعتقداتة لكن لكونة انسان بس

وبجد مصر زمان كانت احسن بكتير من دلوقتى ولو دورنا عن السبب هنلاقية بسبب بعض الناس اللى رافضة الحب ومتعصبة بلا داعى علشان كدة وصلنا للمشاكل الكتير اللى احنا فيها فياريت فى كندا باذن اللة نرجع روح مصر تانى بتاع جدودنا ونبقى ناس متحضرة ومحبة (بضم الميم) ونسيبنا بقى من الافكار اللى مش بتقدم

وعلى فكرة بالحب كل واحد هايعكس صورة دينة واخلاقة افضل كتير من التعصب والخلافات

شكرا ليكم وبالتوفيق

[precanadian]

د هشام ابراهيم مشاركة بتاريخ اليوم, 09:03 PM

الموضوع فكرته جميلة جدا يا دكتورنا العزيز بس أنا لي تعقيب صغير ..... كتير باحس إن المهاجر الجديد و أنا كنت و لا زلت منهم .....عايزين كل حاجة جاهزة و واضحة و ما فيش لا مخاطر و لا مخاوف و لا تعب و لا و لا ......و ده عمره ما حيحصل سواء هاجرت و لا قعدت مكانك ......مش عايز حد يزعل مني بس كتير باحس إن التفكير الزيادة عن اللزوم و "شيل عبد القادر فوق الرؤوس " ده مش بيفيد أكتر ما بيضر .....أرجو أني أكون وضحت وجهة نظري ......و تسجيل تواجد و متابعة يا صديقي العزيز

تمام يا صديقي العزيز.

اتفق مع حضرتك اننا ما زال عندنا التعود في اننا عايزين كل حاجه علي ارض الواقع كما تخيلناه . والحقيقه ده موجود في الجنه فقط انك تتخيل او تتمني شئ ويتحقق تماما بل وزياده فضلا من الله لعباده.

مازلنا عايشين وجوانا خوف من بكره ومن فشل التجربه وليس عندنا استعداد للمغامره حتي ولو لخمس سنوات.

تجربه الهجره هي مقايضه هتبدل بضاعه ببضاعه تانيه ممكن التانيه تكون علي مزاجك قوي وممكن تاخدها لان انت بس عايز تخلص من الاولي

كان احد الزملاء قالها ان الهجره ( باكيج) في مميزاته وعيوبه ولازم هتاخد الاتنين.

[Nassarlink]

د حسام

الف شكر علي الطرج الجيد للفكره المهمه دي

اللي اكيد راودت الكثير من مقبللين علي الهجره الي كندا

بصراحه انا شايف انك تنفع مقدم برامج

ولامع كمان زي عمرو اديب مثلا

لا عمرو اديب ايه ده انت احسن منه كمان

والخطوه الثانيه انشاء الله مبنيه علي مشاركات اخواننا المقيمين في كندا

انا بصراحة خايفة من نقطة ومترددة اكتبها مش عايزة حد يزعل منى بس اكيد هاتفهمونى

اصل بصراحة انا شايفة المنتدى دة بجد زى بيت العيلة وكلكم ناس ذوق وفى منتهى الاخلاق والمحبة وكل واحد عايز يقدم كل مساعدة يقدر عليها

بس بلاحظ كل واحد بيطلب دعوة ويقول ربنا يوفق كل مصرى مسلم او كل عربى مسلم

طيب واحنا رحنا فين مش احنا بردو اخواتكم لية منقلش ربنا يوفق كل مصرى بس ونبقى كلنا ايد واحدة هناك وصورة مشرفة لمصر فعلا

انا كتبت اللى حسيتة من باب انى اختكم وهاتفهمونى عشم يعنى

وربنا يوفقنا جميعا

كلامك سليم يا جيسكا

المكان هنا زي بيت العيله

ومش عاوز اقول كلام من الي بيتكرر في وسائل الاعلام

لكن لو مكنش الرغبه والنيه بالحب تجاه كل المشاركين بغض النظر عن ديانه كل مننا موجوده فعلا

مكنش واحد زي الباشمهندس هاني لويس يكون حريص علي مساعده كل من يساله عن معلومه عارفها

والعكس ايضا صحيح

لكن اللي نقدر نقوله

ربنا يوفق كل مصري نيته خير في مساعدة الآخرين ايا كان ديانته

مش هطول علشان منخرجش عن موضوع د حسام

الموضوع فكرته جميلة جدا يا دكتورنا العزيز بس أنا لي تعقيب صغير ..... كتير باحس إن المهاجر الجديد و أنا كنت و لا زلت منهم .....عايزين كل حاجة جاهزة و واضحة و ما فيش لا مخاطر و لا مخاوف و لا تعب و لا و لا ......و ده عمره ما حيحصل سواء هاجرت و لا قعدت مكانك ......مش عايز حد يزعل مني بس كتير باحس إن التفكير الزيادة عن اللزوم و "شيل عبد القادر فوق الرؤوس " ده مش بيفيد أكتر ما بيضر .....أرجو أني أكون وضحت وجهة نظري ......و تسجيل تواجد و متابعة يا صديقي العزيز

د هشام

ربنا يبارك لنا فيك ومحرمناش ابدا من مداخلاتك وافكارك الجميله

بس انا بقول ان الفكره دي ما هي إلا جزء من التخطيط

الي هو سبب رئيسي في نجاح المجتمع الكندي

وهو ده المقصود من فكره متابعه حل المشاكل من خلالكم انتم كمجربين للهجره

وان الحكايه مش شيل هم ولا حاجه

ربنا هو اللي بيعت الحل من عنده

وشكرا علي اهتمامك وذوقك

[حسام يوسف]

يا عم نصار

مين عمرو أديب ده؟ cr((:

الله يكرمك

ده كتير عليه

أنت بس اللى راجل مجامل وذوق

كل ما قصدته بهذا الموضوع أن يكون موضوعا شاملا وافيا لمخاوف من مشاكل تؤرق الكثيرين

وكيفية مواجهتها

ومرة تانية

الفكرة بتاعة دكتور جادوللى ربنا يرجعهولنا بالسلامة

[terminator]

تعرفو يا جماعة أنا اكتر حاجة بتقلقنى فى موضوع الهجرة ده ايه ؟؟

انا ميهمنيش انى أول ما أروح كندا أسكن shared مع 2 و 3 فى أوضة .. ما كل اللى شغالين فى الخليج أكتر من كده كمان ..

وميهمنيش انى اشتغل شغل كاجوال لمدة سنة واتنين لغاية ما اعمل المعادلة ..

وميهمنيش انى اتعب فى البداية .. لأنى هتعب وهلاقى .. انما هنا بتعب ومابشوفش حاجة وغيرى بياخد عالجاهز ..

وميهمنيش أنى أقضيها أكل عادى أول ما اروح كندا .. وما يهمنيش أى حاجة متعبة فى البداية لأنى عارف ومتأكد انى بعون الله هقدر اتغلب عليها ..

ومستعد استحمل اى بهدلة فى السنوات الأولى للهجرة ..

الحاجة الوحيدة اللى بتتعبنى حقيقى كل ما أفكر فى موضوع الهجرة ( رغم انى لسة طالب جامعى ) هو انى لما بفكر فى المستقبل وباشوف نفسى عندى أولاد فى كندا بخاف جدا جدا جدا جدا ..

حاسس انى مهما عملت ومهما سويت برضه المجتمع تأثيره أكبر خاصة ان كل اللى حواليه اغلبهم هيبقو اجانب ..

ومعلش انا عارف ان كتير هيقولو التربية اساس لكن انا بختلف معكم .. مهمها كان المجتمع تأثيره اكبر يعنى احنا ممكن نسيطر على طفل صغير .. طيب لما يكبر ويستقل بنفسه ؟؟؟ خاصة انى لو زهقت عالواد ورزعته علقة مش بعيد يشتكينى واتحبس فيها هناك

وكلام على بلاطة .. تخيل شاب مراهق فى قمة شهوته والمجتمع حواليه مفتوح ؟؟؟

والأدهى والأمر لو كانت بنت ..

ولو حصل وقدرت اسيطر عالجيل الأول .. هل تتوقع ان ابنائك يبذلو نفس الجهد مع احفادك؟؟

والكلام لينا جميعا مسلمين ومسيحيين لأن كلنا عندنا نفس القيم تقريبا ..

ياريت يا جماعة تفيدونى فى الموضوع ده عمليا و "بعيدا عن الشعارات "

[safaalabana]

الموضوع فكرته جميلة جدا يا دكتورنا العزيز بس أنا لي تعقيب صغير ..... كتير باحس إن المهاجر الجديد و أنا كنت و لا زلت منهم .....عايزين كل حاجة جاهزة و واضحة و ما فيش لا مخاطر و لا مخاوف و لا تعب و لا و لا ......و ده عمره ما حيحصل سواء هاجرت و لا قعدت مكانك ......مش عايز حد يزعل مني بس كتير باحس إن التفكير الزيادة عن اللزوم و "شيل عبد القادر فوق الرؤوس " ده مش بيفيد أكتر ما بيضر .....أرجو أني أكون وضحت وجهة نظري ......و تسجيل تواجد و متابعة يا صديقي العزيز cr((:

ثانيا ابنى 16 سنة ثانوية امريكية انا عاوزاة يدخل جامعة فى كندا الاقى ناس كتير بتقول دا المصريين اللى فى كندا بيبعتوا ولادهم الجامعة فى مصر نفسى اعرف لية ؟

السبب الوحيد و الأساسي المصاريف

شكرا بروفيسور هشام على الرد cr((: