مخاوف وردود حول الهجرة الى كندا

[qenawy]

يا زناتي ليه العصبية بس يا راجل

الظاهر عين وصابتنا

كما قال ايهاب

مصر اهي

وكندا اهي

وانت اهو وانا هو

وصلوا علي النبي انتم الاتنين افاضل وما تخسروش بعض

تم تعديل 25 أغسطس 2009 بواسطة qenawy

[حسام يوسف]

يعنى مفيش مسلمين فى الغرب؟

واحنا هنا بقى اللى مية فل وأربعتاشر؟

معتقدش فيه بعد كلام الامام محمدعبده أى كلام

رأيت اسلاما بلا مسلمين

ورأيت مسلمين بلا اسلام

انا برده متهيالي ان الامام محمد عبده لو كان راح ديسكو تيك والا اي هاي سكول دلوقتي والا فتح اي قناة تليفزيونية في الغرب حاليا والا راح اي دوان تاون في اي مدينة غربية حاليا ماكانش قال رايت اسلاما بلا مسلمين ؟؟؟؟؟

كل حاجة ليها عيوبها ومميزاتها

وزي ما مصر فيها عيوب بس فيها مميزات كتييييييير انت موش شايفها الوقتي نهائي

وللاسف حلمك بالحياة الجديدة المنتظرة في كندا خلاك حسيت انها ارض الميعاد والجنة الموعودة اللي مافيهاش اي عيب يذكر

ولو فيها يبقي ضئيلة جدا لا تقارن بالعيوب اللي مصر

خليك واقعي علشان ماتتصدمش لما تروح كندا وماتترميش اوي في حضن كندا وتنسي الحلو اللي بلدك وناسك

خليك شايف الاتنين بعيون الحقيقة موش الانبهار

وبكرة لما تروح كندا تبدا تشوف مميزات مصر اللي كنت موش شايفها وتقول فينك يا طاهرة

ياريت ياباشمهندس زناتى متفترضش انى مش عارف مزايا مصر

وانك انت اللى عارف مصر عنى

وشكرا على النصايح دي

ولو سمحت انا من حقى أقول رأيي وأحلم وأتوقع بدون ملحوظاتك عليها

اولا يا اخ حسام انا مافترضتش حاجة انت اللي قلت لي كدة في حوار سابق

وماقلتش اني عارف مصر اكتر منك والا حاجة انا كنت باقول راي وانا حر فيه ودي حاجة ماتخصكش متهيالي

كنت فاكر اننا في المنتدي طالما بنكتب راي يبقي من حق اي حد عضو في المنتدي انه يرد عليه ويقول رايه

ودة فايدة المنتدي

موش اللي على مزاجك والا متفقين معاك في الراي بس هما اللي يردوا على كلامك والباقي موش من حقه يقول ملاحظات على كلامك

واخيرا

يا سيدي ولا عاوز ارد على ملاحظاتك وعلى عاوزك ترد على ملاحاظاتي ولا اصلا معتبلك توبيك وبناقص

استريح

وأنا متفق معاك فى ده

فعلا يكون أفضل

[حسام يوسف]

أحب أضيف نقطة أخيرة بخصوص الهجرة اه

او بلاش الهجرة الكخ اليع

كل واحد حر زى ما تفضل الباشمهندس ايهاب

ماحدش بيشيل عن حد

وكل واحد بيشيل شيلته

ومش معنى انى عايز أهاجر أنى مش متفهم لأسباب اللى مش مع الهجرة

متفهم بمعنى عارف قصدهم ومديهم حريتهم فى الرأي

لكن مش بسفه منه أبدا

وأقرب أعضاء المنتدي ليه الصديق العزيز محمد عبدالعزيز وهوة من المقلين فى مشاركاتهم

وهوة ضد الهجرة تماما

وانا بحترم رأيه

وهوة بيحترم رأيي

انما أنا ضد المصادرة على الرأى الآخر

كل واحد حر في عيشته وحياته

وكل واحد زي ما قلت بيشيل شيلته

تم تعديل 25 أغسطس 2009 بواسطة حسام يوسف

[qenawy]

يا حسام يا زناتي

هو ده قبول الراي والراي الاخر وحرية الفكر والتعددية

واسباب الهجرة والرابطة التي تنهار عند اول نقاش

ليه كده بس

[MZohairy]

ممكن اضيف كلام بعد كلام الامام محمد عبده هذه بعض ارائه وانبهاره بالغرب؟

أما رأي الشيخ في الجهاد فهو ينم عن ضعف شديد أمام الغربيين فهو يرى أن المسلمين إنما شهروا سيوفهم في أول الدعوة دفاعًا عن أنفسهم ، أما الفتوحات التي وقعت بعدئذ فهي من (ضرورة الملك) ورأيه هذا يعنى أن الفتوحات كانت سياسة بحتة قصدها التوسع .

ومجمل آرائه الفقهية يلحظ فيها هذا الضعف ، فعندما استفتي : هل يجوز منع تعدد الزوجات ؟ أجاب : نعم ، لأن العدل المطلق شرط واجب التحقيق وتحقيق هذا العدل مفقود حتمًا ، فللحاكم والعالم منع التعدد اللهم إلا في حالة واحدة ، ما إذا كانت الزوجة عقيماً .

وهذا تحكم منه في شرع الله لم يأذن به ، وكذلك فتواه في حل إيداع الأموال في صندوق التوفير وأخذ الفائدة عليها ، ويبلغ الشيخ قمة التقرب من الغرب والانبهار أمام حضارته عندما يتكلم عن الرسم والنحت وسائر الفنون فيقول : فحفظ الآثار والرسوم والتماثيل هو حفظ للعلم والحقيقة ، وشكر لصاحب الصنعة على الإبداع فيها .

ويقول لتلميذه رشيد رضا : إن الراسم قد رسم والفائدة محققة ، ومعنى العبادة وتعظيم التمثال أو الصورة قد محي من الأذهان( فنحن أ مام رجل يريد إعمال عقله في النصوص وليس فهم النصوص ومقاصد الشريعة

معذرة ولكن وجب توضيح اراء الامام محمد عبدة؟؟

أكيد علم حضرتك اكثر من الإمام محمد عبده

أنت أعلم يا سيدي

[حسام يوسف]

ولو انها نقطة خارجة عن الموضوع بس حبيت التنويه ليها

الاخوة اللى ضد كثير من الثوابت الدينية -اللى فرطوا يعنى-شايفين الامام محمد عبده متشدد

والاخوة اللى تشددوا فى الدين -أفرطوا يعنى

شايفين آراءه لينة وهشة

وده طبيعي جدا مع أى فكر وسطي لا يتسم بالافراط او التفريط

رحم الله الامام محمد عبده

[bentbatota]

انا مش عارفة اقولكم اية سوى رمضان كريم وكل واحد حر فى رآيه واللى عايز يهاجر يهاجر واللى مش عايز هو حر

والستات اللى بيزنوا على ازواجهم على هجرة ولاعلى شيكولاته هم احرارت برضه (غلطه مقصوده)

بالنسبة للاستاذ جورج بما انك اتكلمت بالارقام فهى دى مصر اللى متعرفهاش http://www.egyptiantalks.org/invb/?showtopic=83840

وعلى فكرة يادكتور جورج انا طبيبة نساءوولادة وباعيش فى بلد مفهاش صرف صحى ولا اى نادى او حديقة للاطفال وفيها شارع واحد مرصوف بس وكل شوارعها قهاوى والناس فيها طول الوقت

اما بالنسبة للاختلاف فى الرأى فانا وزوجى مختلفين تماما هو اهلاوى وانا لا هو شايف مصر نصف حلوة انا شيفها زفت هو مش عايز يهاجر وانا عايزه ومع ذلك عايشين مع بعض وباختلف كتير مع اصحابى واخواتى واتفق برضه هى الدنيا كده لازم نختلف

معلش ياجماعة سامحونى انا ضحكت جدا لما كل واحد يقول انا مش داخل التوبيك بتعاك والتانى يقوله وانا كمان وتخيلت ان كل واحد ماسك شومة ومستنى التانى اقدام التوبيك بتاعه ويقوله لوشفتك اقدام التوبك بتاعى مش حيحصللك طيب

كل سنة وانتم طيبين ورمضان كريم عليكم والمسلمين واللى ناوين على الهجرة وعاملين رابطة تعاون واخوة يفضلوا اخوة على طول

[terminator]

على العموم اللى هيفيدنا صح فى الموضوع ده الناس أمثال المهندس ايهاب سالم والدكتور هشام اللى مقيمين من فترة كبيرة وأكيد شافو أمثلة لمسلمين من الجيل التانى والتالت .. هما دول اللى يفيدونا صح .

والله يا شوارزينجر ... هذا الموضوع قتل بحثا ... و تم التمثيل بجثته كمان

بصراحه ... لا يوجد عندي رغبه في تكرار الجدل حوله مره أخرى

اللي عايز يهاجر يهاجر و اللي عايز يرجع يرجع واللي عايز يفضل يفضل

كبروا دماغكم و كل واحد يعمل اللي هو شايف إنه صح وليس الأخرين

مساء / صباح الخير يا بشمهندس ...

أنا مش عايز أتعبك واقولك قول رأيك تانى ..

بس ياريت تدينى رابط للمناقشات اللى اتكلمتو فيها قبل كده عن الموضوع ده ...

وشكرا مقدما ...

[jgeorge]

ي جماعة انا لسه راجع من زيارة للغرب مع بنتى و الحمد الله كل يوم بأتأكد ان قرار الرجوع كان صح

اما عن مشاكل مصر فيها حجات كتير ليس للمصريين او الحكوة ذنب فيها، منها مثلا

مرض السكر و ارتفاع نسبته فى مصر بسبب الاكل و السمنة المفرطة مع الاستعداد الوراثى

مشكلة ازدياد السكان وقلة الموارد، طب مين اللى جاب كل العيال ده مش احنا المصريين و بعدين نيجى نشتكى و نقول فيه بطالة

مشكلة الوساخة و ان اغلبية الشبعب بيوسخ و بيمى فى الارض و الشارع حتى ان البلد علشان تنظف لازم نمشى زبال وراء كل مواطن

مشكلة عدم وجود نظام فى اى حاجة

مشكلة المرور و دى سببها احنا

لازم احنا نتغيير

xxx

بس انا متأقلم و مبسوط و فرحان باولاد وسط مجتمع الاغلبية مش بيقى اقليات عرقية

انا كل رسالتى هى توضيح اثر الاختلاف على الاولاد و ان اللى عنده اولاد لازم يأخذ حذره و يكون مفتح قوى

و فى الاخر كل واحد يقعد مع زوجته و يحسبها صح يعشها صح و ربنا يوفق الجميع اللى هاجر و اللى ما هاجرش و الىى رجع زى حالاتى

تم تعديل 26 أغسطس 2009 بواسطة moheltohamy

[SoSo R]

مساء الخير/

تصدقوا أنا زعلت جدا لما قريت الخناقة اللى حاصلة دى...

مش عشان كلام كندا حلوة ولا وحشة

و مصر أحلى ...و كل الخلافات العبيطة دى

بس عشان إتنين من أكتر الناس اللى بعزهم فى المنتدى دة و باحترمهم ...يختلفوا بالطريقة العنيفة دى

ما تصلوا على النبى يا جماعة ...هو فيه إيه ;)

الدنيا مش سودة ولا جنة...وسط

كل حاجة فى الدنيا ليها منظورين نبص عليها منهم

لكن ننسى جملة إن أختلاف الرأى لا يفسد للود قضية...دة كدة أزعل و اخاصمكم أنتوا الأتنين :P

و أنا أقول الدنيا مهوية عندى وما حدش طلب كوباية مية عندى فى الكافيه...أتاريكم بتتخانقوا كدة

يا جماعة الحياة قصيرة ...لو هنقضيها فى إن أحنا بنتخانق عشان نقنع بعض بآرائنا ..هتخلص قبل ما نوصل لنتيجة

الغريب إن أنتوا الأتنين مهاجرين!!!!

يبقى إيه الخلاف

واحد شايفها حلوة قوى...وواحد شايفاها مرحلة و هتعدى...مش هتفرق

المهم ندرس إيجابيات المجتمع اللى رايحين عليه و نحاول نستفيد قدر الأمكان منه...الحاجات اللى محرومين منها وما عيشنهاش فى الشرق الأوسط

و نشوف السلبيات برضه و نحاول نشوف إزاى نتعامل معاها

لكن العيال هيطلعوا كويسين لو إحنا عابزينهم يطلعوا كويسين

حطوا دة من ضمن أهدافكم زى المعادلة و البحث عن عمل وسكن وعمل شبكة معارف

واللى حاطط هدف قدامه مش هيتوه...بس الطريق صعب عشان تبقوا فاهمين

ماحدش هيستقبلك بالبساط الأحمر من المطار

أرجو إن دى تكون غمامة صيف و تعدى....

آجى بكرة ألاقيكوا بايسين راس بعض :P

تحياتى

سوسورانى

[MZohairy]

الشيطان لعب براسهم و خلاهم يشتموا في بعض و يهينوا بعض

ادعوهم لنسيان الماضي مهما كان اليما

ادعوهم للصفح مهما كان الجرح غائرا

ادعوهم الى التسامح مهما كانت الاهانه بليغه

احنا جايين نهدي النفوس :P

[terminator]

على العموم اللى هيفيدنا صح فى الموضوع ده الناس أمثال المهندس ايهاب سالم والدكتور هشام اللى مقيمين من فترة كبيرة وأكيد شافو أمثلة لمسلمين من الجيل التانى والتالت .. هما دول اللى يفيدونا صح .

والله يا شوارزينجر ... هذا الموضوع قتل بحثا ... و تم التمثيل بجثته كمان

بصراحه ... لا يوجد عندي رغبه في تكرار الجدل حوله مره أخرى

اللي عايز يهاجر يهاجر و اللي عايز يرجع يرجع واللي عايز يفضل يفضل

كبروا دماغكم و كل واحد يعمل اللي هو شايف إنه صح وليس الأخرين

مساء / صباح الخير يا بشمهندس ... :P

أنا مش عايز أتعبك واقولك قول رأيك تانى ..

بس ياريت تدينى رابط للمناقشات اللى اتكلمتو فيها قبل كده عن الموضوع ده ...

وشكرا مقدما ...

معلش يا جماعة على غلاستى بس أنا عايز رابط المناقشات اللى حصلت قبل كده عن موضوع تربية الأولاد فى كندا ..

[safaalabana]

يعنى مفيش مسلمين فى الغرب؟

واحنا هنا بقى اللى مية فل وأربعتاشر؟

معتقدش فيه بعد كلام الامام محمدعبده أى كلام

رأيت اسلاما بلا مسلمين

ورأيت مسلمين بلا اسلام

انا برده متهيالي ان الامام محمد عبده لو كان راح ديسكو تيك والا اي هاي سكول دلوقتي والا فتح اي قناة تليفزيونية في الغرب حاليا والا راح اي دوان تاون في اي مدينة غربية حاليا ماكانش قال رايت اسلاما بلا مسلمين ؟؟؟؟؟

كل حاجة ليها عيوبها ومميزاتها

وزي ما مصر فيها عيوب بس فيها مميزات كتييييييير انت موش شايفها الوقتي نهائي

وللاسف حلمك بالحياة الجديدة المنتظرة في كندا خلاك حسيت انها ارض الميعاد والجنة الموعودة اللي مافيهاش اي عيب يذكر

ولو فيها يبقي ضئيلة جدا لا تقارن بالعيوب اللي مصر

خليك واقعي علشان ماتتصدمش لما تروح كندا وماتترميش اوي في حضن كندا وتنسي الحلو اللي بلدك وناسك

خليك شايف الاتنين بعيون الحقيقة موش الانبهار

وبكرة لما تروح كندا تبدا تشوف مميزات مصر اللي كنت موش شايفها وتقول فينك يا طاهرة :lol:

ياريت ياباشمهندس زناتى متفترضش انى مش عارف مزايا مصر

وانك انت اللى عارف مصر عنى

وشكرا على النصايح دي

ولو سمحت انا من حقى أقول رأيي وأحلم وأتوقع بدون ملحوظاتك عليها

اولا يا اخ حسام انا مافترضتش حاجة انت اللي قلت لي كدة في حوار سابق

وماقلتش اني عارف مصر اكتر منك والا حاجة انا كنت باقول راي وانا حر فيه ودي حاجة ماتخصكش متهيالي

كنت فاكر اننا في المنتدي طالما بنكتب راي يبقي من حق اي حد عضو في المنتدي انه يرد عليه ويقول رايه

ودة فايدة المنتدي

موش اللي على مزاجك والا متفقين معاك في الراي بس هما اللي يردوا على كلامك والباقي موش من حقه يقول ملاحظات على كلامك

واخيرا

يا سيدي ولا عاوز ارد على ملاحظاتك وعلى عاوزك ترد على ملاحاظاتي ولا اصلا معتبلك توبيك وبناقص

استريح

ايه ده....ايه ده....؟؟؟؟ مش ممكن ومش معقول ...اثنين من افضل الناس فى المنتدى واكثرهم احتراما...يحصل بينهم كده؟؟... ناقص كل واحد فيكم يدى ضهره للتانى ويقول انا مخاصمك ...وعشان ايه ؟اختلاف فى الراى... انا مقدره لتاثير البط المصرى ياباش مهندس زناتى...وياسيدى مصر هى امنا كلنا :lol:

ويا دكتور حسام ...مش متعودين منك على كده..حتى لو اختلفتوا ...انا واثقه ان اخلاقكم انتوا الاثنين ارقى واسمى من كده

ياللا عاوزيين نشوف حديث الحبيب محمد عليه الصلاة والسلام ...اللى قال وخيرهما اللدى يبدأ بالسلام .....

صحيح ...ياترى مين فيكم افضل ؟؟ ....ح نشوف...

[isaCanadian]

طب نحاول نخرج بره جو المشاحنات ورمضان كريم

تعالو نلخص المخاوف الي جزئين رئيسين وبعدين كل جزء كام قسم كده

أولا مخاوف ما قبل السفر ودي هنقسمها كالتالي

1- هتسيب بلدك وأهلك وتسافر بلد بعيده

2- هتسيب شغلك ومصدر رزقك ورزق اسرتك وتسافر علي فيض الكريم ومعاك قرشين محوشهم وتعبان فيهم

3- هتسافر مكان الجو فيه مختلف تماما عن المكان الي اتولدت وعشت فيه

4- مش عارف امتي هتقدر تلاقي شغل مناسب تقدر تعيش منه انت واسرتك عيشه كريمه

5- قادر تذاكر من تاني وتقرأ وتتعلم وانت بتشتغل شغل بارت تايم

6- ايه استعدادك تتقن لغتين مش لغه واحده وتعرف عادات و طباع اهل البلد دي

7- هل ياتري هتقدر تستمر هناك علي طول ولا انت ناوي قبل الولاد ما يكبروا تقلق عليهم وترجع

8- ياتري ايه الي محتاج قبل السفر اتقنه واذاكره واحسنه في نفسي عشان لما اوصل اكون مستعد

9- ياتري فيه ضغوط من مصر ممكن تخليك ترجع في اي وقت مستقبلا

10 - ياتري مراتك هتتكيف علي الوضع هناك ولا كل شويه هتزن عليك ترجع

11- ياتري ممكن تخلي مراتك تشتغل هناك لو احتجت لكده

12- ياتري الخطوه الي بعملها دي صح

ثانيا مخاوف ما بعد السفر والوصول هناك

1- من اول يوم وصول ياه البلد دي غاليه كده ليه ياتري الفلوس الي معايا هتكفيني اد ايه من غير شغل

2- اسرتي مش عارفه تتكيف علي الجو ومش مستمتعين في البرد ده

3- كل ما اقدم علي شغل واعمل مقابله محدش معبرني

4- ياتري اول اجازه هنزلها مصر هتبقي امتي

5- اخبار مصر ايه

6- ياتري ولادي لما يكبروا هيعملو زي الناس الي ماشيه في الشارع علي راحتهم دول

7- هو الصيف هنا مش هييجي بقي

8- مش عارف احوش

دي الخواطر الي جت علي بالي دلوقتي وياريت كل من عنده مخاوف او خواطر ممكن نضيفها لأي جزء من الجزئين دول ونعمل بيهم لسته ونناقشهم بند بند ونحاول نسيطر علي كل المخاوف دي ونفندها وكل واحد في الاخر يشوف كم بند قالقه وكم بند مش قالقه ويعمل نسبه مئويه للمخاوف قصاد الإطمئنان ويعرف قبل ما يسافر هو خايف كم في الميه

وشكرا

[qenawy]

مقابلة

مخاوف مصر

1- يا تري المدرس اللي ضرب الولد الاسبوع اللي فات وانااشتكيته واخد جزاء هيضطهد الولد ولا خلاص

2 ياتري الولد لو دخل ثانوي وما جابش مجموع هاعمل ايه

3 يا تري الحقن بتاعة التطعيم اللي في المدرسة سليمة ولا بايظة ( اسالوني انا بقي)

4 وانا ماشي بالعربية يا تري كان كمين بوليس وكام تفتيش وكام غتاتة هاتعرضلهم

5 كام واحد لابس شرطة هيشاورلي عشان اركبه عربيتي الملاكي في طريقي اصلي شغال عند اللي خلفوهم ولو ماركبتوش يا تري هيكتب صاحبه اللي واقف جنبه رقم عربيتي كام مرة بعد كده

6 لو رحت السجل المدني النهاردة يا تري لازم اخد اجازة عارضة وكام علبة سجاير وشاي لازم ارشهم للحبايب

7 هاعمل ابن ناس واقف في طابور حجز القطر وييجي عسكري باعته الظابط

ولا مستشار

8 ابني عاوز يدخل كلية الشرطة اقدمله ولا اقصر الطريق مدام انا مش لواء ولا عمه لواء

9 وكيل نيابة ايه يا بني انت نسيت ان جدك الله يرحمه كان راجل غلبان ولا نملك الا شهاداتنا فقط

10 جيش ايه يا بني وكرامة وطن ايه روح ساعدهم في بناء المسارح والشاليهات

11 شغل ايه يا بني

بره بقي ان شاء الله اعيش علي الكفاف ولا اشعر بقلق علي مستقبل ابنائي المهذبين بي وبامهم وبالقدوة الحسنة في مجتمع ليبرالي

[حسام يوسف]

الشيطان لعب براسهم و خلاهم يشتموا في بعض و يهينوا بعض

ادعوهم لنسيان الماضي مهما كان اليما

ادعوهم للصفح مهما كان الجرح غائرا

ادعوهم الى التسامح مهما كانت الاهانه بليغه

احنا جايين نهدي النفوس :unsure:

انت بتعلق على ماتش ماشفتوش أصلا يا زهيري ولا ايه؟

شيطان ايه وشتيمة ايه واهانة ايه؟

وماضي وصفح وجرح؟

الموضوع خلاف بسيط ولم يتجاوز أحد فى حق الآخر

صلى ع النبى يا عم فى قلبك كدة

واقفل قناة الحكايات اللى عندك دي wst::

[حسام يوسف]

ترحيب خاص بالفاضل isaCanadian

نورت التوبيك حضرتك

وتسجيل متابعة لمخاوف فى مصر للدكتور قناوى

وياريت بس يا جماعة نبعد عن اتهامات العمالة واننا مش بنحب مصر

تم تعديل 26 أغسطس 2009 بواسطة حسام يوسف

[jgeorge]

فى موضوع الاولاد

لو العيل ما جابش مجموع فى الثانوية فى كندا برضه ممكن يتسوح لقلة عدد الدارسين فى الجامعة، يعنى ممكن يلاقى نفسه مالوش مكان فى الجامعة و يا اما يتعلم صنعة او يدخل معهد سنتين و يبقى موظف محدود الدخل.

موضوع ان الاولاد ممكن يتحرروا و يعملوا فى الشارع زى المجتمع وارد بنسبة مرتفعة و علشان محدش يزعل حنسميه اختلاف، و احتملات ان الولد يتزوج من هناك وارد و مرتفع، و طبعا هنا الاحفاد بيبقى زى الام شيئ طبيعى جدا، خذوا عبرة من اولاد الملك احمد فؤاد و احفاد عمر الشريف، اى خلاف، الغربية بتأخذ اولاد و يا فكيك.

اهم حاجة فى موضوع الاولاد انهم بيعتمدوا على انفسهم بعد التخرج، يعنى الواحد مش مطلوب منه يجيب شقة او عربية او يجوز او يجهز، يعنى فلوسك فى جيبك، مش زى مصر، نزيف مستمر ختى بعد ما يتزوجوا.

الخلاصة انه سوف يكون هناك اختلافات بين الاولاد وو الاهل بنسب و درجات مختلفة و ذلك لتغيير العوامل البيئية و الاجتماعية، و التعليمية.

قد يكون هذا الاختلاف من وجهة نظر الاهل ايجابى او سلبى، و لكن هذا الاختلاف بيكون من وجهة نظر الاولاد هو اندماج فى المجتمع اللى احنا حطيناهم فيه

[حسام يوسف]

الفاضل JGEORGE

لو هنعمل مقارنة ياريت حضرتك تكمل المقارنة

يعنى حضرتك بتتكلم عن مساوئ تعليم الأولاد وزواجهم فى الغرب

طيب ما تقارنها بالتعليم والزواج فى مصر

لكل مكان ميزاته وعيوبه

لكن اننا نتكلم عن عيوب مكان دون ميزاته

ودون عيوب الجانب الآخر

فلن تكون هذة مقارنة

تحياتى

[عنبو]

خدوا دي قصة حقيقية حصلت معايا انا شخصيا ومش سامعها من حد عشان بس تدركوا ان الاخلاقيات في الباي باي

كنت طبيبا صغيرا في وحدة صحية

جاءت وقالت لي انها حامل

عادي

بس انا مش متزوجة

مطلقة وعندي ولد كبير وهو السبب - حط خطين هنا يا زناتي وحسام - لو تعرف تنجدني

ما اعرفش يا ستي واعتذر

والله العظيم قصة حقيقية

هي بعد كده اتصرفت وتم اجهاضها بواسطة طبيب في اسوان يا عم حسام

وشكرا

وصلت يادكتور قناوى

وعارف الدكتور ده كمان

ده مشهور أوى (وش منى زكى فى مسرحية كدة اوكية :)

معلش ياجماعه بجد انا بحترم كل عضو فى المحاورات وبحترم رأى الاخر لكن بجد المداخله دى استفذتنى بجد يعنى حضرتك عاوز تسيب مصر وتهاجر علشان خلاص القصه دى يعنى مصر كلها زنا ومصر كلها دعاره مصر كلها انحطاط بالدرجه دى

حضرتك عاوز تهاجر اوك دى حريتك الشخصيه اللى احنا نحترمها لكن متجيش تقول انا مسافر علشان الاخلاق اتحطت فى مصر يعنى خلاق كندا ودول الغرب عموما بقت مثال للاخلاق لا ياسيدى العزيز ممكن حضرتك تدخل على النت وتشوف القصه اللى خلت حضرتك عاوز تهاجر دى بتحصل اقد ايه بره وطبعاً الاحصائيات موجوده

وياريت حضرتك تفرق بين الاخلاق والحريات فيه فرق شاسع بين الاتنين ؟؟

هم ممكن يكونوا عندهم حريات اكتر مننا بكتير عندهم نظام اوك لكن اخلاق انا اسف

انا حبيت اقول وجهة نظرى ليس اكثر