مخاوف وردود حول الهجرة الى كندا

[qenawy]

في رايي السؤال غير قابل للاجابة منعا للتعميم

هيك وهيك اكيد

[wagdi]

ازاى بيتعاملو مع المسلمين العرب عامه فى كندا؟

فيه كدة وفيه كدة... بس الكل يتساوى في الحقوق والكل يتساوى أمام القانون... وده المهم... وفي رأيي الشخصي الكنديين أقل عنصرية بمراحل من المصريين مثلاً...

وازاى بيتصرفو معانا لما بيحصل هجومات ارهابيه عندهم علما اننا ضد هذا تماما وليس لنا يد فيه ؟

زي ما إحنا إتصرفنا لما الجزائريين ضربونا... الميديا هي التي تحرك وتتحكم... والأغلبية تتأثر وتنقاد...

هل بنعامل بعنصريه فى المطارات و الاماكن العامه ؟

الأماكن العامة لأة... المطارات موضوع تاني... هو فيه حاجة إسمها الإختيار العشوائي.. عادة العشوائي ده مابتلاقيش فيه غير المسلمين والعرب...بس عامة الموضوع لا يتجاوز التفتيش الشخصي لحقيبة يدك أو لك لو كنت بتزمر...وكله بمنتهى الإحترام والأدمية (أنا باتكلم عن كندا مش أمريكا) ولا يستغرق دقائق... ودمتم... وعامة هما بيركبوا دلوقتي في معظم مطارات العالم السكانرز إلى بتكشف البني أدم لامؤاخذة من غير هدوم... يعني حتتفتش وأنت مش حاسس...

هل بيتفهمو موقفنا من اسرائيل والقضيه ؟

أي موقف وأي قضية؟؟ موقف الحكومات ولا موقف الشعوب ولا موقف الأحزاب ولا موقف المصريين ولا موقف المغاربة ولا موقف القطريين ولا موقف احمد حلمي... صلي عالنبي يا بيه... بس عامة الميديا في أمريكا وكندا يتحكم فيها اليهود... والقناة التانية والبيت بيتك للأسف مابيجوش هنا... حيعرفوها ليه... طب بلاش أجيبهالك من ناحية تانية... موقفهم وتفهمهم زي موقفك وتفهمك لموقف الباسك من أسبانيا أو كيبك من كندا...

هل هناك جماعات عنصريه ضدنا فى كندا ؟

أه طبعاً زي ما فيه جماعات عنصرية ضد المسيحين في كندا (شوفت الحلاوة)... بس مش ظاهرة ولا تتعدى إلقاء طوبة على زجاج مسجد أو كتابة عبارات مسيئة للإسلام على جدران المساجد... ودي فعلاً حالات فردية كل فين وفين...

تحياتي

أه نسيت أرد على سؤالك الأساسي... في رأيي الشخصي جداً جداً... مافيش شعب محترم وشعب مش محترم... فيه قانون شعب محترم وقانون شعب مش محترم... والقانون الكندي بتطبيقاته وألياته قانون محترم...

تم تعديل 15 يناير 2010 بواسطة wagdi

[khaleds]

الف شكر يا رجاله

[جيمي]

الكندين ناس كمل بصراحه bsh:) ومن اقل البلاد عنصريه لانها بلد قايمه علي المهاجرين متعددي الديانات والثقافات .. وانا متاكد انها اقل عنصريه من السعوديه مثلا ضد الاجانب اللي هما عرب او مسلمين زيهم ... وده راي الشخصي ولا الزم به احد

وبصراحه الكلمتين دول بيحسمو الموضوع

ه نسيت أرد على سؤالك الأساسي... في رأيي الشخصي جداً جداً... مافيش شعب محترم وشعب مش محترم... فيه قانون شعب محترم وقانون شعب مش محترم... والقانون الكندي بتطبيقاته وألياته قانون محترم...

ولو كنت بتتكلم عن الفروق فى العادات والتقاليد ... خد اللينك ده http://www.egyptiantalks.org/invb/?showtopic=29160

اي خدمه wst::

تم تعديل 16 يناير 2010 بواسطة جيمي

[canadawi]

السلام عليكم

بس يا شباب النسبة دي بتتفاوت من مكان للتاني

يعني انا اسمع وليس لي تجربة فى ذلك ان كوبيك بها عنصرية اكثر من اى مقاطعه اخري ياريت لو حد يقدر يفيدنا فى النقطة دي

[Nassarlink]

مافيش شعب محترم وشعب مش محترم... فيه قانون شعب محترم وقانون شعب مش محترم... والقانون الكندي بتطبيقاته وألياته قانون محترم...

هود ده مربط الفرس

وده اللي بندور عليه كلنا

ويارب ميخيبش ظننا في كندا

[khaleds]

مافيش شعب محترم وشعب مش محترم... فيه قانون شعب محترم وقانون شعب مش محترم... والقانون الكندي بتطبيقاته وألياته قانون محترم...

هود ده مربط الفرس

وده اللي بندور عليه كلنا

ويارب ميخيبش ظننا في كندا

الله ينور عليك