مخاوف وردود حول الهجرة الى كندا

[عبير يونس]

انا بصراحة خايفة من نقطة ومترددة اكتبها مش عايزة حد يزعل منى بس اكيد هاتفهمونى

اصل بصراحة انا شايفة المنتدى دة بجد زى بيت العيلة وكلكم ناس ذوق وفى منتهى الاخلاق والمحبة وكل واحد عايز يقدم كل مساعدة يقدر عليها

بس بلاحظ كل واحد بيطلب دعوة ويقول ربنا يوفق كل مصرى مسلم او كل عربى مسلم

طيب واحنا رحنا فين مش احنا بردو اخواتكم لية منقلش ربنا يوفق كل مصرى بس ونبقى كلنا ايد واحدة هناك وصورة مشرفة لمصر فعلا

انا كتبت اللى حسيتة من باب انى اختكم وهاتفهمونى عشم يعنى

وربنا يوفقنا جميعا

مداخلاتك تدل على صدقك و مصريتك الأصيلة

و عشمك في محله يا سيدتي

و ربنا يوفقك في الهجرة و تشرفينا و تشرفي مصر

و أكيد الزملاء الأفاضل ما يقصدوش أي إساءة لا لحضرتك و لا للإخوة المسيحيين

و لأن رسولنا الكريم عليه الصلاة و السلام أوصى بأقباط مصر على وجه الخصوص

انتم اخواتنا في المواطنة و في الإنسانية

و تاني مرة ربنا يوفقك يا مدام جيسيكا

cr((:

و تكتبيلنا قريبا من كيبك

[عبير يونس]

طبعا ميرسي جدا للدكتور حسام على التوبيك المهم ده

و بالنسبة لكلام حضرتك يا د. هشام أنا متفقة معاه و مش متفقة معاه

متفقة مع حضرتك لأن فعلا في ناس عايزة كل حاجة على الجاهز

متهيألي عايزة حد يعملها الإجراءات و يحجز لهم تذاكر السفر و البيت في كندا و يجيبلهم وظيفة

لكن من جهة القلق

فالقلق ضروري لنقلة حضارية زي دي

لازم نفكر كويس

و لازم نعرف ايه اللي منتظرنا هناك

أكيد لازم حنتعب و نكافح لحد ما نقف على رجلينا

لكن في فرق بين التعب و الكفاح

و بين الاصطدام بواقع معاكس تماما لما تخيلناه و نحن نفكر في الهجرة

عن نفسي

أدرك تماما أن كندا ليست أرض الأحلام

كما أدرك تماما أن لكل شيء في الدنيا مزايا و عيوب

و من رحمة ربنا بينا أننا مختلفون عن بعضنا

و أنا على يقين تام

بأن ما يسعدني قد يكون من المنغصات لغيري

و العكس صحيح

و تجربة شخص تختلف عن تجربة غيره حتى لو كان شقيقه

عن نفسي لا أريد عكازا

و لكن فقط أريد بقعة ضوء تنير لي الطريق

و أولا و أخيرا التوفيق من الله وحده

[Alshiekh]

انا بصراحة خايفة من نقطة ومترددة اكتبها مش عايزة حد يزعل منى بس اكيد هاتفهمونى

اصل بصراحة انا شايفة المنتدى دة بجد زى بيت العيلة وكلكم ناس ذوق وفى منتهى الاخلاق والمحبة وكل واحد عايز يقدم كل مساعدة يقدر عليها

بس بلاحظ كل واحد بيطلب دعوة ويقول ربنا يوفق كل مصرى مسلم او كل عربى مسلم

طيب واحنا رحنا فين مش احنا بردو اخواتكم لية منقلش ربنا يوفق كل مصرى بس ونبقى كلنا ايد واحدة هناك وصورة مشرفة لمصر فعلا

انا كتبت اللى حسيتة من باب انى اختكم وهاتفهمونى عشم يعنى

وربنا يوفقنا جميعا

مداخلة فى الجون وكلمتين ياريت كل واحد يقرأهم ويفهمهم ( مسلم او مسيحى ) قبل ان ينقر على مفاتيح الكى بورد حتى لايتأذى الآخرون مما يكتب .

احيانا ارجع ذلك لبعض الافكار الشاذة والثقافات الجديدة التى لم تكن ابدا من ثقافة التسامح التى تربينا عليها.

اسمع ذلك كثيرا واقرأه كثيرا من مسلمين ومسيحيين ( أعتبرهم جهلاء و متعصبين ) .

وانى ادعو الله ان يفك غمة هذه الامة ويهدى ابناءها الى مافيه الصواب وان يتعلم اهلها معنى الحب ومعنى ان تحب كل خلق الله أدميين او حيوانات.

[د هشام ابراهيم]

ما أشرت اليه حضرتك فى وصف تعقيب هوة مش تعقيب

ده مشكلة كبيرة فينا

عايزين كل حاجة جاهزة

حتى لما نهاجر لمجتمع جديد

بنفكر بشكل مش جديد

مابنغيرش طريقة تفكيرنا

وبنفضل على السلوك الاعتمادي

ودي نقطة خطيرة فينا لازم نصلحها

التعاون حلو اه

لكن برضة الواحد لازم يجرب يلاقى حلول بنفسه لمشاكله

لو لقى تعاون

خير

ولو مالقاش حد يسأله

يبقى الحياة ماتقفش

اتفق مع حضرتك اننا ما زال عندنا التعود في اننا عايزين كل حاجه علي ارض الواقع كما تخيلناه . والحقيقه ده موجود في الجنه فقط انك تتخيل او تتمني شئ ويتحقق تماما بل وزياده فضلا من الله لعباده.

مازلنا عايشين وجوانا خوف من بكره ومن فشل التجربه وليس عندنا استعداد للمغامره حتي ولو لخمس سنوات.

تجربه الهجره هي مقايضه هتبدل بضاعه ببضاعه تانيه ممكن التانيه تكون علي مزاجك قوي وممكن تاخدها لان انت بس عايز تخلص من الاولي

كان احد الزملاء قالها ان الهجره ( باكيج) في مميزاته وعيوبه ولازم هتاخد الاتنين

اصدقائي الأعزاء هو ده بالظبط اللي عايز أقوله و الفكرة وصلت لحضراتكم تماما ..... بس صيغتكم أوضح و أجمل .....عايز بس أوضح وجهة نظري للجميع أنا أكيد مش قصدي إن احنا ما نفكرش أو ما نحتاطش و يبقى عندنا plan A و plan B انما اللي قصدي عليه القلق المرضي اللي بيشل التفكير و العمل ..... انتظار ضمانات موثقة قبل اتخاذ أي خطوة .....عدم الرغبة في التعب و الكدح و المخاطرة المحسوبة .....أسلوب تفكير قد يكون صحيحا و ناجحا انما مش لمشروع هجرة

تحياتي و احترامي للجميع

[Nassarlink]

يا عم نصار

مين عمرو أديب ده؟ :sad:

اعذرني يا دكتور حسام

انا لو كنت شفت اللي قاله امبارح عمرو اديب عن الفريق القومي امبارح

مكنتش شبهتك بيه

اكرر اعتذاري

[حسام يوسف]

يا عم نصار

مين عمرو أديب ده؟ :sad:

اعذرني يا دكتور حسام

انا لو كنت شفت اللي قاله امبارح عمرو اديب عن الفريق القومي امبارح

مكنتش شبهتك بيه

اكرر اعتذاري

ولا اعتذار ولا حاجة يا حاج نصار

أنت كنت تقصد بس تجاملنى والتشبيه للدلالة الاعلامية وليس الشخصية

اشرب العصير بقى :sad:

[حسام يوسف]

انا عندي هاجس قوى

مش عايز استني اعانة البطالة والكلام ده

نفسي ألاقي شغل كاجوال لحد المعادلة ما تخلص

مش عايز اشتغل يوم ويوم لأ

ومش عايز انى ما ألاقيش شغل أساسا

ياترى حد خايف من الموضوع ده زيي؟

وياترى حد عنده حل أو رد للهاجس ده؟

[MZohairy]

انا عندي هاجس قوى

مش عايز استني اعانة البطالة والكلام ده

نفسي ألاقي شغل كاجوال لحد المعادلة ما تخلص

مش عايز اشتغل يوم ويوم لأ

ومش عايز انى ما ألاقيش شغل أساسا

ياترى حد خايف من الموضوع ده زيي؟

وياترى حد عنده حل أو رد للهاجس ده؟

صلي على النبي يا حسام و اسمعني كويس

مش ممكن تيجي حتلاقي شغل من اول يوم

الا لو ليك معارف طبعا هنا و موضبينلك حاجه

انما غير كده صعب جدا

اهم حاجه تختصرلك وقت طويل في موضوع الشغل الكاجوال ده هي العربيه و رخصة السواقه

حتفتحلك ابواب كتير قوي سواء كان في السواقه نفسها او الدليفري بالعربيه

يعني الرخصه و العربيه حتخلي امكانية ايجاد عمل كاجوال بتتضاعف عدة مرات

و في الإبان (حلوه في الإبان دي؟) تكون بتدرس و بتجهز شهاداتك و تعادلها و بس

[حسام يوسف]

الله ينور عليك يا عم زهيري

يبقى الرخصة والسواقة حل ولو جزئي للمشكلة

وعلى طريقة حصة الرياضيات

هل هناك حل آخر؟

بس ماحدش يعمل (عمل) :ninja:

[MZohairy]

تقصد حل آخر للشغل الكاجوال؟

[حسام يوسف]

تقصد حل آخر للشغل الكاجوال؟

أينعم :ninja:

[MZohairy]

الشغل الكاجوال في كل مكان و بأسعار مختلفه و محتاج بحث و بس

فين السؤال بقى؟

[جيمي]

تعرفو يا جماعة أنا اكتر حاجة بتقلقنى فى موضوع الهجرة ده ايه ؟؟

انا ميهمنيش انى أول ما أروح كندا أسكن shared مع 2 و 3 فى أوضة .. ما كل اللى شغالين فى الخليج أكتر من كده كمان ..

وميهمنيش انى اشتغل شغل كاجوال لمدة سنة واتنين لغاية ما اعمل المعادلة ..

وميهمنيش انى اتعب فى البداية .. لأنى هتعب وهلاقى .. انما هنا بتعب ومابشوفش حاجة وغيرى بياخد عالجاهز ..

وميهمنيش أنى أقضيها أكل عادى أول ما اروح كندا .. وما يهمنيش أى حاجة متعبة فى البداية لأنى عارف ومتأكد انى بعون الله هقدر اتغلب عليها ..

ومستعد استحمل اى بهدلة فى السنوات الأولى للهجرة ..

الحاجة الوحيدة اللى بتتعبنى حقيقى كل ما أفكر فى موضوع الهجرة ( رغم انى لسة طالب جامعى ) هو انى لما بفكر فى المستقبل وباشوف نفسى عندى أولاد فى كندا بخاف جدا جدا جدا جدا ..

حاسس انى مهما عملت ومهما سويت برضه المجتمع تأثيره أكبر خاصة ان كل اللى حواليه اغلبهم هيبقو اجانب ..

ومعلش انا عارف ان كتير هيقولو التربية اساس لكن انا بختلف معكم .. مهمها كان المجتمع تأثيره اكبر يعنى احنا ممكن نسيطر على طفل صغير .. طيب لما يكبر ويستقل بنفسه ؟؟؟ خاصة انى لو زهقت عالواد ورزعته علقة مش بعيد يشتكينى واتحبس فيها هناك

وكلام على بلاطة .. تخيل شاب مراهق فى قمة شهوته والمجتمع حواليه مفتوح ؟؟؟

والأدهى والأمر لو كانت بنت ..

ولو حصل وقدرت اسيطر عالجيل الأول .. هل تتوقع ان ابنائك يبذلو نفس الجهد مع احفادك؟؟

والكلام لينا جميعا مسلمين ومسيحيين لأن كلنا عندنا نفس القيم تقريبا ..

ياريت يا جماعة تفيدونى فى الموضوع ده عمليا و "بعيدا عن الشعارات "

والله يا اخى الكريم نفس الموضوع اللى عمللى قلق ومش خوف بس ده احساس بالذنب كمان ......بقول يعنى انا ممكن اشيل ذنب اولادى واولاد الاولاد كمان .....بصرف النظر اذا كنت انت لسه طالب ولا لا او اذا كنت انا عندى اولاد او معنديش او حتى متجوز اصلا فدى مشكله المفروض ان هى كده كده هاتواجهك.......ان شاء الله

اما حلها ازاى فالرجااء من الاخوه اللى فى كندا واللى واضح من شخصياتهم ان هم مثل(بضم الميم) للأخلاق والالتزام يقولولنا حقيقة الوضع ايه هنااك ....يمكن نكون احنا مكبرين الموضوع او يمكن الوضع فى كندا مختلف عن باااقى دول اوروبا ....المهم برجاااء منهم التوضيح

انا عن نفسى بحااول ان اكون مرتبط باى شكل من الاشكال بمصر ...وان شاء الله الاولاد يقضو الاجازات السنويه فى مصر مع والدى ووالدتى حتى لو فضلت انا فى كنداا ......واهو بالمره يتعرفو على الطريقه اللى والدهم اتربى عليها بدل مايفتكرو ان ابوهم رجعى ولا متخلف وانا اللى فاكر نفسى روش :ninja: ماهى الحكايه هتبقى نسبه وتناسب ساعتها .....

ده تخيلى للطريقه اللى ممكن اتغلب بيها على المشكله دى ......بس ارجع واقولك ان الهدايه من الله يعنى زى ما الايه الكريمه بتقول( وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا )

وربنا يوفقك

[arora]

انا رايي ان التربية المثالية للاولاد المتدينة

والتى تضع الله امامنا وامامهم فى كل الاوقات

سواء بالنسبة لنا كمسيحين او للمسلمين على السواء

التربية فى خوف الله وان تراعى الله وضميرك فى كل تصرفاتك

زهذا يكون من الصغر مش بس عند الهجرة

امر اخر هو صداقة الاولاد ان نصادقهم ونستمع اليهم فى كل مشاكلهم

بصدر رحب وبال طويل

لياخذوا مننا النصيحة عند اى مشكلة

بدلا من ان يحصلوا عليها من اى مصدر لاتثق فيه

ايضا المتابعة والملاحظة

يعنى عنينا فى وسط راسنا

اتصحيح اى خطا من البداية

وان نعلم ان اولادنا هو اهم استثمار لنا

لانه ماذا سبفيد المال لو لاقدر الله كان احد الاولاد فاسدا او عاق

..........

اظن هذه هى اهم الضمانات والباقى ياتى بالدعوات الصالحات

تم تعديل 22 يونيو 2009 بواسطة arora

[عبير يونس]

انا رايي ان التربية المثالية للاولاد المتدينة

والتى تضع الله امامنا وامامهم فى كل الاوقات

سواء بالنسبة لنا كمسيحين او للمسلمين على السواء

التربية فى خوف الله وان تراعى الله وضميرك فى كل تصرفاتك

زهذا يكون من الصغر مش بس عند الهجرة

امر اخر هو صداقة الاولاد ان نصادقهم ونستمع اليهم فى كل مشاكلهم

بصدر رحب وبال طويل

لياخذوا مننا النصيحة عند اى مشكلة

بدلا من ان يحصلوا عليها من اى مصدر لاتثق فيه

ايضا المتابعة والملاحظة

يعنى عنينا فى وسط راسنا

اتصحيح اى خطا من البداية

وان نعلم ان اولادنا هو اهم استثمار لنا

لانه ماذا سبفيد المال لو لاقدر الله كان احد الاولاد فاسدا او عاق

..........

اظن هذه هى اهم الضمانات والباقى ياتى بالدعوات الصالحات

كلام سليم 100%

:ninja:

[بركة]

معلش ياجماعة أنا بردو مستنية تجربة حصلت بالفعل منكم او من حد تعرفوه

مع أولاده وازاي حافظ عليهم ووصلهم لبر الامان

وشكرا :ninja:

[SoSo R]

أنا عايزة اشارك...رغم إنى فعلا مش قادرة أكتب و فى نفس الوقت مش عارفة أرتب أفكارى

بس خليها على هيئة خواطر...

مافيش حد زى التانى كل واحد ليه تجربته و على مقاسه...فيه ناس إشتغلت من تانى يوم و أنا أعرفهم فعلا ودة رزق و نصيب

فيه ناس تانية أعرفهم برضه..أشتغلوا بعد 6 شهور

لازم نحط كل الأحتمالات...عشان الواقع ما يبقاش صادم

البلد غالية...دة واقع هنحس بيه خصوصا مقارنة بالخليج

كل الناس اللى بقالها فترة قالوا إنها بلاعة فلوس يعنى مهما كان معاك و أنت جاى لازم تصرف بحرص لأنك مش عارف هتلاقى شغل و تجيب دخل إمتى و أد إيه؟!

بلاش نظرة حالمة أو وردية لأن البدايات دايما بتكون صعبة...و إلا هتكرهوا البلد بالى فيها من الأول

كن جميلا ترى الوجود جميل

هتستمتع بكل حاجة بتمر بيها حتى ولو كانت البهدلة بتاعة البداية...ليها طعم و هتكون ذكريات ليك و لأولادك

بالنسبة للأولاد...أنا شفت من فى سنى متربيين من عمر إبتدائى فى كندا...فى منتهى التدين و الأخلاق...محافظين على الروح و اللكنة المصرية

فيه غيرهم كويسين برضه بس العربى بتاعهم ضعيف

كل واحد غير التانى...حسب مجهوده و إجتهاده

كلمة أخيرة ....

ماحدش له دعوة بحد ...حط هدفك قدامك وركز عليه..ما تبصش جنبك....

و أهم حاجة ماتسمعش لحد...لأن فيه ناس متخصصة فى هدم همم الناس...ودول هتلاقوا منهم كتيييييييير

تحياتى

سوسورانى

[عبير يونس]

أنا عايزة اشارك...رغم إنى فعلا مش قادرة أكتب و فى نفس الوقت مش عارفة أرتب أفكارى

بس خليها على هيئة خواطر...

مافيش حد زى التانى كل واحد ليه تجربته و على مقاسه...فيه ناس إشتغلت من تانى يوم و أنا أعرفهم فعلا ودة رزق و نصيب

فيه ناس تانية أعرفهم برضه..أشتغلوا بعد 6 شهور

لازم نحط كل الأحتمالات...عشان الواقع ما يبقاش صادم

البلد غالية...دة واقع هنحس بيه خصوصا مقارنة بالخليج

كل الناس اللى بقالها فترة قالوا إنها بلاعة فلوس يعنى مهما كان معاك و أنت جاى لازم تصرف بحرص لأنك مش عارف هتلاقى شغل و تجيب دخل إمتى و أد إيه؟!

بلاش نظرة حالمة أو وردية لأن البدايات دايما بتكون صعبة...و إلا هتكرهوا البلد بالى فيها من الأول

كن جميلا ترى الوجود جميل

هتستمتع بكل حاجة بتمر بيها حتى ولو كانت البهدلة بتاعة البداية...ليها طعم و هتكون ذكريات ليك و لأولادك

بالنسبة للأولاد...أنا شفت من فى سنى متربيين من عمر إبتدائى فى كندا...فى منتهى التدين و الأخلاق...محافظين على الروح و اللكنة المصرية

فيه غيرهم كويسين برضه بس العربى بتاعهم ضعيف

كل واحد غير التانى...حسب مجهوده و إجتهاده

كلمة أخيرة ....

ماحدش له دعوة بحد ...حط هدفك قدامك وركز عليه..ما تبصش جنبك....

و أهم حاجة ماتسمعش لحد...لأن فيه ناس متخصصة فى هدم همم الناس...ودول هتلاقوا منهم كتيييييييير

تحياتى

سوسورانى

كلام حضرتك صح مية في المية

و فعلا كل واحد و تجربته و ظروفه

و بجد فعلا في ناس متخصصة في هدم الهمم

الله يبعدهم عننا

و يكفينا شرهم

آمين

[sherifhfm]

انا بس حبيت افكركم

{ وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا }

لازم الواحد لو خايف على ذريته ان يعمل بهذه الايه فيها الحل ان شاء الله

لازم الواحد ياخد باله اوى من تربيه اولاده سواء فى كندا ولا فى غير كندا حتى الامور فى بلدنا الاسلامية بقت تخوف

الواحد يعمل الى عليه والباقى على الله

[حسام يوسف]

الشغل الكاجوال في كل مكان و بأسعار مختلفه و محتاج بحث و بس

فين السؤال بقى؟

أقولك يا مسيو زوهيري

اتنين زمايلنا صيادلة

رجعوا من كندا

وجابولي احباط

فشلوا فى المعادلة

ومالقوش شغل

فحبيت أتأكد حتى من موضوع الشغل الكاجوال

دي النقطة اللى مخوفانى يا عم الكنادوة :closedeyes: