مخاوف وردود حول الهجرة الى كندا

[أحمد سيف]

من فتره بسيطه قريت موضوع في المجلة الأسبوعية للفاينانشيال تايمز بيتكلم عن اتجاه جديد في أوروبا وأمريكا اليومين دول ... وهو العودة من الأعمال المكتبية والإدارية الى الصنايع والحرف ... وفيه كتاب عامل مبيعات جامده جدا في أمريكا اسمه "Shop Class as soulcraft: An Inquiry into the Value of Work" بيشجع الناس على إنهم يتركوا الأعمال المكتبية المملة ويتعلموا أعمال جديدة فيها متعة أكبر وعائدها المادي أحسن. طبعا الظروف الاقتصادية الحالية ليها تأثير كبير على انتشار هذه الأفكار ... لكن بجد الموضوع ده أثار اهتمامي.

خلاصة الكلام إن الواحد ما دام رايح بلد جديدة وحياة جديدة مش لازم يحصر نفسه في الخيارات القديمة (اللي أحيانا كان مجبر عليها) ... يعني لو أنا كنت شغال مدرس أو محامي في بلدي ورحت كندا واكتشفت إني لازم أبتدي المشوار من أوله علشان استمر في نفس الطريق يبقى ايه اللي يخليني أربط نفسي بهذا الخيار ... في الحاله دي من الأفضل إني أفكر كإني لسه مخلص الثانوية النهارده وقدامي جميع الخيارات مفتوحه ... وأختار براحتي خالص المجال اللي هبتدي فيه ... وميزة كندا إنك ممكن تبتدي مجال جديد في أي مرحلة من حياتك ... الموضوع كله دراسة وتدريب عملي يطول أو يقصر حسب المجال والمستوى الذي ترغب فيه.

أنا عن نفسي حاطط عدة خطط للشغل لما أوصل كندا بإذنه تعالى ... لكن لو كل الخطط دي ما نفعتش ما عنديش أي مانع أتعلم صنعه واشتغل فيها ... ومين عارف يمكن ألاقي نفسي فيها أكثر من الهندسة والأبحاث والتمويل والتدريس وكل المجالات اللي أنا اشتغلت فيها. أنا من زمان نفسي أتعلم حاجات جديدة زي ميكانيكا السيارات والنقاشة ... وكان ليا معاهم تجارب وناوي إن شاء الله اتعلمهم لما اروح كندا ولو على سبيل الهواية.

كفاية كده أحسن الناس تقول الراجل ده بيخرف بيقول ايه.

بتخرّف إيه بس يا راجل

دا أنا بعتقد إن أسعد الناس بالدنيا الناس اللي بتشتغل صنعة بيديها

هو صحيح بيتعب شوية في الشغل طول النهار , لكنه لما يروّح بيته مع أول الليل بيشعر فعلا بطعم الراحة

صحيح والله ..

أكثر وقت تستمتع فيه بالراحة, هو أن يكون بعد يوم من التعب والمشقة

كما أن أفضل أكلة تأكلها , بتكون بعد فترة جوع

والله يا ريت يا أستاذ أحمد سيف تفتح لنا توبيك عن الموضوع ده في غير باب كندا طبعا

عشان أنا عندي كلام كثير فيه, وخايف زيك الناس تتهمني بالتخريف, فكويّس إني لاقيت حدّ يوافقني

حبيبي سهل جدا باشا ... والله أنا اتبسطت جدا لما لقيتك متفق معي في الرأي ... أنا بصراحة بقيت من أكثر المعجبين بأفكارك وآراءك

غالي والطلب رخيص يا سيدي ... إن شاء الله أخلص بس من امتحان الأيلتس بكره وأرجع أكتب ثاني في نفس الموضوع ... ولا ايه رأيك تفتح انت الموضوع بأسلوبك الشيق وأنا أكمل وراك ؟؟

تحياتي لك :blush2:

[sherifhfm]

من فتره بسيطه قريت موضوع في المجلة الأسبوعية للفاينانشيال تايمز بيتكلم عن اتجاه جديد في أوروبا وأمريكا اليومين دول ... وهو العودة من الأعمال المكتبية والإدارية الى الصنايع والحرف ... وفيه كتاب عامل مبيعات جامده جدا في أمريكا اسمه "Shop Class as soulcraft: An Inquiry into the Value of Work" بيشجع الناس على إنهم يتركوا الأعمال المكتبية المملة ويتعلموا أعمال جديدة فيها متعة أكبر وعائدها المادي أحسن. طبعا الظروف الاقتصادية الحالية ليها تأثير كبير على انتشار هذه الأفكار ... لكن بجد الموضوع ده أثار اهتمامي.

خلاصة الكلام إن الواحد ما دام رايح بلد جديدة وحياة جديدة مش لازم يحصر نفسه في الخيارات القديمة (اللي أحيانا كان مجبر عليها) ... يعني لو أنا كنت شغال مدرس أو محامي في بلدي ورحت كندا واكتشفت إني لازم أبتدي المشوار من أوله علشان استمر في نفس الطريق يبقى ايه اللي يخليني أربط نفسي بهذا الخيار ... في الحاله دي من الأفضل إني أفكر كإني لسه مخلص الثانوية النهارده وقدامي جميع الخيارات مفتوحه ... وأختار براحتي خالص المجال اللي هبتدي فيه ... وميزة كندا إنك ممكن تبتدي مجال جديد في أي مرحلة من حياتك ... الموضوع كله دراسة وتدريب عملي يطول أو يقصر حسب المجال والمستوى الذي ترغب فيه.

أنا عن نفسي حاطط عدة خطط للشغل لما أوصل كندا بإذنه تعالى ... لكن لو كل الخطط دي ما نفعتش ما عنديش أي مانع أتعلم صنعه واشتغل فيها ... ومين عارف يمكن ألاقي نفسي فيها أكثر من الهندسة والأبحاث والتمويل والتدريس وكل المجالات اللي أنا اشتغلت فيها. أنا من زمان نفسي أتعلم حاجات جديدة زي ميكانيكا السيارات والنقاشة ... وكان ليا معاهم تجارب وناوي إن شاء الله اتعلمهم لما اروح كندا ولو على سبيل الهواية.

كفاية كده أحسن الناس تقول الراجل ده بيخرف بيقول ايه.

بتخرّف إيه بس يا راجل

دا أنا بعتقد إن أسعد الناس بالدنيا الناس اللي بتشتغل صنعة بيديها

هو صحيح بيتعب شوية في الشغل طول النهار , لكنه لما يروّح بيته مع أول الليل بيشعر فعلا بطعم الراحة

صحيح والله ..

أكثر وقت تستمتع فيه بالراحة, هو أن يكون بعد يوم من التعب والمشقة

كما أن أفضل أكلة تأكلها , بتكون بعد فترة جوع

والله يا ريت يا أستاذ أحمد سيف تفتح لنا توبيك عن الموضوع ده في غير باب كندا طبعا

عشان أنا عندي كلام كثير فيه, وخايف زيك الناس تتهمني بالتخريف, فكويّس إني لاقيت حدّ يوافقني

حبيبي سهل جدا باشا ... والله أنا اتبسطت جدا لما لقيتك متفق معي في الرأي ... أنا بصراحة بقيت من أكثر المعجبين بأفكارك وآراءك

غالي والطلب رخيص يا سيدي ... إن شاء الله أخلص بس من امتحان الأيلتس بكره وأرجع أكتب ثاني في نفس الموضوع ... ولا ايه رأيك تفتح انت الموضوع بأسلوبك الشيق وأنا أكمل وراك ؟؟

تحياتي لك :blush2:

والله ان مش شايف اى مشكله ان الواحد بيحب ممارسة عمل يدوى زى ميكانيكا العربيات او الكهرباء او غيرها يتمرن ويشتغل فيها بالعكس يمكن يكون دخلها امثر بكتير من الشغل المكتبى انا والله شخصيا زهقت من شغل البرمجة الى مخلى الواحد لازق فى المكتب طول النهار لما حاسس ان كل عضلات جسمى حصلها ضمور

يمكن لو ربنا وفق الواحد ونجح فى مشوار الهجره ده فعلا ممكن الواحد يفكر فى اى مهنه تانى خالص بدل شغل المكاتب ده ويمكن يساعد الواحد فى الموضوع ده ان نظرت المجتمع هناك للعمال غير فى بلدنا هنا خالص خالص

تم تعديل 10 يوليو 2009 بواسطة sherifhfm

[moheltohamy]

أنا عن نفسي حاطط عدة خطط للشغل لما أوصل كندا بإذنه تعالى ... لكن لو كل الخطط دي ما نفعتش ما عنديش أي مانع أتعلم صنعه واشتغل فيها ... ومين عارف يمكن ألاقي نفسي فيها أكثر من الهندسة والأبحاث والتمويل والتدريس وكل المجالات اللي أنا اشتغلت فيها. أنا من زمان نفسي أتعلم حاجات جديدة زي ميكانيكا السيارات والنقاشة ... وكان ليا معاهم تجارب وناوي إن شاء الله اتعلمهم لما اروح كندا ولو على سبيل الهواية.

كفاية كده أحسن الناس تقول الراجل ده بيخرف بيقول ايه.

أسجّل إعجابي واحترامي يابو حميد :wub:

بجد كلامك ده زوّد إعجابي بدماغك وفكرك أكتر ماهو زايد أصلاً :wub:

وكفاية كده... مش هتبقى (Special Occasion) مع هشام ومعاك :lol: (واخدلي بالك انتا يا عم الحاج؟ :lol: )

تهامى باشا :

سوال رد على اعجابك بكلام غريب من مدخله تدل على فكر كثيرين من عندهم الرغبه فى الهجرة لكندا ؟

المهم السوال : لو اتقدم لبنتك نقاش او نجار او سواق عايش فى كندا عشان يجوز بنتك (انا عارف ان لسه ماعندكش ربنا يرزقك باذن اله ) حتوفق عليه ؟

وشكرا - ده ردى انا على الكلام ؟

اما انا قرات فى كتاب ايه - ده كلام - زى كل الكلام

I have seen nations fall and rise I heard thier stories I heard it all ( sign by Leonard Cohen

http://www.youtube.com/watch?v=D97OxHZzBeQ

اهدا خاص الاغنية ده لدكتور هشام

استغفر الله العظيم

رد على السؤال نيابه عن حبيبي الدكتور تهامي :wub:

أيوه لو اتقدم لبنتي واحد عارف ربنا وبيشتغل بإيده شغلانه شريفه سواء في مصر أو في كندا أو في أي مكان ثاني وهيا وافقت عليه أنا مش همانع أبدا

وأنا بقول الكلام ده وعندي ثلاث بنات ... يعني مش كلام كتب ولا كلام نظري

عايزين بقى نخلص من عقد الشهادة ومجموع الثانوية وكليات القمة والوظيفة الميري اللي ما بقتش تأكل عيش حاف

على فكره اللي مؤلف الكتاب اللي أنا قلت عليه معاه دكتوراه وكان بيشتغل في واحد من Think Tanks في أمريكا ... بس سابهم وفتح ورشة تصليح موتوسيكلات ومبسوط في شغله الجديد أكثر

تكملةً على كلامك يابو حميد ، بس من وجهة نظر مختلفة شوية...

مبدئياً ، أنا رأيي في جوازة بنتي هيكون استشاري ، تاخد بيه أو ما تاخدش ، هيّه حرة... هيّه اللي هتختار وهيّه اللي هتتحمّل نتيجة اختيارها! أنا مش هاخلّفها واصرف عليها عشان امتلكها! :blink:

الفكر الغريب بتاعنا ف الميدل إيست ده هوّه اللي جايبنا ورا ، وفاضحنا قدّام الأجانب اللي معانا ع البريمة!

الحاجة التانية اللي المفروض إنك شايفها يا عم الحاج بينك... الناس اللي بتشتغل بإيديها دي في كندا ناس محترمة وزي الفل! ودارسين أصول الشغل ، مش لاقطين المهنة من الأسطى فلان زي ما المهن دي ماشية في بلادنا!

ولا لازم تقف على دماغ الصنايعي من دول عشان مايخمّكش ويطلسق الشغل! كل حاجة ماشية زي ما الكتاب بيقول.

الله يصبّحه بالخير اللي كان قالها... أشتغل شحات في كندا ، ولا أكون مدير عام في بلدنا.

النقطة التالتة... أنا أرحّب بأي شغلانة أيّاً كانت كخطوة في سبيل الوصول لدرجة أعلى. دايماً هيكون فيه طموح. وطالما مسيرك توصل لبوزيشن محترم ، تبقى إيه المشكلة؟ بغض النظر طبعاً إن البلاد دي ما فيهاش شغلانة لا تُحترَم! ولو رجعت للدين هتلاقيه بيحترم ويقدّس العمل أياً كان ، حتى وإن كان الاحتطاب :blush2:

مش كده لاّ إيه؟

[أحمد سيف]

عداك العيب وأزح يا تهامي باشا ... الحق اللي بعده

[حسام يوسف]

أنا عن نفسي حاطط عدة خطط للشغل لما أوصل كندا بإذنه تعالى ... لكن لو كل الخطط دي ما نفعتش ما عنديش أي مانع أتعلم صنعه واشتغل فيها ... ومين عارف يمكن ألاقي نفسي فيها أكثر من الهندسة والأبحاث والتمويل والتدريس وكل المجالات اللي أنا اشتغلت فيها. أنا من زمان نفسي أتعلم حاجات جديدة زي ميكانيكا السيارات والنقاشة ... وكان ليا معاهم تجارب وناوي إن شاء الله اتعلمهم لما اروح كندا ولو على سبيل الهواية.

كفاية كده أحسن الناس تقول الراجل ده بيخرف بيقول ايه.

أسجّل إعجابي واحترامي يابو حميد :wub:

بجد كلامك ده زوّد إعجابي بدماغك وفكرك أكتر ماهو زايد أصلاً :wub:

وكفاية كده... مش هتبقى (Special Occasion) مع هشام ومعاك :wub: (واخدلي بالك انتا يا عم الحاج؟ :lol: )

تهامى باشا :

سوال رد على اعجابك بكلام غريب من مدخله تدل على فكر كثيرين من عندهم الرغبه فى الهجرة لكندا ؟

المهم السوال : لو اتقدم لبنتك نقاش او نجار او سواق عايش فى كندا عشان يجوز بنتك (انا عارف ان لسه ماعندكش ربنا يرزقك باذن اله ) حتوفق عليه ؟

وشكرا - ده ردى انا على الكلام ؟

اما انا قرات فى كتاب ايه - ده كلام - زى كل الكلام

I have seen nations fall and rise I heard thier stories I heard it all ( sign by Leonard Cohen

http://www.youtube.com/watch?v=D97OxHZzBeQ

اهدا خاص الاغنية ده لدكتور هشام

استغفر الله العظيم

رد على السؤال نيابه عن حبيبي الدكتور تهامي :wub:

أيوه لو اتقدم لبنتي واحد عارف ربنا وبيشتغل بإيده شغلانه شريفه سواء في مصر أو في كندا أو في أي مكان ثاني وهيا وافقت عليه أنا مش همانع أبدا

وأنا بقول الكلام ده وعندي ثلاث بنات ... يعني مش كلام كتب ولا كلام نظري

عايزين بقى نخلص من عقد الشهادة ومجموع الثانوية وكليات القمة والوظيفة الميري اللي ما بقتش تأكل عيش حاف

على فكره اللي مؤلف الكتاب اللي أنا قلت عليه معاه دكتوراه وكان بيشتغل في واحد من Think Tanks في أمريكا ... بس سابهم وفتح ورشة تصليح موتوسيكلات ومبسوط في شغله الجديد أكثر

تكملةً على كلامك يابو حميد ، بس من وجهة نظر مختلفة شوية...

مبدئياً ، أنا رأيي في جوازة بنتي هيكون استشاري ، تاخد بيه أو ما تاخدش ، هيّه حرة... هيّه اللي هتختار وهيّه اللي هتتحمّل نتيجة اختيارها! أنا مش هاخلّفها واصرف عليها عشان امتلكها! :lol:

الفكر الغريب بتاعنا ف الميدل إيست ده هوّه اللي جايبنا ورا ، وفاضحنا قدّام الأجانب اللي معانا ع البريمة!

الحاجة التانية اللي المفروض إنك شايفها يا عم الحاج بينك... الناس اللي بتشتغل بإيديها دي في كندا ناس محترمة وزي الفل! ودارسين أصول الشغل ، مش لاقطين المهنة من الأسطى فلان زي ما المهن دي ماشية في بلادنا!

ولا لازم تقف على دماغ الصنايعي من دول عشان مايخمّكش ويطلسق الشغل! كل حاجة ماشية زي ما الكتاب بيقول.

الله يصبّحه بالخير اللي كان قالها... أشتغل شحات في كندا ، ولا أكون مدير عام في بلدنا.

النقطة التالتة... أنا أرحّب بأي شغلانة أيّاً كانت كخطوة في سبيل الوصول لدرجة أعلى. دايماً هيكون فيه طموح. وطالما مسيرك توصل لبوزيشن محترم ، تبقى إيه المشكلة؟ بغض النظر طبعاً إن البلاد دي ما فيهاش شغلانة لا تُحترَم! ولو رجعت للدين هتلاقيه بيحترم ويقدّس العمل أياً كان ، حتى وإن كان الاحتطاب :blush2:

مش كده لاّ إيه؟

الله ينور يا عم تهامى :blink:

[د هشام ابراهيم]

أسجّل إعجابي واحترامي يابو حميد :closedeyes:

بجد كلامك ده زوّد إعجابي بدماغك وفكرك أكتر ماهو زايد أصلاً :wub:

وكفاية كده... مش هتبقى (Special Occasion) مع هشام ومعاك :blush2: (واخدلي بالك انتا يا عم الحاج؟ :closedeyes: )

أيوه سعادتك و أحمد باشا معزومين في Buton rouge أول مرة نقدر نتجمع مع بعض وساعتها فعلا حتبقي special occasion :blink:

اهدا خاص الاغنية ده لدكتور هشام

تشكرات يا أفندم ...هو الاخ كوهين أصلا كان لابس مقلب متين خسر فيها فلوسه كلها يمكن علشان كده حيطق من جنابه في الأغنية smk:

------------------------------------------------------

هو أنا عمري ما حكتلكم علي قصة السباك بتاع سكن الأطباء في مستشفي ناجويا في اليابان .....القصة اختصارا كل يوم الصبح و أنا في طريقي للمستشفي من السكن ييجي بيه ياباني و يركن سيارته البي إم الكاستوم أدام الباب و يدلف لداخل المبني في كل كبرياء و اباء

فين لما اكتشفت إن الباشا هو السباك المسئول عن صيانة حمامات غرف السكن اللي كانت بتتجدد في الفترة ديه

اللي عايز أقوله في النقاش الدائر إن مش كل حاجة تنفع لكل واحد و مش معني اني شايف حاجة مختلفة اني أنا بس الصح و الباقي كله غلط ..... عرفت الماء بعد جهد بالماء بس ساعات باحس اننا بننسي البديهيات ديه ....و أنا أولكم طبعا

[MZohairy]

والله انا اتمنى اشتغل شغلانه يدويه

و لا اخجل من ذلك ابدا

[sherifhfm]

والله انا اتمنى اشتغل شغلانه يدويه

و لا اخجل من ذلك ابدا

والله يا اخى وانا زيك انا خلاص حاسس انى دماغى اكلتها البارومه من كتر البرمجة عاوز اغير بقى

يعنى ميكانيكى سيارات او كهربائى

انا بحب صيانة السيارات وشغل الكهرباء جدا

بس اظن فى كندا لازم الواحد ياخذ شهادات تدريب قبل ميشتغل غى الاعمال دى

[MZohairy]

والله انا اتمنى اشتغل شغلانه يدويه

و لا اخجل من ذلك ابدا

والله يا اخى وانا زيك انا خلاص حاسس انى دماغى اكلتها البارومه من كتر البرمجة عاوز اغير بقى

يعنى ميكانيكى سيارات او كهربائى

انا بحب صيانة السيارات وشغل الكهرباء جدا

بس اظن فى كندا لازم الواحد ياخذ شهادات تدريب قبل ميشتغل غى الاعمال دى

فعلا

ما عيب الا العيب

طالما مهنه شريفه و مربحه يبقى ايه المانع؟

[أحمد سيف]

بداية أقدم اعتذاري لأخي وحبيبي حسام على التسبب في تحويل مسار موضوعه الشيق الى مهاترات مع the doors ... وأتمنى من الإدارة أن تقوم بحذف جميع المداخلات الجانبية غير ذات الصلة بالموضوع

حقيقة عندي نقطة ثانية أحب أضيفها بخصوص مشكلة ايجاد عمل في كندا ... وهي برأيي من أهم العقبات التي قد تواجه المهاجر الجديد إن لم تكن أهمها على الإطلاق

بمقارنة سريعة بين سوق العمل في كل من مصر وكندا سنجد اختلافات جوهرية ... فتصنيفات الوظائف والبرامج الدراسية في كندا أوسع كثيرا من نظيرتها في مصر وأكثر تخصصية ... وهناك درجات بين الوظائف المختلفة لا نجد لها نظيرا في مصر

مثلا هناك وظيفة اسمها technologist هي بين المهندس engineer والفني Technical ... وله دور مهم جدا في عملية الإنتاج ... لأنه أشبه بالمهندس التطبيقي

قس على ذلك معظم الوظائف ففي الطب مثلا تجد مساعد طبيب (الوظيفة التي أشار اليها الدكتور هشام في أحد موضوعاته) وفي المحاسبة ستجد ماسك الدفاتر وهكذا

ولو نظرت فعليا الى ما يقوم به عدد كبير من خريجي الجامعات المصرية ستجد أنه لا يختلف عن هذه النوعية من الوظائف وإن كانت مسمياتهم تدل على الوظائف الأصلية ... فعدد كبير من المهندسين العاملين في المصانع مثلا يقومون بما يقوم به ال technologist ... ولكن لو هاجر كندا فإن تفكيره يتجه مباشرة الى الحصول على رخصة مهندس وليس تكنولوجيست ... رغم ان الفارق ليس كبيرا بين الاثنين في المستوى المادي أو حتى الوظيفي

في رأيي فإن مشكلة عدد كبير من المهاجرين أنهم يستبعدون تلقائيا جميع المستويات والتنويعات المختلفة من الوظائف التي يمكنهم القيام بها ويركزون على وظيفة واحدة هي التي تعودوا على مسماها ... يعني خريج التجارة المصري مش بيفكر في حاجه غير الحصول على رخصة محاسب ويستبعد تلقائيا الخيارات الأخرى (تمويل - تسويق - إدارة موارد بشرية - تجارة دولية - اقتصاد ... الخ) ... رغم إنه بيكون درس الكلام ده كله في الجامعة ويمكن كمان اشتغل فيه ... فضلا عن إنه بيستبعد الوظائف الأدني زي مساعد محاسب و ماسك دفاتر ولو كحل مؤقت حتى يحصل على الرخصة

أنا شايف إن أهم عوامل النجاح في كندا هي فهم سوق العمل الكندي ووضع خطة للدخول اليه خطوة بخطوة حتى الوصول الى المكان المستوى المنشود ... وطبعا أرجع وأعيد على نقطة المرونة والقدرة على التكيف والتخلص من العقد والقيود والهواجس التي تحاصرنا في مصر

هذا والله أعلم

[the doors]

ايهاب باشا

شكرا - متيجى نتقابل انا رايح بارك فى lake shore بعد ساعة - تحب تيجى تعال ابعدلى - او افتح الخاص

الاخوه - جميعا من غير اما اقرا رددكم - من اعز اصدقائى فى مصر ميكانيكا سيارات وعنده ورشه - ولكن الاراء الشخصيه او الحقيقه لايجب ان تقلب الى هذه الكراهيه و الاسلوب الضعيف - انا ممكن اكون مختلف مع كثير ولكن هذه اراء وافكار

[sherifhfm]

طاب بالنسبة للمهن يعنى زى الميكانيكى والكهربائى ....الخ هل هذه الوظائف تحتاج مثلا الالتحاق بمعتهد او بتشترط شهادات معينه ولا ايه نظامها وهل يمكن العمل بهذه المهن بشكل حر ام لابد من الالتحاق بشركة معينه

يا ريت لو فيه معلومات عن نوعية الوظائف دى ياريت حد يفيدنا

[mohamed mongy]

[[YA GMA3A SALAMY LEKOM KOLOKM , ENTO KONTO BETETKALEMO 7ELW AWY LE7D MA GAT SERET ELMEKANEKIA, 7'ALONA MENHA WE ERGA3O LELMOHEM.

ANA DOCTOR LE7D ELWA7ED MA Y7'ALAS ELMO3ADLA MOMKN YESHTA3'L EH BELZABT WE ELSHO3'L DH HAYKAFY MASAREFOH]

الزميل الفاضل... طبقاً لقواعد المشاركة في المنتدى ، لا يُسمح بغير اللغة العربية كلغة للمشاركات بالمنتدى ، ولا استثناءات.

برجاء مراعاة ذلك مقدماً ، أو سنضطر بكل أسف لمنع مشاركاتك من الظهور.

تم تعديل 10 يوليو 2009 بواسطة moheltohamy

[ahmed medhat]

أنا مهندس معمارى باشتغل فى الكويت مقدم من يناير 2008 أول ما قدمت رحت مقدم على ماسترز

باعمل الماسترز فى الIT أونلاين من جامعة فى انجلترا علشان ظروف الشغل

كنت عايز أعرف وضع شغل الIT هناك ايه ؟ و وجود الماسترز حيفرق فى فرص الشغل و الدخل ؟

و كنت عايز أعرف ايه رأيكوا فى إدمنتون للإستقرار ؟ 

يا جماعة محدش رد على اسئلتى

[حسام يوسف]

أنا مهندس معمارى باشتغل فى الكويت مقدم من يناير 2008 أول ما قدمت رحت مقدم على ماسترز

باعمل الماسترز فى الIT أونلاين من جامعة فى انجلترا علشان ظروف الشغل

كنت عايز أعرف وضع شغل الIT هناك ايه ؟ و وجود الماسترز حيفرق فى فرص الشغل و الدخل ؟

و كنت عايز أعرف ايه رأيكوا فى إدمنتون للإستقرار ؟ 

يا جماعة محدش رد على اسئلتى

الأخ الزميل باشمهندس أحمد

فيه توبيكات أكيد هتلاقي فيها ما يخص المهندسين والاي تي فى كندا

وربنا يوفقك للي فيه الخير ان شاء الله

[حسام يوسف]

فيه عند العبدلله خوف صعب شوية

بحاول أطرده وأركز فى المقابلة اللى فاضل عليها 82يوم

يا نهار أثود

82يوم بس

الحقيقة انا خايف لما الواحد يسافر

انه لا قدر الله مايعرفش ينجح فى المعادلة وخصوصا بعدمابشوف الكتاب الموسوعة السي بي ار ده ربنا يهده

ايه الحل؟

الحياة هتبقى أمن وجارسون وديليفري بقى وكدة؟(مع خالص احترامي لكل المهن)

[السيد منير]

فيه عند العبدلله خوف صعب شوية

بحاول أطرده وأركز فى المقابلة اللى فاضل عليها 82يوم

يا نهار أثود

82يوم بس

الحقيقة انا خايف لما الواحد يسافر

انه لا قدر الله مايعرفش ينجح فى المعادلة وخصوصا بعدمابشوف الكتاب الموسوعة السي بي ار ده ربنا يهده

ايه الحل؟

الحياة هتبقى أمن وجارسون وديليفري بقى وكدة؟(مع خالص احترامي لكل المهن)

يا دكتور حسام تغيير الكاريير دة لازم يبقى جزء لا يتجزأ من ثقافة اى واحد عايز يقعد فى اوروبا او امريكا

المهاجرين اما ناس معاها فلوس وعايزة تروح كندا تستجم وتتمتع بالحياة هناك (والحمد لله احنا مش منهم)

وناس تانية رايحة تبدأ حياتها من الصفر ودى الغالبية العظمى من المهاجرين دول بقى قدامهم مشوار طويل

1- معادلة شهادة(المشكلة هى ازاى ندخل الجامعه مش ازاى نخرج منها)

2- اللغة (جزء اساسى ااصلا ومن الشروط للالتحاق بالجامعة)

3- الخبرة الكندية

4- المنافسة الشرسة (احنا كعرب بتعليمنا ولغتنا وخبرتنا وصورة الناس عننا بنافس مين كنديين ولا اوروبيين ولا صينيين ولا مين بالزبط- لسوء حظنا كل دول موجودين وجاهزين)

هو دة الواقع بس بعين تبدو تشاؤمية

بس فى النهاية هو الواقع

ومش هيتغير

ولازم نستعد له

بمناسبة تغيير الكاريير مرة كنت بسمع راديو كندا الدولى وكان مستضيف واحد تونسى قاعد فى كيبك وكان بيشتغل سواق اتوبيس بالرغم من انة كان دارس هندسة فى كيبك طبعا مسيو ريمون اللى بيقدم البرنامج استغرب جدا فالراجل كان تفسيرة انه وجد الاستقرار فى وظيفة السواق ولم يجدها فى وظيفة المهندس

فالهجرة تحدى كبير جدا وصعب جدا وانصح اى واحد انه لايبنى امال وطموحات اكبر من اللازم لان دة ممكن ياتى بنتيجة عكسية بل بعواقب وخيمة

انا اسف الكلام دة قد يبدو فيه نظرة قاتمة بس دة من خبرات بعض الناس اللى سبق لها الحياة هناك

ربنا يكرمنا يارب ويوفقنا وكل واحد ياخد من الهجرة خيرها ويتقى منها شرها  

[حسام يوسف]

متشكرين يا عم سيد منير

حد تانى عنده رد للمشكلة أو الخوف ده؟

[qenawy]

متشكرين يا عم سيد منير

حد تانى عنده رد للمشكلة أو الخوف ده؟

ليس امامنا الا الاجتهاد ووضع الهدف ويكفي في بعض الاحيان الشعور بالسعادة في كوني اسعي من اجل سعادة ابنائي سواء تحقق الحلم كاملا او جزئيا

الفاضل د حسام

شباب كتير عادلوا شهاداتهم وهم ليسوا سوبرمين

اجتهاد والابقي علي الله

بالنسبة للمقابلة اعتبرها امتحان شفوي كلنا عدينا بنماذج له وافضل شيء الهدوء تجد النجاح

[SoSo R]

فيه عند العبدلله خوف صعب شوية

بحاول أطرده وأركز فى المقابلة اللى فاضل عليها 82يوم

يا نهار أثود

82يوم بس

الحقيقة انا خايف لما الواحد يسافر

انه لا قدر الله مايعرفش ينجح فى المعادلة وخصوصا بعدمابشوف الكتاب الموسوعة السي بي ار ده ربنا يهده

ايه الحل؟

الحياة هتبقى أمن وجارسون وديليفري بقى وكدة؟(مع خالص احترامي لكل المهن)

صباح الخير يا دكتور حسام....

نقطة وقوف بعد إذنك..

أنت خايف من المقابلة

ولا خايف من المعادلة؟؟

مش هاقولم ما تخافش...لأن الخوف طبيعة بشرية...واللى بيخاف بينجح

بس دايما إفتكر إن فى ناس كتير عدوا بالمقابلة قبلك و ربنا سهلها

لو أنت ماعديتش....تبقى إرادة ربنا مش أى سبب تانى

المعادلة...معادلة إيه اللى أنت خايف منها؟!!!!

هل أنت أقل من الآلاف اللى بتنجح و تمتحن كل سنة

هل إمكانياتك أقل؟؟؟

أنا عارفة إنك سوبرفايزور أد الدنيا

يعنى المفروض دماغك نضيفة :blink:

حاجة تانية عايزة أقولها قبل ما أمشى...

دايما سيب كل حاجة لوقتها عشان تخاف منها...

يعنى ما نحطش كله فوق بعضه و نخاف منه ...مش هننجح فى أى حاجة!!!

رتب أولوياتك حسب الترتيب الزمنى

و بالتوفيق للجميع

تحياتى

سوسورانى