مخاوف وردود حول الهجرة الى كندا

[znaty]

كل سنه والاخوه المسلمين جميعا بخير ويارب يعود علينا وعليكم الايام و بالخير

ومعايده خاصه للدكتور حسام والباشمهندس زناتى والدكتور قناوى والباشمهندسه سميه

كل سنه وانتم طيبين

وانت يا مدام باولا بالف صحة وسعادة وخير واسرتك وكل حبايبك وتعود ايامنا وايامكم الحلوة واحنا كلنا في سعادة وخير ويد واحده يا رب

[مراد أنور]

كل سنه والاخوه المسلمين جميعا بخير ويارب يعود علينا وعليكم الايام و بالخير

ومعايده خاصه للدكتور حسام والباشمهندس زناتى والدكتور قناوى والباشمهندسه سميه

كل سنه وانتم طيبين

هوه ده إللى باقول عليه الأخوة بحق وحقيق

تسلمى يا مدام بولا :wub:

وأنا كمان بهنى كل إخوانا بقدوم رمضان وتقبله الله منا ومنكم :wub:

[znaty]

للناس اللي خايفة جائنا البيان التالي

CANADIAN IMMIGRATION NEWS

Recession over in Canada

Tuesday, 28 July 2009

The Recession is over according to an official statement by the Bank of Canada.

Bank Governor Mark Carney said Canada's economy will expand at an annual rate of 1.3 per cent in the July-September period.

By the final three months of the year, Carney said, the economy should be ticking along at a brisk 3-per-cent growth rate. If this turns out to be true, it would mean the sharpest recession since the Second World War – a duration of just nine months.

As a note of caution, although Canadians are warned not to expect employment to bounce back right away, Mr. Carney stated that the recovery depends on massive government spending and record-low interest rates.

[safaalabana]

للناس اللي خايفة جائنا البيان التالي :)

CANADIAN IMMIGRATION NEWS

Recession over in Canada

Tuesday, 28 July 2009

The Recession is over according to an official statement by the Bank of Canada

عقبال مصر يازناتى باخويا

[znaty]

The Recession is over according to an official statement by the Bank of Canada

عقبال مصر يازناتى باخويا

احنا يا فندم ماحسناش باي ازمة اقتصادية الحمد لله :)

مافيش اكتر من كدة ازمة ..خربانه خربانه

كل اللي حصل انهم شرفوا معانا شوية وماشيين على طول bv:-))

[somayasaleh]

كل سنه والاخوه المسلمين جميعا بخير ويارب يعود علينا وعليكم الايام و بالخير

ومعايده خاصه للدكتور حسام والباشمهندس زناتى والدكتور قناوى والباشمهندسه سميه

كل سنه وانتم طيبين

الف شكر يا مدام بولا علي المعايدة اللطيفة ده من حضرتك

وطمنينا المديكال وصل ولا لسه؟......قلبي حاسس انه قريب باذن الله

ابقي فرحينا لما يوصل لك

[bentbatota]

الى كل الاخوة والاخوات فى هذا المنتدى الجميل كل سنة وانتم طيبين وان شاء الله يكون رمضان الجاى فى كندا للكل وخاصة الى جارى الدكتور قناوى والاستاذ زناتى والمهندسة سمية وطبعا رمضان كريم على اهل كندا واولهم الرجل الاخضر والدكتور هشام والمهندس ايهاب والاستاذ زهيرى والدكتورة سوسورانى............................الى كل اهل كندا

طبعا هى تهنئة طويلة بس معلش عشان انا مش باشارك كتير فانا متابعة جيدا للمحاورات ولكن قليلة المشاركات

نيجى للمهم وهى مشكلتى التى اعانى منها لى سنتين كاملتين انا عايزه اهاجر ومقتنعة بالهجرة تماما ولكن زوجى كل ما اناقشه واقنعه يرجع ويرفض كل مرة بسبب

فى النهاية وافق بس قالى جملة ان لوقدر الله ان حد من اولادنا ضل طريقه حيكون الذنب فى رقبتى انا يوم القيامة لانى حكون السبب انهم طلعوا من دار الاسلام لدار غير الاسلام

انا عارفة ان كل شىء نصيب وانه من عندالله وانا بحاول اغرس فيهم كل شىء عن دينهم لكن الجملة فى حد ذاتها اخافتنى ودخلت فى حيرة اتوكل على الله وارسل الابليكشن اللى مكتوب من 3شهور وجاهز او ارضى ان ولادى يتعلموا تعليم عقيم وياكلوا قمح مسرطن والاسواء انى طبيبة ولو لاقدر حصلت حاجة لاولادى فالمستشفى عندنا لا امكانيات فيه وبتحصل مهازل فيه انا محتارة

انا عارفة ممكن حد يقولى انك بعتى رسالتك غلط وان ده مش بريد الاهرام

بس هى مخاوف حول الهجرة الى كندا ودردشة معاكم وبس وكل سنة وانتم طيبين وبخير

[terminator]

مدام bentbatota موضوع الأولاد ده فعلا أكتر شئ بيقلقنى .. لكن الصراحة بدأت اشوف كذا مثال مبشر بالخير بس العامل المشترك بين جميع الأمثلة الناجحة هو الأم الواعية المتدينة المتفرغة لتربية أولادها أولا ... وثانيا المجهود المضاعف من الأبوين معا

- المثال الأول : شوفته بعينى لشخص من بلدى ماشاء الله ناجح جدا فى فرنسا ومقيم بأولاده ( هم فى سن ابتدائى على فكرة ) اتخذ الأجرائات التالية :

- الأم متفرغة تماما لرعاية الأبناء

- الأم قامت بحفظ القرآن خصيصا لكى تقوم بتحفيظه بنفسها للأبناء

- ربط الأبناء بشده بوطنهم الأم عن طريق قضائهم كل الأجازة الصيفية بين أقاربهم فى مصر ونتيجة لذلك أصبحت اللغة العربية أيضا لغة أساسية للأبناء مش مجرد لغة تانية

- المثال التانى : شخص قريبى مقيم فى الولايات المتحدة من مدة كبيرة وأكبر أبنائه فى الجامعة هناك

- طبعا الأم متفرغة لتربية الأبناء

- الأبناء كلهم بيدرسو فى مدارس اسلامية

- احاطة الأبناء بجو أسرى عربى أسلامى حيث أن جدتهم لأبوهم ولأمهم مقيمين فى أمريكا + أعمامهم وأولاد أعمامهم + أخوالهم وأولاد أخوالهم ... يعنى من الأخر عائلة كاملة موجودة هناك + أصدقاء عرب ومسلمين

- مصاحبة الأبناء ودى أكبر ميزة فيه لأنى بحس انه مصاحب أولاده جدا ونتيجة لده بيكون فى ثقة

- لكن الصراحة الشئ اللى فشل فيه هو ربط الأبناء بمصر بسبب كثرة عدد أبنائه وارتفاع ثمن تذاكر الطيران بين مصر وأمريكا علشان كده فى الغالب بينزل أجازات لوحده

وفى النهاية أهم شئ انك تعمل اللى عليك وتستودع أبنائك عند الله وكثرة الدعاء لهم بالصلاح والهداية ..

وكما قال العضو الفاضل أحمد باشا فى منتدى آخر بأنه رأى أمثلة لأبناء عرب ومسلمين فى الخارج منهم من تخلى عن دينه وانحرف لدرجة أنه غير اسمه لأسماء أخرى مثل جورج أو مايكل .... ورآى أمثلة أخرى لأبناء ولدو وتربو فى الخارج يحفظون القرآن وقمة فى الأخلاق والتربية تفوق شبابنا الموجودين هنا ...

يعنى فى النهاية الموضوع بيعتمد على الأب والأم بنسبة 100 / خاصة الأم طبعا ..

وربنا يسترها معانا جميعا ..[/b]

[Nassarlink]

الباش مهندس جادولي قال ان من اهم الصعاب في كندا

هي اعتياد رؤيه المعاصي والمنكرات

وده بدوره بيخلينا ممكن نألفها او قد نقتنع انها مش منكرات

حد عنده طريقه للتغلب علي المشكله دي

نصار

[msheikh]

مدام bentbatota موضوع الأولاد ده فعلا أكتر شئ بيقلقنى .. لكن الصراحة بدأت اشوف كذا مثال مبشر بالخير بس العامل المشترك بين جميع الأمثلة الناجحة هو الأم الواعية المتدينة المتفرغة لتربية أولادها أولا ... وثانيا المجهود المضاعف من الأبوين معا

يعنى فى النهاية الموضوع بيعتمد على الأب والأم بنسبة 100 / خاصة الأم طبعا ..

السلام عليكم

هذا موضوع شائك وفعلا يدعو للقلق

انا لا اتفق انه يعتمد على الأم والأب بنسبة 100% ربما فى مرحلة الطفولة المبكرة لكن عندما تكبر الأولاد ستختلط بالمجتمع الخارجى ابتداء من المدرسة والأصحاب والأعلام بصورة عامة.

ايضا التمادى فى التحفظ فى تربية الاولاد ربما بل فى الغالب سيكون له تاثير عكسى.

افضل شيىء بصورة عامة هو تكوين مجموعات من الأسر تتعارف فيما بينها لهم نفس القيم والمبادىء ينشأ الاطفال ويتربوا فى محيطهم، بالاضافة الى المواظبة على التواجد فى المراكز الاسلامية التى اتمنى ان يكون بها انشطة ترسخ المبادىء لدى الاطفال.

بصورة عامة الوضع يدعو للتفكير الجيد والخوف كل الخوف على الجيل الثانى ومايليه.

آسف للاطالة

محمد الشيخ

[qenawy]

يا دكتورة بنت بطوطة وكاننا نعيش في المدينة الفاضلة هنا

انظري حولك

اين المجتمع الاسلامي الذي تخافين تركه

قشور وصور ويفط وديكور

والاخلاق والسلوك عماء في عماء

[حسام يوسف]

يا دكتورة بنت بطوطة وكاننا نعيش في المدينة الفاضلة هنا

انظري حولك

اين المجتمع الاسلامي الذي تخافين تركه

قشور وصور ويفط وديكور

والاخلاق والسلوك عماء في عماء

[qenawy]

شكرا د حسام

الي الجميع تذكروا كلمات رفاعة الطهطاوي

[jgeorge]

الاخوة الاعزاء

انا من سنتين رجعت اولادى مصر خوفا عليهم من الغرب، و بعد زيارة حديثة لانجلترا اؤكد لكم اننى اتخذت القرار الصحيح اللى نتيجته النهائية بتوضح بعد عشرة او عشرين سنة

فى حاجات فى مصر خلاص مش ممكن تتغيير و هى النظام و النظافة و الضمير

المصرى من xxxxx البنى ادميين فى العالم و الحقيقة الحكومة لازم تعيين زبال لكل مواطن، حتى فى الحمام لازم نعيين واحد يخش يشد السيفون و ينظف الحمام وراء كل مواطن

المرور، و الرشوة، و الكذب و التوريث.

بس كل المشاكل دى تهون امام ان واحد من الاولاد يضيع ساعتها مش حتعرف تنام الليل فى جنة كندا و موضوع الضياع وارد بنسبة 90 فى المائة و يتدرج من شرب خمر اكل خنزير قمار زنا زواج من اجنبية و ضياع الاحفاد، طب اتعظوا مما حدث لاولاد للملك فاروق، لو كان فاروق قبل دعوة ملك السعودية كان حال اولادهههههه بقى زى دلوقتى؟؟؟؟؟؟؟؟

و اللى عنده بنات حتجوزهم ازاى الموضوع صعب جدا جدا و بالذات للبنات الملتزمات

حكاية النزول مصر فى الصيف غير العيشة فى مصر طول العام، البلد بترتبط فى زهنهم فى قضاء اجازة و خلاص لكن العيشة فى الغرب هى الاساس

حكاية البيت عليه الاساس 100 فى ال 100 صحيح حتى يروحوا الاولاد المدارس بعد كده هم بيقضوا 8 ساعات يوميا مع الغرب و ممكن يشرب من افكارهم.

اللى مبسوط فى بلده يحمد ربه و يربى اولاده

و يشكر ربنا على نعمته

الللى مش لاقى عمل باجر مجزى امامه الدول العربية

اللى عاوز يهاجر علشان القرش، يروح يتفضل على كندا او امريكا يجيب قرشين للعيال و يشترى فيلا فى 6 اكتوبر او القطامية، و يودى اولاده مدارس انترناشيونال، و جامعات خاصة فيه امريكى و كندى و انجليزى و المانى و فرنساوى و مصرى

و العلاج فى المستشفيلت الخاصة ممتاز بس عاوز فلوس

الراجل يروح يجيب الفلوس و الست تقعد مع اولادها

اما بقى اللى عليه ثأر او حكم قضائى او شيك بدون رصيد زى رامى لكح يبقى دى قصة اخرى

اللى اسبور زى محمد الفايد يروح يهاجر

اللى بعتبر نفسه منهم و بيسمى اولاده على اسمائهم ممكن يهاجر

و نصيحة للزوجات كفاية زن على دمغ ازجكم للهجرة علشان الاولاد دول هما اول ناس بيضيعوا بس ده ما بيبانش الا بعد عشرة او عشرين سنة

اما حكاية ان الولد تزوج كندية و اسلمت او البنت تزوجت كندى و اسلم ده كلام غير واقعى لانهم بينطقوا الشهادة علشان الجوازة تمشى و لكنهم بيرتدوا فور خروجهم من المركز الاسلامى

تم تعديل 24 أغسطس 2009 بواسطة Mohammad
لفظ غير لائق

[qenawy]

فى حاجات فى مصر خلاص مش ممكن تتغيير و هى النظام و النظافة و الضمير

الاخ الفاضل جورج تلك السلبيات كفيلة بقتلنا

اذا الهجرة افضل

واستسمحك في ان اقول ان الهجرة قرار شخصي

حضرتك من الناس التانيين بتوع مصر حيث ان مصر نوعين مصر الغلابة المطحونين اللي احنا منهم ومصر المرفهة اللي حضرتك منها

صعب بل مستحيل ان يكون لدي فيلا ويخت وشاليه ونادي الصيد

وصعب علي حضرتك تتعامل مع الناس اللي وصفتهم وانتقد مباشرة الوصف ولا انتقد المعني

تحياتي لحضرتك وشكرا لوجهة نظرك الجديرة بالاحترام

[Scorpion]

المصرى من xxxxxx البنى ادميين فى العالم و الحقيقة الحكومة لازم تعيين زبال لكل مواطن، حتى فى الحمام لازم نعيين واحد يخش يشد السيفون و ينظف الحمام وراء كل مواطن

الفاضل jgeorge

اذا كنت تجد نفسك في هذا الوصف ... فرجاء إقصره علي نفسك فقط .. فأنا لا أعتبر نفسي هكذا و لا أي مصري أعرفه ....

اللى بعتبر نفسه منهم و بيسمى اولاده على اسمائهم ممكن يهاجر

و اللي أسمه كده من غير ما يهاجر يعمل ايه .. يا سيد جورج ؟؟

[qenawy]

شايفك بتكتب يا دكتور جورج

انا اتمني ان تكون تفهمتني لم اكن اقصد حضرتك كشخص

لا بل ان المجتمع المصري اصبح اتنين مصر

مصر الغنية المرفهة

ومصر بلد الغلابة

يعني نموت فيكي يا مصر عشان المياة ملوثه وما نقدرش نشرب مياة معدنية ولا نهاجر

[jgeorge]

الاصعب ان الاقى ابنى بيزنى او ان بنتى مش عارف اجوزها و الاصعب ان الاقى ابنى تزوج منهم و بعد عدد من السنين يطلق مراته و تأخذ الاحفاد و تغيير اسمهم و دينهم

الحاجات دى كلاها شفتاها بعينى

و اخر مرة احد العرب المسلمين قالوا لنا احنا بقينا جدود من سبع اشهر، قلت لهم مبروك ابنكم قالوا لاء دى بنتنا

بس خلاص خلص الكلام

المخاطرة شديدة فى الاولاد

علشان كده انا رجعت

و بعدين اهم حاجة القناعة انا متأكد ان الفلاح فى الريف اللى مهندوش عشر اللى عندى ممكن يكون اسعد

تأكد اننا مش ممكن نغيير الحجات الوحشة اللى فى مصر و بالذات تصرفات ناسها و لكن اؤكد لك اننى تأقلمت

ربنا يهديك للصواب و اسأل نفسك اذا كان اسماء اولادك عربية مش لاتينية بيقى من حقهم انهم يعيشوا فى مجتمع عربى مسلم و تكون اسماؤهم مشابها لمن حولهم

طب دا انا طار برج من نافوخى لما الواد مصطفى العيال فى المدرسة سموه موص

و اللى سمه محمد بيسموه موو

و شوفت واحد مصرى متعلم مسمى نفسه اددي و كان اسمه احمد و لما سألته ليه لان الاسم ده دلع ادوارد قال لى علشان يمشى فى الشغل و المجتمع طب اذا كان الكبير عمل كده يبقى الواد الصغير ابنى و ابنك يعمل ايه ماهو اخنا اللى اخذناهم هناك

[حسام يوسف]

شكرا د حسام

الي الجميع تذكروا كلمات رفاعة الطهطاوي

متهيألى تقصد الراحل العظيم الامام محمدعبده لما قال رأيت اسلاما بلا مسلمين ورأيت مسلمين بلا اسلام

:sad:

[Phizer]

الاصعب ان الاقى ابنى بيزنى او ان بنتى مش عارف اجوزها و الاصعب ان الاقى ابنى تزوج منهم و بعد عدد من السنين يطلق مراته و تأخذ الاحفاد و تغيير اسمهم و دينهم

الحاجات دى كلاها شفتاها بعينى

و اخر مرة احد العرب المسلمين قالوا لنا احنا بقينا جدود من سبع اشهر، قلت لهم مبروك ابنكم قالوا لاء دى بنتنا

بس خلاص خلص الكلام

المخاطرة شديدة فى الاولاد

علشان كده انا رجعت

و بعدين اهم حاجة القناعة انا متأكد ان الفلاح فى الريف اللى مهندوش عشر اللى عندى ممكن يكون اسعد

تأكد اننا مش ممكن نغيير الحجات الوحشة اللى فى مصر و بالذات تصرفات ناسها و لكن اؤكد لك اننى تأقلمت

ربنا يهديك للصواب و اسأل نفسك اذا كان اسماء اولادك عربية مش لاتينية بيقى من حقهم انهم يعيشوا فى مجتمع عربى مسلم و تكون اسماؤهم مشابها لمن حولهم

طب دا انا طار برج من نافوخى لما الواد مصطفى العيال فى المدرسة سموه موص

و اللى سمه محمد بيسموه مووع

و شوفت واحد مصرى متعلم مسمى نفسه اددي و كان اسمه احمد و لما سألته ليه لان الاسم ده دلع ادوارد قال لى علشان يمشى فى الشغل و المجتمع طب اذا كان الكبير عمل كده يبقى الواد الصغير ابنى و ابنك يعمل ايه ماهو اخنا اللى اخذناهم هناك

مع اني من اشد الناس رغبه فالهجره وربنا يعلم المجهود الي بيتعمل انا بدعم كلامك 100 فال100

فعلا المشكله الحقيقيه والكبيره الولاد انا يمكن مش حاسس بيها دلوقتي لاني لا عندي ولاد ولا متجوز ولسه في بداية الطريق تقريبا

يعني ممكن تلاقي بنت اسمها فاطمه(على سبيل المثال طبعا) وحاطه اسمها في مواقع الديتنج عايزة معرفش ايه وحاجه هباب ولما تيجي تكلمها وتشوف وضعها مكنتش مثلا سافله ولا اهلها قصرو في تربيتها

ثقافتهم هناك عكسنا تمااااااما يعني في مفاهيم مختلفه 180 درجه بينا

بصراحه انا اكتر حاجا عملالي قلق موضوع الولاد ده يمكن اكمني مش فحساباتي موضوع الجواز واالاسره دلوقتي بس بعدين ايه ممكن الي اعمله مش عارف الله اعلم

تم تعديل 24 أغسطس 2009 بواسطة Phizer