هل نادم على غربتك؟

[الحازم حسن]

الموضوع أبسط من كده الغربة مش حكم بالإعدام بالعكس تعالوا نبص للجانب الايجابي من الغربة فلوس واحترام للآدمية ونماذج ناجحة بتشرف البلد وزيادة خبرات خبرة انك تركب طيارة وتعرف ان في بلاد تانية غير مصر والسيستم بتاعها يختلف عن السيستم في مصر. كل ده كويس وفينفس الوقت لو الواحد نزل مصر حيكون مش قادر يتأقلم على الوضع هناك لأنه أصعب مما تعود عليه

عشان كده انا مش نادم على الغربة كل اللي أنا نادم عليه هيه البلد اللي اخترتها عشان أغترب فيها -_-

تم تعديل 16 نوفمبر 2006 بواسطة الحازم حسن

[الطيار]

نعم انا نادم ..............ولكني نادم علي رجوعي من الغربه

و 98% ممن عرفتهم ندموا علي الرجوع

فللأسف كانت الغربه اكثر حنينا وكرما من الوطن ,

وانا والله احزن علي من يريد ان يعود من الغربه,علشان يرجع لبلده ولأهله :ph34r: , ماهي دي كانت حالي (بالاصح حال اسرتي)

وحزني عليه مما سيلاقيه من ندم بعد الرجوع .

لا الناس كانت هي الناس , ولا الاحساس فضل هو الاحساس , وفي الاخر صار الحال غير الحال

تم تعديل 18 نوفمبر 2006 بواسطة الطيار

[أبو زياد]

تربينا على شعر الأبنودى

ولم أجد له فى حياتى قصيدة أشد حزنا ولا هما من تلك

وهذا دليل كبير على أن مانعانيه كبير - والجرح عميق

فلنداوى جرح بعضنا كالمرضى - فى عنبر واحد

شكرا لك يا أخى مواطن

[Eldisel]

الموضوع شائك جداً ... ومهم جداً جداً..

وانا من الناسالي جربوا الغربة برة مصر وعايش غربة جواها دلوقتي ذي الاستاذ الطنطاوي

مشاركة بتاريخ Jan 2 2004, 11:38 AM

أنا جربت الغربة خارج مصر و داخل مصر. الغربة داخل مصر أصعب. لما تكون الغربة من جواك. لما تكون غريب فى بلدك بتكون الغربة أصعب بكتير. أنا حسيت بنفسى و بشباب كتير تايه بيدور على نفسه داخل بلده و مش قدر يلاقيها. الغربة خارج مصر لها حل ألا و هو العودة لمصرنا الحبيبة. لكن الغربة اللى جوانا دى حلها أيه؟؟؟ إذا حد عنده حل ياريت يقوله لنا

اما عن ردي فانا .... معرفش اي الغربتين افضل بالنسبالي مع ان الغربة داخل البلد اصعب وامر بكتير من براها ... لان الغربة جوا البلد هي الصخرة الي بتتكسر عندها كل الاحلام الوطنية الي بتراود الواحد في الغربة من اني لازم اساعد البلد بالخبرة الي انا ختها وانميها وغير كدة من الاحلام الي بتتكسر وتتلاشا اما الوتين والانتهازية وغيرها من الافكار الي بتشدنا لتحت اوي ... والله المستعان

اما في تعليق استفذني ووجت اجبتة من كلامي مع شخص امبارح والتعليق هو للاخ متفائل وكان :

والله سعات بيتهيألي ان الي برة مصر حامل هم البلد أكتر من الي فيها

أنا سعات لما بنزل بلاقي الناس مش في بالها أي حاجة

بأستغرب أوي وبقول هما مش حسين بأن فيه مشاكل ولا إييه

وكانت الاجابة منقولة من الشخص ( خريج دبلوم من 86 ) قالي :

البلد متاكل حقها و.... و.... كلام كتير ) مضمونة ان البلد دي خيرها مش لينا وان الشعب اصبح طيقتين مش تلاتة ذي زمان

طبة بتنهب ووخداها بلطجة ( دول رجال الاعمال واصحاب الاموال الي حولين النظام الحاكم ( اصحاب النظام الحاكم) وهما شيفين مصالح بعض كويس.

وطبقة بتاخد على قفاها ومتفتحش بقها والي يفتح بقة مكانة ورا الشمس

والحقيقة هو قلي مبتفتحش بقها لية ولسبب انا اقتنعت بية قالي ...

عشان النظام والناس الي نهبين البلد ووكلنها ولعة مديقين العيشة على الغلابة دول فلما الناس تقرب تموت وهتعمل ثورة يقوموا يفكوها شوية بيـ يطايق التموين وككن لكل مواطن في نهاية 2008 ومليون فرسة عمل للشباب وغيرة من الكلام دة الي مبنشوفش الا عشر الواحد في المية منة تؤم الناس تنسى وتجري وتلحق اي حاجة من الفتافيت

المشكلة ان الشعب المصري مشغول بلقمة العيش ... بيجري وراها ومش باصص لاي حاجة تاني ... لأنة لو سرح شوية مش هيلاقي ياكل

لكن لو كان الشعب شبعان كان طالب بحقوقة كويس

ذي المغتربين في الخارج الواحد لاقى العيشة الكريمة فبداء يبص على حال البلد وينادي بحقوقة ... لكن لودخل جوا الدوامة ومع المعمة هيجري مع الناس الي بتجري في سقية وفي دوامة مبتخلصش اسمها لقمة العيش ......

وعلى الشعب المصري السلام والرحمة من الله والله يكون في عونة :closedeyes:

[النسر المصري]

يالهوووووويييييييي...يامصيبتتتييييييييييييييييي

-انت ياعم ياللي بتصوت ..اخرس اسكت مش عايز اسمع حسك.

- ايه ياعم في ايه... مش بيقولولنا تصويت

- يابجم ده تصويت مش تصويييييييت

..ياراااااجل...بقى ده تصويت مش تصويت... طب ياجدع مش تقول...خلتني ادخل في الصويت كده على طول

عموما احب اقولكم ....لا انا مش نادم....بس في نفس الوقت انا متفاعل مع القضايا الوطنيه وبعمق.... ولم اشعر باللغربه

قد يكون ذلك شعور غريب على جميع اخوتي المغتربين...ولكنها الحقيقه

لانه وببساطه..كل رجال الاعمال في مصر..والسياسيين الجهابز بتوعنا.....وافراد الحزب الوثني.....ومعظم الاغنياء.... كل هؤلاء....هم في الحقيقه غير مستقرين في مصر

وحياتهم كلها سفريات ولقاءات واجتماعات ومعارض.. كل على حسب وظيفته....ورغم ذلك لا نطلق عليهم بالمغتربين....

هم لاينظرون لمصر انها مستقر.....انما هي احدى المراحل التي تؤمن لهم المعيشه الرخيه الهنيه

وهكذا الحال ينطبق في كل دول العالم.....وبغض النظر عن كون ذلك الشخص النترناشيونالتي.....اذا ماكان شخصا محترما ام لا...فالطريقه الأداء وايقاع التفكير يتشابهان عندهم جميعا.....ذلك لظروف العولمه

اذن فانا لست مغرب في الحقيقه...انما انا امر بمراحل حياتي العمليه مثلي كمثل اي شخص يريد ان يدخل اعالم من باب العولمه

ولا اخفي عليكم ....بان لدي هاجس في كيفية تربية الأولاد على القيم والأخلاق الإسلاميه الفضيله الراقيه...وفي نفس الوقت يستطيعون ان يجارون تلك النهضه لتكنولوجيه وان يكونو في اوائل صفوف المثقفين

ذلك الهاجس يجمع عدة عناصر...أرض طيبه.... محيط أخلاقي راقي من الناس....مدارس تعلم بمناهج دراسيه راقيه اخلاقيه اسلاميه وطنيه راقيه .....وتكون بالعربيه

وفي ظل الاستفتاءات الدائمه...وجدت انه لا توجد تلك المشكله في البلاد التي نحن فيها اقليات.....وهناك تكون روابطنا وعقائدنا ارسخ وأقوى

اما في بلادنا ...فغالبيتها يعمها الفساد ....ولكني لاأخاف مواجهته

اذنانا لست مغترب...وانما انا اندمج مع التطور المفروض على حياة الانسان.....ومهما بعدت مصر الحبيبه عني.....فكلها اربعه وعشرين ساعه بالكتير واكون فيها اذا شاء القدر ان اوصل بالسلامه..

ان تترعرع بين احضان بلدك هو شيء جميل

ولكن ان تتقوقع داخل نفسك ....فانت خاسر

... ولاتنسوا انها حكاية حدود لاأكثر....الدوله الاسلاميه كانت واحده..ولم يشعرو بالغربه مثلما تشعرون الآن

انطلقوا ....فبلاد الله واسعه.

دمتم سالمييين