استفسار عنالنقل الجماعى لعمرة

[sokkary]

السلام عليكم ورحمة الله وبركاته

اخوانى فالرياض

كنت عاوز اطلع عمرة باذن الله الخميس الجاى وارجع الجمعة

هل فيه اتوبيسات نقل جماعى ممكن تودينى وتجبنى

لو حد عنده معلومة بخصوص هذا الشأن هل بتتحجز هاب وعودة واسعارها

ايه ياريت يفيدنى

مع خالص التحية والتقدير

[Alattar]

عليكم السلام ورحمة الله وبركاته

أحسن لك يا أخي تطلع مع حملة..و المكاتب موجودة و بكثرة في البطحاء

اركب أي ليموزين و قولله و هو ان شاء الله هيوصلك

ودي أحسن لك من انك تروح مواصلة مخصوص أو تركب أوتوبيس لأن الحملة

هتنزلك عند الميقات في السيل الكبير في الطائف و بينتظروا وقت طويل و بيكون محجوزلك غرفة

في فندق و يوم الجمعه ان شاء الله بعد صلاة الجمعه بيكون الأتوبيس مستنيك تحت الفندق

تركب و تيجي ان شاء الله بالسلامة

و مش هتكلفك ان شاء الله أكثر من 90 ريال.

قي رمضان بس بتبقي بحوالي 150 - 200 ريال

لكن لو لوحدك ممكن ما تعرفش تشوف مكان تبيت فيه و ما ينفعش انك تدخل الحرم بشنطة هدومك

لأنهم غالبا هيمنعو دخلوها.

و ربنا يتقبل منك و لاتنسانا بالدعاء

تم تعديل 23 يونيو 2009 بواسطة Alattar

[خالد شحاته]

الاخ الفاضل ازين شي حمله

بس في مكاتب البصات بتاعها مش كويسه

ارشح لك حمله قفله الخير الا في البديعه متركبش من الا عند مصلي العيد البديعه احسن وانظف وحريم لحالهم ورجال لحالهم

تم تعديل 23 يونيو 2009 بواسطة خالد شحاته

[عاشق النيل]

السلام عليكم

استفسار للاخوة المعمريين هنا

انا عايز اطلع للحج ان شاء الله

هل فية طريقة من وراء الكفييل لانة مش راضى

بيقول لما احنا نقرر

مشكووريين الاخوة

[doha]

سبحان الله انا كنت داخله اطرح نفس الموضع كويس اني لقيته مفتوح ..

دلوقت نوينا باذن الله نطلع عمره آخر الاسبوع القادم يعني على 1 يوليو كده باذن الله ..

ياريت حد يرشح لنا حمله تكون نظيفة ومرتبه ( على ضمانته ) يعني فعلا حد جربها وطلع معاها ويكون موعدهم في الفترة دي وياريت لو يكون الفندق اقرب مايكون للحرم يعني مش محتاج مواصلات ..

ياريت بقى الي يرشح لنا حاجه زي كده يكمل جميله ويحط رقم التليفون او ماشابه عشان نقدر نتأكد من التفاصيل قبل مانروح نحجز باذن الله ..

ملاحظة : بما اننا مش مرتبطين بعطلة نهاية الاسبوع هل في حملات بتطلع في نصف الاسبوع عادي ونستفيد من عدم الزحام في الوقت ده ولا لازم نهاية الاسبوع؟

وسؤال تاني للاخوه في مكه بالذات .. هل الجو كويس عندكم ممكن اخذ بنتي معايا عادي ( خمس سنوات ) ولا صعب ؟

اتمنى احصل على ثلاث او اربع اجابات على الاقل لاستفساري ده وان شاء الله مش هنساكم من دعائي هناك بس دعواتكم لي بان ربنا يكتبها لنا قريب و على خير ..

[ام زياد]

السلام عليكم ورحمة الله وبركاته

اخي سكري

بالنسبة للحملات تروح الخميس ترجع الجمعة

موجودة وكتير

بس طبعا هى مشقة عليك

انت طبعا لو اتحركت من الرياض الخميس العصر هتوصل الجمعة الفجر هتعمل عمرتك وتخلص ولو هيكون لك فندق هتريح فيه ساعتين وتنزل تصلي الجمعة والباص يتحرك رجوعا للرياض

طبعا لو هيكون لك فندق تريح فيه هيزود السعر

بس طالما انت لوحدك مش هتفرق معاك الفندق او الراحة لانك من غير العائلة

بالنسبة لشنطة هدومك هى هاند باج صغيرة هتحط فيها ملابس الاحرام هتحرم وتضع فيها ملابسك

وممكن تتركها فى الامانات فى الحرم مده اداءك للعمرة ب5 ريال

******************************************88

اختي ضحى الله ييسر لك يارب العمرة ويتقبلها منك

بالنسبة لاسئلتك حبيبتى اولا عمرة نظيفة ومرتبة واى وقت خلال الاسبوع وعلى ضمانتى

اتصلي على الرقم ده الاخ علاء عبد القادر 0505747591 وده كمان لاى حد عايز عمرة سواء سعر قليل ولا مواصفات محددة

اضمن لك 100% ان اى طلب هتطلبيه هيوفره لك بصدق

بس طبعا كله بحسابه يعنى كل طلب زى قرب من الحرم فندق نظيف حملة نظيفة طبعا سعر غير اللى مش كده

وطبعا انت براحتك تقبلي السعر او ترفضيه

ولو حابة اكراميه قولى له انا من طرف ابو زياد مش ام زياد طبعا

بالنسبة لبنوتك اعتقد الجو فى مكة افضل من نار جهنم هنا فى الرياض

بس دايما خلي معاك عصير بارد وماء عشان لما تعطش منك

اظن رديت اهوة عليك طمعا فى الدعوة لا تنسينا من صالح دعائك ودعاء خصوصي لزياد بالهداية

[doha]

جزاك الله كل خير ياام زياد باذن الله نتصل بيه وان شاء الله مش هنساكي من دعائي ..

[alex man]

الاخت ضحى

هناك عمرة تطلع من ابتداء يوم الاحد الى نهاية الاسبوع فى كل مكاتب الهمرة اللى فى البطحا

ارشح لك الشركة السعودية او قافلة الحجاز وكلما كان الفنادق قريبا من الحرم كلما كان السعر اعلى انتى اطلبى منه الفندق سوف يعرضون اليك الاسعار

ولا تنسى من الدعاء