كلاكيت (تانى مره)

[aboyoumna]

السلام عليكم اخوانى الافاضل

السلام عليكم استاذ خالد شحاته اللى زهق منى ومن كتر استفساراتى

اولا بشكر كل الاعضاء اللى افادونى فى الموضوع ده قبل كده وبشكر الاستاذ خالد شحاته اللى دايما بينورلى الدنيا قدامى وبيفيدنى كتير

وطمعا فى توجيهاتكم اليكم الاستفسار

فى موضوعى قبل كده كنت بسأل على شروط عمل تاشيرة الزيارة التجارية والغرض منها انى اسافر السعودية ان شاء الله واحول الزيارة لاقامة(لانى عندى فيروس سى)

وطبعا مش ممكن اخرج من مصر الا بالطريقة دى

وفى ناس فى الرياض بيخلصوا المسائل دى

لكن المشكلة اللى واجهتنى بعد ما بعتت للكفيل صورة من السجل التجارى بتاعى(اللى عملته مخصوص عشان ابقى فى الجواز صاحب عمل)قدملى على الزيارة لكن اترفضت لاختلاف النشاط

هوه نشاطة فى السجل بتاعة صاحل مؤسسة تجارة زيوت ومحروقات

وانا النشاط بتاعى فى السجل صاحب مكتبة توريدات

فراح سال لقى ان النشاط غير مطابق وعشان كده الزيارة اترفضت

وسال واحد تانى فى الخارجية قاله خليه يغير المهنة لمندوب مبيعات ويطلع بجواب من اى شركة بالمهنة دى

وسألت ازاى اغير المهنة لمندوب مبيعات قالولى فى السجل المدنى فى مصر لازم تختم الورق من التامينات (انى متأمن عليا بمهنة مندوب مبيعات)وانا حاليا شغال ومتأمن عليا بالفعل يعنى حكاية مندوب مبيعات دى مش نافعة

قولت اغير السجل تانى واعمل سجل جديد بنشاط مطابق لنشاط السعودى اللى هيعملى الزيارة(وللعلم هوه قريبى)لكن للأسف هوه مالوش فى حاجة وما بيعرفش يخلص امورة فى اى حتة ومش عارف ايه النشاط اللى ينفع معاه عشان يعملى التأشيرة

ولقيت اعلان على النت فيهتأشيرات زيارة تجارية بس غالية

الشهر بـ 3750جنية

وال6شهوربـ7000 جنية (ولازم اكون فى الجواز صاحب عمل)بس المشكلة فى دى كمان انى ماعرفش اذا كان ينفع احول لاقامة من التأشيرة دى ولا لأ؟؟

لانى رايح بزيارة على واحد ماعرفوش وماعرفش اذا كان ممكن يرضى يحولى اقامة ولا لأ؟

ده غير ان بتاع التأشيرات دى قالى انا ماليش دعوة بتحويل الاقامة انا بديلك تأشيرة خروخ من مصر ودخول السعودية على حسب الفترة اللى انت عايزها

والتحويل عايز واسطة وانا ماليش فى السكة دى

انا عارف ان كلامى ملخبط شويتين لكن معلش استحملونى لغاية ما اوص لسكة سالكه

ياريت حد لو عنده فكرة او حل يقولى وربنا مايحرمنيش منكم

[خالد شحاته]

الاخ الافضل

السلام عليكم ورحمة الله وبركاته

الرفض الا جه من السعوديه ولا من القنصليه السعوديه في مصر

اما بخصوص تغير النشاط هو كان ممكن يطلع هنا فرع سجل بي 500 ريال افضل من انت الا تغير وكان يطلع سجل مناسب لك

علي العموم ان شاء الله اصبر ليوم السبت وانا ممكن اشوف لك حد يطلع الزياره علي نفس الكفيل الا انت عايزه وربنا يقدم الا فيه الخير اما ان ربنا سهل لك وحبيت تجي اي زياره علي اي شخص اخر دي مش محتاج منه اي ورق هنا في التحويل لان كل الاوراق المطلوبه بتكون من الكفيل الا ممكن تنقل عليه

[aboyoumna]

سبحان الله

انا كنت متوقع انك اول واحد هيرد على موضوعى لانك بصراحة انسان خدوووووووم

ادعو الله ان يجعل خدماتك فى ميزان حسناتك يوم الدين

------------------------------------------------------------------------------------------

بالنسبة للرفض اللى جه كان من السعودية بعد ما قدمنا الطلب ع النت وخدله حوالى 20يوم ولما راح سأل قالوله الطلب مامشيش لاختلاف النشاط .

بالنسبة لنقطة فرع سجل دى ممكن يعمل فرع سجل لمكتبة؟ وهل بيحصل معاينة وحد بيروح يتأكد من نشاطه ده ولا مجرد ورق بيطلع وخلاص؟وهل لازمله مثلا عقد او حاجه او عنوان للمحل اللى هيفتحة (زى السجل بتاع مصر كده)؟

وحضرتك بتقول انك ممكن تشوف حد يطلعلى الزيارة على نفس الكفيل (طب ازاى والنشاط مش مطابق؟) ولا الحد ده بيعرف يخلص؟ (ياخد مقابل مادى وله علاقات)

معلش اخر نقطة: لو جيت زيارة على اى شخص تانى وحبيت اعمل الاقامة على كفيلى مش هتاح اى حاجه من اللى جيت عليه زيارة خالص؟

انا اسف لكتر اسألتى لكن حضرتك ماتعرفش مدى حاجتى للسفر وخصوصا للسعودية وبالذات فى الوقت ده

ربنا يصلح حالك وييسر امرك

تقبل تحياتى

[aboyoumna]

للرفع والافادة