قهوة المصريين

[محمد يوسف]

قهوتنا جبنا لها الترخيص

وإشترينا البن والشاي والسحلب

والكراسي كمان ومعاها الماركات

وحطينا الصور والحاجات والمحتاجات

يعني جاهزة من كله

وكمان عندنا صبي محصلش تطلب منه الطلب

يطلع روحك لحد مايجيبه

بس دمه خفيف

وسمناه ( مش موتناه) حنكش

الواد حنكش رس الكراسي

وغسل الكوبايات

وزبط القعدة وكله تمام

بس المشكلة مافيش زباين

وعلى فكرة المشاريب مجانا

مين أول زبون

قهوتنا لكل الناس

من أسوان حتى لفلان اللي من بلقاس

من العريش لمطرح مطروح

للناس الغلابة والكلاس

يعني قهوة وشاي

مش كفاية

قهوتنا صديقة للبيئة

لافيها شيشة ولا كيف

يعني قهوة نظيفة

ممكن تشربها بسكر

وبدون للي عامل دايت

بس على فكرة مش للشرب بس

قهوتنا فيها لمة حلوة

من كل الناس

وكمان اللي عاوز يعمل فيها ركن خاص

إحنا جاهزين

يعني شوية مبدعيين عاوزين يرتاحوا من الشعر ودوشته

ممكن نعمل لهم ركن الإبداع

واللي له مزاج وطالبه معاه شيشة

يجيبها معاه

بس يشرب برة

يعني بصريح العوبارة قهوتنا تعدل المزاج مش محتاجة منبهات ولا حاجة

واللي جاي من الشغل تعبان وجعان

هيلاقي ركن الشندوتشات

من كبدة وبومبار

وحتى بصارة أو سمك فيلية

وأهلا بضيوفكم معانا

اللي عاوز يجيب ضيف

يمسكه من إيده علشان ميتوهش ويقدموا لينا

واللي من دمياط

أو ماسك جيبه

نحب نطمنكم إن القعدة ببلاش

وعلى حساب صاحب المخل

بس اللي هيخالف هنشد ودانه

ونوديه لأوضة الفيران

تم تعديل 24 يونيو 2009 بواسطة محمد يوسف

[محمد يوسف]

أحلى كوباية شاي بالنعناع

لأول زبون

[محمد يوسف]

شكل المشروع فاشل

ندور على شغله تانيه

وعشانا عليك يارب

[د هشام ابراهيم]

طب ليه يا باشا جبت ضرف بدري كده ...أنا صراحة نفسي في كباية الشاي بالنعناع ....ما تتخيلش فرحتي لما لاقيت نعناع طازة في تورنتو بعد كام شهر من النعناع المجفف أول ما جيت كندا :blush2:

[حسام يوسف]

أسوان وبلقاس؟

ده أنا

فاضل بقى ميت غمر -الخبر -تورنتو

والمنصورة-مونتريال-تورنتو

واسكندرية-جدة-لندن :blush2:

تم تعديل 24 يونيو 2009 بواسطة حسام يوسف

[محمد يوسف]

طب ليه يا باشا جبت ضرف بدري كده ...أنا صراحة نفسي في كباية الشاي بالنعناع ....ما تتخيلش فرحتي لما لاقيت نعناع طازة في تورنتو بعد كام شهر من النعناع المجفف أول ما جيت كندا :blush2:

عشان خاطرك يا دكتور

نفتح

وكمان أحلى شاي لأهلنا في كندا بالنعناع

[محمد يوسف]

أسوان وبلقاس؟

ده أنا

فاضل بقى ميت غمر -الخبر -تورنتو

والمنصورة-مونتريال-تورنتو

واسكندرية-جدة-لندن :blush2:

ومن كل بلاد الدنيا فيها مصري

أهلاً وسهلاً به ضيف والمشاريب ببلاش

ضيف !!! لا ... لا ... ده صاحب بيت

أما السمار والحلاوة من أسوان ومن أدفو ياعيني عليه

شهرته سيف ويقولوا عليه حسام ويشاركني في إسمي من الأخر

أهلاً وسهلاً بالجدعان

وياريت تقول لنا تحب تشرب إيه

كركديه ولاشاي ولا حلبة

أنتوا أهل الخير ومنبت الأصالة

[د هشام ابراهيم]

فاضل بقى ميت غمر -الخبر -تورنتو

والمنصورة-مونتريال-تورنتو

واسكندرية-جدة-لندن :blush2:

مين الناس دول يا دكتورنا العزيز .....يا تري يا هل تري md2:

[سهل جدا]

وعندك واحد شاي على بوسطة وصلحووووووووووووووو

أنا نفسي أعرف معنى على بوسطة ديه

ممكن تسألنا أستاذ حنكش لو سمحت على معناها :blush2:

[محمد يوسف]

وعندك واحد شاي على بوسطة وصلحووووووووووووووو

أنا نفسي أعرف معنى على بوسطة ديه

ممكن تسألنا أستاذ حنكش لو سمحت على معناها :blush2:

على بوسطة دي معناها

عارف الشاي الكشري اللي الميه لوحدها والشاي والسكر لوحده

هو نفسه بس الواد حنكش قالي على سر الصنعة وها أقولها لك بس خليها في السر ومحدش يعرفها

تجيب المية اللي بتغلي وتحط الشاي والسكر في الكوباية ولما تيجي تصب متصبش مباشرة خلي المية في جنب الكوباية ومتكونش مباشرة على اللي في الكوباية تطلع المية بعد صبها وكأنها مية بيضه وبعدين تقلب وتشرب بالهنا والشفا

[مدى]

يامساء السعادة..

طبعا فكرة تحفة..ان يبقى فيه قهوة تجمعنا ..ندردش فيها بعيدا عن موضوعات محددة..وان كنت اتمنى لو كان كافيه..عشان يعني يبقى في مساحة اكبر اننا كبنات نعقد براحتنا.. :blush2:

لكن على كل حال احنا مش هنقول لا..

قهوة قهوة..

بردوا هندخل.. :P

بس حضرتك كمان في حد يفتح مشروع الصبح ويقفله بعدها بساعتين..!!

اي طول النفس دي..!!

md2:

عاوزة قد 10 كوبايات لمون بثلج كثييير..

كنت عاوزة احكي معاكم في موضوع..

صديقة عمري..فرحها بعد شهر بالظبط..

المهم الأسبوع الماضي والدها اتوفى يوم الجمعة اللي فاتت..

وهي نفسيتها أكثر من مدمرة..

وبجد انا مش عارفة اعملها ايه..

اصلا لما بتصل اكلمها انا اللي بعيط مش هيا..

عارفة قد ايه هو الموقف صعب..

خاصة انها كانت اخر بنت وهي كانت كل ماتكلمني تقلي مش عاوزة اتجوز هسيب بابا وماما لمين..!!

ااقلها يابنتي هما سعادتهم وراحتهم في انهم يطمنوا عليكي..يعني هما كمان هيسبوكي لمين..

تقلي خلاص اقعد معاهم ومااتجوزش غير لو حصل وفقدتهم..

كمان والدها مات فجأة قدام عينيها كان بيكلمها على فستان الفرح وعمال يضحك ويقلها انتي غلبتينا ..3 شهور بدوري على فستان..

وفجأة شرق وروحه طلعت قدامها..

الله يرحمه رحمة واسعة يارب ويجعل قبره روضة من رياض الجنة..

انا بجد مش عارفة ازاي ممكن ااقدم الدعم لصديقتي دي..حاسة اني ضعيفة جدا ..ومش قادرة اواجه الموقف..

وانا عارفة انها محتجالي دلوقتي اكثر من اي وقت..

بس مش عارفة انا اعمل ايه..

مع العلم اني في بلد وهي في بلد..

حد عنده اقتراحات...!!

وشكرا..

[محمد يوسف]

صباح الفل

على الناس الطيبة

أصبحنا وأصبح الملك لله

يلا ياواد يا حنكش

رش ميه قدام القهوة

وشغل القرأن كده

وظبط القعدة

عشان الزباين

وهات اللاب توب عشان نكلك الجماعة بتوع المحاورات

ونصبح عليهم

وهات قهوة مظبوه

والكرسي الفوتيه بتاعي

[محمد يوسف]

فيه ايه يامعلم

زعلان ليه

اسكت ياحنكش

معرفتش اللي حصل

خير يامعلمي

حكموا على طلعت مصطفى خلاص

طيب وفيها إيه

صحيح إنت صبي قهوة ... أيه عرفك

فيه إيه بس اللي مزعلك

ها أقولك على سر خطير

خير ...وسرك في بير

أنا عندي أسهم في شركة طلعت ب كام وخمسين مليون جنيه

طيب بعد إذنك ياملعمي

رايح فين

أجيب لك خيط وإبرة عشان تخيط الشراب المقطوع اللي باين من الجزمة المقطوعة

[مغتربة]

انا لا هقولك شاى و لا قهوه

مفيش حاجه تعلى على السحلب

واحد سحلب كده معتبر

و بعدين نشوف هنعمل ايه

( زبونه مدمنه للسحلب للابد )

:lol: :) :)

[fatfouta]

بجد يا محمد انت فنان والصور اللى حاططها تحف

طيب انا هرجعلك تانى بس عاوزة واحد زبادى خلاط احسن ماشفتوش هنا خالص ونفسى فيه ...عى مارجع تكونوا عملتهولى اوكى

[سهل جدا]

انا لا هقولك شاى و لا قهوه

مفيش حاجه تعلى على السحلب

واحد سحلب كده معتبر

و بعدين نشوف هنعمل ايه

( زبونه مدمنه للسحلب للابد )

:lol: :) :)

بجد يا محمد انت فنان والصور اللى حاططها تحف

طيب انا هرجعلك تانى بس عاوزة واحد زبادى خلاط احسن ماشفتوش هنا خالص ونفسى فيه ...عى مارجع تكونوا عملتهولى اوكى

أيوه , ماشاء الله عليكم

سحلب وزبادي خلّاط

عمّالين تطلبوا المشاريب الغالية عشان كله ببلاش

وأبو بلاش كثر منه :happy:

ماله الشاي أبو نص جنيه

ولا الشاي بقى بكام دلوقتي يا جماعة , بقالي كثير اوي ما أعدتش على قهاوي مصرية

[الباشمهندس ياسر]

شكل المشروع فاشل

ندور على شغله تانيه

وعشانا عليك يارب

بدرى بدرى كده

ايه يا عمنا ... طب شوية دعاية

شوية يفط

ابعت منادى يقولنا

برده نعرف كده من الناس الغريبة ( جات م الغريب ولا جاتش منك )

بس بصراحة برافو

مشروع زى الفل و بيكسب دهب

هى الناس فى مصر وراها ايه غير قعدة القهاوى

ماله الشاي أبو نص جنيه

ولا الشاي بقى بكام دلوقتي يا جماعة , بقالي كثير اوي ما أعدتش على قهاوي مصرية

ايه يا عم سهل

انت بقالك كتير منزلتش مصر ولا ايه

نص جنيه يا عمنا

خلاص مبقاش ... بح

[محمد يوسف]

انا لا هقولك شاى و لا قهوه

مفيش حاجه تعلى على السحلب

واحد سحلب كده معتبر

و بعدين نشوف هنعمل ايه

( زبونه مدمنه للسحلب للابد )

:lol: :) :)

واد ياحنكش واحد سحلب لبنت بلدنا المغتربة

حاضر يامعلمي

ومعاك واحد سحلب بالجوز واللوز

وصلحوووووووووووووووووووووو

[محمد يوسف]

بجد يا محمد انت فنان والصور اللى حاططها تحف

طيب انا هرجعلك تانى بس عاوزة واحد زبادى خلاط احسن ماشفتوش هنا خالص ونفسى فيه ...عى مارجع تكونوا عملتهولى اوكى

واللي أحلى من الزبادي بالخلاط

شوفي وإستمتعي وهاتي لنا شوية

طريقة عمل مشروب الزبادي المجمد

بواسطة : شيماء وجيه

المقادير: 3 أكواب زبادي

كوب عصير فواكه طبيعي مركزاوكومبوت فاكهة حسب الرغبة

التحضير: تضرب المقادير في الخلاط .

يصب الخليط في قوالب الثلج او اكواب صغيرة و يوضع في كل قالب او كوب عصا خشبية (ستيك).

يجمد و يقدم مثل ستيك الايس كريم .

[محمد يوسف]

انا لا هقولك شاى و لا قهوه

مفيش حاجه تعلى على السحلب

واحد سحلب كده معتبر

و بعدين نشوف هنعمل ايه

( زبونه مدمنه للسحلب للابد )

brth) :lol:

بجد يا محمد انت فنان والصور اللى حاططها تحف

طيب انا هرجعلك تانى بس عاوزة واحد زبادى خلاط احسن ماشفتوش هنا خالص ونفسى فيه ...عى مارجع تكونوا عملتهولى اوكى

أيوه , ماشاء الله عليكم

سحلب وزبادي خلّاط

عمّالين تطلبوا المشاريب الغالية عشان كله ببلاش

وأبو بلاش كثر منه md2:

ماله الشاي أبو نص جنيه

ولا الشاي بقى بكام دلوقتي يا جماعة , بقالي كثير اوي ما أعدتش على قهاوي مصرية

شكراً

والظاهر أبو بلاش كتر منه

فتحنا القهوة وبنحاول نجر رجل الزبون بس مفيش حد نفعنا لحد دلوقتي

كله بثوابه

أما الشاي أبو نص

ده دلوقتي في المتحف

القهوة التعبانه بتعمله بجنيه

على العموم ده واحد شاي بس متزعلش إن الكوباية نظيفة

تم تعديل 25 يونيو 2009 بواسطة محمد يوسف