قهوة المصريين

[محمد يوسف]

بدرى بدرى كده

ايه يا عمنا ... طب شوية دعاية

شوية يفط

ابعت منادى يقولنا

برده نعرف كده من الناس الغريبة ( جات م الغريب ولا جاتش منك )

بس بصراحة برافو

مشروع زى الفل و بيكسب دهب

هى الناس فى مصر وراها ايه غير قعدة القهاوى

...صح هو الناس وراها إيه غير قعدة القهاوي

[fatfouta]

خد عندك يا محمد شوية أشكال للقهوة عشان تتعلموها وتبقوا تقدموها فى قهوتكم مع انى اشك ان حنكش يقدر

[fatfouta]

خد يا سيدى كمان ولسه فيه تانى

[fatfouta]

اما تعملولنا دول ابقى ابعتلكوا الباقى بقى

[fatfouta]

اما تعملولنا دول ابقى ابعتلكوا الباقى بقى

[محمد يوسف]

صدقيني

حنكش ده وصل لمرحلة إحتراف جامدة أوي في عمايل القهوة

بس

الأشكال دي بيقول عاوزه كتالوج عشان اعملها

والكلام ليه وهو بيقول ولا أعرف أعمل منها حتة فتفوته

[fatfouta]

ماشى هعقدك يا حنكش واتفرج على اللى فاتوا دول واللى جايين كمان

تم تعديل 25 يونيو 2009 بواسطة fatfouta

[fatfouta]

[محمد يوسف]

بحر من القهوة

جميلة

[Alrefaey]

يا واد ياحنكش هاتلى يابنى واحد موكا وشوفلى عندكم وايرلس ولا لأ

حنكش --- اسف يا استاذ احنا عاملين مقاطعة وما نجبشى كوكا ... اما البتاع التانى اللى انت قلت علية فباين علية اسم دوا ممكن هتلاقية فى صيدلية عمى رمسيس على اول الشارع او اكتبة لى فى ورقة وانا حمامة اجبهولك وكلك نظر

كوكة اية يابنى وبتاع اية انا قلت موكا اقولك خلاص بلا كوكا بلا موكا جبلى كابتشينو وريحنى

واية يابنى الدوا وحمامة وبتاع انا بقولك واير لس يعنى واى فاى

حنكش ايوة يا استاذ ماتزعلش بس انا عارف من الاول ان البتاع اللى اسم واى فاى ده برفان حريمى بس اتحرجت ولاموأخذه يعنى اقولك برده هتلاقية على اول الشارع فى صيدلية عمى رمسيس

امشى يابنى من ادامى ورح هاتلى اللى مشغلك دانت جبتلى الضغط

حنكش والله يا استاذ منا مزعلك حمامة وهروح اجبلك حبيتين للضغط من صيدلية عمى رمسيس اللى على الاول الشارع

صاحب القهوة فيه ايه بس ياهندسة الواد ده بس مزعلك فى ايه هات يابنى كوباية لموناتة لعمك الهندسة وعلى حسابنة كمان

لا ياسيدى تشكر انا كنت عايز بس موكاتشينو و واى فاى علشان اشغل اللاب توب

يا هندسة اديك ظلمت الواد الكاتشينو اللى بتقول علية ده دا محل مطابخ واخشاب هتلاقية على اول الشارع جنب صيدلية عمك رمسيس وهتلاقى فية الدولاب اللى بيتوب ده وممكن تحصل خشب زان كمان بس انته اوم الحقة قبل ما يقفل

طيب اقوم انا بأءة فوتكو بعافية

[محمد يوسف]

يا واد ياحنكش هاتلى يابنى واحد موكا وشوفلى عندكم وايرلس ولا لأ

حنكش --- اسف يا استاذ احنا عاملين مقاطعة وما نجبشى كوكا ... اما البتاع التانى اللى انت قلت علية فباين علية اسم دوا ممكن هتلاقية فى صيدلية عمى رمسيس على اول الشارع او اكتبة لى فى ورقة وانا حمامة اجبهولك وكلك نظر

كوكة اية يابنى وبتاع اية انا قلت موكا اقولك خلاص بلا كوكا بلا موكا جبلى كابتشينو وريحنى

واية يابنى الدوا وحمامة وبتاع انا بقولك واير لس يعنى واى فاى

حنكش ايوة يا استاذ ماتزعلش بس انا عارف من الاول ان البتاع اللى اسم واى فاى ده برفان حريمى بس اتحرجت ولاموأخذه يعنى اقولك برده هتلاقية على اول الشارع فى صيدلية عمى رمسيس

امشى يابنى من ادامى ورح هاتلى اللى مشغلك دانت جبتلى الضغط

حنكش والله يا استاذ منا مزعلك حمامة وهروح اجبلك حبيتين للضغط من صيدلية عمى رمسيس اللى على الاول الشارع

صاحب القهوة فيه ايه بس ياهندسة الواد ده بس مزعلك فى ايه هات يابنى كوباية لموناتة لعمك الهندسة وعلى حسابنة كمان

لا ياسيدى تشكر انا كنت عايز بس موكاتشينو و واى فاى علشان اشغل اللاب توب

يا هندسة اديك ظلمت الواد الكاتشينو اللى بتقول علية ده دا محل مطابخ واخشاب هتلاقية على اول الشارع جنب صيدلية عمك رمسيس وهتلاقى فية الدولاب اللى بيتوب ده وممكن تحصل خشب زان كمان بس انته اوم الحقة قبل ما يقفل

طيب اقوم انا بأءة فوتكو بعافية

كده برضه تطلع المعلم بيفهم

وعرف اللي انت طلبته

بالمناسبة اللاب توب ...مش هو اللبلاب؟؟؟؟

طبعاً ذكاء فطري

[Alrefaey]

كده برضه تطلع المعلم بيفهم

وعرف اللي انت طلبته

بالمناسبة اللاب توب ...مش هو اللبلاب؟؟؟؟

طبعاً ذكاء فطري

</div>

لا بجد بأءة يا معلمه عندكو حاجة نضيفه تنشرب انا مايهمنيش الفلوس من جنية ل جنية وربع وكمان بقاشيش حنكش على حسابى ولا اروح القهوة اللى على اول الشارع اللى جنب صيدلية عمك رمسيس

[محمد يوسف]

لا بجد بأءة يا معلمه عندكو حاجة نضيفه تنشرب انا مايهمنيش الفلوس من جنية ل جنية وربع وكمان بقاشيش حنكش على حسابى ولا اروح القهوة اللى على اول الشارع اللى جنب صيدلية عمك رمسيس

بدل الحساب مطلوب من كل ضيف يطلب طلبه بس الأول مطلوب يقول لنا أي حاجه

حكمة

خبر

رأي

[الباشمهندس ياسر]

عندكو مكياتا يا حنكش..

[ام بودى]

انكش انت يا ولد يا انكش

ايوة جاييييييى حنكش اسمى حنكش اؤمرى يا مودام

انكش حنكش مش مهم اية دة صحيح اللى وصفولى الكوفى شوب يتاعتكم قالولى انها اورينتال وشعبية يس مكنتش متصورة انها بيئة كدة واية اللى فوش الزباين دة نصبة نصبة شاى انتو مسمعتوش عن الكاتل امال بتعملو الشاى فى اية بتغلوة فى البتاعات الضخمة دى متعرفوش الماشين بتاعت الكابوتشينو او مكنة الاكسبريسو طب فين الكولدير

حنكش وقد بدت علية علامات البلاهة والذهول:

كيت كات اية يا مودام اللى حنعمل فيها شاى لا مؤاخذة احنا بنعمل الشاى بتاعنا هنا فى بولاق اللى هى جامهورية عفاريت الاسقلت وملوك التكاتك وسمعنى احلى سلام عظيمة يا مضر يا ارض اللوا بس انافهمت البتاعة الاخيرة دى اللى قولتيها اصل محسوبك يفهمها وهى طايرة حضرتك قولتيلى فين الكولورير اصدك بيت الراحة لمؤاخذة ماعندناش هنا فى القهوة

_

مون ديية سو فاج أنسيفيلايزد ابسوليوتلى أنسيفيلايزد انا كمصرية حزينة ان فيها ناس بالمستوى دة ياللا بينا ياجماعة نروح الفيشاوى

._

هو حضرتك مصرية انتو بلد تانية غير بلدنا انتو بلدكو دى مارينا واحنا الدويقة وقعت بينا وعجبى

[ام بودى]

اية هى القهوة اتسحب منها الترخيص ولا اية ولا لقوا فيها مخالفات وغير مطابقة للمواصفات تستاهل يا حنكش اصلك مادفعتش المعلوم بس وحيات راس تانت أسمت مالية دخل بالموضوع كلة الا قطع الساستينانس

[محمد يوسف]

أيووووووووووه جاااااااااااي

حنكش تحت الأمر

القهوة كانت فيها صيانة

كنا بنستورد الشاي من الهند والنسكافي من ساحل العاج

[الباشمهندس ياسر]

بيقولك واحد حضرته الوفاة ...فقال لولاده يا ولاد الاتحاد قوة و طول مانتوا مع بعض الامور هتبقى زى الفل و محدش هيقدر عليكم

يا فلان يا ابنى هات عصاية واحدة كده و حاول تكسرها ... الواد مسك العصاية و كسرها

طب يا ابنى خليهم عصايتين ... الواد مسك العصايتين و كسرهم

قالوا يا ابنى خليهم خمس عصيان ..الواد مسكهم و كسرهم

قالوا طب هات الحزمة كلها كده يا ولدى ... الواد مسكهم و كسرهم

راح باصص لعياله و قالهم

طالما البغل ده معاكم متخافوش من حاجة ابدا

امسية سعيدة