كان نفسك تشتغل ايه

[pink rose]

انا كان نفسى ادخل كليه فنون جميله

بس اصحاب الخير قالوا لماما بنتك حتنحت تماثيل

وصور والتماثيل والصور حرام

فماما طبعا قاله كله كوم والحرام كوم تانى لاممكن ابدا تدخلى فنون

وعليها دخلت كليه اداب مكتبات

بس فعلا نفس اكون فنانه فى الرسم عن دراسه

وان شاء الله حيتحقق حلمى

ايمانوووووووووووو

يعني كده احنا تؤام في الكلية كمان بقى

انتي دفعة كام؟ انا دفعة 98

لحسن نكون نعرف بعض اصلا من الكلية او حتى ثانوي و احنا ما نعرفش

انا كنت في ثانوي في نبوية موسى و انتي؟؟؟؟

[semsem]

السؤال بسيط تماما زى ما فى العنوان

كان نفسك تشتغل ايه

كلنا دخلنا الكليات تبع مكتب التنسيق

فينا الى قدر يدخل الكليه الى هوه كان عايزها و بالتالى كمل فى الوظيفه او المهنه الى كان بيحلم بيها

و فينا الى مكنش محظوظ و متوفقش فى كده

حتى بعد التخرج فيه الى اشتغل فى تخصصه الاصلى و فيه الى غير مسار من ابوابه md2: wst::

ياترى انت درست الى كان نفسك تشتغل فيه و لا لا

و ياترى بعد التخرج اشتغلت فى نفس تخصصك و لا غيرت

و ايه هيه المهنه الى نفسك انك كنت تشتغل فيها

بغض النظر عن امكانيه تحقيق دا دلوقتى من عدمه

و يا ترى فى سن معين بيكون صعب فيه ان الانسان يغير اتجاهه الوظيفى تماما احاجه هوه بيحبها ان توفرت له الفرصه

دعوه للتناقش و سرد الخبرات

brth) :lol:

[galaxy]

صيدلانيه او طبيبه علاج طبيعي brth) والاخر برضه دخلت صيدليه رغم اني كنت مقدمه علاج طبيعي وحولت قبل دخول الدراسه وكان وقتها مجموعي يوديني كل ما اتمني بس عمري ما فكرت في طب :lol: .........لكني عموما احب العمل في اي مجال يتعلق بالعلاقات العامه و التنميه لبشريه ونفسي ادرس فيهم واعتقد اني لازال امامي الوقت لتحقيق اللي اتمناه ولا اعتقد انه هيتعارض مع عملي وطموحي كصيدلانيه ان شاء الله...........تحيتي للموضوع اللطيف مغتربه

[Alrefaey]

بالرغم انى فى الثانوية جبت مجموع يدخلنى اى شىء انا عاوزة لكن اصابتنى الخيبة كما تصيب الكثير منا ودخلت الطب

اللى مزعلنى بقه ان دى كانت رغبتى ودلوقتى كل ماجى ابعد الاقيها بتشدنى ......يعنى نفسى اغير بس مش عاارف

come on :lol:

litc ...tshanj

لما كتبت هذه المداخلة كنت بحسب نفسى لوحدى الخيبان اتارى تلعوا كتير brth)

[الحازم حسن]

كان نفسي اشتغل طيار مدني وبعد انهيار الحلم لانه مكلف جداً مادياً فحولت الحلم للعمل كـ Network Administrator والحمد لله قدرت احققه وهو في طريقه للتطوير كـخبير امن وحماية شبكات وكمان ناوي ادخل من جديد كلية علوم الحاسب الآلي في الجامعة العربية المفتوحة في مصر عن طريق التعليم عن بعد E-learning عشان يبقى المهنة مطابقة للمؤهل ومحدش يتكلم.

ودعواتكم

[mandoo]

أمى كان نفسها أكون وكيل نيابة أو ظابط مباحث أمن دولة ، ووالدى كان نفسه أكون دكتور إن شاالله دكتور حمير ، بس الحمد لله فى النهاية ضحكت عليهم كلهم وطلعت مهندس ميكانيكا وكنت شاطر جدا ودايما عندى طموح إنى أوصل للمناصب الأعلى لحد مابقيت حاليا مدير مشاريع بالسعودية لكن بالنسبة لمصر فأنا عاطل علشان الحكومة حكمت رأيها إما العودة للعمل أو الفصل وطبعا مرجعتش ، وربنا يخلى الحكومة وتنه عامر

[Ahmed Unknown]

كان نفسي اشتغل طيار مدني وبعد انهيار الحلم لانه مكلف جداً مادياً فحولت الحلم للعمل كـ Network Administrator والحمد لله قدرت احققه وهو في طريقه للتطوير كـخبير امن وحماية شبكات وكمان ناوي ادخل من جديد كلية علوم الحاسب الآلي في الجامعة العربية المفتوحة في مصر عن طريق التعليم عن بعد E-learning عشان يبقى المهنة مطابقة للمؤهل ومحدش يتكلم.

ودعواتكم

انا كمان كان نفسى ابقى طيار مش فارقه بقى مدنى ولا حربى بس كان كده كده مينفعش عشان نظرى ضعيف و بلبس نضاره من زمان

و درست علوم حاسب و بقيت مبرمج كمبيوتر بس نفسى بردوا فى يوم م الايام الف العالم بس مش مهم ابقى طيار المهم اركب طياره و خلاص :lol:

و الحمد لله حققت جزء كبير من حلمى و ركبت الطياره بس للأسف الرحله كانت من القاهرة للرياض بس :lol:

بس مش مهم مسيرى هلف العالم فى يوم م الايام :lol:

[adrianocrespo]

إقتباس(adrianocrespo @ Jun 24 2009, 06:31 PM) *

إقتباس

بالرغم انى فى الثانوية جبت مجموع يدخلنى اى شىء انا عاوزة لكن اصابتنى الخيبة كما تصيب الكثير منا ودخلت صيدلة

اللى مزعلنى بقه ان دى كانت رغبتى ودلوقتى كل ماجى ابعد الاقيها بتشدنى ......يعنى نفسى اغير بس مش عاارف

انا معاك يا جيمي

بس التغيير صعب

[جيمي]

طب والعمل :rolleyes: ؟؟؟؟؟؟؟

[icehearted girl]

الموضوع اسهل مما تتخيلوا

محتاج بس

1_اقتناع كاااااااااامل بضرورة التغيير بغض النظر عن القدرة عن اقناع الغير

2_جدية في اتخاذ القرار :rolleyes:

اقلكم..تعالوا نعمل شركة ونسميها اطباء ولكن :lol: ...!!!

دعونا نرفع شعار...لن نعيش داخل البالطو الأبيض :sad:

[adrianocrespo]

الموضوع اسهل مما تتخيلوا

محتاج بس

1_اقتناع كاااااااااامل بضرورة التغيير بغض النظر عن القدرة عن اقناع الغير

2_جدية في اتخاذ القرار rolleyes.gif

طب حضرتك ادينا مثال لصيدلي يريد التغيير

[icehearted girl]

مثال ازاي يفندم؟

الموضوع شخصي بحت

حضرتك الادري بقدراتك الخاصة

هل الوقت لسه بدري بما يتيح ليك دراسة المجال اللي بتحبه؟

طب المجال دا متاح للعمل ولايشترط خبرة دراسية؟؟ زي الاعلام مثلا

وهل حضرتك عندك القدرة انك تتخلي عن مهنة بتوفرلك الي حد ما حياة كريمة للمخاطرة بكارير آخر؟؟

وكمان لو في اشخاص مسئولين من حضرتك يعني زوجة واولاد من حقهم هم كمان ياخدوا القرار دا معاك

والله المستعان