استخراج الفيش والتشبيه

[mezo]

اسف لفتحى توبيك جديد ولكنى بحثت فى كافة مواضيع المنتدى عن حالة شبيهة لى ولم اجدها فلم اجد سبيل الا فتح هذا التوبيك على ان اجد مساعدة من الاخوة الكرام فانا اليوم الحمد لله نجحت فى الانترفيو الخاصة بكيبك فى سفارة كندا فى ابو ظبى واستلمت ال CSQ اليوم ومعها ورقة تحويل الملف للفيدرال وعند سؤال السفارة عن التقديم تم طلب فيش وتشبيه لكل دولة اقمت فيها اكثر من ست شهور وبما انى اقمت فى السعودية والكويت فهل توجد طريقة للحصول على الفيش والتشبيه من خارجهما وكيفية الطريقة وكذلك هل يمكن الحصول على فيش وتشبيه من السفارة المصرية فى الامارات ام يجب النزول لمصر لعمله

[ahmed_saleh]

اسف لفتحى توبيك جديد ولكنى بحثت فى كافة مواضيع المنتدى عن حالة شبيهة لى ولم اجدها فلم اجد سبيل الا فتح هذا التوبيك على ان اجد مساعدة من الاخوة الكرام فانا اليوم الحمد لله نجحت فى الانترفيو الخاصة بكيبك فى سفارة كندا فى ابو ظبى واستلمت ال CSQ اليوم ومعها ورقة تحويل الملف للفيدرال وعند سؤال السفارة عن التقديم تم طلب فيش وتشبيه لكل دولة اقمت فيها اكثر من ست شهور وبما انى اقمت فى السعودية والكويت فهل توجد طريقة للحصول على الفيش والتشبيه من خارجهما وكيفية الطريقة وكذلك هل يمكن الحصول على فيش وتشبيه من السفارة المصرية فى الامارات ام يجب النزول لمصر لعمله

اخي الكريم

معلوماتي المتواضعة تقول يمكن عمل الفيش المصري من سفارتنا و لكن يستغرق وقت حوالي من شهر الى شهرين كما اني سمعت قبل كده انه صعب اصدار فيش من السعودية بعد مغادرتها و الجماعة الكنادوة عارفين كده و على العموم ده الكلام اللي باسمعه و الله اعلم و على الله حد يديلك اجابة مؤكدة

[mezo]

اخى الكريم شاكر لك ردك السريع بس لى استفسارطب لو السعودية مبتطلعش فيش وتشبيه للى سابها ايه الحل طيب والى مر بموضوع السعودية وهو براها عمل ايه لانهم فى السفارة اكدولى انهم عايزين فيش وتشبيه من السعودية

[mezo]

يا اهل المحاورات الكرام مفيش طب حتى حد ليه حتى نصف الظروف دى

[Bustami]

اعمل بحث على النت عن وزارة العدل في الكويت ليهم ويب سايت وفي حاجة زي الصحيفة الجنائية

بالنسبة للسعودية يمكن في ويب سايت لوزارة العدل

[eTiger]

والله يا أخواني الموضوع مهم. نرجو من أصحاب الخبرة الرد.

[adawiat]

سلام عليكم ياجماعه

والله انا برضه عندى نفس المشكله لانى كنت مقيم فى قطر من 3 سنين ودلوقتى مقيم فى الامارات المفروض عشان اجيب البوليس سيرتفيكيشن من قطر اعمل ايه

وشكرا على التعاون

[mezo]

المشكلة لما سالتهم فى سفارة كندا على انى اجيب الفيش ده ازاى من بلاد انا سبتها ومش عارف هعرف اجيب ولا لا قالولى هو القانون علشان تقدم على الملف الفيدرال كدة وقالولى حاول تتصل بالسفارة السعودية او السفارة الكويتية والمشكلة انى علشان كنت عايش فى البلدين دول عارف ان معاملة زى دى ممكن متتعملش اصلا لانى كنت فعلا باعانى لما بخلص اى ورقة حكومية هناك فمبالكم وانا بعيد بجد انا مش عارف اعمل ايه بجد انا ممكن اروح زيارة لاى بلد منهم لانى مقيم فى الخليج وسهل دخولهم فى اى وقت بس ممكن اروح وبردك ميدونيش حاجة لانى مش مقيم هناك بس اكيد فى حد مرة باى تجربة من دول وممكن يفيدنا

[mezo]

انا وصلت للينك ده على موقع الادارة العامة للادلة الجنائية فى الكويت وفيه نفس الحالة بس عايز خطاب من الجهة الطالبة فمش عارف بقى سفارة كندا الى هنا ولا سفارة كندا الى فى الكويت

http://www.moi.gov.kw/portal/vArabic/showP...6-B8536E0A1C90}

معاملة إصدار صحيفة الحالة الجنائية للأجانب الغير موجودين داخل البلاد لإستخدامها خارج الكويت باللغة الإنجليزية

1. كتاب من الجهة الطالبه ( في حالة عدم وجود الشخص داخل البلاد )

2. صورة من الجواز السفر

3. البطاقة المدنية صورة عنها

4. عدد ( 1 ) صور شخصية مقاس 4×6 ملونة

5. كتاب موجه لوزارة الداخلية ( الأمن الجنائي )

6. في حال عدم وجود بصمة محفوظة بالادارة العامة لطالب الصحيفة يتم ارسال كرت بصمة من جهة رسمة

[mezo]

انا وصلت للينك ده على موقع الادارة العامة للادلة الجنائية فى الكويت وفيه نفس الحالة بس عايز خطاب من الجهة الطالبة فمش عارف بقى سفارة كندا الى هنا ولا سفارة كندا الى فى الكويت ومش فاهم يعنى ايه كتاب موجه الامن الجنائى

http://www.moi.gov.kw/portal/vArabic/showP...6-B8536E0A1C90}

معاملة إصدار صحيفة الحالة الجنائية للأجانب الغير موجودين داخل البلاد لإستخدامها خارج الكويت باللغة الإنجليزية

1. كتاب من الجهة الطالبه ( في حالة عدم وجود الشخص داخل البلاد )

2. صورة من الجواز السفر

3. البطاقة المدنية صورة عنها

4. عدد ( 1 ) صور شخصية مقاس 4×6 ملونة

5. كتاب موجه لوزارة الداخلية ( الأمن الجنائي )

6. في حال عدم وجود بصمة محفوظة بالادارة العامة لطالب الصحيفة يتم ارسال كرت بصمة من جهة رسمة

تم تعديل 14 أكتوبر 2008 بواسطة mezo

[Bustami]

خد كتاب من شغلك او من اي مكتب محامي

[mezo]

اليوم اتصلت بالسفارة الكويتية هنا فى الامارات وسالت على موضوع الصحيفة الجنائية قالولى انهم ممكن يدوهانى من عندهم ان شاء الله اروحلهم ويا رب يكون الكلام صح ولو مش صح هضطر اسافر يومين الكويت اطلعها وارجع وخصوصا لما عرفت اطلعها منين هناك المشكلة الكبرى فى السعودية الى مش عارف اعمل فيها ايه

[MZohairy]

عموما معروف عند الكنديين ان موضوع السعوديه ده صعب جدا و ده كلام المحامي بتاعي

بس مش حتخسر حاجه لو رحت سفارة السعوديه في ابو ظبي و تسألهم على الموضوع و بعدها تروح سفارة كندا اللي عملت فيها الانترفيو تقولهم على اللي حصل

[mezo]

سالت امس فى قنصلية الكويت فى دبى قالولى لازم اجيب شهادة بصمات من شرطة دبى موثقة من خارجية الامارات واجيب خطاب من الجهة الطالبة و 2 صورة شخصية وصورة الجواز وصورة البطاقة المدنية و 200 درهم واقدم الحاجات دى واستنى 3 شهور على مايجى الرد وانا هناك عديت بالمرة على السفارة السعودية ماهم لزق فى بعض وقالولى تقريبا نفس الطلبات وانهم هيبعتوهم السعودية وانتظر الرد

واحد صاحبى بقى فى السعودية راح سالى فى ادارة الادلة الجنائية وقالو ليه انهم عايزين جواب من الجهة الطالبة موجه ليهم وصورة شخصية وصورة الجواز وصورة الاقامة القديمة ولازم اروح بنفسى واخدهها بعد يومين

الفيش بتاع مصر الحمد لله بصمت فى القنصلية وبعته مصر لحد يوديه القسم يخلصه

سوالى دلوقتى انا شايف ان خطاب من الجهة الطالبة بقى حاجة مشتركة محدش بقى يعرف اجيبه منين من سفارة كندا فى اى بلد واخده ازاى منهم وكمان هل ينفع اقدم ملف الفيدرال من غير الفيش والتشبيه لحد ماخلصهم لانهم مطولين شوية يا رب اى اخ كريم يفيدنى بموضوع الخظاب والملف الفيدرال ماهو اكيد فى ناس مرت بالتجربة دى يا رب متبخلوش علينا

تم تعديل 21 أكتوبر 2008 بواسطة mezo

[تامر احمد]

حاة من اتنين.. اعمل توكيل لواحد ساكن ف البلاد دى عشان يعملك الفيش

او سافر بنفسك للبلاد دى عشان يعملك الفيش

الكلام دا كنت قريته فى بعض المنتديات

[mezo]

انا مصدقتش الفيش والتشبيه خدته لمكتب السالم وهناك قالي موضوع التصديق مالوش لازمه فعلا بس ف مصر انتوا عارفين ختم النسر وغلاوته عندنا وفعلا الواحد اتعود ان مفيش حاجه تيجي كده ببساطه

وللاخ حبيب الشعب الدكتور محمد التهامي ، هو انا 79

الاستاذ احمد بعد التحية

لما عملت شهادة حسن السير والسلوك فى السعودية شافو اقامتك ولا الباسبور لانى ناوى ان شاء الله ارجع زيارة للسعودية واقدم طلب عليها بس هل ينفع بالباسبور ولا لازم بالافامة

[مزاميزو]

http://www.cic.gc.ca/english/information/s...-east/index.asp

أعتقد اللينك دا ممكن يفيدك ودا اللينك اللي بعته ليا السفارة الكندية بالقاهرة حيث انهم عايزين البصمات بتاعتي في الكويت وأنا حاليا خارج الكويت من اكتر من سنة

ولسه مش عارف هاعمل ايه وأنا المفروض اسلمهم الورق الناقص واعمل الكشف الطبي خلال شهر ابتدى من 4 أيام

لما توصل لحاجة ابعتلي

وشكرا

[mezo]

http://www.cic.gc.ca/english/information/s...-east/index.asp

أعتقد اللينك دا ممكن يفيدك ودا اللينك اللي بعته ليا السفارة الكندية بالقاهرة حيث انهم عايزين البصمات بتاعتي في الكويت وأنا حاليا خارج الكويت من اكتر من سنة

ولسه مش عارف هاعمل ايه وأنا المفروض اسلمهم الورق الناقص واعمل الكشف الطبي خلال شهر ابتدى من 4 أيام

لما توصل لحاجة ابعتلي

وشكرا

اللينك ده وصلنى للينك ده

http://www.moi.gov.kw/portal/vArabic/showP...6-B8536E0A1C90}

ورحت سفارة الكويت فى ابو ظبى وقالولى انهم بيعملوه بس بياخد وقت مش اقل من شهرين الى تلاتة اشهر وقالولى اسال حد صاحبك هناك فى الكويت لو ينفع تعمله وانت معاك زيارة ولا لا بس هو كان محسسنى انى مش هعرف اطلعه غير من السفارة على الرغم من ان اللينك الى انا حاطه ده بتاع وزارة الداخلية الكويتية بيقول ان الفيش ده بيطلع للى خرج خالص من البلد فلو ليك حد فى الكويت تعرفه خليه يسالك انا الى موصيهم يسالولى هناك محدش منهم رد عليا انا الى رد عليا واحد من السعودية وقالى انه ينفع اطلعه بتاشيرة زيارة فى السعودية عادى انما الكويت لسة معرفتش فانا ناوى اقدم على الملف الفيدرال الاول علشان اعرف اخد من خطاب لسفارة الكويت والسعودية انى اعمل الفيش لان ده من ضمن طلباتهم خطاب من الجهة الطالبة ومش هيعملوه الا بكدة

[مزاميزو]

العزيز ميزو

أنا بعت ايميل لقسم الهجرة بالسفارة الكندية بالقاهرة وبلغتهم إني كنسلت إقامة الكويت وسيبت الكويت من أكتر من سنة ومش ممكن أعرف أدخل لأن مش معايا تأشيرة فردوا بعد أسبوع بأنه بما إني لم أعد اقيم في الكويت فممكن ابعتلهم صورة من جواز السفر الصفحة اللي فيها اخر ختم خروج من الكويت وربنا يوفقك

[medopharm]

أخوانى الأعزاء

اللى مقدمين فيدرال

انا مقدم فيدرال من القاهره وحاليا شغال فى السعوديه ونازل اجازه قولت اعمل الفيش قبل مانزل

عشان المفروض ان شاء الله خلال السنه اللى جايه سيتم النظر فى ملفاتنا

لأنى مقدم من 2005

اتصلت بالمحامى عشان اسأله ازاى اعمله

قالى السفاره مابتطلبش فيش من السعوديه

قولتله انت متأكد قالى ايوه طبعا

فمش عارف هل القاهره بتختلف عن لندن

هل حد مقدم من القاهره وطلب منه الفيش

وشكرا

medopharm