دبرني ياوزير

[icehearted girl]

تمزق في الاربطة الداخلية لمفصل القدم :36_20_1[1]:

وتهتك ف الرباط الصليبي

اي الفرق بين تمزق وتهتك ..معرفش

كل الي اعرفه ان عندي امتحانات ودروس

وفنفس لوقت ممنوع مالحركة

بيتنا مليان سلالم..وممنوعه من السلالم نهائيا

ممنوع حتي الحركة الا بعكاز

الحمدلله

بس انا اتصرف ازاي :(

والموضوع حصل مالظهر ولا حسيت بحاجة لحد اخر النهار

بقيت مش قادرة اتحرك ولسه جيه مالمستشفي

[jessika]

الف سلامة عليكى يا جميل ربنا يشفيكى

[icehearted girl]

ميرسي يا جيسيكا ربنا يخليكي

بس مش عارة اتصرف بجد ازاي

العربية عند السمكري وحتي لو موجودة مش هقدر اسوق كدا

ومش هقدر اركب مواصلات

وطبعا مستحيل امشي 18 كيلو مثلا

ووورايا امتحاناااااااااااااات :sad: :sad:

[doha]

الف سلامة عليك معليش قدر الله وماشاء فعل .. عارفه ان صعب الجمع مابين اصابة واختبارات بس معليش ان شاء الله انها في ميزان حسناتك ..

فكرتيني بموقف مشابه حصل لي وانا في سادس ابتدائي ..

كان عندي بكرا امتحان رياضيات وذاكرت كل حاجه ماعدا مسألتين كان قلبي حاسس ان وحده منهم جايه جايه .. قلت العب شويه اريح نفسي من المذاكرة يكون بابا رجع من برا يشرح لي المسالتين دول بالذات ..

معرفش ايه الي هبلني وخلاني جبت مشمع مربع كده ( من الي بينحط على السفرة تحت الطبق يعني مساحته زي مساحة ورق التصوير كده ) المهم رحت حطيته على الارض وقعدت ( اتزحلق ) بيه رايح جاي ..

كان عندنا ريسبشن كبير وانا رايحه جايه فيه .. وفجأه وفي المنطقة مابين الصالون والصالة ولقيت نفسي وباقصى سرعه طرااااخ .. دخلت براسي في الحيطه .. مش اكتفي بقى .. لاه ترنحت ووقعت على كتفي كمان .. :sad:

الوضع الطبيعي ان راسي انفتحت طبعا ودراعي انكسر وللاسف كان الدراع اليمين ..

ماما وبابا اخذوني على المستشفى اتخيطت واتربطت .. كل ده لايهم .. الي يهم هو تعليق الدكتور لما سالني ايه الي حصل وقلت له كذا وكذا .. بص لي باهتمام بالغ وقالي ياااه .. وياترى الحيطه حصل لها حاجه ؟ :waf: محدش يضحك ..

ثاني يوم رحت الامتحان عادي وراسي مربوطه بالشاش داير مايدور زي الافلام كده ودراعي مربوط .. بس لاخفي عليكم سعادتي في ذلك اليوم لان المدرسة كلها تجمعت حوالي تشوف في ايه .. معليش هبل الطفوله برضه ان الواحد يبقى منصاب ومع ذلك فرحان بالاهتمام ..

احلى حاجه واحنا راجعين من المستشفى في العربية سالت بابا على واحده من المسائل الي كانت ناقصة وخدت اجابه على السريع وكما هو متوقع جات وحده منهم ثاني يوم بس مكنتش لحقت اذاكرها كويس .. ماعلينا ..

الخلاصة .. الحمد لله عرفت احل يومها واكتب بايدي اليمين مع انها كانت مربوطه .. كنت بشيلها احطها على الدرج واكتب .. معليش الحياه كفاح .. :sad:

مايستفاد بقى انتي شدي حيلك ومعليش حاولي قدر الامكان متتحركيش نهائيا الا للشديد القوي ومتحطيش في بالك ان في امتحان وان ظروفك لا تسمح بالعكس .. الاصابة دي ولا شيء والحمد لله ان الي عندك امتحان بورقة وقلم مش ماتش كوره وان شاء الله هيعدي زي ماغيره عدى ومين عارف يمكن التربيطه الي انتي فيها تخليكي تقعدي مش لاقيه حاجه تعمليها غير المذاكرة وبكده تكون جات بفايده كبيرة ..

ربنا معاكي يارب ويتم عليك الشفاء ..

[icehearted girl]

:waf: ضحكتيني يا ضحضوحة

بس انا امتحاني مش بورقة وقلم

انا فطب

وامتحاناتي عملي فحص عيانين

متخيلة بقي عيان راقد لاقي واحدة دخلاله بعكاز وبتعرج والمفروض انها تكشف عليه هيكون رد فعله ايه ..؟؟!! :sad: :sad:

[Shehab]

هيكون رد فعله ايه يعنى؟؟؟

هيحمد ربنا ع النعمة للى هو فيها و مش دريان....اذا كان الدكتور اللى هيكشف عليه بيعرج!!!

يبقى يحمد ربنا و يبطل دلع و يتفضل من غير مطرود و يسيب مكانه للدكتور !!!!

الا هو ايه صحيح الفرق بين التهتك و التمزق؟...السؤال ده حيرنى من زمان..

عموماً الف سلامة و ربنا يتم شفاكى ع خير :sad: ....و بالتوفيق فى الامتحانات....و ما تقلقيش كله بيعدى

تم تعديل 24 يونيو 2009 بواسطة Shehab

[جيمي]

الف سلامه على حضرتك............بس والله الشعب بتاعنا ده عظيم بيركب اى حاجه حتى الدراما والازمات فى قالب كوميدي ....حتى حضرتك مش مديانى فرصه ازعل علشانك وسيبتينى احتار فى الفرق اللى بين التهتك والتمزق ....بس وجه التشابه اللى بينهم انهم ان شاء الله ممكن يتلحموا :sad:

تمنياتى بالشفاء العاجل ان شاء الله :sad:

[pink rose]

الف سلامة غليكي يا جميلة

ان شاء الله تكون بسيطة و تعدي منها بسرعة :sad:

و ربنا معاكي في امتحاناتك و ان شاء الله ربنا يوقف جنبك و الامتحان يكون سهل

يعني عيان عنده كحة مثلا او عيل صغير عنده مغص( كنت هاقول اسهال بس بلاش ) ماشيها مغص :sad:

ربنا يعديكي من الامتحان على خير ان شاء الله و تخفي بسرعة

[capitshino]

الف سلامة

[عنبو]

الف الف سلامه وربنا يارب يجعله فى ميزان حساناتك

بالنسبه لموضوع العيان اقبضيه انتى بس وهو هيقولك على كل حاجه

اما بالنسبه لموضوع ازاى تروحى الكليه فده اما حاجه من الاتنين

1 - تشوفى واحد اخوكى او اى حد اقريبك يسوق ليكى العربيه وطبعا ده هيحتاج رشوه يعنى بالمشوار

2 - تقضيها تاكسيات وخلاص

[ذهبية]

الف سلامة عليكى يا ايس و الله زعلت جدا على اللى حصلك دة و بالذات الالم للانى مجرباةة كويس

وانا بقرا الى حصلك فكرتينى بنفسى بس انا كنت اصعب منك بكتيرررررررررر

انا كنت لسة خارجة من ولادة و كان عندى صلاح وعمر ضغيرين وجيبت بقى محمد مفيش كان شهرين كدة

وطبعا بسبب انى خلفت ورا بعض فخرجت من اخر ولادة ضعيفة و نقصنى حاجات كتيرة دة اللى وضحة الدكتور فيما بعد

لان الى حصل انى كنت باوطى اشيل ابنى الضغير حركة بسيطة جدا جداااااااعادى كلنا بنوطى

لكن للاسف معايا انا لا مش عادى نهائىىى لانى الحركة البسيطة جدا دى سمعت حاجة فى ضهرى بتعمل تك

سيت الولد وما حسيت الا بالم بسيط وبعدها يجى باربع ساعات كدة اوالفجر تحديا مقولكيش بقى يا ايس

كنت باعمل اية من الالم لا حراك والم يارب محدش يشوفة وشولنى للدكتور وقتها قال انة انزلاق غضروفى وللاسف

شخص الحالة بدون اشعة و فضلت اخد بقى حقن ومسكنات لا تعد ومكنتش باتحرك اصلا وانا فى السرير

يعنى مكنتش اصلا باعرف اتقلب لا يمين ولا شمال

المهم انا اصوت و اقول لهم لا مش انزلاق دة اكبر من كدة ومن شدة الامل ودونى عند دكتور كبير طلب

رنين وظهرت مفاجاة غيررررررر متوقعة

ان الىل حصلى دة كسر فى الضهر تخيلى كسر واحلى حاجة و جوزى بيورى الاشعة لدكتور قبل ما نروح لدكتور يشوفها

يقولة هى عملت حادثة عربية يقول لا هى اتخن من 100 كيلو يقولة لا دة رفيعة يقولة يبقى هى كبيرة لان الكبار فى السن عندهم هشاشة يقولة دى لسة مخلفة و مكملتش 27

تخيلى بقى يا ايس مجرد انى باوطى والله ما كملت يحصل ليا كسر طبعا حصل ليا حالة صدمة ويوم ما الدكتور قالى كسر دى انا فاكرة انى فضلت اردد كلمة كسر انا و جوزى يجى عشرين مرة

ابص لجوزى و اقولة كسر كسر كسر ازاى يعنى كسر فى الضهر علشان اوطى كسر وفضلت اكررها لحد ما زهق منى وطبعا وضحلى بسبب قلة التغذية وقت الحمل بالاضافة الى الرضاعة ادى الى نقص شديد فى الكالسيوم لا و اية قال كنت باعمل كمان رجيم كل دة ادى الى هشاشة فى العظام ورقتها

ادى الىالكسر

مش عايزة اطول عليكى يا ايس لانى مش عايزة اتذكر تلك الايام او الشهر والسنين لان ظللت ملازمة للسرير

اكثر من خمس شهور وبعدها بقى علاج طبيعى لمدد طويلة واستغرق هذا الموضوع سنتين ومش عايزة اقولة ان مازالت طبعا بعض الاثار ولم ارجع سليمة مية فى المية

لكن الحمد الله على ما انا فية لان مجرد المشى كان حلم بالنسبة ليا ومجرد دخول الحمام كان اصعب مهمة فى التاريخ وكنت اظل ابكى بالساعات ازاى هاقدر اقوم وادخل الحمام

يعنى يا ايس احمدى للله كثيرا على ما انتى فية لان فية اصعب بكتيرررر جدا

وام بالنمسبة للامتحان لا يشغل بالك كثيرا فية اكتر من حل كما تفضل الزميل السابق بوضعة

لكن مفيش بعد الصحة يا ايس مفيش اعتنى بنفسك و لا تفكرى الا فى صحتك فقط اى شىء ممكن تعويضة

فى اى وقت فى اى ظروف الا الصحة صدقينى لا اموال الدنيا و لا مناصب الدنيا الا الصحة و محدش بيحس بالالم الا صاحبة

مهما كان حواليكى محدش ياخد منك لحظة الم واحدة فاتبعى كل كلمة الطبيب قالها و لا تضغطى على نفسك و تاكدىانها فترة و هتعدى بحلوها ومرها

وما تفكرى الى فى صحتك و انصحك بالدعاء والصدقة بالذات الصدقة يا ضحى وداوا مرضاكم بالصدقة

بجد انا جربتها والف سلامة عليكى

[الباشمهندس ياسر]

الف حمدا لله ع السلامة يا دوك

و فداكى العربية و الامتحانات و الدنيا كلها

اهم حاجة انك تقومى بالسلامة و ربنا يتم شفاكى على خير

بمناسبة الكلية ... راجعى مع حد من الدكاترة ( اساتذه الكلية ) بتوعك و شوفى امثل حل ايه

وربنا يوفقك لاحسن حال

[icehearted girl]

هيكون رد فعله ايه يعنى؟؟؟

هيحمد ربنا ع النعمة للى هو فيها و مش دريان....اذا كان الدكتور اللى هيكشف عليه بيعرج!!!

يبقى يحمد ربنا و يبطل دلع و يتفضل من غير مطرود و يسيب مكانه للدكتور !!!!

الا هو ايه صحيح الفرق بين التهتك و التمزق؟...السؤال ده حيرنى من زمان..

عموماً الف سلامة و ربنا يتم شفاكى ع خير :) ....و بالتوفيق فى الامتحانات....و ما تقلقيش كله بيعدى

ربنا يكرمك ياشهاب وبعدين جي تسالني انا عالفرق؟..باب النجار ممزق -_-

الف سلامه على حضرتك............بس والله الشعب بتاعنا ده عظيم بيركب اى حاجه حتى الدراما والازمات فى قالب كوميدي ....حتى حضرتك مش مديانى فرصه ازعل علشانك وسيبتينى احتار فى الفرق اللى بين التهتك والتمزق ....بس وجه التشابه اللى بينهم انهم ان شاء الله ممكن يتلحموا :lol:

تمنياتى بالشفاء العاجل ان شاء الله :)

طيب طيب انا هكست خالص واسيبك تزعل عليه شوية :D

اصلي هعمل ايه بضحك من همي

النهاردة ماشيةفلشارع بعكاز زي المتسولين بظبط :(

بس حلو وجه التشابه دا شكلك خريج طب تخصص مساحات ورا زيي :lol:

الف سلامة غليكي يا جميلة

ان شاء الله تكون بسيطة و تعدي منها بسرعة :happy:

و ربنا معاكي في امتحاناتك و ان شاء الله ربنا يوقف جنبك و الامتحان يكون سهل

يعني عيان عنده كحة مثلا او عيل صغير عنده مغص( كنت هاقول اسهال بس بلاش ) ماشيها مغص wst::

ربنا يعديكي من الامتحان على خير ان شاء الله و تخفي بسرعة

اخص عليكي ياريمو اسهال مرة واحدة؟؟؟

:lol: :lol: وبعدين انا باطنة دلوقتي خلوصت الاطفال خلاص

[icehearted girl]

الف سلامة

الله يسلمك يفندم :)

الف الف سلامه وربنا يارب يجعله فى ميزان حساناتك

بالنسبه لموضوع العيان اقبضيه انتى بس وهو هيقولك على كل حاجه

اما بالنسبه لموضوع ازاى تروحى الكليه فده اما حاجه من الاتنين

1 - تشوفى واحد اخوكى او اى حد اقريبك يسوق ليكى العربيه وطبعا ده هيحتاج رشوه يعنى بالمشوار

2 - تقضيها تاكسيات وخلاص

انا عاوزة اقول اني لو حد من خواتي وصلني هيقبض اكتر مالعيان :lol: :)

وبعدين انا لو قلت لحد ينزل يوصلني 6 صباحا هيتبري منني

انا قضتها تاكسيات

بس ربنا ميحكم علي حد

ربع ساعه عشان اعرف ادخل رجلي جوا :(

[icehearted girl]

الف سلامة عليكى يا ايس و الله زعلت جدا على اللى حصلك دة و بالذات الالم للانى مجرباةة كويس

وانا بقرا الى حصلك فكرتينى بنفسى بس انا كنت اصعب منك بكتيرررررررررر

انا كنت لسة خارجة من ولادة و كان عندى صلاح وعمر ضغيرين وجيبت بقى محمد مفيش كان شهرين كدة

وطبعا بسبب انى خلفت ورا بعض فخرجت من اخر ولادة ضعيفة و نقصنى حاجات كتيرة دة اللى وضحة الدكتور فيما بعد

لان الى حصل انى كنت باوطى اشيل ابنى الضغير حركة بسيطة جدا جداااااااعادى كلنا بنوطى

لكن للاسف معايا انا لا مش عادى نهائىىى لانى الحركة البسيطة جدا دى سمعت حاجة فى ضهرى بتعمل تك

سيت الولد وما حسيت الا بالم بسيط وبعدها يجى باربع ساعات كدة اوالفجر تحديا مقولكيش بقى يا ايس

كنت باعمل اية من الالم لا حراك والم يارب محدش يشوفة وشولنى للدكتور وقتها قال انة انزلاق غضروفى وللاسف

شخص الحالة بدون اشعة و فضلت اخد بقى حقن ومسكنات لا تعد ومكنتش باتحرك اصلا وانا فى السرير

يعنى مكنتش اصلا باعرف اتقلب لا يمين ولا شمال

المهم انا اصوت و اقول لهم لا مش انزلاق دة اكبر من كدة ومن شدة الامل ودونى عند دكتور كبير طلب

رنين وظهرت مفاجاة غيررررررر متوقعة

ان الىل حصلى دة كسر فى الضهر تخيلى كسر واحلى حاجة و جوزى بيورى الاشعة لدكتور قبل ما نروح لدكتور يشوفها

يقولة هى عملت حادثة عربية يقول لا هى اتخن من 100 كيلو يقولة لا دة رفيعة يقولة يبقى هى كبيرة لان الكبار فى السن عندهم هشاشة يقولة دى لسة مخلفة و مكملتش 27

تخيلى بقى يا ايس مجرد انى باوطى والله ما كملت يحصل ليا كسر طبعا حصل ليا حالة صدمة ويوم ما الدكتور قالى كسر دى انا فاكرة انى فضلت اردد كلمة كسر انا و جوزى يجى عشرين مرة

ابص لجوزى و اقولة كسر كسر كسر ازاى يعنى كسر فى الضهر علشان اوطى كسر وفضلت اكررها لحد ما زهق منى وطبعا وضحلى بسبب قلة التغذية وقت الحمل بالاضافة الى الرضاعة ادى الى نقص شديد فى الكالسيوم لا و اية قال كنت باعمل كمان رجيم كل دة ادى الى هشاشة فى العظام ورقتها

ادى الىالكسر

مش عايزة اطول عليكى يا ايس لانى مش عايزة اتذكر تلك الايام او الشهر والسنين لان ظللت ملازمة للسرير

اكثر من خمس شهور وبعدها بقى علاج طبيعى لمدد طويلة واستغرق هذا الموضوع سنتين ومش عايزة اقولة ان مازالت طبعا بعض الاثار ولم ارجع سليمة مية فى المية

لكن الحمد الله على ما انا فية لان مجرد المشى كان حلم بالنسبة ليا ومجرد دخول الحمام كان اصعب مهمة فى التاريخ وكنت اظل ابكى بالساعات ازاى هاقدر اقوم وادخل الحمام

يعنى يا ايس احمدى للله كثيرا على ما انتى فية لان فية اصعب بكتيرررر جدا

وام بالنمسبة للامتحان لا يشغل بالك كثيرا فية اكتر من حل كما تفضل الزميل السابق بوضعة

لكن مفيش بعد الصحة يا ايس مفيش اعتنى بنفسك و لا تفكرى الا فى صحتك فقط اى شىء ممكن تعويضة

فى اى وقت فى اى ظروف الا الصحة صدقينى لا اموال الدنيا و لا مناصب الدنيا الا الصحة و محدش بيحس بالالم الا صاحبة

مهما كان حواليكى محدش ياخد منك لحظة الم واحدة فاتبعى كل كلمة الطبيب قالها و لا تضغطى على نفسك و تاكدىانها فترة و هتعدى بحلوها ومرها

وما تفكرى الى فى صحتك و انصحك بالدعاء والصدقة بالذات الصدقة يا ضحى وداوا مرضاكم بالصدقة

بجد انا جربتها والف سلامة عليكى

ياربي :lol: كل دا حصل

الحمدلله انها جت علي اد كدا ارخم حاجة فعلا الامراض اللي بتبقي عاللونج رن

ربنا يسترها معانا جميعا ومتنسينيش من ففضل دعواتك :)

[icehearted girl]

الف حمدا لله ع السلامة يا دوك

و فداكى العربية و الامتحانات و الدنيا كلها

اهم حاجة انك تقومى بالسلامة و ربنا يتم شفاكى على خير

بمناسبة الكلية ... راجعى مع حد من الدكاترة ( اساتذه الكلية ) بتوعك و شوفى امثل حل ايه

وربنا يوفقك لاحسن حال

ياياسر دنا داخلة للسكرتيرة مستندينني بقلها مش هقدر اجي كل يوم

قعدت تقلي علي اجراءات الشهادة المرضية مالكلية فربع ساعه :) :happy:

قللتلها هووووووووششششششششششششش خلاص انا هاجي كل يوم ارحم :lol: :)

[mandoo]

:lol: ضحكتيني يا ضحضوحة

بس انا امتحاني مش بورقة وقلم

انا فطب

وامتحاناتي عملي فحص عيانين

متخيلة بقي عيان راقد لاقي واحدة دخلاله بعكاز وبتعرج والمفروض انها تكشف عليه هيكون رد فعله ايه ..؟؟!! brth)

بسيطة ياستى ، العيان يقول آآآآآآآآآه وإنتى تقوليلى آآآآآآآآآآآآآآآآآآآآآآآآآآهيييييييييييييييييييييييييييييين md2:

[icehearted girl]

brth) :lol: md2:

[fatfouta]

ألف سلامة عليكى يا أيس

[enjisultan]

الاول الف حمد على سلامتك

تانيا ما تشيليش هم حاجة

انا اعتقد انك فى سنة سادسة فى طب يعنى يعنى الامتحانات لسة شوية ولو على امتحانات الروند والدروس ممكن تاجلى امتحان الروند بسهولة

ما تقلقيش خالص

ربنا يابنتى ينزل تدبيرة قبل المصيبة يعنى هتدبر هتدبر

ولو انتى عين شماساوية زينا ط عين شمس يعنى

الناس الجدعان كتير ومافيش مشاكل ما الغياب ممكن تكلمى النايب ويمشو الحال من غير مرضى ولا بتاع

والدروس واللهى مش هيفوتك كتير انا ابتديت دروس سنة 6 فى شهر 8 والامتحانات كانت فى 11

اة ولو حتى امتحان روند روحى ما تاجليش دا كدة هيعدى

خشى للعيان واديلة قرشين ولو المتحان مش علية درجات كتير

والعيان حاول يبتزك

قولليو انا متوصى عليا ومش هتفرق معايا حاجة خودى منة الهيستورى وخلاص وكدة ولا كدة الامتحان فى الغلب ما بيكونش فى فحص خالص بنسبة95%

واخلصى ومتاجليش الامتحانات الكبيرة

وربنا معاكى