من مسيساجا بمسي عليكم

[د هشام ابراهيم]

الانطباع الاولي رائع و الجو جميل و البلد و الناس نضيفه و حلوه بس الاحساس الاولي انك محتاج فتره طويله علشان تفهم البلد و طريقة تفكير الناس هنا, مش زي لو كنت في زياره لبلد عربي حتحس نفسك فاهم النظام و البلد بفتره قصيره

أكيد عند حضرتك حق ...... فيه ناس بيقعدوا عمرهم كله و ما بيقدروش يتأقلموا مع طبائع و طريقة تفكير البلد اللي قاعدين فيها .....صراحة أنا ما زرتش بلاد عربية كتير انما مثلا فاكر اني ما شفتش في دبي أي عرب اللهم إلا ظابط الجوازات الاماراتي في المطار و ممثل مصري نازل في الفندق اللي كنت مقيم فيه !!

[jundi]

شكرا على تفاعلك يا دكتور هشام , أنا عايش طول عمري في الامارت و زاير كتير من الدول العربيه و الفرق الكبير بين الزيارات و الاقامه هنا انك خلال فترة الزياره مش بيهمك أوي تفهم طبيعة البلد لأنك بتكون مقرر تغادر بعد فترع حتى لو كانت الفتره طويله أما بالنسبه لهنا فالفكره هي الاقامه الطويله علشان كدا لازم الواحد يحاول جاهدا الفهم و التأقلم

[د هشام ابراهيم]

العفو يا سيدي الفاضل و ربنا يوفقك لما يحب و يرضي ......باذن الله مع مرور الوقت حاجات كتير بتتفهم أحسن و أعمق

[Nassarlink]

الانطباع الاولي رائع و الجو جميل و البلد و الناس نضيفه و حلوه بس الاحساس الاولي انك محتاج فتره طويله علشان تفهم البلد و طريقة تفكير الناس هنا, مش زي لو كنت في زياره لبلد عربي حتحس نفسك فاهم النظام و البلد بفتره قصيره

كلامك مضبوط

وربنا يعينك علي اجتياز الفتره الاولي

اعتقد انك دلوقتي عامل زي السمكه اللي خرجت من الميه وعايشه في الجو

بعيد عن اخواتها السمك

وعن بيتها اللي اتعودت عليه

وعن اهلها

بس انشاء الله تعدي علي خير

[somayasaleh]

الف حمد لله علي السلامة

وربنا يوفقك لما تحب وترضي

ويجعل الايام الصعبة الاولي سريعة وهينة

:rolleyes: :lol: :sad:

[jundi]

يا شباب الحمد لله أنهيت التقديم للسين و فتحت حساب ببنك TD و حاليا في طور البحث عن المنزل في Square One أصعب شيئ حاليا هو التنقل بواسطة الباصات مع انها فخمه و سهله بس أكبر مشكله هي حفظ المحطات و التقاطعات و الاتجاهات

[جيمي]

ممكن استفسار ؟؟؟؟؟

لماذا اخترت مسيساجا؟؟؟

[jundi]

مسيساجا اكتر منطقه فيها عرب هادئه و جيده للبدايه للعيله و ممكن بعدين الواحد يغير لو ما ارتاحش 

[mohamedadel]

بالتوفيق إن شاء الله في حياتك الجديده ...

على فكره .. إن شاء الله ناوي أقعد في ميسسايجا أسبوعين الشهر الجاي وأنا بعمل إجراءات الاندينج ..

وحجزت عند الجماعة دول http://www.portshotel.ca للإقامه

[jundi]

أنا حاليا موجود في portshotl كمان المكان مش حلو بس عملي و رخيص السعر

[mohamedadel]

أنا حاليا موجود في portshotl كمان المكان مش حلو بس عملي و رخيص السعر

:rolleyes: .. طال عمرك (( بما إني مقيم في الإمارات وحضرتك كنت مقيم فيها برده )) .... تقصد ايه بالمكان مش حلو ؟؟؟؟ الشقق الفندقيه ... ولا المنطقه الموجود فيها الشقق ؟؟؟

أنصحني الله يكرمك .. لحسن زي ماقولت لك أنا بلفعل حجزت فيه أنا والعائلة ( أنا وزوجتي وأطفالنا الثلاثه ) ... ولو حضرتك تعرف حاجة تانيه أفضل ياريت تقول لنا عليها حتى لو أغلى شويه ..

وجزاك الله خير الجزاء ...

[jundi]

المنطقه حلوه بس المكان تعبان, مش نضيف و مع انو مليان مهاجرين جدد بس في كمان أشكال مش ولا بد , النصيحه التانيه اللي أنا ما أخدتش فيها لأني مكنتش عارف الوضع هي:http://www.staystudio6.com شكله أنضف و جديد أكتر بس طبعا أغلى

[محاسب مصرى]

أخى الحبيب

السلام عليكم

أرجو أن تكون ممن يكون السفر فى حقهم دعوة لدينهم بأخلاقهم .. آمين

أرجو أن تكمنى عن حقيقة شدة فيروس H1N1 فى كندل حيث سمعت بشدته فى إحدى المقاطعات التى سكثر فيها الهنود

شد الله من أزرك و متعك بالهناء فى الدنيا و الآخرة ... آمين

[jundi]

لا يوجد اي مما يشاع عن هذا الموضوع هذه الإشاعات تكثر فقط في الخارج

[wagdy demian]

المنطقه حلوه بس المكان تعبان, مش نضيف و مع انو مليان مهاجرين جدد بس في كمان أشكال مش ولا بد , النصيحه التانيه اللي أنا ما أخدتش فيها لأني مكنتش عارف الوضع هي:http://www.staystudio6.com شكله أنضف و جديد أكتر بس طبعا أغلى

بعد التحية :

يعني حضرتك ما تنصحش بالفندق دة خالص من واقع تجربتك ولا لآ ؟ وهل هو مناسب لللأسر و الأطفال ولا الأشكال اللي مش ولا بد اللي شفتها مش مناسبة لللأسرة ؟ الرجاء أعطاء مزيد من التفاصيا عن الفند ق لأني كنت ناوي أنزل فية .

ربنا معاك .

[أحمد سيف]

أنا سامع من أحد أصدقائي الكنديين إن منطقة اسمها Guelph هي من أفضل الأماكن للمعيشة في أونتاريو ... ولو ربنا كتب لي القدوم الى كندا أفكر في عمل اللاندينج هناك وربما الاستقرار بها بعد ذلك ... يا ريت حد من اخوانا المقيمين في كندا يؤكد هذه المعلومة ويعطينا بعض التفاصيل عن الخيارات المتاحة للاندينج والاستقرار.

تحياتي لكم.

[jundi]

المنطقه رائعه بس الاوتيل قديم أوي مع ان فيه أغلب الخدمات بس أظن انو صعب للعوائل, العنوان التاني اللي اديتو في المره الماضيه أحسن بكتير

[ايهاب سالم]

حمد لله على السلامه يا جندي

صحيح الاوتيل قديم لكن عشان المنطقه كله يهون

و بعدين أقولك على سر

الاوتيل ده فيه غرف مجدده و غرف قديمه

أنا اول مره نزلت فيه كانت غير تاني مره

المره التانيه الغرفه كانت جيده جدا و كل حاجه جديده و بعدين لو هتقعد إسبوع او إسبوعين لحد ما تلاقي سكن مفتكرش إنها مشكله

بالنسبه لعدم مناسبته للعائلات.... أنا لما نزلت فيه مكنش فيه مشكله من الناحيه دي و كان كل اللي فيه عائلات مهاجره

معرفش حاليا أيه الوضع

و في النهايه الموضوع كله وجهات نظر

حاول بس تلاقي شقه إيجار في المنطقه

بس على فكره نو فريلز هيتشال بعد شهرين

و ده هيفرق جدا مع كل الناس اللي ساكنه في المنطقه

لكن هنكون إحنا كمان مشينا

بالتوفيق

تم تعديل 1 يوليو 2009 بواسطة ايهاب سالم

[ايهاب سالم]

أنا سامع من أحد أصدقائي الكنديين إن منطقة اسمها Guelph هي من أفضل الأماكن للمعيشة في أونتاريو ... ولو ربنا كتب لي القدوم الى كندا أفكر في عمل اللاندينج هناك وربما الاستقرار بها بعد ذلك ... يا ريت حد من اخوانا المقيمين في كندا يؤكد هذه المعلومة ويعطينا بعض التفاصيل عن الخيارات المتاحة للاندينج والاستقرار.

تحياتي لكم.

جوالف مدينه شمال غرب مسيساجا ... إمتحنت هناك ال G

معرفش عنها كتير لكن عموما مفيش مكان بعينه هو أحسن مكان للندينج و العيشه في كندا

كل واحد له رأي مختلف ووجهة نظر

عموما لو هتسكن في جوالف يبقى مش هينفع تشتغل في داون تاون لأن المسافه بعيده

[ايهاب سالم]

المنطقه رائعه بس الاوتيل قديم أوي مع ان فيه أغلب الخدمات بس أظن انو صعب للعوائل, العنوان التاني اللي اديتو في المره الماضيه أحسن بكتير

نسيت أضيف إني اعرف أسره مصريه عائلها بيشتغل في السعوديه عايشين في الفندق على طول

إقائمه دائمه

و معاهم تلات بنات

لو فيه مشكله اخلاقيه أعتقد إنهم كانوا مشيوا