الحكم باعدام هشام طلعت مصطفى و محسن السكري للمره الثانيه

[اغابي]

كوسة يا بلادي

[miramikhail]

معرفش و يمكن كتير مش حيوافقونى بس أنا القضية دية فيها حاجة مش مرايحانى من الأول يعنى معرفش ملعبكة كده و بعدين معتقدش أن هشام طلعت مصطفى مجرم زى جوز سوزان تميم اللى مش فكرة برنامج أية أستضافة وو قاعد فى جنينة فيلتة (قصرة يعنى) و حواليه بودى جارد و كلاب دوبر مان و حاجة كده أكننا فى قصر واحد من بتوع المافيا ولا اللى قاله على أبوها و حاجة كده تحس أن كل اللى يعرفوها أما بلطجية أو مافيا حاجة كده و بعدين ليه مفترضين أن فعلا طلعت مصطفى عايز يقتلها ممكن طبعا كان عايز يهددها عشان يرجع فلوسة لكن يقتلها عشان 2 مليون دولار بالمصرى 12 مليون جنية يعنى تمن ثلاث أربع فيلال من مدينتى يبقى بيهرج فعلا يعنى و مش منطقى أبدا يعنى هو فية واحد منا حيروح يقتل واحد عشان خد منه ألفان جنية (طبعا يعنى مه حاجة نسبية) ولية ما نقلش أنه فية صراع بينه و بين ناس تانية و ضربوا عصفورين بحجر يعنى وأقوى دليل وطبعا ممكن تكون محكمه أوى لأن ده لعب كبار و أبسط مثال و القريب قضية دكتور حمزة و التلفيقة اللى عملوهالوه و مش هنا فى مصر فى أنجلترا و طبعا كان كلة صراع مصالح ودكتور حمزة اللى مايعرفش ده من أشهر المتخصصين فى دراسة التربة على مستوى العالم .

و بعدين السكرى ده أسسأ ظابط مخابرات سابق فمش معقول يبقى بالسذاجة دية و يروح يشترى السكينة بالكريدت كارد بتاعة و يقتلها بيها و يرميها فى صندوق الزبالة ده لو واحد معندوش فكرة على حاجة كان راح دفن السكينة ولا رماها فى الخليج ولا حاجة يعنى لأن لو فعلا ده اللى حصل تبقى مصيبة

يعنى معرفش لية أنا حاسة القضية دية بذات فية حاجة مش مريحة

[president]

قبول الطعن ليس معناه البراءة يا ريس ..

يعني الواد عيسوي طعنه الحكم بالإعدام أتقبل .. لكن ممكن يتهبد 25 سنة

كذلك طلعت مصطفى اللي الأخ القاتل كان مسجل له مكالمات تخليه يتعدم 100 مره ... وكمان تحويل مبلغ أجرة إيده مقابل العملية 2 مليون دولار .. وكان بيعمل إيه هناك بالتحديد في دبي ساعة ما أتقتلت ؟ وهل بطاقة الإئتمان بتاعته أتسرقت منه وواحد راح اِشترى بيها سكينه عشان يقتل بها ؟ ..... إلخ

مانا عارف ان قبول الطعن مش معناه البراءه ... وعارف ان المحاكمه هتتعاد ووارد ياخد اعدام تانى او سجن او براءه .

بس الفكره فى ايه ..ان الموضوع لو بالبساطه اللى حضرتك بتتكلم بيها مانلغى احسن المحاكم والقضاء ونلغى كلية الحقوق بالمره ويبقى رجل الشارع العادى هو اللى

ممكن يحكم ويبقى قاضى بناء على كلمتين فى وسائل الأعلام ...

أستاذ س س أفهم من كلامك ان لو هشام طلع براءه يبقى قضاء مصر قضاء فاسد؟

فاكر حضرتك لما القضاء حكم بالبراءه لسرور بتاع هايدلينا - لو انا فاكر صح - والنيابه طعنت فى الحكم ورجع القضاء ادانه تانى ... ماهو سرور كان واصل برده وكانت النيابه ممكن

مطتعنش على الحكم لو كان فيه كوسه وكان ممكن ياخد براءه تانى لو كان فيه كوسه ...

انا شايف ان قضاءنا فوق مستوى الشبهات وحرام اننا نشوهه عشان كلام زى الكوسه والواسطه ...

تحياتى

[se_ Elsyed]

أفهم من كلامك ان لو هشام طلع براءه يبقى قضاء مصر قضاء فاسد؟

بالتأكيد في كثير من الأحيان فاسد عارف ليه ؟

لأن القانون فاسد

قانون أستمد معظم مواده من القانون الفرنسي و البلجيكي ...

قانون بيلعب به الحواه المحاميين وبيخربقوه زي حتة القماشة الدايبه .. ويسيب أركان القضية المتوافرة ويطلع المتهم براءه عشان خطأ في الاجراءات وإن الشرطة قبضت على المتهم من غير أذن نيابة ... يا حلاوه ؟

قانون يخلي فريد الديب يُفرد صفحات كاملة في مذكرة الدفاع على إن سكينة محسن السكري كانت عِدله والسكينة اللي أتقتلت بها سوزان تميم مشرشره

ولم يُشر من بعيد أو قريب لماذا ذهب وراءها من لندن لدبي وليه راح اشترى سكينه من أساسه ؟

تفتكر الفندق ما كانش فيه سكاكين كفايه عشان يقطع بها الجوافه :happy:

قانون طلع جميع المشتركين في جريمة إصابة قرية كاملة بالتيفود - قريدة البرادعة بالقليوبية - عشان المقاول المجرم أستخدم مياة مجاري لتجربة مواسير المياه ... وحمل المسئولية للأهالي اللي كانوا هايموتوا .. تخيل ده حصل من يومين ؟

قانون ما فسرش هو ليه محسن السكري محتفظ باتنين مليون دولار في ضهر البوتجاز ومعاهم بضع اكياس هيروين أصل بعيد عنك معروف أنه كان شمام

وغيره وغيره

لكن يقتلها عشان 2 مليون دولار

لأ يا مدام ميرا

ده المبلغ ده كان أجرة إيد السكري عشان ينفذ العملية وده بتحويل بنكي رسمي من هشام وكمان من خلال المكالمات التليفونية المُسجلة بينهم اللي أعترف بها السُكري بنفسه وقدمها للنيابة عشان ما يشيلش الليلة لوحده

وبعدين ده كان ظابط أمن دولة وأترفد لسوء سلوكه

ومسك مدير امن في شركة أوراسكوم بتاعت ساويرس وسافر العراق لفرع الشركة هناك ونصب على ساويرس حتت نصبه هههههههههههه

اتفق مع عصابة عراقية إنهم يخطفوه مع مجموعة من الموظفين ويطلبوا فديه .. وبعدين نصص معاهم .. لوما ساويرس عرف بعد كده رفده من غير شوشرة .. وراح أتعين عند طلعت مصطفى في مجموعته وتحديداً في شرم الشيخ

[miramikhail]

وبعدين ده كان ظابط أمن دولة وأترفد لسوء سلوكه

يأستاذ سى السيد اللى عايزة أقولة أن لو واحد مش متعلم مش ظابط أى أن كان أمن دولة ولا مخابرات ميعرفش يدارى جريمته بمتهى السذاجة دية يبقى فيه حاجة غلط يأما هو أهبل ودية تبقى مصيبة كبيرة لأن المفترض أنه يبقى شخصية حريصة جدا ولما يعمل حاجة زى دية ما تتكشفش بالسهولة دية و تكون فيها الأخطاء دية أما حد طبخة أى كانت طريقة الطبخ اللى أتعمل .

وكلام فى سرك أزعل أوى لوكان هو فعلا أهبل تبقى مصيبة على البلد لأن ما ترفدش لعدم كفاءة ده أترفد لسؤ سلوكة يعنى لو كان سلوكة كويس كان ودنا فى مصيبة