بدون عنوان ..

[NavigatorEg]

السلام عليكم ..

الحقيقه يا جماعه مقدرتش الاقي عنوان مناسب للموضوع ده ..

انا هسيبكوا تشوفوا الاول و بعدين نتكلم ..

:lol: :) :)

تم تعديل 25 يونيو 2009 بواسطة NavigatorEg

[doudy]

حكاية الورد دى مفروغ منها زوجى لما بيحس انه زعلنى بيجيبلى ورد

بس بجد بحيي الزوج جدا جدا لشجاعته الجامدة و رومانسيته الفظيعة

يا بختها فعلا :lol: :)

[Salwa]

حكاية الورد دى مفروغ منها زوجى لما بيحس انه زعلنى بيجيبلى ورد

بس بجد بحيي الزوج جدا جدا لشجاعته الجامدة و رومانسيته الفظيعة

يا بختها فعلا :lol: :)

رومانسية ايه بس ؟؟

يعنى هو اكيد عمل حاجة مؤلمة جدا جدا جدااا .....(( ده يعنى لو مكانش الموضوع كله متفبرك ))...........وعلشان يضطر يعتذر بالشكل ده...!!!!!!!!! ويعترف انه كل مرة بيصالحها بالورد ؟؟ ...هى كام مرة زعلها يعنى .....دول لسا صغيرين وولادهم صغيرين وبيعملوا فى بعض كدة ؟؟ قصدى بيعمل فيها كدة ؟؟ طيب هو ده كلام ؟؟

اى نعم هو شئ جميل جدا جدااا ان الزوج يصالح زوجته بالورد ........وكمان من وقت للتانى يهديها الورد ....ده مهم جدا جدااا..

لكن؟؟

مش كل شوية يتخانق ويصرخ ويعمل فضايح .....و....و.....زى ماهو بيقول .......ده هو اللى بيقول انا غلطت قدام الناس وعلشان كدة قررت اصالحها قدام الناس برضه

طيب...

هو المفروض يعنى لايحصل زعل ولا صلح قدام الناس .........!!!

لكن حركات ...وتقولوا لى رومانسية ؟؟؟

دى رومانسية ؟؟

طيب...

هو اساسا يعنى ....لو بيحبها (( ربع حب روميو وجولييت )) مكانش استحمل عليها الهوا الطاير (( زى ما بيقولوا )).........هو يعنى الأمر مايسلمش ان الزوجين يتخانقوا ويزعلوا وكل حاجة ...بس مفروض محدش يعرف عنهم اى حاجة ...

واللى بينهم وبين بعض حتى اولادهم مايحسوش بيه ..

معلش ياجماعة .....ده مجرد رأى من واحدة اتربت على العادات القديمة ..

عبر لى عن حبك واهتمامك .....من غير خناقات قبلها ...

سلام... و ...ود ... وامان ...واحترام ....دائما..

[Folana]

السلام عليكم ورحمة الله.....

فى البداية أنا اتأثرت جدا...والدمعة فرت من عينى....لكن بعد شوية تفكير ..قلت طيب وهو أخد معاه الفرقة الموسيقية...وأخد معاه قناة الاوربت؟..ولا القناة الفضائية كانت ماشية بظروفها ففوجئت بهذا المشهد الرومانسى المؤثر؟ :)

بالاضافة الى انه داخل بقلب جامد وكأنه بطل مغوار ولا كأنه عمل حاجة مثلا...معتمدا على مثل "لولا سلامك سبق كلامك...." :)

كنت اتمنى اشاهد الفيديو اللى اهانها فيه اهانة جامدة على حد قوله....

طبعا ده مجرد تفكير عابر كده....لكن نرجع للهدف من وراء القصة....وهو عودة الرومانسية لحياتنا....وفعلا لو كل زوج او زوجة أخطأ فى حق شريك حياته ..اعتذر له ولم تأخذه العزة بالاثم...مش ضرورى يعتذر بفرقة موسيقية..ولا بهدية تحمل معها فاتورة تدل على قيمتها...ولا حتى بوردة...يكفى كلمة اعتذار من القلب...أو تصرف يمحو ماسبقه .....وعلى الطرف الاخر أيضا ان يتعلم كيف يسامح ويتقبل الاعتذار....

شكرا يا استاذ نافيجيتور على هذه النفحة الرومانسية التى أعادت لنا ذكري الزمن الجميل.....

:lol:

[enjisultan]

طبعا اساسى كدة شكلة كدة عامل مصيبة

فى افورة طبعا

وهو تلاقى حد من قرايبوا بيتشتغل فى البرنامج قالوا تعالى يابنى لما اطلعك انت ومراتك فى البرنامج

البنت شكلها متاثرة جدا

مش عارفة حاسة كدة انة بيمثل

ورايى بقى بصراحة انها طالما عمل حاجة تجرحها برضوا ماتسمحوش بشوية الكلام الفاضى دا

معقدة جدا

عارفة

[ذهبية]

سواء كانت الحركة دى مفتعلة او متفق مع قناة خاصة عرض شو اى كان هى فعلا حركة جامدة بجد

دموعى نزلت وانا باتفرج علية باحى شجاعتة و جرأتة

ياترى فية كام راجل مصرى ممكن يعمل حركة زى دى قدام كل الناس و يعتذر لمراتة دة بيكون الراجل غلطان

والغلط راكبة من فوق لتحت و بيقلب الموضوع و بيخلى الست هى اللى تتاسف و ساعات يعمل نفسة

زعلان و يسيب البيت و يسهر مع اصحابة وهى تولع فى البيت

بجد ربنا يسعدهم اى كانت غلطتة بصراحة كفاية الحركة دى علشان يحافظ على بيتة و مراتة

ومش هنقول هو غلط لية من الاول او غلطة كبير احنا بشر و لنا غلطات والاكرم فينا اللى يعترف بخطا

ولا يكون متكبر و يعتذر

[Alshiekh]

ياترى الغلطة دى كلفته كام؟

وياترى بتوع القاهرة اليوم اخذوا الفريق بتاعهم ونزلوا مجاملة والا لوجه الله والا ايه بالضبط وياترى مين دفع تكاليف انتقالاتهم واجورهم؟

ان ان الموضوع كله عيلة فى بعض وتعالوا نعمل شو؟

[fatfouta]

طبعا اساسى كدة شكلة كدة عامل مصيبة

فى افورة طبعا

وهو تلاقى حد من قرايبوا بيتشتغل فى البرنامج قالوا تعالى يابنى لما اطلعك انت ومراتك فى البرنامج

البنت شكلها متاثرة جدا

مش عارفة حاسة كدة انة بيمثل

ورايى بقى بصراحة انها طالما عمل حاجة تجرحها برضوا ماتسمحوش بشوية الكلام الفاضى دا

معقدة جدا

عارفة

لا عندك حق يا إنجى فى كل كلامك ولا معقدة ولا حاجة

وكله شكله فبركة مش عارفة ليه حسيت برضو انه اتفاق مع القناة او حد بيشتغل فيها مطلعهم

ده رأيى

[لولا]

بعيدا عن جو الإصطناع هذا كله .. والفرق الموسيقية .. والكاميرات .. والقنوات الخاصه .. وما سيتحاكى به الجيران لشهر قادم

هل حقا هذا التصرف يمكن ان يفرح قلب اى زوجه ؟؟

عن نفسي ابدا ..

لا اعرف موطن الرومانسيه فى كل هذا المسلسل لأن شخص رومانسي بهذا القدر وهذا الإحساس المرهف ورقة القلب

قادر على احتواء زوجته وغسل المها ايا كان بحب وحنان يجمعهما بصدق وعفويه لا تتوسطه عدسات الكاميرات واضاءت التصوير .

ما يحدث فى البيت ياجماعة هو اسرار مقدسه فعلا .. على فكره ياماما سلوى لست ابدا ذات طراز قديم ولكنها الأصول

الأصول الرائعة .. الجميلة .. الرومانسيه اكثر من كل هذه الإصطناعات والمظاهر واخراج اسرار البيوت للعامه الذين لن يكفون

عن السؤال عن سبب المشكله فى الأساس.

قمة الرومانسيه هى اشياء تجمع اثنين .. اثنين فقط ولا احد يتوسطهما .. وردة واحده صادقه بكلمة من القلب مفعولها يفوق بملايين المرات

اكبر بوكيه فى الدنيا وقاموس شعر لا يخرج بعمق من القلب وتصوره كاميرا قناة خاصه !!

الزوجة لا تحتاج لكل هذه المظاهر لتغفر غلطه من زوجها ..

تكفيها جدا ان تشعر انه فعلا نادم ..يكفيها ان تحس انه يعود اليها ليحتويها بحب ويعتذر بكلمه او حتى مجرد حضن مليء بالموده والرحمة

والتقدير وفى ذلك رومانسية العالم اجمع . فى ذلك رومانسية لا يصنعها مهرجان موسيقى تحت بلكونة المنزل ولا محل ورد كامل ! .

تحياتى

لولا

[نبض الابداع]

السلام عليكم

حد شاف حلقة امبارح ( 90 دقيقة )

وشاف تفاهة معتز الدمرداش

وتفاهة قصة رهام وجوزها المهندس ايهاب

اللى عمل يافطة لمراته عشان تصالحة وكمان حبسها في البلكونة

ومعتز كان نفسو يديلو جائزة نوبل

وانا كنت حاسة بالهبل

مش حيبطلوها القناة دي !!!!!!!!!!!!!!!!!!!!!! :rolleyes:

[OmarBak]

فعلا كلام فاضي جدا

[نبض الابداع]

اهي اهي

كتب لها يافطة 12 متر وارتفاع 7 متر

وكمان جاب عازفين .... لزوم الرومانسية !!!!!!!!!!!!!!!!!!!! اه يا ناري

[mandoo]

على فكره المهندس / ايهاب قام بعمل بطولى وإستفذ مشاعر الستات وأراهنك بعد الحلقة دى نسبة الطلاق زادت .

بس بينى وبينك الستات بيموتوا فى الحاجات اللى فيها شو زى كده ، طيب إيه رأيك فى الست اللى بعتت رسالة لجوزها وهى فى المطبخ بتقوله بحبك وتتصل بمعتز علشان ينبه جوزها ويقوله يامحمد روح لزوجتك فى المطبخ ( هى الشقة كبيرة أوى كده ) .

وصدقت الست أم كلثوم لما قالت حب إيه اللى إنت جاى تقول عليه إنت عارف معنى الحب إيه

وربنا يصبرنا على الهيافة

[محمد يوسف]

يبدو أن ظاهرة مهند ونور مازالت تسيطر على المجتمع المصري

ولو أنا من إيهاب بدل اليافطة

أفصل بتمنها فستان للمدام

ناس رايقة ياعم

[مغتربة]

يبدو أن ظاهرة مهند ونور مازالت تسيطر على المجتمع المصري

ولو أنا من إيهاب بدل اليافطة

أفصل بتمنها فستان للمدام

ناس رايقة ياعم

بس هيه عندها اليافطه دى احلى من ميت فستان

حقيقى النساء من الزهره و الرجال من المريخ

[محمد يوسف]

يبدو أن ظاهرة مهند ونور مازالت تسيطر على المجتمع المصري

ولو أنا من إيهاب بدل اليافطة

أفصل بتمنها فستان للمدام

ناس رايقة ياعم

بس هيه عندها اليافطه دى احلى من ميت فستان

حقيقى النساء من الزهره و الرجال من المريخ

مش ممكن نزعل الستات ده إحنا من غيركم ولاحاجه

دلوقتي ها أجر لوحة الكترونية وأكتب عليها للمدام أحلى شعر

بس خايف تقولي اللي يعوزه البيت ....

[se_ Elsyed]

خايف أفتح باب السياسة الاقي الموضوع ده فيه ...

تم ضم الموضوعين مع بعضيهم

[سهرانه]

بصراحه ....كليب غير مقنع

وانا اول ماشوفته حسيت اني باتفرج على لقطه من حلقه من مسلسل مصري

ثم انا شايفه ان دي مش طريقه للاعتذار بين زوج وزوجه .مهما عمل الاعتذار يكون بيهم وبين بعض في بيتهم ومش معنى انه غلط فيها امام الناس يبقى الاعتذار بالطريقه دي امام الناس برضو

سوري انا شايفه ان الموضوع اوفر قوي

ومش معنى كده ان الزوجات مش بتحب الاعتذار عن طريق تقديم الورد او هديه اوخروجه او فستان جديد.....الخ

لكن بالطريقه دي ماقدرش اقول اكتر من انها تمثيليه

[جيمي]

بصراحه بقه الراجل ده مش تمام يعنى البيوت اسرار والراجل ده شكله غاوي فضايح يعنى فى الاول يزعل مراته ادام الناس ويصالحها ادام امة لا الله الا الله ويعمل من نفسه ومن بيته لبانه على لسان كل الناس .............. انا مش مبسوط من اللى عمله ده

[elfakhrany]

الراجل ده جرىء جدا وعجبتنى طريقة مصالحة زوجته .. تحيا مصر وهى دى الديموقراطية أعمل اللى انت عايزه وذيع على الفضائيات