استفسار عن الشحن لمصر

[عاشق الترحال]

الأخوان الأعزاء والأخوات الفاضلات

السلام عليكم ورحمة الله وبركاته

عندي استفسار آسف أنه ممكن يكون سخيف عند البعض بس مهم بالنسبه لي , إبني عيد ميلاده يوم الأحد القادم 28/06/2009م وهو أول فرحه ليا وإشتريت له هديه ونفسي أبعتهاله فى عيد ميلاده و المشكله ان مفيش حد أعرفه نازل قبل 15/07/2009م فلو أي حد من الساده الأعضاء يعرف طريقه أبعتهاله بيها وتوصل في خلال يومين قبل المناسبه دي أكون شاكر جداَ ولو أى من الأعضاء مسافر مصر فى خلال اليومين دول وحابب لو يتكرم ياخدها معاه وبالمناسبه وزنها لا يتعدى (1 كجم )( واحد كيلو جرام ) أكون شاكر جدا لكم.

آسف بس أكيد الآباء والأمهات منكم بيقدروا المشاعر دي.

شكرا لكم.

[أسد]

الأخوان الأعزاء والأخوات الفاضلات

السلام عليكم ورحمة الله وبركاته

عندي استفسار آسف أنه ممكن يكون سخيف عند البعض بس مهم بالنسبه لي , إبني عيد ميلاده يوم الأحد القادم 28/06/2009م وهو أول فرحه ليا وإشتريت له هديه ونفسي أبعتهاله فى عيد ميلاده و المشكله ان مفيش حد أعرفه نازل قبل 15/07/2009م فلو أي حد من الساده الأعضاء يعرف طريقه أبعتهاله بيها وتوصل في خلال يومين قبل المناسبه دي أكون شاكر جداَ ولو أى من الأعضاء مسافر مصر فى خلال اليومين دول وحابب لو يتكرم ياخدها معاه وبالمناسبه وزنها لا يتعدى (1 كجم )( واحد كيلو جرام ) أكون شاكر جدا لكم.

آسف بس أكيد الآباء والأمهات منكم بيقدروا المشاعر دي.

شكرا لكم.

DHL

TNT

UPS

بلاش البريد السريع

[doha]

قدر الله وماشاء فعل لو قلت من اسبوعين بس كان والدي ووالدتي مسافرين واكيد كانوا يرحبوا ياخذوا الهدية دي معاهم .. معليش خير

على كل حال زي ماقالك الاستاذ اسد احسن واضمن طريقة هي الدي اتش الي بس خلي بالك ان عليها جمارك يعني اي حاجه هترسلها له من هنا مش هيستلمها من هناك غير بعد مايدفع المعلوم مهما كانت قيمتها هتدفع عليها جمرك ..

في طريقة تانيه والدتي جربتها مرة ونفعت معرفش ازاي ..

كان عند اختي امتحانات ومحتاجه جهاز الترجمه ( اطلس )وهو خفيف وحجمه صغير .. المهم ماما وبابا طلعوا المطار واستوقفوا اسرة مصرية بشكل عشوائي وشرحوا لهم الوضع فرحبوا جدا واخذوا الجهاز معاهم ( كان طبيب مصري واسرته ) وفعلا رحنا استلمناه من مصر عادي جدا .. بصراحه جزاهم الله كل خير ..

وربنا يسهل يمكن تلاقي حد مسافر اليومين الجايين ..

[عاشق الترحال]

انا متشكر ليكم جداَ على ردودكم

وعلى فكره انا رحت المطار الصبح وللأسف اللي قابلتهم كلهم مرحبوش بالفكره ولا الموضوع من أساسه مع اني سايبها من غير متكون ملفوفه علشان يتطمنوا ويشوفها بعينه بالإضافه إنها خفيفه جداَ لكنهم رفضوا ومنهم دكتور من السنبلاوين من المنصوره جنبنا و مع ذلك رفض إلا إذا لقيت له حد يساعده ويدخل له شنطه تتشحن قبل الميعاد المحدد لدخولها شحن وفعلا حاولت وكلمت واحد اعرفه شغال في المطار بس للأسف مقدرش يعمل حاجه لأنها بتتم عن طريق الكمبيوتر بوقت محدد قبل الرحله ومع ذلك بعد الراجل ماقاله مش هقدر اعمل حاجه قالي آسف مش هقدر آخدها قلتله شكرا وسبته ومشيت .

عالعموم أنا آسف أني طولت عليكم ومتشكر لردودكم وإهتمامكم وجزاكم الله خير.