يا ست البيت يا مصرية صباح الخير على عيونك ساعدينى .. واساعدك

[ام بودى]

ولادى حيجننونى البيت بقى سيرك وزى ما بيقولوا العمار فى سنة والدمار فى ثانية اقوم على البيت واخلية بيشف ويرف من النضافة والترتيب واخذ وعودا وعهودا منهم بالالتزام بالترغيب مرة ويا حبيبى حجبلك وحعملك وياحبيبتى حسويلك ومرة بالترهيب حكسر دماغك حموتك من الضرب مانتوش رايحين وطبعا يقسموا باغلظ الايمان انهم مثال لحفظ العهود والمواثيق وطبعا فى اقل من ساعة يتحول البيت بقدرة قادر الى صالة العاب ومسرح عرائس اللعب فى كل حتة كور وعربيات وطيارات وسكوتر وكمان عجل كراسات تلوين والوان قصص ومجلات ميكى فى اماكن لا تخطر على بال حد يا مؤمنين دا انا لقيت لعب فى التلاجة لقيت معالق وشوك فى درج التسريحة دا غير عرائس المفعوصة اللى سايقة الدلال اكمنها وحيدة على اتنين صبيان طبعا مكياجى وحاجتى وحاجتها امشاط وتوك واكسسوارات مشطبة عليهم على العرائس بتاعتها اما الاستاذ بودى عبقرى زمانة فطلعلنا بفنة جديدة الا وهى تنفيذ التجارب اللى بيشوفها فى الكارتون اللى مبقاش كارتون فين توم وجيرى فين عالم سمسم وبوجى وطمطم دلوقتى فية مختبر دكستر والجاسوسات والمقاتلات المهم شاف تجربة ونفذها وفاجانى ال اية بملا كوباية ويحط معلقة فيها ويحطها فى الفريزر وبعدين يقلبها ويمسكها من المعلقة تبقى لوليتا وطبعا استعمل الكوبايات الزجاجية وطبعا اتشقوا وانفجروا اول ما اتجمدوا وراحت الكوبايات بلاها كوبايات مش حنشرب شاى نيجى بقى لتجربة البيض البيضة البيضاء يحطها فى مية وخل ويسسبها ويغيرلها المية بخل كل ساعتين تتحول للون الاصفر ولو حطينا مع المية خضرة تتحول خضرا وهكذا وانا اقول البيض بيروح فين .المهم حتقولو اية علاقة الكلام دة بموضوع المساعدة والمشاركة اقولكم ان انا تعبت من البقع والتلطيش اللى فى الموكيت والانترية والشخبطة على الحيطة مسألة متعبة ومرهقة وتاخد وقت طويل نيجى للجد عاوزة كل ستوتة حلوة وامورة وشطورة ندخل تقولنا اشطر حاجة بتعملها فى البيت يعنى شاطرة فى الترتيب بسرعة ومهارة وحرفية استاذة فى التنظيف بطرق سحرية مش مضنية او كى الملابس عندها مزاج وحرفنة وتقولنا كل واحدة عن اسرار الحاجة اللى بتعملها بيرفكت وبعدين تقولنا كمان عل الحاجة اللى بتكرة تعملها وسورى يعنى خايبة فيها عشان غيرها يفيدها بخبراتة وبكدة نكون كلنا استفدنا وبقينا ستات وبنات شطورات ونعيش فى تبات ونبات ويغلبونا الصبيان والبنات

[جيمي]

ماتزعليش منى انا عندى اشوف منظر الاطفال كتير كده و بيلعبو ومكسرين الدنيا والدنيا مبهدله احسن مالاقى البيت فاضى من غير اطفال او الاقى فيه عيال بقه مش اطفال ممله وكئيبه......وبعدين الواد بودي بتاع التجارب ده شكلو هيطلع عالم ذره من بتاعة النووي مش المشوي طبعاا :lol: :sad:

ربنا يحفظهم لحضرتك :rolleyes:

[icehearted girl]

:sad: wst:: wst::

مش قادرة امسك نفسي مالضحك

خصوصا مووضوع اللوليتا دا

علي فكرة دي حاجات ايجابية انتي بس اللي مضايقك انها بتيجي فالاخر علي مجهودك :rolleyes:

اقلك فكرة

اعمليلهم اوضه خاصة بس باللعب

حتي اللي عاوز يعمل تجاربه يعملها جواها

خليهم كمان يربوا كائن حي

هتفرق اوي معاهم

سواء اكان نبات او حيوان

ولو مبيلعبوش رياضة يلععبوا

خليهم يطلعوا طاقتهم برا البيت عشان يرجعوا مهدودين :lol:

[rewsha]

wst:: wst:: md2:

مش قادرة امسك نفسي مالضحك

خصوصا مووضوع اللوليتا دا

علي فكرة دي حاجات ايجابية انتي بس اللي مضايقك انها بتيجي فالاخر علي مجهودك :rolleyes:

اقلك فكرة

اعمليلهم اوضه خاصة بس باللعب

حتي اللي عاوز يعمل تجاربه يعملها جواها

خليهم كمان يربوا كائن حي

هتفرق اوي معاهم

سواء اكان نبات او حيوان

ولو مبيلعبوش رياضة يلععبوا

خليهم يطلعوا طاقتهم برا البيت عشان يرجعوا مهدودين :lol:

كلام الاخت ايس هيل 100%1100

وكلام مظبوط .بس اعتقد ان ولادك مش من الجنس الناعم يعني كلهم ولاد .لان البنات مش كده

انا عندي بنتين .صحيح ياما بيعملوا فيه بس مش للدرجه دي . :sad:

لو ولادك كبار شويه ممكن تجيبي لهم قصص يقراؤها تساْليهم عنها اتعلموا ايه منها وكده علشان تنمي موضوع القراه عندهم

كمان ممكن تخليهم يساعدوكي في تنظيف البيت

يعني انا اخر ما زهقت من كتر ما اروق غرفه البنات عندي وارجع الاقيها متبهدله

قلت لهم اعملوا اللي انتوا عايزينه بس في غرفتكم .وكل اللي عايزاه ان بعد اللعب ارجع الاقيها نظيفه ومكنوسه وممسوحه كمان .

وليه صاحباتي بيشركوا ولادهم في تنظيف البيت معاهم باي حاجه .حتى لو يمسك حتت قماشه ويلمع الطرابيزات

بس علشان يشغلوهم ويخلوهم يحسوا بقيمة ان الواحد لما بينظف حاجه بيخاف عليها بعد كده انها تتوسخ تاني او حد يبوظها له

يعني مكن تخصصي لكل واحد حاجه يبقى مسؤل عنها وعن نظافتها

علشان يحسوا بتعبك لما بتنظفي انت لواحدك

انا مره قلت لبنتي شيلي زجاجة الميه دي دخليها في الثلاجه.قالت لي مش انا اللي جايباها مش دلوقتي بعدين دي اختي

روحت راده عليها وقلت لها طيب لما تيجي تطلبي مني حاجه اعملها لك هاقول لك بعدين .كمان انا مش هاغسل لك هدومك ومش هاعمل لك اكلك واعماملك بنفس الطريقه واقول ماليش دعوى انا هاعمل لنفسي وبس

ومن ساعتها اتعلمت انها تعمل للكل زي ما انا باعمل للكل برضوا وانها تساعد اختها وترتب الغرفه حتى لو مش هيه اللي مبهدلاهاطبعا ما تتوقعيش انهو يستجيبوا علطول ويتعلموا علطول .بس مره على مره هايتعلموا التعاون

[ذهبية]

طبعا انا عارفة وحاسة بكل الى بتقولية لان ولادى ربنا يخليهم زى ما بتوصفى بالضبط و اصعب كمان وعندى نسخة التانية من المخترع اللى عندك

بزيادة بقة انة بيحب يفكك كل الالعاب بتاعتة و يحب يرجعها مكانها تانى و طبعا بتبوظ و اضطر اشترى واحدة تانية

انا بقى يا ستى باحاول اعمل معاهم بعض التجارب اللى بعضها نجح و بعضها لا

كنت فى الاول بصراحة باتبع نظام الضرب فى الاول جاب نتيجة لحد ما نحسوا و مبقوش بيحسوا عنت باتبع نظام نقطة الضعف

يعنى لكل واحد فيهم نقطة ضعف يعنى عمر ابنى بيموت فى الكمبيوتر و الالعاب والبلاى استيشن يبقى عقابة انة ممنوع من اللعب

اخوة بقى لا ضرب نفع و لا عقاب نفع ولا منع المصروف نفع و لا منع الخروج نفع و لا منع اللعب نفع

اخيرااااااااااا عرفت نقطة ضعفة

انك تحرجية قدام حد بالذات اصحابة او حد من البنات بسسسسسس ومن ساعتها بقى هيةةةة هتعمل كذا ولا .......... اصحابك هيعرفوا و طبعا مفيش مانع من زيارة تهديد كدة على الماشى فى المدرسة

واقف قدام الفصل لفرد العضلات وانى هادخل اقول للفصل وطبعا بيكون جوة هيعيط اقولة ماشى المرة دى مش هاقول لكن انت عارف بقى ان سهل قوى ادخل

وبينى و بينك مش بألجا للموضوع دة الا لما باوصل لطريق مسدود معاة

انصحك بقى انك تعرفى نقطة ضعف ولادك اية و يبدأ من هنا ذكائك امتى تستخدمية

طبعا اللى بيعمل اللى قولت علية و بيسمع الكلام دايما لة جايزة عندى بس مش فى كل الاقاوت لانى حسيت برضة ان العيال هتطلع مستغلة و بدا نغمة هتدينى اية و كام و لا اية بيفاصلوا

يعنى كل شىء فى المعقول سواء عقاب او ثواب و ربنا يقوينا عليهم

ذهبية

[se_ Elsyed]

ههههه

كل البيوت كدا إلا ما ندر ..

الغريبة بقى شوفت أولاد السوريين مثلاً جيراننا مش كده خالص

ما شاء الله

التُحف ماليه البيت

والتشكيلات الزجاجية

و

و

و

وإحنا الحاجات دي متحرمه علينا

والله العظيم فقدنا كذا قطعة كريستال من لعب الكورة والتنس والمصارعة في البيت وبأبقى هاين عليه أعيط بس الواحد بيمسك نفسه

فعلاً الكارتون العنيف بوظ عقول العيال

والسبب الرئيسي قبل كذلك ذلك هو حبسة البيت

أنا فاكر وأنا صغير ما كنتش بشوف البيت الا على النوم ..

يعني يا بنلعب على سلم البيت أو في الشارع مع أولاد الجيران وبالتالي بنرجع مهدودين وما بنعملش شقاوة ..

أولادنا بالذات في الغربة معذورين ..

حبسه طول النهار في البيت .. بل مش في البيت كمان ...

ده معظم الشقة بتبقى منطقة محظورة عليه ... فبيضطر يتقوقع داخل غرفته

والطفل ما يعرفش حاجه إسمها هانخرجك يا حبيبي في الويد إند فقط ..

طب وباقي الإسبوع يعمل إيه ؟

ما هو عنده نشاط وطاقه عايز يخرجهم ويعبر عنهم ...

حتى العاب الكمبيوتر والبلاي ستيشن ..

والله العظيم أبناء بعض أصدقائي أُصيبوا بالصرع .. ايوه صرع وتأثيرات عالمخ من كتر التمترس أمام البلاي زفت طول اليوم ومن كتر التنشنة وألعب يالا وأخبط وحاسب حاسب .. وتلاقيه ماسك دراع البلاي ستيشن ومعصب نفسه ويبقى خلاص على وشك الدخول داخل اللعبه ... كل ده بيأثر عالمخ لما نعرف إن بعض الأباء والأمهات بيتركوا أولادهم زيادة عن 5 ساعات يومياً أمام مثل تلك الألعاب .... عشان يلهوا العيل ويتجنبوا شره ...

الكل معذور

الاولاد معذورين عشان محبوسين ..

والأباء معذورين عشان مشغولين ومش لاقيين حلول ...

[ام بودى]

جيمي مشاركة بتاريخ أمس, 02:39 PM

ماتزعليش منى انا عندى اشوف منظر الاطفال كتير كده و بيلعبو ومكسرين الدنيا والدنيا مبهدله احسن مالاقى البيت فاضى من غير اطفال او الاقى فيه عيال بقه مش اطفال ممله وكئيبه......وبعدين الواد بودي بتاع التجارب ده شكلو هيطلع عالم ذره من بتاعة النووي مش المشوي طبعاا

ربنا يحفظهم لحضرتك

صباح الخير فعلا حضرتك عندك جق الاولاد نعمة من عند ربنا ربنا ما يحرم حد منها بس كمان التربية مش سهلة انا مش فاهمة دة لان الدنيا اتغيرت ودول جيل التكنولوجيا وثورة المعلومات ولا لان احنا مش زى اهالينا ايقاع الحياة اللاهث واختفاء الروقان بتاع زمان اللى كان مخلى اهالينا عندهم طولة بال وحسن تصرف مع حماقات الاطفال اعترف اننى اقف عاجزة احيانا كثيرة امام تصرفاتهم وكيف اتصرف بحكمة واقومهم ناهيك عن اسئلتهم التى تكشف جهلنا ومدى سعة عقولهم المنفتحة على النكنولوجيا الحديثة ..جيمى الموضوع كبير كبير يطلعلو كدة اد كيلو ونص

[ام بودى]

icehearted girl مشاركة بتاريخ أمس, 03:44 PM

مش قادرة امسك نفسي مالضحك

خصوصا مووضوع اللوليتا دا

علي فكرة دي حاجات ايجابية انتي بس اللي مضايقك انها بتيجي فالاخر علي مجهودك

اقلك فكرة

اعمليلهم اوضه خاصة بس باللعب

حتي اللي عاوز يعمل تجاربه يعملها جواها

خليهم كمان يربوا كائن حي

هتفرق اوي معاهم

سواء اكان نبات او حيوان

ولو مبيلعبوش رياضة يلععبوا

خليهم يطلعوا طاقتهم برا البيت عشان يرجعوا مهدودين

الحقيقة احنا فى غربة والحياة هنا تختلف عن مصر والخروجات بتبقى محدودة هما فعلا مكتومين وخروجات الحدائق للعب والانطلاق نادرة لان الجو شديد الحرارة اغلب ايام السنة وكمان انا لو جبتلهم كائن حى يتلهوا فية حكون جبت لنفسى مصيبة جديدة

[ام بودى]

rewsha مشاركة بتاريخ أمس, 04:33 PM

كلام الاخت ايس هيل 100%1100

وكلام مظبوط .بس اعتقد ان ولادك مش من الجنس الناعم يعني كلهم ولاد .لان البنات مش كده

انا عندي بنتين .صحيح ياما بيعملوا فيه بس مش للدرجه دي .

لو ولادك كبار شويه ممكن تجيبي لهم قصص يقراؤها تساْليهم عنها اتعلموا ايه منها وكده علشان تنمي موضوع القراه عندهم

كمان ممكن تخليهم يساعدوكي في تنظيف البيت

يعني انا اخر ما زهقت من كتر ما اروق غرفه البنات عندي وارجع الاقيها متبهدله

قلت لهم اعملوا اللي انتوا عايزينه بس في غرفتكم .وكل اللي عايزاه ان بعد اللعب ارجع الاقيها نظيفه ومكنوسه وممسوحه كمان .

وليه صاحباتي بيشركوا ولادهم في تنظيف البيت معاهم باي حاجه .حتى لو يمسك حتت قماشه ويلمع الطرابيزات

بس علشان يشغلوهم ويخلوهم يحسوا بقيمة ان الواحد لما بينظف حاجه بيخاف عليها بعد كده انها تتوسخ تاني او حد يبوظها له

يعني مكن تخصصي لكل واحد حاجه يبقى مسؤل عنها وعن نظافتها

علشان يحسوا بتعبك لما بتنظفي انت لواحدك

انا مره قلت لبنتي شيلي زجاجة الميه دي دخليها في الثلاجه.قالت لي مش انا اللي جايباها مش دلوقتي بعدين دي اختي

روحت راده عليها وقلت لها طيب لما تيجي تطلبي مني حاجه اعملها لك هاقول لك بعدين .كمان انا مش هاغسل لك هدومك ومش هاعمل لك اكلك واعماملك بنفس الطريقه واقول ماليش دعوى انا هاعمل لنفسي وبس

ومن ساعتها اتعلمت انها تعمل للكل زي ما انا باعمل للكل برضوا وانها تساعد اختها وترتب الغرفه حتى لو مش هيه اللي مبهدلاهاطبعا ما تتوقعيش انهو يستجيبوا علطول ويتعلموا علطول .بس مره على مره هايتعلموا التعاون

لا فيهم بنت بس بتقلدهم فى كل الشقاوة الصبيانى وبعدين اللى بتقولى عليهم دول العيال العاديين الطبيعيين بتوع اغسل يديك قبل الاكل وبعدة واغسل سنانك ونام الساعة سابعة يا حبيبتى يا روشة انتى لسة عايشة بافكار ماما نجوى و بابا ماجد احنا بالصلا على النبى عيالنا مياكلش معاهم الكلام دة يعنى لا حكومة تهم ولا بوليس يلم

[ام بودى]

ذهبية مشاركة بتاريخ اليوم, 01:24 AM

انصحك بقى انك تعرفى نقطة ضعف ولادك اية و يبدأ من هنا ذكائك امتى تستخدمية

طبعا اللى بيعمل اللى قولت علية و بيسمع الكلام دايما لة جايزة عندى بس مش فى كل الاقاوت لانى حسيت برضة ان العيال هتطلع مستغلة و بدا نغمة هتدينى اية و كام و لا اية بيفاصلوا

يعنى كل شىء فى المعقول سواء عقاب او ثواب و ربنا يقوينا عليهم

هى نظرية برضو ممكن تريح الدماغ شوية لكن اعتقد انها لا تصلح على المدى الطويل يعنى ابنى الكبير مثلا عنيد ولو قلتلة انت معاقب بالحرمان من كذا عشان عملت كذا بياخد موقف حارب الغلاء بالاستغناء يعنى مش عاوز ةاية يعنى وساعات بيستجيب بس لما تكون الحاجة طالعة من عينة عشان كدة موضوع استخدام نقط الضعف مش مجدى على طول

[ام بودى]

se_ Elsyed مشاركة بتاريخ اليوم, 09:16 AM

ههههه

كل البيوت كدا إلا ما ندر ..

الغريبة بقى شوفت أولاد السوريين مثلاً جيراننا مش كده خالص

ما شاء الله

التُحف ماليه البيت

والتشكيلات الزجاجية

و

و

و

وإحنا الحاجات دي متحرمه علينا

والله العظيم فقدنا كذا قطعة كريستال من لعب الكورة والتنس والمصارعة في البيت وبأبقى هاين عليه أعيط بس الواحد بيمسك نفسه

فعلاً الكارتون العنيف بوظ عقول العيال

والسبب الرئيسي قبل كذلك ذلك هو حبسة البيت

أنا فاكر وأنا صغير ما كنتش بشوف البيت الا على النوم ..

يعني يا بنلعب على سلم البيت أو في الشارع مع أولاد الجيران وبالتالي بنرجع مهدودين وما بنعملش شقاوة ..

أولادنا بالذات في الغربة معذورين ..

حبسه طول النهار في البيت .. بل مش في البيت كمان ...

ده معظم الشقة بتبقى منطقة محظورة عليه ... فبيضطر يتقوقع داخل غرفته

والطفل ما يعرفش حاجه إسمها هانخرجك يا حبيبي في الويد إند فقط ..

طب وباقي الإسبوع يعمل إيه ؟

ما هو عنده نشاط وطاقه عايز يخرجهم ويعبر عنهم ...

حتى العاب الكمبيوتر والبلاي ستيشن ..

والله العظيم أبناء بعض أصدقائي أُصيبوا بالصرع .. ايوه صرع وتأثيرات عالمخ من كتر التمترس أمام البلاي زفت طول اليوم ومن كتر التنشنة وألعب يالا وأخبط وحاسب حاسب .. وتلاقيه ماسك دراع البلاي ستيشن ومعصب نفسه ويبقى خلاص على وشك الدخول داخل اللعبه ... كل ده بيأثر عالمخ لما نعرف إن بعض الأباء والأمهات بيتركوا أولادهم زيادة عن 5 ساعات يومياً أمام مثل تلك الألعاب .... عشان يلهوا العيل ويتجنبوا شره ...

الكل معذور

الاولاد معذورين عشان محبوسين ..

والأباء معذورين عشان مشغولين ومش لاقيين حلول

لأ لأ لأ مش ممكن سين سين عندنا دة بجد يوم سعدى واللة يافندم انا سعيدة لتشريفك الكريم مع انى عارفة مشغولياتك وانك مش فاضى للكلام عن العيال وسنينهم والكل كليلة (مشرف وكدة)ربنا يعينك ياريس الحمل تقيل والمسئولية كبيرة بس انت ادهل وادود وكل مرحلة ليها متطلباتها وتوجهاتها وبنيتها التحتية ويجعلو عامر .. احنا كنا بنقول اية اه العيال كنت بتقول العاب الكومبيوتر والبلاى ستيشن اهو الكوبيوتر دا لوحدو مصيبة الواد يا اما يكركب ويخرب الدنيا مفيش لعب كدة بالصلاة على النبى بالراحة الا كلو ضرب ضرب مفيش شتيمة يا اما يتفرح على قنوات كارتون ما يعلم بيها الا ربنا الا ما رحم ربى يااما جرى عل الكومبيوتر وهو بس يكتب فى شريط جوجل كلمة mbc3 او اسم من اللى بيتفرج عليهم وتطلعلو نتايج البحث صحيح بتبقى كلها عن نفس الموضوع لكن فى اى مواقع دى المصيبة دخلت مرة الاقية قاعد يتفرج بمنتهى البراءة على كارتون بس عل اليو تيوب اتخضيت حتة خضة وبسرعة قفلت الجهاز وهو مش عارف انا قفلت علية الكارتون لية بس اموت واعرف هو عرف حكاية البحث دى منين ومن ساعتها قبل ماقوم من عل الكومبيوتر اقفل كل منافذ البحث جوجل وياهو وكلة وحتى الادرس عشان يبقى مفيش قدامة غير العاب الكومبيتر بتاعت الاطفال زى العاب الشمس وكدة الواحد مش عارف يلاقيها منين ولا منين

[doudy]

لأ لأ لأ مش ممكن سين سين عندنا دة بجد يوم سعدى واللة يافندم انا سعيدة لتشريفك الكريم مع انى عارفة مشغولياتك وانك مش فاضى للكلام عن العيال وسنينهم والكل كليلة (مشرف وكدة)ربنا يعينك ياريس الحمل تقيل والمسئولية كبيرة بس انت ادهل وادود وكل مرحلة ليها متطلباتها وتوجهاتها وبنيتها التحتية ويجعلو عامر .. احنا كنا بنقول اية اه العيال كنت بتقول العاب الكومبيوتر والبلاى ستيشن اهو الكوبيوتر دا لوحدو مصيبة الواد يا اما يكركب ويخرب الدنيا مفيش لعب كدة بالصلاة على النبى بالراحة الا كلو ضرب ضرب مفيش شتيمة يا اما يتفرح على قنوات كارتون ما يعلم بيها الا ربنا الا ما رحم ربى يااما جرى عل الكومبيوتر وهو بس يكتب فى شريط جوجل كلمة mbc3 او اسم من اللى بيتفرج عليهم وتطلعلو نتايج البحث صحيح بتبقى كلها عن نفس الموضوع لكن فى اى مواقع دى المصيبة دخلت مرة الاقية قاعد يتفرج بمنتهى البراءة على كارتون بس عل اليو تيوب اتخضيت حتة خضة وبسرعة قفلت الجهاز وهو مش عارف انا قفلت علية الكارتون لية بس اموت واعرف هو عرف حكاية البحث دى منين ومن ساعتها قبل ماقوم من عل الكومبيوتر اقفل كل منافذ البحث جوجل وياهو وكلة وحتى الادرس عشان يبقى مفيش قدامة غير العاب الكومبيتر بتاعت الاطفال زى العاب الشمس وكدة الواحد مش عارف يلاقيها منين ولا منين

انتى مكبرة الموضوع خالص يا ام بودى حرام عليكى

بصى يا ستى لازم يبقى فيه وقفة شوية معاهم حتى بالضرب بالزعيق بالحرمان من حاجة باى شكل ان كان

اللى ينكش حاجة او يوسخها لازم يرتبها و ينضفها كويس تمام دة بالنسبة للصبيان و البنت كمان

اما بقى موضوع المكياج و الحاجات بتاعة حضرتك اللى البنت بتستعملها لعرايسها

فهميها ان دة غلط و غير مسموح بيه و ما تدخلش اوضتك خالص ولا تلمس اى حاجة فيها خالص

و يا ريت لو تنبهى عليهم مفيش لعب تخرج برة الاوضة و اللعب فى اوضتهم بس

و خليكى شديدة معاهم شوية و انتى بتكلميهم عشان الاطفال اذكياء و بيعرفوا من نبرة صوتك انتى كبيرك ايه فى التصرف معاهم

ع العموم انا بتصرف كدة مع ولادى و اهى ماشية تمام مفيش كركبة ولا حاجة و كله نضيف و مترتب

غير بس المشاحنات اللى بينهم بقى ولد و بنت و انتى عارفة بقى و بيبى صغير لايص و سطيهم

و ربنا معاكى

[سوما]

icehearted girl مشاركة بتاريخ أمس, 03:44 PM

مش قادرة امسك نفسي مالضحك

خصوصا مووضوع اللوليتا دا

علي فكرة دي حاجات ايجابية انتي بس اللي مضايقك انها بتيجي فالاخر علي مجهودك

اقلك فكرة

اعمليلهم اوضه خاصة بس باللعب

حتي اللي عاوز يعمل تجاربه يعملها جواها

خليهم كمان يربوا كائن حي

هتفرق اوي معاهم

سواء اكان نبات او حيوان

ولو مبيلعبوش رياضة يلععبوا

خليهم يطلعوا طاقتهم برا البيت عشان يرجعوا مهدودين

الحقيقة احنا فى غربة والحياة هنا تختلف عن مصر والخروجات بتبقى محدودة هما فعلا مكتومين وخروجات الحدائق للعب والانطلاق نادرة لان الجو شديد الحرارة اغلب ايام السنة وكمان انا لو جبتلهم كائن حى يتلهوا فية حكون جبت لنفسى مصيبة جديدة

[بندق أفندى]

الحمد لله لم نعانى من هذه الأشياء اطلاقا لأنه فيه التزام بمنطقة اللعب صحيح فيه شقاوات من نوع آخر بس مش مدمرة .. أحمد عمره 21 سنة الآن ويحتفظ بأصغر قطعة فى لعبه ولا يمكن حد يلمسها .. خصوصا الليجو تكنيك .. ويمكن ده سر هدوئه .. المهم حضرتك جربى الليجو ده لأنه بيشغل الأطفال يقرو كتالوجات وكيف ممكن تتركب اللعبة ..

[أسد]

تم حذف مداخلتين لعدم ملائمتهم للموضوع

شكراً لتفهمكم

أسد

فريق الإشراف