مسلسلات البيزنس ...

[Lancelot]

السنة اللي فاتت قاللوا موضة ... لكن السنة دي .. مفيش غير مسلسلات رجال الأعمال ... مسلسل ليلي علوي ... و مسلسل إلهام شاهين (جميل راتب رجل أعمال) ... و الله أعلم فيه إيه تاني .. أنا بأقفل التليفزيون بدري ...

إيه بقي الحكاية ديه ... مصر كلها رجال أعمال و إحنا مش عارفيين ... و بعدين إيه الأبهة اللي تفرس ديه اللي كلهم عايشيين فيها ... الناس الغلابة اللي بتتفرج يحصلها إيه لما تشوف كل ده ... لما تلاقي إن كل المسلسلات بقي هاي كلاس .. و إن أقل ممثل راكب مرسيدس علي الأقل ... في المسلسل أو بره المسلسل ...

ده غير الصورة المنيلة بنيلة اللي مرسومة للوسط ده ... حفلات و اللي بيحصل في الحفلات ... مؤامرات و دسائس ... و غيره و غيره و غيره ...

هل مصر فعلا كلها رجال أعمال ... هل رجال أعمال دول بهذه الأهمية علشان ننقل تفاصيل حياتهم بهذه الطريقة ... هل بنستفيد – من قيمة العمل مثلا – لما ننقل حياتهم في مسلسلات ... هل بنوضح قيمة العمل أصلا ...

أنا بأشوف مسلسلات أجنبية محور القصة هو الشغل نفسه و اللي بيحصل في الشغل ... زي عمل الشرطة .. المحامي .. الدكتور ... القاضي ... رجال البنوك .. كلها مسلسلات بتنقل تفاصيل حياة هؤلاء .. لتنقدها ... لتجعل منهم أبطالا ... أيا كان الهدف إلا أن هناك دائما قيمة أو تأثير مقصود ... مش علشان نتفرج علي ممثلين و ممثلات في أحدث السيارات و القصور و الموبايلات و الملابس و و و و و ...

مرة تانية ... هأطق ... و كل رمضان و إنتوا طيبيين ....

[afiona]

يا Lancelot انت اللي مش عارف تتفرج................. المسلسلات هادفة جدا ومعبرة عن الواكع المسري ( علي رأى المديعة الخالدة منى عبد الوهاب ) ومش مشكلتهم إنك من الخمسة بالمائة المكافحين بينما الشعب كله رجال أعمال و أفعال وكل حاجة بالمريار علي رأى ابو عبيد .... انا عن نفسي رجل أعمال....

وش واحد فنجري بق قوي وإسمه أبو العربي.....

[Mohammad Abouzied]

عن حياة رجال الاعمال ابعد ما تكون عما تصورة هذه المسلسلات الهابطة

اعتقد انها محاولة للإسائهفقط لشخصية رجل الاعمال المصري ليس الا

وضرب لفكرة الاقتصاد الحر المبني على حرية رأس المال

وسبق ان ظهرت مسلسلات وافلام كثيرة ايام السادات وبعده لضرب سياسة الانفتاح الاقتصادي

وكان ملئ بالمغالطات القانونية والاقتصادية معتبرا ان الشعب المصري ساذج ويمكن خداعه بكم الاكاذيب الضخمة التي كانت تنشر على شكل مسلسلات لترسيخ فكرة سيئة عن حرية رأس المال

[فــيــروز]

فيه مخرج اكتشف نظريه جديده فى التصوير

اما شرحتها لاحد زملائى قال لى آه دى اسمها النظريه التجويفيه !!

فيه مسلسل بييجى آخر الليل اسمه ثورة الحريم لنرمين الفقى "اللهم انى صائمه"

المخرج بيصور بطريقه غريبه جدا !! عارفين طبعا ان كرسى الصالون بيبقى له مسند .. ايد يعنى اللى الواحد بيحط ايده عليها .. ودى بتبقى مجوفه .. مفرغه كده .. المخرج مايحلالوش يصور الا من التجويف ده !! m8: تخيلوا بقى نفضل طول المسلسل نبص للمثلين من التجويف ده ورقبتنا ملووحه بسبب لوحة الكاميرا !! :D

حتى امبارح جدد بقى mf) كرسى الصالون -بردو- ضهره كده دائرى الشكل من فوق .. جنب النص دايره اللى فى اعلى ضهر الكرسى موجود كده عمود كجزء بردو من الكرسى .. حاجه كده شبه قبة الجامع المدوره اللى بيبقى جنبها المذئنه .. نفس الشكل كده .. المسافه بينهم لا تتجاوز فى احسن الاحوال عشره سم !! بردو غاوى يصور منها !! :lol: مش فاهمه ايه ده !!

آخر و احدث النظريات بقى هى النظريه الافريزيه !! ييجى كده من فوق افريز الكنبه ويقوم مصور .. يعنى تخيلوا الشاشه يبقى تلت ارباعها ضهر كنبه و يادوب الربع الباقى وش الممثل !!

او يبقى واقف ممثل و ضهره للكاميرا بيكلم ممثل تانى وشه للكاميرا ومفروض تعمل عليه فوكس

ييجى المخرج من جنب دراع اللمثل اللى واقف يجيب لنا الدراع فى كل الشاشه مع جزء من ضهر الممثل ولو فضل حاجه للى عليه الفوكس يبقى بركه !! mc: الرحمه من عندك يا رب

ديك النهار صور لنا على ضهر الممثله وواضح ان كان عاجبه نص ضفيرتها مش الضفيره كلها !! رغم انها كانت مغطيه شعرها و الجزء اللى باين منه ده بارووووووووكه ;) انا كان نفسى ارقع بالصوت بس الوقت كان متاخر :D

[Lancelot]

أفيونة ... عندك حق ... النهاردة قلبت التليفزيون ... وشه في الحيطة و قفاه ليا ... المسلسل أصبح أحسن كتير ... بس الصوت مضايقني ... أعمل إيه ... رجاء المساعدة .... smk: smk:

فيــــــروز ... ينفع نسد التجويف ... أظن ده هيرفع من مستوي المسلسل و أداء الممثلين ... smk: :lol:

أستاذ محمد ... بصرف النظر عن الصورة التي يقدمها المسلسل .... السؤال هو هل كل مصر أصبحت رجال أعمال و علشان كده كل التركيز في المسلسلات عليهم ... ما ينفعش نعمل مسلسل يتكلم عن ناس عادية من مستوي إجتماعي عادي ... الصورة مش مهمة المهم إحنا إستفدنا إيه لما نتفرج علي مسلسلات زي ديه ... و لا هي تضيعة وقت و خلاص ....

[Sherief AbdelWahab]

فيه مخرج اكتشف نظريه جديده فى التصوير

اما شرحتها لاحد زملائى قال لى آه دى اسمها النظريه التجويفيه !!

فيه مسلسل بييجى آخر الليل اسمه ثورة الحريم لنرمين الفقى "اللهم انى صائمه"

المخرج بيصور بطريقه غريبه جدا !! عارفين طبعا ان كرسى الصالون بيبقى له مسند .. ايد يعنى اللى الواحد بيحط ايده عليها .. ودى بتبقى مجوفه .. مفرغه كده .. المخرج مايحلالوش يصور الا من التجويف ده !!  تخيلوا بقى نفضل طول المسلسل نبص للمثلين من التجويف ده ورقبتنا ملووحه بسبب لوحة الكاميرا !! 

حتى امبارح جدد بقى  كرسى الصالون -بردو- ضهره كده دائرى الشكل من فوق .. جنب النص دايره اللى فى اعلى ضهر الكرسى موجود كده عمود كجزء بردو من الكرسى .. حاجه كده شبه قبة الجامع المدوره اللى بيبقى جنبها المذئنه .. نفس الشكل كده .. المسافه بينهم لا تتجاوز فى احسن الاحوال عشره سم !! بردو غاوى يصور منها !!  مش فاهمه ايه ده !!

آخر و احدث النظريات بقى هى النظريه الافريزيه !! ييجى كده من فوق افريز الكنبه ويقوم مصور .. يعنى تخيلوا الشاشه يبقى تلت ارباعها ضهر كنبه و يادوب الربع الباقى وش الممثل !!

او يبقى واقف ممثل و ضهره للكاميرا بيكلم ممثل تانى وشه للكاميرا ومفروض تعمل عليه فوكس

ييجى المخرج من جنب دراع اللمثل اللى واقف يجيب لنا الدراع فى كل الشاشه مع جزء من ضهر الممثل ولو فضل حاجه للى عليه الفوكس يبقى بركه !!  الرحمه من عندك يا رب

دة مسلسل كروي...ينتمي إلى النظرية الكروية في الإخراج التلفازي...و تعني وضع خمس كاميرات في الاستوديو..واحدة بتاخد الملعب-الاستديو-توتالة، و الثانية مصوبة على وجه ممثل ، و الباقي مركز على قفا كل ممثل من الممثلين الباقين...ربما نرى لقطات "قفوية" يبين لنا فيها الممثل أنه أقوى من الشيكي دودو بدليل أنه يستطيع الكلام من قفاه!

المسلسل نفسه يفقع...و ليه باحس انه مسلسل دعائي ، زيه زي مسلسل محمد صفاء عامر اللي قبله "مسألة مبدأ"...وهو على خطا مسلسلاته التي تناقش مشاكل الصعيد النيوزيلاندي ...و تيتة نبيلة عبيد بالفلاتر اللي ما بتبينش سنها الحقيقي...

و الملاحظات في اللي شفته من مسلسلات كتيرة...مسألة مبدأ و ثورة الحريم و الليل و آخره لها علاقة بالصعيد..أي أن ثلاث مسلسلات تتحدث عن مكان واحد بشكل مباشر أو غير...

زادت المسلسلات مسلسلا في كل قناة...فأضيف أنوار الحكمة في الحادية عشرة صباحا عقابا لحسن يوسف فيما يبدو على مسلسل الشعراوي، بينما أضيف ثورة الحريم فيما يشتبه أنه مجاملة صارخة للفنان الكبير محمود ياسين-لاحظ أن ابنه يشاركه في هذا المسلسل ، بينما تشاركه ابنته رانيا في مسلسل العصيان 2 الذي يذاع على النيل الدولية..

ابيض في ابيض و الليل و آخره و ثورة الحريم و آخر المشوارو رجل الأقدار أبطالها ممثلون رجال، بينما تيتة نور و مسألة مبدأ و نحلم لبكرة لممثلات و كلهن سينمائيات..

و أخيرا...حدثت بعض اللخبطة في الخريطة الرمضانية، كان مقررا حسب معلوماتي المتواضعة عرض ملك روحي في الثانية ثم بيع حصريا لام بي سي، و كان مقررا ادراج البنات ثم استبعد ، و كان مقررا ادراج ملفات سرية على النايل تي في ثم نقل في مجاملة صارخة إلى الثانية ...

ty:) مسلسلات آخر زمن...و تحيا جمهورية المسلسلات العربية ...

خلص الكلام

[سقراط المصري]

من الواضح انكم مش عارفين تتفرجوا ، روحوا اتعلموا في مدرسة الفن الاول محاضرة كيف تفهم وتتفرج على المسلسلات.

حاجه غريبه قوي انتم طماعين جداً ، عايزين تتفرجوا وتفهموا ............. كان غيركم اشطر.

طبعاً كل المصريين الان رجال اعمال وكلهم بيشتعلوا في البسبس ، والعيشه معدن واخر حلاوه........يا حلاوه. afr2:

سقراط ty:)

مبدع ومخرج تليفزيوني وناقد مسلسلات، حتى المسلسلات اللي ماشافهاش

[afiona]

عن حياة رجال الاعمال ابعد ما تكون عما تصورة هذه المسلسلات الهابطة

اعتقد انها محاولة للإسائهفقط  لشخصية رجل الاعمال المصري ليس الا

وضرب لفكرة الاقتصاد الحر المبني على حرية رأس المال

وسبق ان ظهرت مسلسلات وافلام كثيرة ايام السادات وبعده لضرب سياسة الانفتاح الاقتصادي

وكان ملئ بالمغالطات القانونية والاقتصادية معتبرا ان الشعب المصري ساذج ويمكن خداعه بكم الاكاذيب الضخمة التي كانت تنشر على شكل مسلسلات لترسيخ فكرة سيئة عن حرية رأس المال

أشاركك الرأي يا أستادى الكبير أنها ليست صورة أو حياة رجال الأعمال المحترمين الدين شقوا طريقهم في الصخر ويعرف قيمة القرش لأنه دافع فيه دمه، وأكيد وراء نجاحه فكر واعي والسفاهة التي يظهر بها في البرامج لا علاقة لها بصنف رجال الأعمال المحترم. وهناك أيضا من يعيش في مستوي راقي وقريب من مستوي رجال الأعمال نتيجة لغربته في الخارج أو ترقيه في شركات أجنبية . وهؤلاء ليست النمادج التي تعرض في المسلسلات لأنها ليست نسبة كبيرة....

في إعتقادي أن أكثر رجال الأعمال أصحاب الأسماء الرنانة والتي تبلغ ثرواتهم المليارات لا يساعد المناخ العام علي بقاءهم محترمين، فالرشوة في المناقصات والتوكيلات معروفة وليست بحاجة إلي سرد، كما ان هناك من يتاجر بقوت الشعب ليضاعف مكسبه فوق حدود المعقول.... فهل يهتم من إنعدمت أخلاقه وإتخد كل الطرق للوصول بعدم التبدير بسفه او بأخلاقيات أولاده ؟ لا أعتقد...

هل أمثلة رجال الأعمال في مصر الآن أقرب إلي عصمت السادات، توفيق عبد الحي و أشرف مروان أم أنهم يشبهون عبود باشا و طلعت باشا حرب؟

تحياتى

[afiona]

أفيونة ... عندك حق ... النهاردة قلبت التليفزيون ... وشه في الحيطة و قفاه ليا ... المسلسل أصبح أحسن كتير ... بس الصوت مضايقني ... أعمل إيه ... رجاء المساعدة .... ty:)  :huh:

.

للأسف شباب اليومين دول بيهربوا من البرامج ومش بيتحملوا المسئولية زي أجيال زمان اللي إستحملوا كتير أوى من ساعة إنشاء ماسبيرو...

يا أبني مكنش حد غلب، مش ده الحل ، هتعمل إيه في الصوت مثلا؟ حأقفل التليفزيون. هتسمع تليفزيون الجيران وبرنامج ممضوغ موسي شغال وتفضل تتخيل وشه الأبلكاش ( إقتباس من spider) ، حتعمل إيه؟ حأنزل أقعد في اي حتة بره. كويس، حتسمع أغنية من أغاني الردح العاطفي لشيرين (مطربة الشبشبة الرومانسية) مثلا مشغلها شاب ملوش لازمه في العربية، حتعمل إيه؟ حأروح عند واحد صاحبي؟ جميل جدا... بس ممكن تلاقي ماتش كورة من الدوري المصري وهدا قمة الإسفاف من هتافات الجماهير إلي المعلق(عصام صيام مثلا) إلي اللعيبة... حتعمل إيه؟

الحل إنك تكتسب مناعة، إسلوب تدى ظهرك للترعة مرفوض جدا... انا بعد لماإكتسبت مناعة أقدر أتفرج علي كل البرامج بمنتهي برود الأعصاب وساعات بإستمتاع كمان .... كيفية إكتساب المناعة ضد برامج التليفزيون موضوع تاني كبير أوى...

[Sherief AbdelWahab]

أما عن مسلسلات رجال الأعمال ، فلدي موضوع سابق شارك فيه العديد من الزملاء بينهم الغائب الحاضر البنا تحت عنوان "الاتجاهات السياسية للمبدعين"...و من الواضح أن العداء الشديد الذي يكنه معظم كتاب المسلسلات الحاليين يرجع إلى انتماءاتهم السياسية اليسارية أو الناصرية المتشددة...و التي تستتبع الكراهية الشديدة لرجال الأعمال و مفهوم الملكية الخاصة عموما...و التحيز المصطنع و المبالغ فيه للطبقات الدنيا في محاولة لكسبها ، و هو أسلوب لا نعرف اتجاها سياسيا لم يستخدمه...

خلص الكلام

[فــيــروز]

و تيتة نبيلة عبيد بالفلاتر اللي ما بتبينش سنها الحقيقي...

ايوه هى دى .. فلاتر .. عماله ادور على المصطلح السينمائى اللى بيوصفوا بيه التصوير الشاحب بتاع المسلسل ده مش فاكراه .. هى الفلاتر دى حتى كان نفس المخرج "عادل الاعصر" استخدمها فى تصوير مسلسل وجه القمر لفاتن حمامه حتى لا يظهر سنها .. لكنه اسلوب غير مريح للعين على الاطلاق .. بيحسسك ان فيه حواجز بينك و بين المشهد او انه شاحب او كأن الاضاءه زادت منهم حبتين aln::