icehearted girl بتاريخ: 27 يونيو 2009 تقديم بلاغ مشاركة بتاريخ: 27 يونيو 2009 القصيدة دي لقيتها في جروب عالفيس بوك ولا اعلم صراحة المؤلف الحقيقي هي طويلة شوية معلش ولكم تمنيت أن تطول أكثر وأكثر :D حبيتك لإلتزامك . . . . . . . . . . . . حبيتك لاحترامك حبيت فيكي التواضع . . . . . . . . . . . . والعزة اللي ف كلامك مبسوط منك لأنك . . . . . . . . . . . . إسلامك كل همك أنا أصلي قابلت بابا . . . . . . . . . . . . واداني فكرة عنك وسألته عن طباعك . . . . . . . . . . . . إن كانت يعني هادية فحكالي عن سماعك . . . . . . . . . . . . لكلامه وانت راضية وازاي بتسلي نفسك . . . . . . . . . . . . بذكرك وانت فاضية وحلاوة صوت تلاوتك . . . . . . . . . . . . وازاي بتكوني شادية * * * وسألته إن كنتي فاهمة . . . . . . . . . . . . معنى كلمة زوجين قالي هتكونوا ورقة . . . . . . . . . . . . مطبوعة نسختين غني كنت أو فقير . . . . . . . . . . . . ليك عند بنتي دين سرك هيكون في بير . . . . . . . . . . . . معرفش مكانه فين تفضل دايماً كبير . . . . . . . . . . . . في نظرها حبتين لو جيت بفلوس كتير . . . . . . . . . . . . تطمن جت منين * * * هتكون دايماً معاها . . . . . . . . . . . . سيرتك هتكون هواها والشوق اللي ف خيالك . . . . . . . . . . . . تلقاه لحظة لقاها لو جيت زعلان ف مرة . . . . . . . . . . . . إرمي همومك وراها ومهما شوفت بره . . . . . . . . . . . . مش هتشوف مستواها واطمن يابني خالص . . . . . . . . . . . . عقلها مافيهوش تفاهة وزي ما هي بنتي . . . . . . . . . . . . بنت حماتها وحماها * * * وسألته عن ولادي . . . . . . . . . . . . منك هيكونوا إيه؟ قاللي هيكونوا عادي . . . . . . . . . . . . فسألته يعني إيه؟! قاللي العادي إللي كان . . . . . . . . . . . . عند الناس من زمان العادي بتاع سراقة . . . . . . . . . . . . وحذيفة بن اليمان العادي بتاع أسامة . . . . . . . . . . . . وابن الحكيم لقمان ده العادي بتاعنا إحنا . . . . . . . . . . . . بنربي عليه عشان لو جينا ولا رحنا . . . . . . . . . . . . هنقابل الرحمن عمرك ما تخاف عليهم . . . . . . . . . . . . ولادك في الأمان أنا بنتي هتربيهم . . . . . . . . . . . . ع السنة والقرآن هتشوف ابنك بيصحى . . . . . . . . . . . . مادام سمع الأذان ينزل في الفجر يقرا . . . . . . . . . . . . بالسجدة والانسان هتشوف في حجاب بناتك . . . . . . . . . . . . العفة والإحسان هتشوف إزاي مراتك . . . . . . . . . . . . هتعينك إنت كمان * * * وسألته عن حياتك . . . . . . . . . . . . من قبل الالتزام قال أتذكر في ليلة . . . . . . . . . . . . مش فاكر أنهي عام أذان الفجر أذن . . . . . . . . . . . . وقالتلي سيبني أنام فدخلت الأوضه جوه . . . . . . . . . . . . أجيب منها الحزام وعبال ما رجعت تاني . . . . . . . . . . . . كات رجعت ف الكلام الله يجازي الشيطان . . . . . . . . . . . . خلاها تقول أنام بس اطمن خلاص . . . . . . . . . . . . دلوقتي بقت تمام! * * * قدملي مكة كولا . . . . . . . . . . . . قاللي اتفضل وسمي أحسن من سكة كولا . . . . . . . . . . . . صدقني وخدها مني قلتله طيب ياعمي . . . . . . . . . . . . يسعدني أقولك إني بطلب بنتك ونفسي . . . . . . . . . . . . تناسبني وترضى عني راح شادد فجأه لبسي . . . . . . . . . . . . وقلب وشه وسألني * * * حافظ كم جزء يابني . . . . . . . . . . . . وقاري كم كتاب احكيلي كده عن مؤت . . . . . . . . . . . . أوغزوة الأحزاب وسمع كم حديث . . . . . . . . . . . . في الأخذ بالأسباب وكمان سمعلي آيه . . . . . . . . . . . . ذكرت فيها الدواب ولو شايفها صعبة . . . . . . . . . . . . قللي بتاعة الذباب واحكيلي حلم يوسف . . . . . . . . . . . . وبراءة الذئاب واخواته لما جولوه . . . . . . . . . . . . دخلوا من أنهي باب واديني فكرة برضه . . . . . . . . . . . . بتقبض كم ثواب وناوي ازاي تحسن أنا شايفك لسه شاب * * * وسأل نفسه وسألني . . . . . . . . . . . . هيعوز إيه يعني مني؟ لو عندي كل حاجه . . . . . . . . . . . . وديني مش شاغلني أحسن لك تنسى بنتي . . . . . . . . . . . . ومهرك مش لازمني قلتله صبرك ياعمي . . . . . . . . . . . . وبراحتك امتحني يبقى اما أسأل تجاوب . . . . . . . . . . . . خليك دايماً فاهمني سألتك وانت ساكت . . . . . . . . . . . . خليتني أظن ظني وفضل يسأل واجاوب . . . . . . . . . . . . وعشان خاطرك عصرني وظهرت النتيجة . . . . . . . . . . . . وبفضل الله قبلني * * * قاللي مقبول في نظري . . . . . . . . . . . . مبروك عليك ياسيدي لكن في نظرها هي . . . . . . . . . . . . نجاحك مش بإيدي وهي زمانها راجعة . . . . . . . . . . . . من تمرين السويدي خليك قاعد شوية . . . . . . . . . . . . استنا لما تيجي هعملك من إيديا . . . . . . . . . . . . كباية شاي صعيدي * * * سابني وقعدت أفكر . . . . . . . . . . . . هل ممكن ترفضيني طاب قولي حتى أفكر . . . . . . . . . . . . مش يمكن تفهميني وفضل مخي يلاعبني . . . . . . . . . . . . يجيبني ويوديني وخايف م المقابلة . . . . . . . . . . . . مرعوب بينك وبيني ودق الباب في ثانية . . . . . . . . . . . . وشوفتك مرة تانية مش قادر أنسى يومها . . . . . . . . . . . . وفاكر كل ثانية * * * ونده والدك عليكي . . . . . . . . . . . . عشان أول لقاء دخلتي وشوفت وشك . . . . . . . . . . . . عليه نور الحياء نور والله فعلاً . . . . . . . . . . . . مش نور بودرة وزواء كان أول مرة أخاف . . . . . . . . . . . . من فتنة النساء أخلاقك مش عادية . . . . . . . . . . . . وجمالك كان شفاء * * * قعدتي جنب والدك . . . . . . . . . . . . وسألتيني وجاوبتك وفكل مرة أجاوب . . . . . . . . . . . . كنت باشوف ابتسامتك ف أقول من جوه نفسي . . . . . . . . . . . . يارب أكون عجبتك وبعد شوية قمتي . . . . . . . . . . . . ندهت عليكي مامتك ورحتي دخلتي جوه . . . . . . . . . . . . وراح وراكي والدك وانا قلت مش مروح . . . . . . . . . . . . غير لما أكون خطبتك * * * وابوكي جاني تاني . . . . . . . . . . . . وقرب من وداني لابس كرفته سوده . . . . . . . . . . . . وبدله لون فراني المنظر يعني كله . . . . . . . . . . . . ميدلش ع التهاني قلتله مالك ياعمي . . . . . . . . . . . . من فضلك قول عشاني عرقي غرقلي كمي . . . . . . . . . . . . سايبني ليه أعاني قاللي مستني إيه . . . . . . . . . . . . فين إيدك إديهاني البنت مش موافقة . . . . . . . . . . . . تتجوز حد تاني * * * كان أول مرة أعرف . . . . . . . . . . . . إزاي الناس بتفرح سعادتي كات غريبة . . . . . . . . . . . . مش ممكن هقدر أشرح من كتر حبي ليكي . . . . . . . . . . . . نويت أضحي وادبح رحت اشتريت خروف . . . . . . . . . . . . وكان خروف بينطح ده أخيراً هبقى جوزك . . . . . . . . . . . . وشجرة صبري تطرح * * * خطوبتنا كات بسيطة . . . . . . . . . . . . مكانش فيها زيطة وفرحنا كان في جامع . . . . . . . . . . . . يعني مش خلطبيطة ومامتك جت في يومها . . . . . . . . . . . . ورقعت كام سويطة هاتولي بنتي منه . . . . . . . . . . . . دي مش فاهمة العبيطة إنه هيخطفها مني . . . . . . . . . . . . وهتوحشني الغتيتة * * * صعبت عليا مامتك . . . . . . . . . . . . الموقف كان شديد لكن فعلاً خطفتك . . . . . . . . . . . . ورحنا مكان بعيد فاكرة ولا انتي ناسية . . . . . . . . . . . . أكيد فاكرة أكيد من يوم ما بقيتي زوجتي . . . . . . . . . . . . وانا متهني وسعيد معايا ف كل يوم . . . . . . . . . . . . ويوم لؤاكي عيد عمرك ما دقتي نوم . . . . . . . . . . . . وانا تعبان أو مريض فلوسي كات بتكتر . . . . . . . . . . . . والخير عندك يزيد وعامله ليه دفتر . . . . . . . . . . . . ومرتبه المواعيد وبفضل الله قدرتي . . . . . . . . . . . . وجبتيلي الوليد وبعديها بشوية . . . . . . . . . . . . جبتيلنا عليه يزيد وبعديه جت سمية . . . . . . . . . . . . وآخرهم كان حميد بدعيلك كل يوم . . . . . . . . . . . . وأفضل أعيد وازيد ربيتي عيالي دول . . . . . . . . . . . . ع القرآن المجيد طول عمرك وانتي صافية . . . . . . . . . . . . قلبك لون الجليد أخلاقهم مش عادية . . . . . . . . . . . . طلعنلك مش بعيد وليد دلوقتي ضابط . . . . . . . . . . . . ومعاه رتبة عقيد ودعوة قلبي صابت . . . . . . . . . . . . ويزيد أهو مات شهيد وبنتك صيدلية . . . . . . . . . . . . وحميد أصبح معيد الله برحم أبوكي . . . . . . . . . . . . راجل من نوع فريد كل اللي قاله فيكي . . . . . . . . . . . . أنا عشته بالتحديد * * * عشت معاكي ف حكاية . . . . . . . . . . . . أحلى وأجمل رواية حكايتي كات معاك . . . . . . . . . . . . وحكايتك كات معايا اديتك كل عمري . . . . . . . . . . . . وهمك كان رضايا وعمرك خدته منك . . . . . . . . . . . . وقربك كان دوايا وخلاص العمر راح . . . . . . . . . . . . راحت أيام صبايا ومسافر رحله صعبة . . . . . . . . . . . . وزادي مش كفايه مش عاوز أشوف دموعك . . . . . . . . . . . . بالذات ف يوم عزايا أنا عارف إنتي عارفة . . . . . . . . . . . . إن الموت مش نهاية دي لسة الرحلة طالعة . . . . . . . . . . . . والموت خط البداية إدعيلي يمكن أوصل . . . . . . . . . . . . وأشوف هناك حمايا أنا عارف إنه فيها . . . . . . . . . . . . محجوزله هناك سرير وسلامي في النهاية . . . . . . . . . . . . أنا خلصت الحكاية لو يوم فكرتي فيه . . . . . . . . . . . . إقري شعري وغنايا وأمانه ف كل مرة . . . . . . . . . . . . تدعي لي بالهداية عسى ربي بدعائك . . . . . . . . . . . . يغفر ليا الخطايا عفـــــــــــوا نيوتن.. أنـــــــــا... ســـــــــــــــر الجاذبيـــــــــة رابط هذا التعليق شارك المزيد من خيارات المشاركة
عز الدين بتاريخ: 27 يونيو 2009 تقديم بلاغ مشاركة بتاريخ: 27 يونيو 2009 قصيدة ممتازة رابط هذا التعليق شارك المزيد من خيارات المشاركة
ذهبية بتاريخ: 27 يونيو 2009 تقديم بلاغ مشاركة بتاريخ: 27 يونيو 2009 طويلة جدا جدا دى قصة حياتة كلها [على اسم مصر التاريخ يقدر يقول ما شاء أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر رابط هذا التعليق شارك المزيد من خيارات المشاركة
الباشمهندس ياسر بتاريخ: 27 يونيو 2009 تقديم بلاغ مشاركة بتاريخ: 27 يونيو 2009 يا بخته ربنا يديم عليه النعمه تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
جيمي بتاريخ: 28 يونيو 2009 تقديم بلاغ مشاركة بتاريخ: 28 يونيو 2009 حياااااااه نموذجيه العضوه دى ناوية تعقدنا على فكره :rolleyes: رابط هذا التعليق شارك المزيد من خيارات المشاركة
elfakhrany بتاريخ: 28 يونيو 2009 تقديم بلاغ مشاركة بتاريخ: 28 يونيو 2009 طب حد يكلملى صاحب القصيدة لو مراته ليها أخت على وش جواز :) يدهشني أن يقول الأجانب : Share What You Can To benefit The Others وقد عملوا بذلك فتقدموا ! وقد قالها قبلهم أشرف الخلق سيدنا محمد (حب لأخيك ما تحب لنفسك) أتمني أن لا نكون كالفراعنة القدامي أخفوا عِلمهم فمات معهم ! [وسط][/وسط] رابط هذا التعليق شارك المزيد من خيارات المشاركة
icehearted girl بتاريخ: 28 يونيو 2009 كاتب الموضوع تقديم بلاغ مشاركة بتاريخ: 28 يونيو 2009 قصيدة ممتازة ربنا يكرمك يفندم طويلة جدا جدا دى قصة حياتة كلها لا دي فصل واحد بس :) يا بختهربنا يديم عليه النعمه آميـــــــــــــــــــــن حياااااااه نموذجيهالعضوه دى ناوية تعقدنا على فكره :huh: انا؟ :D دا غلبان وبعدين منا اتعقدت زيكم واكتر طب حد يكلملى صاحب القصيدة لو مراته ليها أخت على وش جواز ;) ههههههههههههههههههههه md2: اسالهملك بس فس نقطة مهمة هل اللي بيتمني درجة عالية اوي كدا من الالتزام يستحق هذه الفتاة فعلا؟ وهل اللي بتتمني شاب علي هذه الدرجة من الالتزام هي بنفس المستوي ولا مجرد امنيات هباء وخلاص؟ عفـــــــــــوا نيوتن.. أنـــــــــا... ســـــــــــــــر الجاذبيـــــــــة رابط هذا التعليق شارك المزيد من خيارات المشاركة
عنبو بتاريخ: 28 يونيو 2009 تقديم بلاغ مشاركة بتاريخ: 28 يونيو 2009 يارب يارب اوعدنى بواحده زى اللى فى القصيده دى بجد قصيده ممتازه ممتازه لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
icehearted girl بتاريخ: 28 يونيو 2009 كاتب الموضوع تقديم بلاغ مشاركة بتاريخ: 28 يونيو 2009 ربنا يكرمك بواحدة زيها واحسن منها يافندم وإذا اردت ان تتزوج فاطمة...فعليك أن تكون عليا :) عفـــــــــــوا نيوتن.. أنـــــــــا... ســـــــــــــــر الجاذبيـــــــــة رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان