دكان شحاته

[احمد رضوان]

زملائى الأعزاء ... السلام عليكم

اعود إليكم بموضع قد لا يهم الكثيرين وهو هذا الفيلم الجديد لخالد يوسف ... دكان شحاته

وشحاته إسم بطل الفيلم ... وإسم الدكان ... والطريقة التى وصل بها الدكان إلى ملاكه

الفيلم يبدو قصه عادية حول خلاف الأبناء بعد موت الأب ولكن المعالجة مختلفة تماما والنهاية مآساوية بشكل لم نعهده كثيراً ، الفيلم يحكي كيف وصل الحال بالبلد لما هي فيه الآن .... ساعدت الأغاني بشكل أساسى في توضيح رسالة المخرجومنه أغنية "مش باقى منى" لأحمد سعد وتقول كلماتها:

مش باقى منى غير شوية ضى فى عينيا

انا هديهوملك و امشى بصبرى فى الملكوت

يمكن فى نورهم تلمحى خطوة

تفرق معاكى بين الحياة و الموت

مش باقى منى غير شوية قوة فى ردى حسبى عليهم و انتى بتخطى

مش باقى منى غير شوية ضى فى عينيا انا مش عايزهم

لو كنت يوم هلمحك و انتى بتوطى

فى معركة مفيهاش و لا طايرات و لا جيش

و انتى فى طابور العيش

بتبوسى ايد الزمن ينولك لقمة من حقك المشروع

مش باقى منى غير شهقة فى نفس مقطوع

و انا صوتى مش مسموع يا حلمنا الموجوع

من المرور ممنوع

مستنى لم يمر موكب سلاطينك

و مش باقى منى غير شوية كفر بشروقك

على شوية رحمة من طينك

على شوية صبر من دينك

مش باقى منى غير شوية لحم فى كتافى

بلاش يتبعتروا فى البحر

مش باقى منى غير شوية لحم فى كتافى

بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم

و ابنيلى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلم و مش باقى منى غير شوية دم

متلوثين بالهم مرين و فيهم سم

و مش باقى منى غير شوية دم

ما قدرش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد

ححتاج يوميها الدم يمضى على شهادتى

الفيلم به إسقاطات كثيرة ولا أبالغ إذا قلت أن الفيلم يوضح انتماء خالد يوسف بشده من خلال عمل فلاش باك من عام 2013 وهو عام الفوضى والجوع كما يتوقعه الفيلم وحتى العام الذى تولى فيه الرئيس مبارك الحكم، بل زاد على ذلك ان خالد أورد حديث إذاعي حقيقي يوم تولى الرئيس السلطة ويتعهد فيه الرئيس حال إجراء القسم بمحاربة الفساد وعلى الا تزيد مدة الرئاسة عن فترتين.

عرض خالد يوسف خلال الفلاش باك لكل الأحداث المهمة التي تمت خلال الأعوام السابقة والكوارث التى حدثت خلال تلك الفترة وذلك في بانوراما قصير لاتتجاوز عشرة دقائق خلال كتابة أسماء المقدمة.

دافع خالد يوسف خلال الفيلم عن توزيع الأراضي على الفقراء بعد الثورة من خلال الرجل الطيب الذي يهب جزء من أرضه بالمجان للصعيدى الذي يحرسها ويخبره انه احق بها من إبنه ولو ان ابنه عاد من السفر سوف يطرده منها هو وعياله ...

وضح حب خالد لجمال عبد الناصر الرئيس من خلال مشهدين الأول عندما يطلب من إبنه بعد ازدياد شقوق البيت :rolleyes: أن يستخدم صور الرئيس جمال ليدارى الشرخ ، ومشهد آخر عندما يترحم شحاته على أبيه ويقطه المخرج على مشهده وهو يمسح التراب عن صورة الرئيس جمال :happy: . وأيضا مشهد آخر يشترى فيه احد الناس منه موزتين فيترحم على أيام أبيه وعن رد فعله لوكان يعلم ما سيحدث :wub: ....

اترككم مع أغنية الفيلم الأولى ولنا عودة.

استودعكم الله

[se_ Elsyed]

إنتي ا حدع إنت أنا مش لسه ضاربك في فيلم حين ميسره وبهدلنا بعض في الشارع ؟

رادوس يا جماعه صديقي وجاري وحبيب قلبي من ايام الجيزة ...

ودايماً لنا وجهات نظر مختلفه ونحترمها وبنطلع في الأخر حبايب ومافيش في الأخر غير خساير 25 %

أي نعم بنشد شعر بعض في كل مناقشة او هو بيشد شعري بغل إكمنه يعني ما عندوش ... ما علينا ما علينا ...

بُص يا رادوس

أنا ما باحبش الأفكار الدرامية اللي بتبقى شبه الحُقن اللي هاتاخدها يعني هاتاخدها من غير إعتراض

وضح حب خالد لجمال عبد الناصر الرئيس

من حقه يا سيدي يكون ناصري براحته

لكن أنا كمشاهد عفواً يعني ...ما تحشرليش عبد الناصر في كل لقطه أو تعكس الصورة في غير عصرة .. واللي مش معانا يبقى علينا

تماماً مثلما كان يفعل أسامة أنور عكاشه في ليالي الحلمية وهو ناصري حتى النخاع ومسك فترة السادات هلهلها وطلع كل اللي عاشوا الفترة حرامية ومنتفعين ...

أنا من أكثر المشمئزين من فترة مبارك اللي تعتبر أسود فترة في تاريخ مصر حيث إننا كنا مهيئة تماماً للإنطلاق ومع ذلك مبارك يقدر يشفط البلد في كرشه هو وعصابته ..

لكن مش معنى ذلك ما تقعدش كل شويه تقول لي : الله يرحمك يا عبد الناصر .. يا سلام على ايامك

وكأن أيامه كنا بناكل مربى بالقشطة وعايشين في نعيم مقيم ...

عايز تعرض وجهة نظر درامية يبقى خليك فير ... ولو إن ده مش شرط يتحقق في الدراما .. لكن دي وجهة نظري برضوا

كل فترة من دول لها حسناتها وسيئاتها

ولو إن أسود فترتين هي فترة عبد الناصر بدون منازع ثم من بعده مبارك ...

ويا أخي غريبة قوي

كإن السادات ده كان إبن البطة السودا اللي ما حدش بيدافع عنه !!!!!!!!!!!!!...

وأشوفك يوم الأربع على قهوة أستنابيلوس ..

نسيت أقول لك إن الأغنية أكثر من رائعه .. الكلمات جميله ... وصوت أحمد سعد خامه طيبة لم تستغل حتى الأن .. ده أنا سمعت له تواشيح .. يخرب بيت كده ... روعة روعة بس هو يظبط نفسه أحسن بأحس إنه عامل زي القروي الساذج اللي بهرته أضواء المدينة وعمال يدهن شعره دوكو ويفتح زراير القميص ومش عارفه له ميول ولا إتجاهات لحد دلوقت ... ... وياريت قبل فيروز ما تصحى تنزلي بأغنية التتر لفيلم عين شمس .. انا عارف إنك معجب بالأغنيه دي برضوا زي فيروزة المنتدى الجميلة ...

وبعدين خف شويه ...

مش تغيب تغيب وترجع بالكآبة ..

يعني يا حين ميسره أو دكان شحاته

وأينعم أنا أخدت منك مبروك أبو العلمين وكان تحفه ... لكن ما تصالحنيش في حاره وتزعلني في شارع ... يعني إبقى هات فيلم كوميدي نناقشه يعني ما يبقاش كله ضرب ضرب ... ما كان عندك أسف للأزعاج يا أخي اللي يعتبر روعه من روائع الكوميديا واحمد حلمي تفوق على نفسه .... ولا مكتوب علينا الحزن ومش باقي مني غير شوية عضم ومش عارف إيه ؟ ... أوووووووووف مليتو البلد

هاموت وأسمع رأي فيروز وهي عارفه إني باحترم قلمها ونقدها ورؤيتها الفنية الواعية ...

فيروز .... شوفتي الفيلم ده ؟ ولا نزلتي في محطة عين شمس وقفلتي عل كده ؟

[نبض الابداع]

اسفة على الكلمة دي والله

( السنما والتلفزيون <<<<<<< حالة اعتضاب )

[se_ Elsyed]

اسفة على الكلمة دي والله

( السنما والتلفزيون <<<<<<< حالة اعتضاب )

استني بس يا نبض

قبل ما تقولي اغتصاب ولا تحرش ...

شوفي الفيلم وبعدين واحكمي

------------------

بجد

بعد مشاهدتي الفيلم بتركيز

عاوز اوجه شكر خاص لأخي وصديقي رادوس لفتحه هذا الموضوع

وشكر معطر برائحة الورد لصديقي السري .. احم احم .. اللي ادانا الموقع التالي لمشاهدة الفيلم وهو مش محتاج شكر وهو عارف

دكان شحاته وشوية حاجات تاني

ندخل في الجد

انا بأعترف امامكم اني كنت غلطان

ومن هنا ورايح مش هاحكم على عمل فني او غيره الا اما اشوفه بدون اي انطباعات مسبقة او مجرد مشاهدة البرومو الخاص به

باختصار " فيلم دكان شحاته "

عيشني في حالة نفسية رائعه مش قادر اوصفها اينعم بكيت حتى ابتل تي شيرتي بس حاجه حلوه بصراحة

شكراً خالد يوسف على هذا الابداع

وشكراً لاحمد زكي التاني اللي اسمه " عمرو سعد " واتوقع انه يكون نجم مصر الاول قريباً

شوفوا الفيلم وتعالوا نناقشه

اللي مش عاوز يشوفه اون لاين .... يبقى مجرد ما يضغط بلاي لو هو بيستخدم ريال بلاير حديث من اللي موديست كان بيهديهم لنا

هاتظهر في شاشة عرض الفيلم على اليمين من فوق علامة داون لود

ولو انت قاعد في مدرجات الدرجة الاولى وعندك دي اس ال سريع يبقى الداون لود هاياخد معاك ساعة وشوية

ولو قاعد درجة تالته يبقى ربنا معاك ... حط الفيلم عالنار وقوم قضي مشاويرك يكون اتحمل وارجع لم عليالك واتفرجوا عالفيلم هايعجبكم

ولنا عودة ضروري

او على رأي الهنود ظروري ظروري

[ام بودى]

اولا السلام عليكم وصباح الخير عل الكل ثانيا ادخل فى الموضوع علطول انتهيت حالا من مشاهدة دكان شحاتة وكنت اخر ما يمكن ان اسعى اليةهو متابعة فيلم لخالد يوسف فقد كنت احمل لة قدرا من الحنق والغضب والاستفزاز ما يكفى لرفض اى شئ يقدمة دون ان اعرف محتواة فالمتابع لفيلمية السابقين حين ميسرة وعمر حرب سيصل الى قناعة بان هذا المخرج غير مؤتمن فيما يقدمة سواء على مستوى القضايا التى يطرحها وبالذات فى حين ميسرة او على مستوى المشاهد المخجلة والفجة والالفاظ التى تقال فى افلامة ولست بصدد الحدبث عن حين ميسرة ولا انوى الحديث عنة ابدا حتى لو تغير رأيى فى خالد يوسف ايجابيا فسيظل هذا الفيلم سقطة فى اعمالة وهو برأيى ليس الا (اعتذر مسبقا سامحونى فى هذة الكلمة)صندوق قمامة. نيجى لموضوعنا دكان شحاتة كثرة ماقيل عن هذا الفيلم ما بين مستحسن ومهاجم وترجيح كفة الاستحسان حتى قرأت هذا التوبيك وما ورد فية بقلم رادوس صاحب الموضوع وطبعا سين سين الذى احترم واقدر كل ما يكتب بل واتحمس لة جدا لذلك دفعنى فضولى لمشاهدة الفيلم وشتان بين موقفى من الفيلم اقول من الفيلم وليس من خالد يوسف قبل وبعد متابعتى للفيلم شاهدت فيلما جميلا وممتعا متكامل العناصر الحدوتة لطيفة وموجعة الحبكة الدرامية والمضمون رائع ادارة رائعة لكل ادوات الفيلم ابتداء بالممثلين مرورا بالاسقاطات السياسية والاجتماعية موسيقى الفيلم الاغانى التصوير العبقرى الغير مباشر لمعاناة المصريين كل ذلك ادارة خالد يوسف باقتدار وحرفية عالية وتمكن اخرجت لنا فيلما جميلا جعلنى اتساءل لماذا ؟ لماذا ظلمت نفسك يا خالد يوسف بفيلم مثل حين ميسرة .

تعليقى على الفيلم : مستقبل واعد وتنبؤ بنجومية كاسحة لعمرو سعد رأيت امامى احمد زكى والجميل انة لم يكن يقلدة

اداء رائع تفوقت فية على نفسها لغادة عبد الرازق واسألها نفس السؤال لماذا تظلمين نفسك فى ادوار الاغراء المقيتة ولديك كل هذة الموهبة وجمال الاداء

قنبلة كوميدية متفجرة اسمها عمرو عبد الجليل جعلنى اضحك من قلبى وتفوق على محمد سعد(اللمبى) فى تلقائية كوميديا الالفاظ(انا لا يعجبنى محمد سعد)

اداء عادى لمن قاموا بدور اخوة البطل

اخفق خالد يوسف باختيار هيفاء وهبى جاء ادائها ضعيف المستوى ولم تقنعنى انها بيسة ويحسب لها اجتهادها فى الدور و خدمها ان الشخصية ثرية والدور مكتوب حلو

الموسيقى التصويرية واغانى الفيلم رائعة والاجزاء الوثائقية من الفيلم لمعاناة الغلابة وظفت بحرفية عالية

رأيى فى افلام خالد يوسف السابقة لا يمنعنى ان ارفع لة القبعة واقول لة احسنت

[se_ Elsyed]

رأيك في غاية الأحترام يا أم بودي بصراحة ...

ولفت نظري

فقد كنت احمل لة قدرا من الحنق والغضب والاستفزاز ما يكفى لرفض اى شئ يقدمة دون ان اعرف محتواة فالمتابع لفيلمية السابقين حين ميسرة وعمر حرب

عارفه

عشان كده خدت كلام في جنابي أمبارح ما حصلش ..

كنت باتعشا مع أخويا الصغير وبأقوله خد أتفرج على فيلم دكان شحاته ... راح باصص ناحية زوجته وقال لي : لأ يا عم ما باحبش السفالة

فقلت له : سفالة إيه يالا بدل ما اقوم الطش لك إنتي أتفرجت عالفيلم ؟

قال : لأ ... بس طالما خالد يوسف .. وجاب هيفا ... يبقى سامحني ..

فقلت له : إتلهي على عينك واقعد على جنب ...

وقبل ما امشي فرجته ربع ساعه .. أنبهر وقال لي لا .. ده محتاج أكمله ...

غير برضوا رأي لأتنين من أصدقائي وحبايبي قالوا نفس التعبير : مش عاوزين سفالة ...

على فكرة

قصيدة جمال بخيت الكاملة " مش باقي مني " هي فيلم لوحدها

أحساس عالي يُثير الشجون ويرشق في القلب عِدل ... وأنا أفتخر إن عندنا شاعر مثل جمال بخيت وأيضاً سيد حجاب ....

[se_ Elsyed]

قصيدة مش باقي مني ....

الرائع جمال بخيت

والكل يحضر المناديل لمسح دموع الصدق والحب لهذا البلد الجميل

جمال بخيت ... تحياتي ......

مش باقي مني

أنا بأفتخر إني من طين هذا البلد .. مهما حدث .... مهما حدث ... فمصر عندي ليست هؤلاء الظالمون مزوري الإرادة .. ولكن مصر هي الأم الطيبة الباقية اللي مهما كانت قاسية علي فسأظل أحبها وأحاول رد جميلها ...

[se_ Elsyed]

بالمناسبة

عرفت الفرق بين الفن الهادف اللي بيوصل رساله حقيقية صادقة .. بعد ما شاهدت دكان شحاته و بوبوس

وهو الفرق بين الهلس والمسخرة والأحترام

فيلمين بيُعرضوا في نفس الوقت

دكان شحاته ... اتفرجوا واحكموا بنفسكم ..

وفيلم " بوبوس " ... ههههههه ... على فكرة يوسف معاطي كتب الفيلم تفصيل على شخصية علاء مبارك شريك كل المصريين في قوتهم ومشاريعهم حتى الراجل سواق التاكس .. اللي لما نزلوا موقف رمسيس يعملوا أستطلاع رأي .. أخرجوا 3 صور

جمال عبد الناصر ... والسواق عرفه .. وقال . ده الزعيم الخالد

السادات .. وقال ده الزعيم المؤمن

مبارك ... وقال .. ده أبو علاء بيه شريكي عالتاكس ..

فيوسف معاطي قدم كلمة السر في التهليب ونهب البلد من الحيتان .. وهي " بوبوس " وهو إبن شخصية كبيرة في الفيلم قاعد في مكتبه المظلم ويتحدث بإسم البلد ويعرف الصغيرة والكبيرة ويقول " إحنا " ... فكان الحل السحري لكل شخص عايز يهبر مليارات إنه يحشر بوبوس ( عباس ) إبن هذه الشخصية شريكاً في كل المشاريع اللي بيخرج على حسها مليارات الدلوارات من البنوك ... ومنها مشروع كبير لأكبر مدينة ملاهي في الشركة الأوسط .... " مدينة ملاهي بوبوس ههههههه واخد على حسها مليارات بمكالمة تليفون .... وتدخل من بوابه الملاهي تلاقي ما فيش غير مرجيحه من بتوع المولد ...

آه بالمناسبة بوبوس كان في تانية أبتدائي لكنه تخين وحجمه يدي إنه في ثانوي مثلاً ..

حتى في نهاية الفيلم لما أتشالت الشخصية دي من منصبها وجابوا واحد جديد ذو شخصية صارمة ... أجتمع بجميع رجال الأعمال في البلد ... فبطل الفيلم عادل أمام لمح صورة طفل صغير على مكتب الباشا الكبير وسأله .. ده ابن سعادتك ؟ قال له أيوه .. ده " باسم " إبني .... فضحك البطل وقال : باسم ... ههههههه يعني بوبوس

كل ده في إطار مبتذل بين عادل امام ويسرا وتبارى معظم أبطال الفيلم في الإيحاءات الجنسية وللحديث عن الفياجرا .. وما فيش مانع لتقديم مشهد ليلة زفاف أشرف عبد الباقي لمدة نص ساعة في قمة الإبتذال والمنافسة بين عادل أمام ويسرا في هذا ..

ده هو الفرق الحقيقي بين كلمة هادفة مغلفة في إطار من الإسفاف والمسخره ..

وبين كلمة حقيقية مغلفة بالجدية والمواجع ..

[ozoozo]

بالمناسبة

عرفت الفرق بين الفن الهادف اللي بيوصل رساله حقيقية صادقة .. بعد ما شاهدت دكان شحاته و بوبوس

وهو الفرق بين الهلس والمسخرة والأحترام

فيلمين بيُعرضوا في نفس الوقت

دكان شحاته ... اتفرجوا واحكموا بنفسكم ..

وفيلم " بوبوس " ... ههههههه ... على فكرة يوسف معاطي كتب الفيلم تفصيل على شخصية علاء مبارك شريك كل المصريين في قوتهم ومشاريعهم حتى الراجل سواق التاكس .. اللي لما نزلوا موقف رمسيس يعملوا أستطلاع رأي .. أخرجوا 3 صور

جمال عبد الناصر ... والسواق عرفه .. وقال . ده الزعيم الخالد

السادات .. وقال ده الزعيم المؤمن

مبارك ... وقال .. ده أبو علاء بيه شريكي عالتاكس ..

فيوسف معاطي قدم كلمة السر في التهليب ونهب البلد من الحيتان .. وهي " بوبوس " وهو إبن شخصية كبيرة في الفيلم قاعد في مكتبه المظلم ويتحدث بإسم البلد ويعرف الصغيرة والكبيرة ويقول " إحنا " ... فكان الحل السحري لكل شخص عايز يهبر مليارات إنه يحشر بوبوس ( عباس ) إبن هذه الشخصية شريكاً في كل المشاريع اللي بيخرج على حسها مليارات الدلوارات من البنوك ... ومنها مشروع كبير لأكبر مدينة ملاهي في الشركة الأوسط .... " مدينة ملاهي بوبوس ههههههه واخد على حسها مليارات بمكالمة تليفون .... وتدخل من بوابه الملاهي تلاقي ما فيش غير مرجيحه من بتوع المولد ...

آه بالمناسبة بوبوس كان في تانية أبتدائي لكنه تخين وحجمه يدي إنه في ثانوي مثلاً ..

حتى في نهاية الفيلم لما أتشالت الشخصية دي من منصبها وجابوا واحد جديد ذو شخصية صارمة ... أجتمع بجميع رجال الأعمال في البلد ... فبطل الفيلم عادل أمام لمح صورة طفل صغير على مكتب الباشا الكبير وسأله .. ده ابن سعادتك ؟ قال له أيوه .. ده " باسم " إبني .... فضحك البطل وقال : باسم ... ههههههه يعني بوبوس

كل ده في إطار مبتذل بين عادل امام ويسرا وتبارى معظم أبطال الفيلم في الإيحاءات الجنسية وللحديث عن الفياجرا .. وما فيش مانع لتقديم مشهد ليلة زفاف أشرف عبد الباقي لمدة نص ساعة في قمة الإبتذال والمنافسة بين عادل أمام ويسرا في هذا ..

ده هو الفرق الحقيقي بين كلمة هادفة مغلفة في إطار من الإسفاف والمسخره ..

وبين كلمة حقيقية مغلفة بالجدية والمواجع ..

ايوه ياعم شكلك انت في مصر مقضيها سينمات وهايص ............ولا فتحوا سينمات في الرياض؟؟؟؟؟؟ لان بوبوس مش لاقيله اي نسخ علي النت

[ام بودى]

عندك حق يا سين سين من الشجاعة اذا ادركنا ان بعض قناعاتنا خاطئة ان نعترف بذلك ونسعى لتغييرة وقد كان من قناعاتى ان الجواب يبان من عنوانة ينبغى ان نقرأ الجواب ونعرف محتوى الرسالة قبل ان نحكم علية من عنوانة او (تريللرة) تدرى ان هذا الموضوع فكرنى بفيلم اخر ارى انة ظلم بسبب اسمة او عنوانة واسمة هذا اوجد لدى نفورا ان اراة لاعتقادى اننى سارى فيلما فجا من نوعية افلام الراحل فنيا عادل امام زى بوبوس وما شابة وهو الان يعرض على art سينما ذلك الفيلم هو ليلة البيبى دول ورغم عيوب الفيلم الكثيرة التى جعلتة فيلم مشتت ضعيف الحبكة الدرامية الا انة تضمن حوارات رائعة بين ابطالة لولا هذا العنوان الذى وضع بغرض تجارى بحت ولشباك التذاكر حسابات اخرى

[Abu Reem]

عندك حق يا سين سين من الشجاعة اذا ادركنا ان بعض قناعاتنا خاطئة ان نعترف بذلك ونسعى لتغييرة وقد كان من قناعاتى ان الجواب يبان من عنوانة ينبغى ان نقرأ الجواب ونعرف محتوى الرسالة قبل ان نحكم علية من عنوانة او (تريللرة) تدرى ان هذا الموضوع فكرنى بفيلم اخر ارى انة ظلم بسبب اسمة او عنوانة واسمة هذا اوجد لدى نفورا ان اراة لاعتقادى اننى سارى فيلما فجا من نوعية افلام الراحل فنيا عادل امام زى بوبوس وما شابة وهو الان يعرض على art سينما ذلك الفيلم هو ليلة البيبى دول ورغم عيوب الفيلم الكثيرة التى جعلتة فيلم مشتت ضعيف الحبكة الدرامية الا انة تضمن حوارات رائعة بين ابطالة لولا هذا العنوان الذى وضع بغرض تجارى بحت ولشباك التذاكر حسابات اخرى

الفاضلة أم بودي

بصراحة كتبت تعليقي الأول دون أن أقرأ مشاركتك ولكن أسمحي لي أن أخذ رأيك ورأي الإخوة المشاركين في هذا الموضوع في نقطة محددة.

هل يجب أن نغلف أي فيلم حتى ولو كان هادف أو يقدم فكرة أو قصة رائعة ، هل يجب أن نغلف هذه الأفلام بنفس التتبيلة المكونة من المخدرات والمناظر الساخنة ، والألفاط والإيحاءات الخادشة للحياء.

- أنا لا مانع عندي من أن يكون الفيلم الذي تتحدثون عنه ممتاز ولكن هناك فرق بين قصة مكتوبة تتفقون عنها أنها رائعة وبين مخرج يقدم هذه القصة الرائعة بطريقة مبتذلة ( وانا في رأيي أن أي منظر مغري واحد من بطلة الفيلم كفيل بأن يجعلنا نقع في المحظور ) أو أن نسمع جملة حوار واحدة بطريقة مباشرة تجعلني أخجل أن يسمعها أبني أو بنتي ،

- أعرف أنه للأسف معظم الأفلام تحتوي على بعض التجاوزات، ولكن هناك المخرج المحترم الذي يقدم مايريد ، ويستخدم مهارته بحيث لا نصل لمرحلة الإبتذال ، ولكن لا يجب أن نتنازل حتى نصل في يوم من الأيام لكي نرى الجنس يمارس مباشرة أمامنا على شاشة السينما أو التلفزيون بحجة أن هذا يخدم العمل الدرامي، وهذا ما تحاول ايناس الدغيدي وخالد يوسف في الوصول إليه.

فهل نرضى بفن جيد دون مناظر خليعة ؟!! ، أما نرضى بفن جيد مع انحطاط ومناظر مؤذية

وذنوب ومعاصي لا نلتفت إليها !!!!!!!!!!!!!!!!!!!!![/size]

تم تعديل 4 يوليو 2009 بواسطة Abu Reem

[jgeorge]

على نهج يوسيف شاهين قصة الفيلم مستمدة من قصة سيدنا يوسف اللى ابه بيحبه و اشتعلت نار الغيرة فى قلب اخواته

[se_ Elsyed]

أتقدم بأعتذار للفاضل ابو ريم

حذفت بالخطأ مداخلته الأولى في الموضوع

ومن فضلك أعد كتابتها مره أخرى

اسف جداً

--------------

[se_ Elsyed]

أنا مشفتش فيلم دكان شحاته ومش عاوز أشوفه

لا يهمني أفكار هادفة ويتم تغليفها بممثلة ( إغراء من الدرجة الأولى ) ومناظر ساقطة وايحاءات مبتذلة

يابو ريم

ممكن تعصر على نفسك لمونه وتتفرج الأول عالفيلم وتعالى نناقش الأغراء والألفاظ المبتذله وممثلة الأغراء الأولى ..

أتفرج الأول بعد إذنك وتعالى نتناقش

-------------

على نهج يوسيف شاهين قصة الفيلم مستمدة من قصة سيدنا يوسف اللى ابه بيحبه و اشتعلت نار الغيرة فى قلب اخواته

لا علاقة بالقصة من قريب أو بعيد بقصة سيدنا يوسف ..

وإذا كان قصدك على ظلم الإخوات لشحاته طوال الفيلم ...

فشحاته يا صديقي يُمثل الجانب المضيء في الدكان اللي هو مصر .. اللي لو أتقتل زي ما حصل في أخر الفيلم ... يبقى توقع فوضى عارمه من الساس للراس

---------

ايوه ياعم شكلك انت في مصر مقضيها سينمات وهايص

آه نوقوا فيها

أنا متلقح هنا في حر الرياض وبقيت زي ما واحد هندي جاي يقول لي

Mr. seen seen i brcame like a Broasted Checken

يا عم كل الأفلام الجديدة منزلها من على الموقع اللي حطيت الرابط بتاعه

أدخل تاني ونزل اللي إنت عاوزه

[ozoozo]

معلش ياريس العتب علي النظر فعلا الافلام موجوده علي الموقع وده رابط فيه الافلام مرفوعه علي الربيدشير http://www.4cine.net/ عشان الي يحب يحولهاAVI زي حالاتي كده ويتفرج عليها علي الديفيدي ابو تسعين ريال الي جايبه من بنده بدل الواحد مايتصلب ادام الاب توب

[Abu Reem]

[center]

ولا يهمك أخي الحبيب سين سين ، مش مشكلة حذف المداخلة الأولى بالخطأ ، وصدقني أن اعتراضي احيانا على بعض الأشياء التي أقرأها لك ليست سوى دليل على أهمية مواضيعك ، وتقديرا لك على متابعتك المستمرة لجميع الأحداث التي تهمنا جميعاً :rolleyes: وأنني دائما استمتع برؤيتك وأراءك كثيرا ، ولكنني فقط اندهشت لما لقيتك بتحترم خالد يوسف رغم أنك بتعترض على ايناس الدغيدي ،فهذا ما أدهشني !!

على أي حال ساحاول تلخيص ما كتبته،

أنا كان كلامي فيها ملخصه أني أعترض على مناقشة أفكار هادفة باسلوب تجاري رخيص يبرز المساوئ بطريقة مبالغ فيها جدا كما في أفلامه حين ميسرة ، والريس عمر حرب ، وخلافه هي محاولة منه لدخوله العالمية واهتمام المهرجانات بأفلامه مثل مهرجان كان ، وبالطبع الحصول على التمويل لأفلامه والتسويق لها لتشويه صورة مصر وبث الإنهزامية واليأس في صفوف المصريين كما فعل يوسف شاهين في عدد من أفلامه.

- وقلت أن الأفكار والقصص الهادفة يمكن أن يتم إخراجها بأسلوب محترم كما في فيلم الأرض والزوجة الثانية ، واريد حلا ، فرغم ما بها من سيناريوهات جريئة ولكنها كانت تعرض بطريقة لا تخدش الحياء ولا توقعنا في اليأس او تجلعنا نرضى بمزيد من الانحطاط في رؤية ممثلات الإغراء أو سماع حورات هابط كأغاني ريكو وسعد الصغير.

أما بخصوص رؤيتي للفيلم قد تكون معالجة الخرج للفيلم جيدة وقد تكوت قصته جيدة ولكن الواحد لا يريد السم في العسل ، يعني القصص الهادفة كثيرة والدموع سهل اخراجها من الناس فالواقع العربي مؤلم ، ( وقصة محمد الدرة ) ممكن تحويلها لفيلم أكثر روعة من هذا الفيلم ، ولكن هل نقبل أن تقوم هيفاء وغيرها ، بأدوار البطولة في مثل هذه القصص المحترمة

- شيء أخر هل تضمن لي لو شفت الفيلم ألا أرى مناظر خارجة أو حوارات هابطة لا يخجل منها الأبناء مثلا أو الزوجة[/center]

تم تعديل 4 يوليو 2009 بواسطة Abu Reem

[ام بودى]

اخى الفاضل ابو ريم انة لمن دواعى سرورى ان تأتينى فرصة للتحاور مع حضرتك فى اى موضوع فى منتدانا العامر لثقتى الكبيرة فى رجاحة عقلك ورقى اسلوبك اهلا بك اخا كريما...سيدى الفاضل اوافقك تماما فى كل ما ذكرت فانا ضد تقديم المشاهد الفجة التى تؤذى العين وتجرح وتخجل ان يراها اولادك واستخدام الالفاظ التى تؤذى الاذن بل انا مقاطعة تماما لاعمال كل من عرف عنة اللجوء لمثل هذة الاساليب الهدامة للقيم والاخلاق مثل عادل امام وايناس الدغيدى وكمان خالد يوسف لماذا لا بقدمون سينما نظيفة انهم يسخرون من هذة الكلمة ويقولون لا يوجد فن نظيف واخر غير نظيف الفن فن يبرر لة كل ما يقدمة مادام فى سياق العمل ويخدم دراما الفيلم ونحن نقول لهم لا واضم صوتى لصوتك نريد فنا جيدا راقيا خالى من تدخلاتكم السافرة وتتبيلاتكم التى ارهقت اعيننا واذاننا افسدتم اذواق الناس توقفوا عن نفث سمومكم المستوردة ولا تقولوا الناس عايزة كدة الانسان بطبعة مجبول على الفطرة السليمة هذا هو رأيى وسيظل الى الابد وانا ان كنت قد علقت على دكان شحاتة بشكل ايجابى فهذا عن اقتناع بانة مختلف عما قدمة من قبل الفيلم يعتمد بشكل اساسى على القصة الدرامية وترابطها يعيد عن الابتذال و كما قلت حضرتك للاسف لا تخلو معظم الافلام من التجاوزات ولكن لا يجب ان تصل الى الابتذال الفيلم توجد بة بعض التجاوزات التى كنت اتمنى ان تحذف ولولاها لكان فعلا تحفة ويحسب لخالد يوسف انة لم يلجأ لاستغلال هيفاء وهبى والاستفادة منها فى اى من مشاهد الفيلم بل على العكس حاول ان يجعلنا نراها بشكل لم نألفها علية من قبل.. ارجو ان ترى الفيلم لنتناقش حولة بعد مشاهدنك اياة..تحياتى

[Abu Reem]

أختنا الفاضلة أم بودي/

ما أروع ردك ، حقيقةً نموذج لكيفية أن نخرج من الحوار بإتفاق وليس اختلاف كما يحدث عادة ، فرغم رأيك السابق عن الفيلم إلا أن هذا لم يمنعك أن تقولي ما يمليه عليك ضميرك من أن الإنسان رغم أنه يتحيز لرأيه ووجهة نظره إلا أنه قد يغيرها أو على الأقل ينظر إلى ما كان خافيا عنه، فأحييك على إعلاءك للقيم وللسلوكيات وتفضيلها على الفن والمتعة التي قد يقدمها لنا الفن ولكن دون أن يكون فن يساعد على مزيد من الإنحطاط ،

ولو تساهلنا كل فترة وقلنا أن الفن والعمل الدرامي يتطلب هذا سيأتي وقت سنندم فيه نحن قبل الأخرين ونقول لماذا وصل الفن لهذا الدرجة،، تماماً كما يحدث في الرياضة ، اخترعنا كلمة التمثيل المشرف وضعف الإمكانيات في البطولات ووضعنها حجج لتكاسلنا وبعد ذلك أصبحنا نكتفي فقط بالمشاركة والمراكز الأخيرة ، ولكن عندما وجدنا ناس مخلصين وصلوا للعالمية وتحدوا الصعاب واجتهدوا عرفنا أننا كنا على خطأ حينما صدقنا هذا الكلام.

صدقنا مقولة الأغنية الشبابية ، حتى وصلنا إلى الزمن الذي نشتري فيه شرائط سعد الصغير ونسمع أغانية ، حتى وصل بنا الحال أن نسمع كلمات مثل بحبك ياحمار ، وبحبك يخرب بيتك، وانابيب ، وكلام فاضي ، ويبدو أننا نريد أن نصل إلى كلمات أسوأ من هذا وفي الأخر نقول ليه بقينا كده,

مرة أخرى أحييك على هذا الكلام الذي يدل على أن الصح صح والخطأ خطأ ،، ولك كل التقدير ، وأرجو ألا يزعل منا من يعارضنا في هذا الكلام. وسأحاول أن أفكر في رؤية الفيلم ...

تم تعديل 4 يوليو 2009 بواسطة Abu Reem

[فــيــروز]

وياريت قبل فيروز ما تصحى تنزلي بأغنية التتر لفيلم عين شمس .. انا عارف إنك معجب بالأغنيه دي برضوا زي فيروزة المنتدى الجميلة ...

أنا فعلا فى غاية الخجل من أنّى لم ألحظ هذا الطلب من قبل أرجو المعذره يا "س.س." و سماح النوبه و أسوان :D

مبدئيا ده تتر "عين شمس" من على "يوتيوب" خلّى بالك

http://www.youtube.com/watch?v=haHHVyigXtc

و إن شاء الله سأشاهد الفيلم اليوم و أقول رأيى فيه ولو إنّى واخده موقف مسبق من أفلام "خالد يوسف" و أخشى أن يفسد هذا موضوعية التعليق

[elfakhrany]

شاهدت فيلم دُكان شحاته و فهمت مغزى التلميحات مثل مشهد( المولد وكيف أن الصوفيين تركوا مايسمى الذكر لمشاهدة هيفاء ) و ( صورة عبد الناصر وشقوق الحائط ) و ( الحزب الوطنى وأسلوبهم فى الانتخابات ) و ( السلبية لدى الشعب فى مشهد المشاجرة ) و غيرها من التلميحات ولكن وقفت و سألت نفسى ما الجديد الذى قدمه خالد يوسف فى الفيلم ؟؟؟ كل ماقدمه يدركه أى مصرى لأنه يعيشه بحذافيره ولم يقدم أى شىء جديد مثل طرح حلول مثلأً فضلا عن الصورة الغير لائقة لمصر أمام الدول من خلال إبراز السلبيات وترك الإيجابيات حتى لو كانت قليلة . أما بالنسبة لهيفاء وهبى لا تجيد التمثيل إطلاقا وذكرتنى بالمطرب عامر منيب فى تجربته السينمائية