دكان شحاته

[عنبو]

السلام عليكم ورحمة الله وبركاته

انا اتفرجت على الفيلم ومعجبنيش خالص يعنى خلاص مصر مافيهاش حاجه حلوه نعمل لها فيلم ولا خلاص بقت موضه نعمل افلام عن السلبيات وبعدين مهو الناس كلها عارفه السلبيات دى المفروض الواحد يقدم المشكله ويقدم تصور لحل المشكله ونعيش معاه فى التصور لكن غير كده تبقى فضيحه بمعنى الكلمه هو هو خالد يوسف فى عمر حرب وحين ميسره ودكان شحاته نفس الفكره ونفس النمط هو الفيلم ده معمول لمين ؟ للمصريين المصريين عارفين السلبيات اللى فيهم وعاوزين واحد يقولهم يعملوا ايه علشان يتخلصوا من السلبيات دى معمول للعالم تبقى فضيحه بجد لينا لانه بيصور المجتمع المصرى على انه سلبى حتى الناس اللى بتذكر مافيش فى دماغهم اى ذكر يعنى منظر على الفاضى "" ده طبعا مع اعتراضى الشديد على موضوضع الذكر ده "" بس اهو رمز وخلاص والناس اللى بتسرق القمح من على القطار ؟؟؟

بجد انا واحد مهندس سعودى معايا فى الشغل لما اتفرج على فيلم حين ميسره اقلى انا رحت مصر وعارف مصر جداً وبحب مصر انا لو مكان حسنى مبارك كنت هعمل محاكمه لخالد يوسف على الفيلم يم خلاص مصر بقت كلها كده ؟؟

[ام بودى]

وخالد يوسف وان كنت قد استحسنت فيلمة الاخير من ناحية الطرح فقد ابتعد عن استعراض الحياة البائسة لقاع المجتمع بصورة فاضحة ومبالغ فيها وانما تبنى الفيلم العلاقات الانسانية بين الاخوة وان الطيب فى زمن التداعيات السياسية والمجتمعية لا مكان لة فضلا عن الصوت السياسى العالى للفيلم والرسالة واضحة صرخة تحذير اجذروا ثورة الجياع والفوضى فستأتى على الاخضر واليابس ولن تبقى على شئ ولكن هذا لا يعنى رضائى عن الفيلم فمازال خالديوسف و للاسف تحت قائمة الرفض لماذا هذة التجاوزات التى تفسد جمال الفيلم لو انها حذفت لكان افضل .

دة جزء من مداخلة لى فى موضوع اخر وقلت بدل ما اعيد الكلام تانى اعمل اقتباس .الاختلاف فى الرأى لا يفسد للود قضية صباح الفل يا عنبى

[toota]

التعليق ده كتبته سابقا في منتدى اخر ....

الفيلم من بطولة..

محمود حميدة....عمرو سعد....هيفاء وهبي.....غاده عبد الرازق ...

الفيلم يتحدث عن الصراع والغدر بين الاخوة....ودور الاهل في هذا الصراع,....باختصار..كيف نقتل الطيبة والحنان والاخوة فينا..وبأيدينا...

عمرو سعد ادى الدور الاخ الطيب باقتدار...باختصار الفيلم ده اثبت موهبته القوية وثبت اقدامه في عالم التمثيل لسنين قادمة ,,,

هيفاء وهبي....استغربت شخصيتها جدا...برغم بعض المشاهد الخارجه..... فعلا عرفت تؤدي الدور ببراعة واتقان...خالد يوسف عرق يخرج منها ممثلة ....المكنة طلعت قماش....

غاده عادل دورها عادي وموهبتها محلك سر....

قصة الفيلم تتحدث عن حارس فيلا لرجل ثري يعيش لوحده وابنه الوحيد هاجر لامريكا....بيحب الجنايني بتاعه وبيديه حته من الجنينه عشان يفتحها دكان للفاكهه...منها بيعتاش الاب واولاده الاربعه....ولدين وبنت من زوجه خائنة هربت..وولد اسمه شحاته من زوجه ماتت بعد ولادته...وهو الاثير لقلبه دونا عن اولاده االاخرين...

يكبر الاولاد...وتكبر عداوتهم لبعض...تارة بسبب كره الاب لزوجته وانعكاس هذا الكره على طريقته في تفرقته في التعامل مع الاولاد وايثاره للابن الاصغر...وتارة اخرى بسبب طمعهم بمال الاب حيث وهب له صاحب الفيلا الدكان وكتبه باسم الاب....

تنشأ قصة حب بين بيسة (هيفاء) وشحته في الفيلم...رومانسية ناعمة ...ويتقدم لخطبتها حيث يوافق اخوها على مضض...ويطالبه دائما باخذ حقه من اخوته بالقوة لانه لا يستطيع حماية زوجته المستقبليه ضد اخوته....وتحدث المصادمات عندما يتوفى الاب تاركا لاولاده الدكان...

يطمع الاولاد بعد هجرة صاحب الفيلا وحضور ابنه لبيع الفيلا لرجل دبلوماسي ولكنه يشترط بيع الدكان بمليون جنيه...

يلفقوا تهمه لشحاته لانه رفض البيع...ويسجن...اخوه يتزوج بيسة بعد معاناتها ورفضها لهذا الزواج...

ودي نسخة الفيلم للتحميل من الانترنت.....

http://usershare.net/zm4iostrds0e

الفيلم مش عايزه احرق نهايته....بس فيلم فعلا حلو...ويستاهل انه يتشاف...مع تحفظي على المشاهد الخارجة...الا انه متعوب عليه.....

[وليد صفوت]

السلام عليكم،..

الاخت توتا، اعتقد حضرتك ظلمتى غادة "عبد الرازق" و ليس غادة عادل لأنها أدت الدور ببراعة شديدة تتفوق على كثير من ممثلات جيل الرواد بل و اكثر ممثلات السينيما المصرية براعة. غادة عبد الرازق اعتقد انها غبية فنياً حيث احرجت نفسها فى مشاهد الاغراء فى افلام قبل هذا حتى ظن المشاهد انها محدودة الموهبة، فكانت صدمة كبيرة للمشاهد حين رآى منها هذا الآداء العالى فى دكان شحاتة.

على العكس هيفاء لم تكن ممثلة جيدة و لا حتى نصف جيدة، هى اجتهدت على قدر ما تستطيع و هذا واضح فى دورها، حيث لم تدخر وسعاً فى مشاهد الضرب المبرح لها حتى ظننت انها تخرج من كل مشهد على سيارة الاسعاف.. و لكن آداءها التعبيرى سواء فى حركة جسمها أو تعبيرات وجهها فى المشهد لا يساعد المشاهد على استيعاب ما تشعر به الشخصية فى كل مشهد، بل كان كل التركيز على ملابسها المثيرة فى كل المشاهد تقريباً مما اعطى انبطاعا سلبيا عن آداءها ككل.

عمرو ممثل بارع جداً و يكفى هذا اللقب له فى هذة المرحلة من حياته.

الفيلم جيد بشكل عام و لكن لا يصلح للمشاهدة العائلية إذ ان به عدة مشاهد فجة للغاية؛ دخلة بلدى بالتفصيل - ملابس هيفاء الداخلية و هى لابساها - كلام يُصنّف كلام خادش للحياء - رقص مثير لهيفاء....يعنى اللى داخل الفيلم عشان يستمتع بهيفاء هينبسط لكن اللى عاوز يشوف فيلم محترم بلاش يدخله. و اللى عاوز يشوف مهازل خالد يوسف يشوفه عالنت عشان يقدر يفوت المشاهد دى بسرعة.

[toota]

السلام عليكم،..

الاخت توتا، اعتقد حضرتك ظلمتى غادة "عبد الرازق" و ليس غادة عادل لأنها أدت الدور ببراعة شديدة تتفوق على كثير من ممثلات جيل الرواد بل و اكثر ممثلات السينيما المصرية براعة. غادة عبد الرازق اعتقد انها غبية فنياً حيث احرجت نفسها فى مشاهد الاغراء فى افلام قبل هذا حتى ظن المشاهد انها محدودة الموهبة، فكانت صدمة كبيرة للمشاهد حين رآى منها هذا الآداء العالى فى دكان شحاتة.

على العكس هيفاء لم تكن ممثلة جيدة و لا حتى نصف جيدة، هى اجتهدت على قدر ما تستطيع و هذا واضح فى دورها، حيث لم تدخر وسعاً فى مشاهد الضرب المبرح لها حتى ظننت انها تخرج من كل مشهد على سيارة الاسعاف.. و لكن آداءها التعبيرى سواء فى حركة جسمها أو تعبيرات وجهها فى المشهد لا يساعد المشاهد على استيعاب ما تشعر به الشخصية فى كل مشهد، بل كان كل التركيز على ملابسها المثيرة فى كل المشاهد تقريباً مما اعطى انبطاعا سلبيا عن آداءها ككل.

عمرو ممثل بارع جداً و يكفى هذا اللقب له فى هذة المرحلة من حياته.

الفيلم جيد بشكل عام و لكن لا يصلح للمشاهدة العائلية إذ ان به عدة مشاهد فجة للغاية؛ دخلة بلدى بالتفصيل - ملابس هيفاء الداخلية و هى لابساها - كلام يُصنّف كلام خادش للحياء - رقص مثير لهيفاء....يعنى اللى داخل الفيلم عشان يستمتع بهيفاء هينبسط لكن اللى عاوز يشوف فيلم محترم بلاش يدخله. و اللى عاوز يشوف مهازل خالد يوسف يشوفه عالنت عشان يقدر يفوت المشاهد دى بسرعة.

خطأ غير مقصود...انا قصدت غادة عبدالرازق.....ملقتهاش في الدور ده قويه...كانت اي كومبارس حتعمله بسهولة....وهي عموما ممثلة اسقطتها من حساباتي من بدري.....

اما هيفاء....فهي اجتهدت وحاولت تبرز الممثلة جواها.....وتحسب لها انها اول مره تمثل فيها

[وليد صفوت]

يا استاذة توتا ما تظلميش البونية

غادة عملت دور حلو اوى... تابعى تعبيراتها و طريقة آدائها العالى فى مشاهد الظلم المتكرر لها و لشحاتة (عمرو) تابعى نبرات صوتها فى التعبير عن الحوار... تابعى حركات يديها و وجهها و جسمها فى كل مشاهد الفيلم الحزينة و الفرحة فيها عندما تجد اخيها بعد خروجه من السجن.. تابعى طريقة لومها لزوجها و اخوتها. أعتقد انها متفوقة على نفسها فى هذا الدور بالذات.

عموما لولا اختلاف الاذواق لبارت السلع :lol:

تحياتى

[toota]

يا استاذة توتا ما تظلميش البونية :lol:

غادة عملت دور حلو اوى... تابعى تعبيراتها و طريقة آدائها العالى فى مشاهد الظلم المتكرر لها و لشحاتة (عمرو) تابعى نبرات صوتها فى التعبير عن الحوار... تابعى حركات يديها و وجهها و جسمها فى كل مشاهد الفيلم الحزينة و الفرحة فيها عندما تجد اخيها بعد خروجه من السجن.. تابعى طريقة لومها لزوجها و اخوتها. أعتقد انها متفوقة على نفسها فى هذا الدور بالذات.

عموما لولا اختلاف الاذواق لبارت السلع :)

تحياتى

البونيه متجوزة حسب معلوماتي... بس ولا يهمك...فعلا اختلاف الرأي مطلوب :lol:

[مغتربة]

يا استاذة توتا ما تظلميش البونية :)

غادة عملت دور حلو اوى... تابعى تعبيراتها و طريقة آدائها العالى فى مشاهد الظلم المتكرر لها و لشحاتة (عمرو) تابعى نبرات صوتها فى التعبير عن الحوار... تابعى حركات يديها و وجهها و جسمها فى كل مشاهد الفيلم الحزينة و الفرحة فيها عندما تجد اخيها بعد خروجه من السجن.. تابعى طريقة لومها لزوجها و اخوتها. أعتقد انها متفوقة على نفسها فى هذا الدور بالذات.

عموما لولا اختلاف الاذواق لبارت السلع :)

تحياتى

البونيه متجوزة حسب معلوماتي... :rolleyes: بس ولا يهمك...فعلا اختلاف الرأي مطلوب

مطلقه يا فندم من يجى شهر كده

اى خدمه

[pink rose]

انا ماليش فرجة على افلام نكد انا خالص n2&(

لاني بصراحة ما باستحملش و هاتك يا عياط و دموع مش راضية توقف :cry: :cry1:

الفيلم بس لو كان من غير اللقطات المش محترمة اللي فيه كان بقى فيلم تحفة

كان هايتعب اوي خالد يوسف لو ما عملش المشاهد دي

الله يهدي

بافكر اعمل مونتاج للفيلم بس مش عارفه ازاي

هادعبس كده و ادور و اشوف ممكن اعمل ايه

الفيلم حلو بصراحة

عمرو سعد هايبقى حكاية الواد دا كان طيوب كده و صعب عليا جدا

عمرو عبدالجليل مش ممكن مسخرة كوميديا بجد

غادة عبدالرزاق حسستني انها الاخت المغلوبة على امرها فعلا اللي مش قادرة تعمل حاجه غير انها تتحسر على ابوها و اخوها

هيفا بقى مش عارفه ما كانش ليها الدور دا بصراحة خالص حتى لو حاولت بس هي ما تنفعش ممثلة هي اخرها كليبات

الواد الرخم اخوه اللي اتجوز بيسة بجد قرفت منه بجد عيل غبي كده

بس ليا سؤالين

هو المغرب بقى يأذن العصر اليومين دول؟ اصل ساعة توزيع العرقسوس كانت الشمس طالعة يا اخونا

السؤال التاني هل فعلا ممكن مصر لما الطيبة تموت ممكن تتحول لغابة بالشكل الفظيع دا زي اخر الفيلم كده حاجه بجد توجع القلب

[النجم الثاقب]

هو المغرب بقى يأذن العصر اليومين دول؟ اصل ساعة توزيع العرقسوس كانت الشمس طالعة يا اخونا

كنت داخل اسال السؤال ده .. مش معقول حاجة زى كده تفوت على المخرج .. هل ليه وجهة نظر !؟ n2&(

عمرو عبد الجليل مشكلة فعلا .. و خصوصا الامثال اللى كان بيقولها .. سمك لبن تمر هندى .

[ام بودى]

اية يا ريمو الحلاوة دى خير الكلام ما قل ودل ناقدة ناقدة يعنى ما دا اللى انا بقولة من الصبح ان الفيلم حلو لولاش بس شوية التجاوزات اللى فية يعنى لازم النحابيش اياها دى عارفةاحلى رأى قريتة عن خالد يوسف بيقول ان خالد يوسف طبيب يقتل مرضاة. فقط لو يستغل موهبتة فى تقديم اعمال فى حدود اللياقة لكان لة معنا شأن اخر فعلا ربنا يهدى. مساء الفل n2&(

[mffaswan]

الفيلم يعتبر أول بداية لخالد يوسف، بعد حذف فيلمي عمر حرب و حين ميسرة من سابقة أعماله.

أنا بأعتبر خالد يوسف (مع تحفظي الكبير عليه)، أحد أكبر المواهب الموجودة على الساحة الفنية المصرية، ولكنه مازال في مرحلة التخبط التي يبدأ من بعدها في التزام خط محدد، و هذا الخط قد تحددت نقطة البداية فيه من فيلمه الأخير دكان شحاته.

الفيلم يعتبر دراما فنية محبوكة بشكل الإسقاط الفني السياسي، يصف ما يدور في مصر منذ عهد الرئيس مبارك، و حتى عام 2013. و يبدأ المخرج بسرد مجموعة من الكوارث و الأحداث بشكل تنازلي من عام 2013 (لحظة خروج شحاته من السجن بعد تلفيق تهمة له دبرها أخويه) و حتى يوم مولده يوم مقتل السادات.

بصراحة بعد أن فوجئت بالفنان عمرو سعد، أيقنت بإن هذا الفنان هو الحصان الأسود في مجال السنيما في المستقبل، و إنه عما قريب سيذوب أنصاف الممثلين من نوعية مصطفى شعبان و ما شابهه أمام هذه الموهبة الطاغية.

غادة عبد الرازق، قدمت أحد أروع أدوارها، استطاعت التعبير بقوة و بمصداقية أثرت على المشاهدين، للأسف أيضاً أعتبر هذا الفيلم هو بدايتها الفنية، و إن ما سبق كان تخبطاً.

عمرو عبد الجليل، موفق للغاية في أفلامه سواء دكان شحاته أو حين ميسرة أو عندليب الدقي، و أتوقع له مستقبل مبهر في القريب.

هيفاء، للأسف هي تعتبر اختيار سيء للمخرج، و يبدو إنه زج بها في الفيلم لجذب الجمهور لشعبيتها الكبيرة في مجال الغناء، ولكنها لم تكن على المستوى المطلوب درامياً، و قد أثرت على اتزان الفيلم، وكان دورها ركيكاً كلكنتها، و مساحة الاغراء فيه أكثر من اللازم. ولكن كما قلت، هي لجذب الجمهور و زيادة الإيرادات.

محمود حميدة، دور صغير الإمكانيات، ولكن أداء عالى المستوى، و محمود حميدة لديه موهبة طاغية، ولكن مساحة الأدوار التي يقوم بها مؤخراً لا تظهر هذه الموهبة.

عبد العزيز مخيون، دور صغير أيضاً، ولكنه مؤثر، و خاصة حين ينهي الأب (محمود حميدة) عن أن يقوم بكتابة الدكان بأسم شحاته دون اخوته.

أخوة شحاتة (سالم و طلب)، أداء عالى جداً بالنسبة لمواهب مبتدئة، خصوصاً سالم الذي استطاع أن يجتذب كل الكره و الاشمئزاز من المشاهدين، و هو ما يحسب له كفنان، و طلب الذي قاسم أخيه في جمع الكراهية من المشاهدين، و بالتأكيد استطاعوا اداء أدوارهم بحنكة و اقتدار.

أعجبني أن يظهر سالم في بداية الفيلم و حتى منتصفه و هو يتكلم باللهجة الصعيدية السليمة، ثم تتحول تدريجياً إلى اللهجة القاهرية مما يوحي بتبدل الشخصية و تلونها حسب المكان و الزمان.

لم يعجبني في الفيلم النهاية الحزينة جداً، و لم اصدق كل هذا التسامح في أن يقول شحاته للبلطجي (البرص) قبل أن يلفظ أنفاسه الأخيره بعد أن قتله سالم بالرصاص عندما قال له إنه سيأخذ بحقه من أخوته فيقول له شحاته بعد أن يصفعه (دول أخواتي أوعى تقرب لهم) !

في النهاية .. الفيلم جميل، و يأتي مفاجئاً لكل متابعي السنيما و خصوصاً خالد يوسف، الذي ظهر في هذا الفيلم وقد تملك أدوات المخرج الجيد و تعامل مع القصة و الممثلين و المصورين بكل حرفية فنية.

الموسيقى و الكلمات واقعية جداً و مؤثرة للغاية، جاءت الكلمات في مكانها و الأغنيات جاءت في مناسباتها.

الملابس طبيعية و واقعية (ماعدا هيفاء) جاءت ملابسها مثيرة للغاية لتتماشى مع دورها، ولكنها لا تتماشى مع البيئة المحيطة.

الفيلم بشكل عام، جيد، و أتمنى أن يستغل خالد يوسف اسمه بدلاً من هيفاء و أمثالها في تقديم نماذج شبيهة، تنطوي على السلبيات و الايجابيات سوياً وليس السلبيات فقط.