مستشار روتانا و نصيحنه للبنت الحيرانه

[MZohairy]

بنت أرسلت لمستشار مجلة روتانا أنها تعرفت على شاب عن طريق الشات وقامت بإرسال صورة لبنت أخرى أجمل منها وتوطدت العلاقة بينهما ووصلت للتلفون والآن يطلب ملاقاتها ولا تعلم ماذا تفعل ؟؟؟

الحل :-

هذا نتيجة الغش والكذب بل هو غير أخلاقي وغير قانوني !!!!!

يجب أن تصححي غلطتك وترسلي له صورتك الحقيقية

[ozoozo]

طبعا

من غشنا فليس منا :)

[جيمي]

انا كمان فيه حكاية سمعتها مش فاكر فين وامتى ولا ازاي ان كان فيه واحد فضل يحب واحده اربع سنين على النت وبعدين طلع ولد ............. اي نعم ولد......انتحر المسكين :D

وفيه واحد بعت لواحدة اجنبيه انو بطل كمال اجسام وهوه شبه قزم عود القصب وهيه بعتتله صورة واحده شابه وجميلة وهيه ست عجوزه كركوبه......................شورت وفانله وكاب

والقصه دى بجد حصلت قدامى وانا فى تانيه كليه على ما اتذكر كان فيه واحد صاحبى اسمه ح.م ضئيل البنيه نحيف القوام وكمان اصلع ولكنه دقيق الملامح ....فرفور جدااا ومراهق وكنا نتسكع سوياا فى السيبرات اللى هيه مقاهى الانترنت حتى الصباح ......اخونا ح.م كان بيكلم واحده على الشات وبعدين اضايق منها .....شتمها بالانجليزى بكلمه مش تمام يعنى........كان مثقف اوى الواد ح.م ده ....بعدها بساعات قليله كلمته تانى البنت دى واتصالحو واتفقو يكملو كلام تانى يوم .....وحكالى وعرفت ان تانى يوم الواد ده هيبيتنا فى النت ......نزلنا تانى يوم النت ....تالت يوم حسام قالى انا هصحى بكره بدري الساعه 11 علشان عندى ميعاد عند كلية هندسه قولتلو كويس علشان انا كمان عندي سكشن .... الصبح كان المعلم لابس الحته اللى على الحبل وراشش البرفان الفرنساوى اصل ح.م قضى فتره من حياته فى فرنسا وهوه صغير بحكم عمل والده

المهم وصلنى الكليه واخد نفس عميق وقال استاذنك يا صاحبي علشان عندى رندي فو مع البنت اياها .... وانا اقوله ايوه يا عم

ساعتين زمن خلصت السكشن ونزلت لقيت ح.م متخرشم وحواليه بقية الشله اول ماشافنى انت كنت فين يا جيمي رديت عليه مالك يا ح. قالى انا اتبهدلت يا عم انا واقف عند الكليه ولابس الطقم اللى انا والبنيه متفقين عليه لاقيت واحد طويل القامه عريض المنكبين بيقولى انت ح.م قولتلوه ايون واذ فجأة رفع ايده وضربنى على خوانه يا جيمي

قولتله على خوانه ايه بس يا ح.م طيب لو قولنا ان الخربوش على وشك ده خوانه والكدمات اللى فيه ايدك وهدومك اللى متنيله زى مايكون ممسوح بيها بلاط الجامعه كل ده خوانه .... لا انا لايمكن اسكت ابدااا بينا يا رجاله ...رد عليه ر.م -احد اصدقائنا برده من اللى استعان بيهم ح.م لرد العدوان- وقالى يا جيمي احنا ماسكتناش وروحنا للواد اللى ضربه فى كليه هندسه والواد بصراحه سبتنا بالكلام وقالنا يرضيكو يكلم البنت بتاعتى ويشتمها على الشات ومش راضى يقول جايب الاميل بتاعها منين ....انا قولت الله ايه الحرب الالكترونيه دى ........

طبعا كده القصه وضحت ح.م شتم البنت اشتكت للبوي فرند دخل كلمه على انه واحده واخد منه ميعاااد وروقه بصراحه

قولتله يالا نروح يا ح.م انا قولتلك يوميها نروح نلعب تنس طاوله انت اللى قولتلى نت وبتاع وشاى بالنعناع :) وعلى العموم ادينى اميل الوادد وانا كل كل شويه هبعتلو بظظ لعند ماعملو ازعاج او هعمله عمل والفهولو فى باتش وابعتهولو على الاميل :huh: md2:

[الباشمهندس ياسر]

الخاينة

المجرمة

ازاى تعمل كده

معقووووووووووولة.............

هو لسه فيه حد بيبعت صور ... اومال الكام عملوه ليه :)

[محمد عبدالعزيز]

أصبحنا مجتمع بدون آباء أو أمهات

[doudy]

هى اكيد كانت ناوية على علاقة غير جدية من الاول عشان كدة بعتت صورة غير صورتها

لو كانت ناوية الجد كانت بعتت صورتها الحقيقية

الغش لازم يبان و لازم تدفع نتيجة غلطها و غشها

و هى و حظها بقى يا يسامحها يا يسيبها لانها غشته :)

[ذهبية]

هو فية علاقة جدية او غير جدية على النت و الشات

هى البنت بس اللى بتكذب فى المعلومات اللى عليها ما الولد كمان بيكذب قى كل كلامة

و بصراحة علاقات النت كلها علاقات كذب و خداع ونادرااا جدا ام تنجح علاقة من خلالة لانها معظمها قائم على الخيال والكذب

واعتقد ان اى بنت لازم تتردد الف مرة قبل ما تتجرأ و تبعت لاى ولد صورة لها محدش عارف اخلاقياتة اية

وممكن يعمل بالصورة دى اية وكلنا عارفين التقنيات الحديثة الان

ومن الاخر كدة انا مش باقتنع بعلاقات النت و باعتبر انة فتح باب للشيطان ملوش اى لزمة و مضيعة للوقت

[MZohairy]

هى اكيد كانت ناوية على علاقة غير جدية من الاول عشان كدة بعتت صورة غير صورتها

لو كانت ناوية الجد كانت بعتت صورتها الحقيقية

الغش لازم يبان و لازم تدفع نتيجة غلطها و غشها

و هى و حظها بقى يا يسامحها يا يسيبها لانها غشته :D

يا أم عبد الرحمن

تبعتله صورتها ازاي بس؟

يعني لو واحده بتعمل شاتينج مع ناس متعرفهومش يصح تبعتلهم صورتها ؟

و بعد كده ايه الخطوه التانيه؟

الموضوع لإستنكار السؤال و السخريه من الاجابه

تحياتي

[doudy]

هى اكيد كانت ناوية على علاقة غير جدية من الاول عشان كدة بعتت صورة غير صورتها

لو كانت ناوية الجد كانت بعتت صورتها الحقيقية

الغش لازم يبان و لازم تدفع نتيجة غلطها و غشها

و هى و حظها بقى يا يسامحها يا يسيبها لانها غشته :D

يا أم عبد الرحمن

تبعتله صورتها ازاي بس؟

يعني لو واحده بتعمل شاتينج مع ناس متعرفهومش يصح تبعتلهم صورتها ؟

و بعد كده ايه الخطوه التانيه؟

الموضوع لإستنكار السؤال و السخريه من الاجابه

تحياتي

طيب اعمل انا ايه شفت بقى انا طيبة ازاى مادتش بالى انك بتسخر من السؤال و الاجابة

ومع ذلك فيه ناس كتيير بتتجوز من الشات و من النت :D

[MZohairy]

ومع ذلك فيه ناس كتيير بتتجوز من الشات و من النت :D

:D

والله ماعرف

بتتكلمي جد؟ :D

[الباشمهندس ياسر]

ومع ذلك فيه ناس كتيير بتتجوز من الشات و من النت :D

:D

والله ماعرف

بتتكلمي جد؟ :D

و معظم معارفى اللى اتجوزوا م النت جوازاتهم باظت

و انا شخصيا باظت عندى علاقة من النت .... لانها كدبت فى شوية حاجات

و رغم انى رحت بيتهم ...و قلت عفا الله عما سلف . و يمكن البنت مكنتش لسه تعرفنى

و اتقدمت رسمى ... الا ان الموضوع باظ برده

و عندى شاب من قرايبى اتجوز من النت و ربنا رزقه بطفل و لولا الطفل ده كان انهى العلاقة من بدرى

و للامانة ....برده فيه نماذج نجحت ...انما مش من حد م اللى اعرفهم...يعنى يادوبك سمع مش اكتر

[elfakhrany]

صديق شخصى تعرف على زوجته عن طريق النت وتزوج العام الماضى والحمد لله يعيش فى سعادة :D

تم تعديل 29 يونيو 2009 بواسطة elfakhrany

[عنبو]

انا شخصيا مش مقتنع بموضوع الزواج عن طريق النت يعنى من باب اللى مش ترضاه على اختك مش ترضاه على بنات الناس ومافيش احسن من ان الواحد يدخل البيت من بابه ويتقدم رسمى ويستحسن طبعا انه يكون سائل عنهم اقبل لما يدخل علشان يبقى عارف كل حاجه ويسيب الباقى على ربنا ؟؟

[doudy]

ومع ذلك فيه ناس كتيير بتتجوز من الشات و من النت :happy:

:blink:

والله ماعرف

بتتكلمي جد؟ :blink:

و معظم معارفى اللى اتجوزوا م النت جوازاتهم باظت

و انا شخصيا باظت عندى علاقة من النت .... لانها كدبت فى شوية حاجات

و رغم انى رحت بيتهم ...و قلت عفا الله عما سلف . و يمكن البنت مكنتش لسه تعرفنى

و اتقدمت رسمى ... الا ان الموضوع باظ برده

و عندى شاب من قرايبى اتجوز من النت و ربنا رزقه بطفل و لولا الطفل ده كان انهى العلاقة من بدرى

و للامانة ....برده فيه نماذج نجحت ...انما مش من حد م اللى اعرفهم...يعنى يادوبك سمع مش اكتر

انا و الله ما شفتش حالات عن قرب

بس بسمع و ع العموم خلينا فى التجارب الناجحة اللى بتكون على اساس سليم من الاول

بلاش الحالات اللى بتكون مبنية ع الغش و اللعب و خلاص

و انا ذكرت الموضوع ليك يا زوهيرى

عشان زى ما بيقولوا الشىء بالشىء يذكر wst::

[doudy]

ومع ذلك فيه ناس كتيير بتتجوز من الشات و من النت :happy:

:blink:

والله ماعرف

بتتكلمي جد؟ :blink:

و لا انا كمان يا زوهيرى زى زيك ع السمع برضه

بس حبيت اوضحلك ان كلامى دة من الواقع مش من المريخ wst::