مصر وحشتنى جدا...سلمولى عليها وبوسولى ترابها

[Egypt]

اليوم كنت باسمع اغنية شاديه (ياحبيبتى يامصر)

لاقيت الدموع منهمره منى

والله مصر وحشتنى جدا

وحشتنى زحمة المواصلات

طابور العيش

كلمة صباح الخير اللى كنا بنقلها لكل اللى نقابله

قرطاس الطعميه

جرنال الاهرام يوم الجمعه

تذكرت مقال للرافعى على مااعتقد وهو حوار دار بين قط سمين يعيش حياة الرفاهيه لدى احدى الاسر واخر نحيف يجرى وراء فاره ودار بينهما حوار خطير كان مما جاء فه على لسان القط النحيف (انك تاكل الذ الاكلات ويقوم اهل البيت بتنظيفك ولكنك افتقدت لذه الحياه....اين متعتك فى مطارده فاره)

انا فى الغربه اصبحت قط سمين وافتقدت المتعه الاتيه:

1- فين متعه الوقوف على الموقف مع 100 واحد منتظرين ميكروباس ونجرى الميه ويامتعتى لما اكون من ضمن العشره اللى ركبوا.

2- فين متعتى لما اروح يوم الجمعه البلد واحب على ايد والدتى واخدلها معايه الملبن اللى بتحبه وتدعيلى.

اخوانى انا زهقت من الغربه

انا هنا من اربعة سنوات ولم اقدم شئ لوطنى ولا لدينى

اللى باعمله انى باصلى واعمل عمره لكن هناك اشياء كنت افعلها فى مصر الى جوار الصلاه وكنت اعتبرها عظيمه.

1- كنت باشتغل فى التامين الصحى واكشف بجنيه ونصف

2- كنت باكفل ايتام

3- كنت بانام على حجر والدتى

4- كنت باحضر فرح بنت خالتى

5- كنت باقعد فى جلسة صلح

6- كنت بازور ابن عمى فى المستشفى

انا الان قط سمين لاهم لى جمع الاموال وهذه يالتنى افلحت فيها

انا الان قررت ارجع الى مطاردة الفار سوف ارجع الى بلدى الى متعتى الى حجر امى

انا نازل مصر اول شعبان وانشاء الله هاعيش عيشه اسعد وامتع من هنا

نداء الى كل مغترب...عليك ان تختار

اما ان تعيش قط سمين بدون متعه

او قط نحيف ولديك كل المتع

اختر الان وبسرعه

[تامر مصطفى]

السلام عليكم

مشكلتنا اكبر من كده يا اخ ايجبت

احنا مش قطط

الواحد فينا عامل زي الفار الصغير اللي بيدخل زجاجة ويكبر فيها وميعرفش يخرج منها تاني الا بكسر الزجاجة والكسر ده اما ينتج عنه جرح او ربنا يسلم

[مصر فى قلبى]

والله حركت فيا الجراح . فعلا انا اتمنى اعيش فى مصر . ربنا يوفقك امين امين امين

[waaaf]

كلماتك خليتني بكيت داخل نفسي .. بحبك يامصر وبحب ترابك ..

[abohaya]

مع احترامى الشديد لحضرتك انا مش شايف اى متعة و لا اعتقد ان اولادنا اولاد هذا الجيل الذين نتحجج بهم و اننا تغربنا علشانهم سينظرون لهذة الامور على انها متعة و كل الامور التى كانت تمتعك ممكن عملها من هنا يعنى ممكن تكفل يتيم و انت هنا و ممكن تساعد فى الكشف على الفقراء هنا ولو وحشتك الحاجة ممكن تعمل زيارة و اكيد هى حتكون مبسوطة اكثر هنا بسبب مكة و المدينة وارى ان موضوع التفكير فى النزول ده يرتبط بشيئين المؤهل العلمى و القدرة المالية ولا يتخذ بعاطفية مثلا الاطباء و الصيادلة و اصحاب المؤهلات النادرة يكون وجودهم لوقت معين لتحقيق هدف و عند عودتهم طبعا وظائفهم معروفة طبيب او صيدلى اما الاغلبية زى حالاتى تجارة و اداب وغيره فينا الى اشتغل مندوب مبيعات و هذة نسبة كبيرة و بياع فى محل و غيره الكثير من الوظائف التى من المستحيل ان تشتغلها فى مصر لتدنى دخلها فى مصر مقارنة بهنا فتجعلك تفكر مليون مرة قبل الاقدام على فكرة النزول مصر و الشىء الوحيد الذى يجعلك تفكر هو مقدار ما تمتلكه من مال لترى هل سيساعد على العيش حياة كريمة فى مصر (بدون متعة) كلوة اخيرة باين عليك قديم لسة بتسمع يا حبيبتى يا مص دلوقت الموضة ما شربتش من نيلها

[jamalpody]

والله ضحكتني يا راجل

انا حاليا في اجازة يعني بكتبلك من مصر

انت عايش في ايام قديمة قوي مصر يا ابني اتغيرت خالص دلوقتي لو حبيت تركب الميكروباص ذي زمان جيل

البانجو حيشرحوك ولو حاولت تشتري ملبن لوالدتك ذي زمان حتندم يا جميل

مصر يا عزيزي ليست هي مصر التي نعرفها انها مسخ

جرب وانزل وحتشوف مع تحياتي من ارض الوطن

[Egypt]

مع احترامى الشديد لحضرتك انا مش شايف اى متعة و لا اعتقد ان اولادنا اولاد هذا الجيل الذين نتحجج بهم و اننا تغربنا علشانهم سينظرون لهذة الامور على انها متعة و كل الامور التى كانت تمتعك ممكن عملها من هنا يعنى ممكن تكفل يتيم و انت هنا و ممكن تساعد فى الكشف على الفقراء هنا ولو وحشتك الحاجة ممكن تعمل زيارة و اكيد هى حتكون مبسوطة اكثر هنا بسبب مكة و المدينة وارى ان موضوع التفكير فى النزول ده يرتبط بشيئين المؤهل العلمى و القدرة المالية ولا يتخذ بعاطفية مثلا الاطباء و الصيادلة و اصحاب المؤهلات النادرة يكون وجودهم لوقت معين لتحقيق هدف و عند عودتهم طبعا وظائفهم معروفة طبيب او صيدلى اما الاغلبية زى حالاتى تجارة و اداب وغيره فينا الى اشتغل مندوب مبيعات و هذة نسبة كبيرة و بياع فى محل و غيره الكثير من الوظائف التى من المستحيل ان تشتغلها فى مصر لتدنى دخلها فى مصر مقارنة بهنا فتجعلك تفكر مليون مرة قبل الاقدام على فكرة النزول مصر و الشىء الوحيد الذى يجعلك تفكر هو مقدار ما تمتلكه من مال لترى هل سيساعد على العيش حياة كريمة فى مصر (بدون متعة) كلوة اخيرة باين عليك قديم لسة بتسمع يا حبيبتى يا مص دلوقت الموضة ما شربتش من نيلها

بالله عليك اذا كنت خريج اداب او تجاره وترى انك مميز هنا ....انظر الى دفعتك خريجى كليتك والذين لم يحالفهم الحظ فى السفر....هل هم مشردون...هل يسيرون فى الشوارع يسالون الناس الحافا

كلهم فى متعته...انت حاسبها غلط...وخليك مكانك وسيبك من المتع

[عاشق النيل]

بعد السلام عليكم

اخوكم لسة جديد وخريج تجارة الاخ عندة حق الواحد هنا من خمس شهور ولكن نفسى انزل لمصر وادفن وشى فى ترابها ومصر بناسها ببساطة شعبها وجدعتنهم وروحة الحلوة اللى بتسخر من اية حاجة كفاية صباحو ابيض نهارك فل ورد يا عم وغيرة وغالبية الشعب مستواة قريب من بعض والشغل فى مصر كتيير بس عايز تعب والعائد صغير لكن المعادلة متوازنة فلوس قليلة وخدمات زفت لكن الناس والنيل والشوارع السهرانة والقهاوى وعربيات الفول كفاية الواحد بياخد عيالة ويتمشى فى اى حتة

قلبت علينا المواجع

كفاية

[banaga]

والله ضحكتني يا راجل

انا حاليا في اجازة يعني بكتبلك من مصر

انت عايش في ايام قديمة قوي مصر يا ابني اتغيرت خالص دلوقتي لو حبيت تركب الميكروباص ذي زمان جيل

البانجو حيشرحوك ولو حاولت تشتري ملبن لوالدتك ذي زمان حتندم يا جميل

مصر يا عزيزي ليست هي مصر التي نعرفها انها مسخ

جرب وانزل وحتشوف مع تحياتي من ارض الوطن

السلام عليكم و رحمة الله

والله انا نزلت اجازة و شفت مصر زى ما هى و مفيش حاجة اتغيرت مع انى كنت شايفها سودا خلاص بسبب التلفزيون و الناس اللى فضحانا اللى بتاخد 50 الف جنيه فى الشهر و بينكدوا علينا و مبيعملوش اى حاجة مفيدة بالبرامج بتاعتهم (90 دقيقة و العاشرة مساءا و البيت بيتك و الحياه اليوم و الجديد بقى بلدنا ) الحمدلله اتعالجت منهم المهم انا عايز اقولك انك طول ما انت متغرب هتفضل حاسس ان مش هى دى مصر هى فعلا اتغيرت بس مش اوى و كمان عشان انت مش حاضر التغيير ده انت بتنزل كل سنة و نص و لا سنتين و لا حتى تلاتة كمان انا عايز اقولك انك والله العظيم بتضحك على نفسم كل اللى هنا بيضحكو على نفسهم بالكلمتين دول عارف ليه عشان خايف يواجه نفسه و تملكه سبح النزول النهائى و فى ناس تانية معندهاش توكل على الله انا اعرف ناس بقالهم 16 سنة و كل سنة يقولك خلاص اخر سنة السنة دى و الله مصر زى ما هى و كل حاجة زى ما هى بلاش بقى كلام اصل مصر مبقتش مصر و الناس بقت غير الناس و الجديد كل ما تكلم حد يقولك والله رمضان مبقاش زى زمان فى مصر امال رمضان فين لو مش فى مصر فى الهند؟؟ و خد عندك ياعم هنزل مصر اعمل اخويا متجوز و فى بيته و مراته و اختى متجوزة و فى جوزها و عيالها و بنزل و الله الاقى اللمه والخروج و السهر و كل حاجة زى ماهى و مصر هتفضل زى ماهى بس اخر حاجة هقولها برضة ان الغربة بتقوى القلب بتقوية اوى و بعد كده و لا بتحب لعربية فول و لا فرح بنت خالتك و لا زيارة ابن عمك فى المستشفى حتى لو لقدر الله حصل عند حد حالة وفاة هى مكالمة ب ريال و شكرا

يلا اسف على الاطالة سلام

[Egypt]

جرب وانزل وحتشوف مع تحياتي من ارض الوطن

السلام عليكم و رحمة الله

والله انا نزلت اجازة و شفت مصر زى ما هى و مفيش حاجة اتغيرت مع انى كنت شايفها سودا خلاص بسبب التلفزيون و الناس اللى فضحانا اللى بتاخد 50 الف جنيه فى الشهر و بينكدوا علينا و مبيعملوش اى حاجة مفيدة بالبرامج بتاعتهم (90 دقيقة و العاشرة مساءا و البيت بيتك و الحياه اليوم و الجديد بقى بلدنا ) الحمدلله اتعالجت منهم المهم انا عايز اقولك انك طول ما انت متغرب هتفضل حاسس ان مش هى دى مصر هى فعلا اتغيرت بس مش اوى و كمان عشان انت مش حاضر التغيير ده انت بتنزل كل سنة و نص و لا سنتين و لا حتى تلاتة كمان انا عايز اقولك انك والله العظيم بتضحك على نفسم كل اللى هنا بيضحكو على نفسهم بالكلمتين دول عارف ليه عشان خايف يواجه نفسه و تملكه سبح النزول النهائى و فى ناس تانية معندهاش توكل على الله انا اعرف ناس بقالهم 16 سنة و كل سنة يقولك خلاص اخر سنة السنة دى و الله مصر زى ما هى و كل حاجة زى ما هى بلاش بقى كلام اصل مصر مبقتش مصر و الناس بقت غير الناس و الجديد كل ما تكلم حد يقولك والله رمضان مبقاش زى زمان فى مصر امال رمضان فين لو مش فى مصر فى الهند؟؟ و خد عندك ياعم هنزل مصر اعمل اخويا متجوز و فى بيته و مراته و اختى متجوزة و فى جوزها و عيالها و بنزل و الله الاقى اللمه والخروج و السهر و كل حاجة زى ماهى و مصر هتفضل زى ماهى بس اخر حاجة هقولها برضة ان الغربة بتقوى القلب بتقوية اوى و بعد كده و لا بتحب لعربية فول و لا فرح بنت خالتك و لا زيارة ابن عمك فى المستشفى حتى لو لقدر الله حصل عند حد حالة وفاة هى مكالمة ب ريال و شكرا

يلا اسف على الاطالة سلام

والله كلامك جميل

انا هنا باخسر عمرى وحياتى

من اربعة سنوات وانا بانتظر الشهر يخلص علشان القبض ولما الشهر يخلص انتظر اللى بعده وافرح لما يكون يوم 15 او يوم 20 لان الشهر قرب يخلص

طيب وبعدين

خلص شهر ورى شهر وسنه ورى سنه لما مرت اربعة سنوات

انا طبيب ومن اربعة سنوات اشتريت شقة فى حته شعبيه

مرتى عايزه تقعد لما نشطبها

وبعدين نقعد لما نشترى عياده

وبعدين هتقولى نقعد لما نعمل قرشين

وكل خطوه من دول تاخد اربع سنوات

يعنى ارجع بعد عشرين سنه ده لو كان فى العمر بقيه

طبعا هارجع انسان مسخ....انشان شعره شاب وكرشه امامه متر ونصف

سوف انتقل من غربه الغربه الى غربة الوطن

لكن خلاص القرار اتاخد

...مش هاستنى علشان اشطب الشقه

هانام على الارض

هاقفل الشبابيك بورق كرتون

لكن ارفض انى ابقى مسخ

[tantrum]

السلام عليكم

طبعا يا أستاذى الفاضل Egypt لا أملك إلا أن أدعو لك بأن تعود إلى الأشياء التى إفتقدتها ووحشتك....!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

لكن - بعد إذنك - فكر تانى فى هذة الأشياء التى ذكرتها:

زحمة المواصلات ( تكدس البشر فى سيارات متهالكة بون مراعاة لأدميتهم- تعرض للعدوى السرقة المشاجرات و................................... ثم تأخر عن العمل لتذهب إلى عملك كاره لكل شىء)

طابور العيش (لا أعلم أين المتعة فى هذا الموقف الذل للإنسان)

صباح الخير (أبدلك الله بتحية أفضل منها)

قرطاس الطعمية (ربما)

أهرام الجمعة (أوفر شىء فى مصر ممكن تشتريه للفرش على السفرة قبل الأكل و أعتقد أن أغلب المصريين يشترونه لنفس السبب _خلاص يا باشا الأهرام ده كان زمان)

( الحنين لهذه الأشياء السابقة يعتبر ضرب من المازوخية)

لكن برضة أنا زيك سمعت أغنية و عينى دمعت لما سمعتها _ بس المره دى كانت أغنيه إسما الحدود لفرقة الأصدقاء_ بس أمعنت التفكير فى حال مصر و حالى فى مصر و قلت الحمد لله.

لكن ده كله لا يمنع أنها وطنا و بلدنا و أمنا و حالة النوستالجيا اللى عندك (لحنين إلى الوطن Nostalgia) طبيعية جدا لكن لا تتسرع.

[Handasah]

كنت قد مريت بنفس تجربة الاخ egypt منذ فترة تقريبا واتخذت نفس القرار وهو العودة الى الوطن ولم اندم ابدا على هذا القرار واليوم اقول ان القرار كان صحيحا فالمال دائما لايكون مقياس لمدى سعادة الانسان وانما هو جزء و الباقى هو حب الناس والتجمع مع الاخوة و اشياء كثيرة تكون فى بلدك وبين اهلك

[elfakhrany]

قلبى وجعنى .. كفاية كده :D

[banaga]

السلام عليكم

طبعا يا أستاذى الفاضل Egypt لا أملك إلا أن أدعو لك بأن تعود إلى الأشياء التى إفتقدتها ووحشتك....!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

لكن - بعد إذنك - فكر تانى فى هذة الأشياء التى ذكرتها:

زحمة المواصلات ( تكدس البشر فى سيارات متهالكة بون مراعاة لأدميتهم- تعرض للعدوى السرقة المشاجرات و................................... ثم تأخر عن العمل لتذهب إلى عملك كاره لكل شىء)

طيب يا بيه ما هى دى حياتنا اللى طول عمرنا عايشنها مش كدا ولا اية ؟

و بعدين لما ما يستعجلش هينزل امتى يعنى ؟؟؟ و اديك شايف السنين بتجرى ازاى و عايشين مع الهنود و الفلبنيين و الباكستانيين و الاشكال اللى انت عارفها دى و لابقى فى صباح الفل و لا مساء الجمال و لا حتى فى صباح الخير بس بس good morninig و how r u و how's ur family و الكلمتين دول و اللى حافظله كلمتين كمان هندى و لا باكستانى يبقى ميه ميه teka و hatch مش عارف كاتبهم صح و لا لاء طبعا ابتسم انت فى دولة عربية و ياريتها اى دولة انت فى بلد القران بلد الاسلام بلد محمد :D

[alex man]

ربنا يواقفك الجميع لما فيه خير ان شاء الله وسلملى على مصر :D

[Egypt]

مش قادر اصبر الشهر الباقى علشان ارجع مصر

بالله عليكم احكولى وفكرونى بمصر

ياترى المصطبه اللى امام بيتنا فى البلد لسه موجوده...وياترى لسه عمى الحاج محمد بيجى يقعد مع والدى بعد العصر...بس الحاج محمد مات ...ياترى والدى دالوقتى بيقعد مع مين؟

ياترى لسه اصحابى فى المنيا بيفلسعوا من ستاتهم يوم الجمعه باليل ويناموا على نجيله الكورنيش ويقفلوا الموبيلات حتى 2 باليل.

ياترى العيال بداوا يعلقوا زينة رمضان ولا لسه

افران الكنافه اتنصبت فى الشوارع ولا لسه

قران المغرب قبل الفطار لسه موجود

الشوارع بتتفرش بالحصر بره الجامع لصلاة التراويح فى رمضان

ياترى لسه ام وائل بتعمل سندوتشات طعميه للدكاتره للفطار

ياترى عيلتنا فى البلد لسه عامله مشاكل مع باقى العيلات

ياترى فيه عندنا جلسة صلح اليوم

احكولى عن مصر

الحياه فى مصر

الموت فى الغربه

انا راجع للحياه

[مغتربة]

انا عايزة اقولك ان دى الاغنيه الرسميه دلوقتى لكل المغتربين فى الامارات

كل الناس مشغلاها

و لما تركب مع حد يقول لك اسمع كده الاغنيه الجديده دى و قولى رايك فيها

بس طبعا هى مش فيها راى

ربنا يهون علينا غربتنا اجمعين

[graphic designer]

السلام عليكم انا كمان اتاثرت باغنية سمعتها ( متغربين ) لمحمد فؤاد وجيت هنا سنة ونصف ونزلت اجازة وفى الاجازة ما بتشوف الامور زى متكون مقيم فى مصر ضاعت الاجازة فى الفسح اجازة بقى وزيارات وغيره ورجعت بعد 3 شهور وزاد حنينى لمصر لدرجة انى لم امكث فى السعودية بعد عودتى من الاجازة غير 3 شهور ونزلت مصر ام الدنيا وصدمت بالواقع والحياه فى مصر احنا اكيد بنحب مصر بس ظروفها واحواها هيا اللى اجبرتنا نتركها وقعدت فى مصر سنة ونصف وكنت كل يوم افتكر كلمة قالهالى واحد مصرى قابلته صدفة فى السعودية ( احنا بنعتبر ان مصر دى امنا وماتت احنا الان أيتام ) تصدقونى ان الكلمة دى يوميا كنت افتكرها ورجعت السعودية تانى لانى ملقتشي مصر ودورت عليها كتير لكن فين تلاقيها وفى الاخر ربك الرزاق

[Egypt]

( احنا بنعتبر ان مصر دى امنا وماتت احنا الان أيتام ) تصدقونى ان الكلمة دى يوميا كنت افتكرها ورجعت السعودية تانى لانى ملقتشي مصر ودورت عليها كتير لكن فين تلاقيها وفى الاخر ربك الرزاق

مصر لم ولن تموت

لكن الل اتغرب وشاف الحياه الكريمه (حياة المسخ) فى الغربه وقعد يسمن فى نفسه وفى عياله اصابته تخمه فى بطنه وفى تفكيره

كل شئ موجود فى مصر ولن تجده الا فى مصر

[graphic designer]

لكن الل اتغرب وشاف الحياه الكريمه (حياة المسخ) فى الغربه وقعد يسمن فى نفسه وفى عياله اصابته تخمه فى بطنه وفى تفكيره

انت تحاملت فى الرد بس صدقنى انا والله بحب مصر جدا والعيشة فى مصر وسط الاهل والاصحاب متعة بس فى شيء مهم ان احساس اللى سافر وشاف العيشة بره واللى مسافرش الفرق بينهم كبير وترجع تفتكر وتقارن بين هنا ومصر مع مرور الوقت كل ده ما يقلل فى حبنا لمصر لكن يا عزيزى تمهل وفكر وهنا مش كل الناس زى بعضها ومش كل الاعمال زى بعض لو انا وصلت لاحساسي انى قط ثمين ومسخ والله ما انتظر لحظة هنا وربنا يهديك للخير ويرزقنا الخير ويرضنا به