علي سلامة ..على باب سفارة كندا

[محمد يوسف]

على باب سفارة كندا قبلت ابليس وفي ايده استمارة

قولتلة على فين .... قالي بص " ياهجرة يا إعارة "

ياعم زهقت كفرت ... الاقيش معاك سيجارة

انا انتهيت خلاص

لا عاد نافع وساوس ولا خناس......... ولا عاد ليا عيش بين الناس

دي عالم مجرمين ... عندكو فائض في الفساد

في كل البلاد

مش محتاجين شياطين ....ماليش عيش في البلد دي بقالي سنين عاطل

وانتوا بتعرفوا تقلبوا الحق باطل

وتسلكوا القاتل .....وتمشوا في جنازة المقتول ومفيش مشاكل

يعم دانا بقيت اوسوس بالمقلوب ....

بقيت اقول للحرامي توب .....

انت لوحدك هاتعمل كل الذنوب ........

دانا ابليس ..... اشتغل واعظ وكمسري في اتوبيس .

ياعم زمان .... استنى حد ينسى يسمى وهو بياكل لقمتة

دلوقتي كل اكلكم ملوث.... وبصراحة الواحد خايف على صحتة

ده مافيش ضمير اساسا..... علشان اموتة

كل واحد بمزاجة ..... خربانه زمتة

ياعم ده كل حاجة اتسرقت ... والأجيال اللي جاية من الحرامية اتظلمت

ياراجل ده من كتر مالطشت معايا

طلعت في مظاهر مع الناس اللي بتقول كفاية

وبرضوا مفيش

منقــــول

تم تعديل 29 يونيو 2009 بواسطة Mohammad
إضافة كلمة " منقول " حيث ان العضو الفاضل قد نسى ان ينوه الى ذلك

[sherifhfm]

يا عم ايه الجمال ده بس والله قلبت عليا المواجع :happy: