fly dubai

[مغتربة]

يا ترى ايه اخبار فلاى دبى معاكم

حد جربها

ايه نظام الاسعار

و مستوى الخدمه

هى عامله هوس هنا فى الامارات من رخصها

بس ان عايزة اسمع من حد حجز عليها فعلا

كل الشكر مقدما

[وليد صفوت]

السلام عليكم،..

من حسن حظى و حظ الاعضاء أننى امثل مكتب Flydubai فى مصر، و يمكننى ان ادلى بكل المعلومات المتاحة لدى لكل من يريد..

بداية، الطائرات جديدة تماما و لم يتم استخدامها قبل شهر يونيو، و هى تتبع طيران الإمراتية، الطائرات من نوع بوينج 737 / 300 سعة 189 راكب (ثلاث مقاعد يمين/ ثلاث مقاعد شمال). الطائرات تغادر من مطار النزهة.

العروض التى تقدمها فلاى دبى فى غاية الرخص، الذهاب يبدأ من 925 و العودة قد تصل إلى نفس السعر.. و جدير بالذكر انه كان هناك عرض انتهى مع نهاية شهر يونيو... كان الذهاب فيه بـ425 و العودة من دبى بـ210 جنيه مصرى فقط....

الوزن المسموح به على الطائرة هو 10 كيلو جرامات فقط،و يمكن للمسافر حجز وزن زائد ( 32 كيلو جرام) بـ60 جنيه مصرى.

الحجز يتم إما عن طريق مكتبنا أو معظم مكاتب Travco و خصوصاً فى الاسكندرية، أو يمكن الحجز عن طريق الانترنيت و لكن فقط بكارت الائتمان الخاص بالمسافر نفسه (لن يتم قبول اى كارت إئتمان بأى إسم آخر)...

اما الطائرات نفسها فهى فى معظم الاحوال كاملة العدد فى الذهاب من القاهرة و العودة من دبى، لذا يرجى الحجز قبل السفر بمدة طويلة حتى يكون هناك سعر مناسب للمقعد....

أى استفسار لكم أنا ارحب به.

تحياتى،..

[زعلان]

وليد يا ريت تقولنا ايه عيوب التذاكر ده و ايه مميزاتها يعني في حال الرغبة في تحويل التذكرة او ما شابه او تحديد مقعد معين في الطائرة او الوجبات وايه نوعية ركابها

[وليد صفوت]

السلام عليكم،..زعلاينو اخبارك ايه؟ شوف يا باشا:

هبدا بالسهل، الوجبات على الطائرة، النظام المتبع به فى فلاى دبى بالنسبة للأكل هو A la Carte يعنى عالنوتة :rolleyes: يعنى اللى هتاكله هتجاسب عليه و لا يوجد وجبات مجانية،... و هناك اسعار نحن على علم بها هنا: (ساندويتش شاورما 10 جنيهات - بيبسى أو شاى أو قهوة حوالى 6 جنيهات - ....الخ) و يحضرنى هنا مشهد من فيلم اللمبى لما كان بيطلع عربية الكبدة بتاعت ابوه من المخزن (يا لمبى يا ابنى شاندوشت الكبدة بنص جنيه..)

نيجى للصعب... فى حالة التغير هناك عدة قواعد مُتبعة: التغيير يكون قبل الميعاد بحد اقصى ثلاثة ايام... يتم دفع غرامة تغيير قيمتها 27 دولار (حوالى 152 جنيه مصرى) زائد فرق قيمة التذكرة القديمة و الجديدة الذى يريد ان يغير إليها. طيب لو افترضنا ان التذكرة الجديدة اقل بكثير من التذكرة القديمة التى تم حجزها؟ إذن يأخذ العميل الفرق كاش فى نفس وقت التغيير دون تأخير.

و أخيراً هذا هو لينك لموقع فلاى دبى :

الموقع الرسمى لطيران فلاى دبـــى

تحياتى،..

[زعلان]

اولا مفيش حاجة اسمها وجبة مجانية انت تقصد ان سعر تذكرة فلاي دبي غير شامل الوجبة لأن باقي شركات الطيران سعر التذكرة بيشمل الوجبة حلو كده ده اولا

طيب بالنسبة لاسعار الوجبات ثابت من والى دبي ولا بيتغير من والى دبي

هل تقصد ان التغير بيكون بحد ادنى ثلالثة ايام قبل ميعاد الاقلاع وهل يمكن المسافر ان يطلب الغاء التذكرة ويحتفظ بامكانية استخدام قيمة التذكرة لرحلة اخرى مناسبة ولا لازم يغير في نفس الوقت يعني ادفع 27 دولار والغي الحجز و اجي بعد مثلا شهرين او اكثر او اقل لاستخدام سعر التذكرة مع دفع الفرق ان وجد ولا في مدة محددة يلتزم بها الراكب وبعدين تضيع الفلوس عليه

وهل 27 دولا عن كل رحلة ولا كل تذكرة يعني اذا كانت التذكرة ذهاب وعودة و عايز يغير التوقيتين يدفع 27 دولا ذهاب و 27 دولا عودة

[وليد صفوت]

اولا مفيش حاجة اسمها وجبة مجانية انت تقصد ان سعر تذكرة فلاي دبي غير شامل الوجبة لأن باقي شركات الطيران سعر التذكرة بيشمل الوجبة حلو كده ده اولا

أهو كله برتقال

بالنسبة لسعر الوجبات فهو ثابت سواء كنت فى دبى أو فى مصر..

بالنسبة للتغيير فهو يكون قبل السفر بثلاثة ايام كما قلت و فى حالة استرجاع التذكرة و عدم الرغبة فى السفر اصلا، يتم خصم قيمة الـ27 دولار من التذكرة و يتم استرجاع الباقى. إذن قيمة الـ27 دولار هى مخصومة فى حالة استرجاع التذكرة أو تغيير المعاد.

أما قيمة الـ27 دولار فهى على الرحلة و ليس على التذكرة، اى انه فى حالة الذهاب و العودة تكون القيمة 54 دولار.

أى خدمة ... :rolleyes:

[مغتربة]

استاذ وليد الف شكر على كم المعلومات الى ادتهالنا دى

بس انا عايزة اسال عن كام حاجه

اولا انا سمعت ان دخول عفوا التواليت بيكون مجانى اول مره فقط و بعد كده بفلوس دا صح و لا غلط

و لازم و انا بحجز على النت اكون محدده كل حاجه و دافعه قيمتها مقدما

طب افرض و انا على الطياره حبيت اخد اوبشن مكونتش حجزته

يعنى مثلا جعت و عايزة اكل او اى حاجه

ايه الطريقه المتبعه ساعتها

كمان فيه تلفزيون و سماعات و يا ترى بفلوس و لا مجانى

كمان صحيح ان فيه اتوبيسات تبع الشركه عند الوصول لمطار الاسكندريه لتنقلنا الى القاهره

و لا كل واحد يمشى حاله

و برضه مجانى و لا بفلوس

و كمان مخدات الراس البطاطين الحاجات دى

و هل ليا امتعه ممكن احملها معى داخل الطياره زى مثلا حقيبه اللاب توب او هاند باج فرى و لا لا

و يا ترى لو انا جايه من الامارات الوجهه الوحيده فى مصر هيه بس الاسكندريه و لا فيه مطارات تانيه فى مصر

مثلا شرم الشيخ او اسيوط

و كل الشكر لك مقدما

[وليد صفوت]

السلام عليكم أختى العزيزة مغتربة، ساحاول الرد على اسئلة حضرتك بالترتيب:

1- كل الخدمات المقدمة على الطائرة بمقابل مادى، و لكن لم تأتى لنا معلومة أكيدة عما إذا كان التواليت بمقابل أم لا.

2- بالنسبة للطعام فهو كما قلت لا يتطلب اى دفع مقدم، فقط اطلبى ما تشائين و فى نهاية الرحلة يتم دفع الحساب.

3- لا يوجد على الطائرة أى خدمات اضافية مثل المخدات لأن الرحلة اصلا اربع ساعات.

4- طائرات البوينج 737 ذات الـ189 راكب لا تتمتع بشاشة لكل مسافر و إنما شاشتين تقريباً فى اول الطائرة و مثلهما فى منتصف الطائرة لكل المسافرين لأنها طائرة صغيرة.

5- لا يوجد اوتوبيسات من مطار النزهة بالاسكندرية إلى القاهرة و إن كان هذا المقترح مطروحا للنقاش خلال اجتماعاتنا و من الممكن ان يدخل حيذ التنفيذ مستقبلاً بمقابل مادى طبعاً.

6- كما قلت سابقاً أن المسموح به فقط هو 10 كيلوجرامات و بالطبع اللابتوب يُحسب ضمن الـ10 كيلو.

7- الاسكندرية هى المكان الوحيد لطيران فلاى دبى، و من الممكن ايضاً الذهاب الى بيروت أو دول خليجية كثيرة و لكن عن طريق دبى.

تحياتى،...

[مغتربة]

السلام عليكم أختى العزيزة مغتربة، ساحاول الرد على اسئلة حضرتك بالترتيب:

1- كل الخدمات المقدمة على الطائرة بمقابل مادى، و لكن لم تأتى لنا معلومة أكيدة عما إذا كان التواليت بمقابل أم لا.

2- بالنسبة للطعام فهو كما قلت لا يتطلب اى دفع مقدم، فقط اطلبى ما تشائين و فى نهاية الرحلة يتم دفع الحساب.

3- لا يوجد على الطائرة أى خدمات اضافية مثل المخدات لأن الرحلة اصلا اربع ساعات.

4- طائرات البوينج 737 ذات الـ189 راكب لا تتمتع بشاشة لكل مسافر و إنما شاشتين تقريباً فى اول الطائرة و مثلهما فى منتصف الطائرة لكل المسافرين لأنها طائرة صغيرة.

5- لا يوجد اوتوبيسات من مطار النزهة بالاسكندرية إلى القاهرة و إن كان هذا المقترح مطروحا للنقاش خلال اجتماعاتنا و من الممكن ان يدخل حيذ التنفيذ مستقبلاً بمقابل مادى طبعاً.

6- كما قلت سابقاً أن المسموح به فقط هو 10 كيلوجرامات و بالطبع اللابتوب يُحسب ضمن الـ10 كيلو.

7- الاسكندرية هى المكان الوحيد لطيران فلاى دبى، و من الممكن ايضاً الذهاب الى بيروت أو دول خليجية كثيرة و لكن عن طريق دبى.

تحياتى،...

استاذ وليد لك جزيل الشكر على وقتك و جهدك فى الرد

دمت بالف خير

[محمد عيسى]

تجربتي في السفر على العربية لا تشجع على تكرار المحاولة مع الشركات منخفضة التكاليف

- وصلنا مطار الشارقه قبل موعد الاقلاع بساعتين و اربعين دقيقه و كان المطار زحمه جدا لدرجة دخلنا الطياره قبلها الاقلاع بعشر دقايق.

- مطار النزهة الطياره كلها وقفت طابو على ضابط جوازات واحد، التروللي بتاع الحقائب بفلوس و عددهم مش كفايه و بايظين، و الشنط بتتأخر و مفيش غير سير واحد و الناس بتدخن جوه المطار عادي

ده عن المطارات، أما بالنسبه للحجز فأكبر مشكله واجهتني هي حجز المقاعد الامامية (front row) و ده لسببين: طولي البالغ 190 سم، و ابني اللي عنده سنه و نص، اللي بشوفه في الطيارات المحترمه انه بيكون المقاعد الامامية مخصصة للاسر اللي معاها رضع (infants) و في الاقلاع او الهبوط بيثبتوا في الحيطه اللي قدامهم سرير صغير للبيبي عامل زي قصرية الزرع المستطيله كده، أولا مش متاح تحديد الكراسي دي على النت، ثانيا مش متاح للي البيبي على تذكرته تحديد كرسي، ثالثا في المطار رفضوا (في الذهاب و العوده) تحديد الكرسي و لاحظت على محيا الجالسين في المقاعد الامايه و تعامل الكرو معاهم حاجه من اتنين انهم يا اما افراد امن يا اما ذوي حيثية لدى الشركة، ده مع علمي بوجود شروط وقائية معينه لحجز المقاعد الامامية لانها الاقرب للباب عند حدوث اي مشكله و ده زي ان ما تحجزش لحد عجوز و لازم يكون شاب مثلا

طبعا منظر المضيفين و هما بيحاسبوا على المشاريب و الساندويتشات و الجرايد و السماعات ميفرقش عن السوبر جيت حاجه (ما عدا مضيفة السوبر جيت اللي بتلزق فيك علشان تجيب منتجاتهم الرديئة)

[henhel]

السلام عليكم

حبيت اضيف بعض المعلومات فلاى دبى غير طيران العربيه خالص و اللى هو بعتبره زى الاوتوبيس مش طياره من اول الطيارين نفسهم اللى بيشيبو الواحد خصوصا فى الهبوط بالطائرة و المضيفين و انتهاءا باوتوبيسات طيران العربيه قصدى طياراتها

نرجع لفلاى دبى احب اضيف معلومه لسه قريها النهارده ان فلاى دبى عملت تعاقد مع شركة جنرال الكتريك الرائده فى الطائرات على ان تمولها ب 5 طائرات جديده

فلاى دبى من واقع حجزى عليها اقول المميزات اللى انا شايفها

رقم 1 الوزن و ديه اهم ميزه خصوصا لينا كمصريين و هى ان الواحد مسموح له ب2 شنطه كل واحده 32 كيلو الاولى بيدفع عليها 40 درهم و التانيه 100 درهم يعنى 140 درهم يساوى 64 كيلو +10 هاند باج يبقى 74 كيلو و ديه اهم ميزه مقارنه بطيران العربيه اللى بيخرب بيتنا فى الوزن و مصر للطيران اللى بدأت هيه كمان تنتهج مذهب طيران العربيه

نيجى للخدمات انا عجبتنى جدا خدمه حجز مقعد الطائره يعنى انا لما بحجز على النت بيطلعلى منظر الطائره كلها و انا بحدد انا عاوز اقعد فين و طبعا ساعات بتوكن الكراسى اللى فى الاول اللى هيه لونج ليج اغلى حاجه بسيطه بس الواحد يضمن قاعده كويسه

حتى الان مواعيد الرحلات منظمه و بتطلع فى معادها مش زى العربيه اللى اول ما الطياره تحمل تمشى و لو محملتش ممكن تقعد 4 او 5 ساعات مستنى بعد المعاد و ده فى اغلب الاحيان من خلال تجربتى الشخصيه و محدش بيعبرك و لا حتى يقولك ممكن تمشى امته

ديه مميزات فلاى دبى الى جانب اسعار تذاكرهم اللى تعتبر اقتصاديه جدا

نيجى للعيوب : كأى شركة طيران جديده وقعت فلاى دبى فى بعض المشاكل خصوصا على خط مصر لانهم طبعا مش عارفين المصريين و حمولاتهم و شنطهم مفيش راكب واحد بياخد شنطه واحده كل واحد بيأمن يقولك ادفع 100 درهم و اريح دماغى و ده للاسف اللى شركة الطيران مكتش عامله حسابه ففى اول كام رحله لمصر للاسف مقدروش يشحنو كل الشنط على الطائرات و اضطرو يأخرو شحنها يومين او 3 و ديه طبعا عملت ازمه للمسافرين لان فمش كل اللى بيسافره سمن سكان الاسكندريه

لكن دلوقتى حلو المشكله ديه تقريبا و بقت باسبقيه الحجز يعنى اللى يحجز بدرى ممكن ياخد شنطتين و اللى يحجز قبل السفر علطول مش هيلاقى امكانيه غير لشنطه واحده بس

اعتقد ديه الحجات اللى تحضرنى دلوقتى لو افتكرت حاجه تانيه هبقه اكتبها

[وليد صفوت]

السلام عليكم،..

الاخ الفاضل محمد عيسى، لا يوجد اى افضلية فى حجز المقاعد الامامية لأى شخص لأنها ليست ملك شخص و بطانته ليتحكم فيها و إنما شركة محترمة تتبع طيران الاماراتية... حجز المقاعد الأمامية لابد ان يكون مع حجز التذكرة نفسها و ليس فى يوم السفر... حجز اى مقعد فى الصف الاول يكلفك 75 جنيهاً مصرياً لكل رحلة... أى ان رحلة الذهاب و العودة فى المقعد الأمامى يكلفك 150 جنيه.

انا ارحب باى استفسار عن اى شيئ يخص فلاى دبى... و هو بالفعل الافضل خليجياً حتى الان.

تحياتى...

[محمد عيسى]

السلام عليكم،..

الاخ الفاضل محمد عيسى، لا يوجد اى افضلية فى حجز المقاعد الامامية لأى شخص لأنها ليست ملك شخص و بطانته ليتحكم فيها و إنما شركة محترمة تتبع طيران الاماراتية... حجز المقاعد الأمامية لابد ان يكون مع حجز التذكرة نفسها و ليس فى يوم السفر... حجز اى مقعد فى الصف الاول يكلفك 75 جنيهاً مصرياً لكل رحلة... أى ان رحلة الذهاب و العودة فى المقعد الأمامى يكلفك 150 جنيه.

انا ارحب باى استفسار عن اى شيئ يخص فلاى دبى... و هو بالفعل الافضل خليجياً حتى الان.

تحياتى...

اتمنى فعلا ان تكون هناك خدمه جيده باسعار معقوله ..و ليته يتحقق في فلاي كما وضحت اخي وليد

بالنسبة لتجربتي الوحيده على العربيه (اغلب سفرياتي كانت على الاتحاد و بدرجة اقل مصر للطيران) فانا حجزت على النت من اول يوم فتح فيه الحجز قبل السفر بحوالي تلات او اربع شهور و مكانش فيه و لا كرسي محجوز في الطيارة و لكن مقدرتش اختار الكرسي ايا كان للي كان البيبي على تذكرته و كان عير مسموح بحجز المقاعد الأمامية من أساسه

موضوع الوزن ده هايل على فلاي دبي، لاني ما باخدش هدايا خالص سواء رايح او جاي و سايب هدوم في مصر و بالتالي تكفيني الهاند باج غالبا .. واضح انني هاخليها في خطة السنه دي

ممكن سؤال تاني استاذ وليد، اعتقد الحامل ممكن تسافر طول ما هي قبل الشهر السابع .. هل ده صحيح و هل هناك اشتراطات معينه؟