حينما تسلب المرأة شخصيتها

[سهل جدا]

سلب الشخصيات والحقوق عندنا احنا للأسف مش فى الغرب

ممكن حضراتكم تلقوا نظرة على الموضوع المرعب بالرابط ده وياريت حد يقولى احنا عايشين فين ؟ وايه اللى حصل لنا وبهدلنا بالشكل ده ....حسبى الله ونعم الوكيل

من اجل حفنة ريالات

والله يا أستاذ أيمن سلب الحقوق وظلم المرأة موجود عندنا وعندهم .. ولا أنكر ذلك

لكن بالنسبة لموضوع استغلال الفقر لتحقيق رغبات جنسيات, فدا موجود في الغرب أضعاف أضعاف ما عندنا ..

بداية من العاهرات اللاتي امتهنّ هذه المهنة لعدم وجود عائل أو لأي سبب آخر، وبتصريح من الحكومات

نهاية بما يسمى الجيرل فريند والبوي فريند

ودا زي ما حضرتك أكيد عارف، إن في هذه العلاقة الراجل بياخد كل اللي هو عاوزه من المرأة ثم بعد ذلك قد يتركها أو يبقيها معه دون أي حقوق

وأحيانا الأولاد اللي بتيجي , لا يكون لهم نسب من ناحية الأب !!!

قرأت إحصائية إن 45 في المائة من أطفال فرنسا, هم أطفال خارج علاقة الزواج !!

الإحصائية ديه منتشرة على الانترنت, بإمكانك أن تبحث على جوجل (لإني عارف إنك بتحب دائما تتأكد من المصادر ودا شيء كويس :) )

دمت بود

[جويرية]

ده العدل و الصدق في الدين

يصل حتي الي ابسط الأمور

يعني لما نقول هيلاري كلينتون هل هيا أبنة كلينتون

الأجابة لا اذن لا يصح ان تسمي المرأة باسم زوجها لأن ده يعتبر كذب

سيدنا زيد رضي الله عنه كانوا بينادوه زيد بن محمد

ربنا عز وجل أنزل أية ان لا يصح أن يدعي احد بغير أبيه

لأن مجرد أقل كذبة أو شي منافي للحقيقة ده مش مقبول في الدين

و دي المثالية أو الشفافية زي ما بيقولوا عليها

تحري الصدق حتي في أبسط الأمور

[MZohairy]

و لما يكون اسمها نوال ولا عفاف ولا اي اسم و تلاقيهم ينادوها في الخليج بكلمة الحرمه او يا حرمه او يكنيها جوزها بكلمة الولاد (لما يحب يجيب سيرة مراته يعني) حتى بيتكسف يقول مراتي!!!

ده مفيهوش سلب و طمس لشخصيتها ايضا؟؟؟

اتمنى نقول اللي لينا و اللي علينا

عاش من شافك يا جويريه

تم تعديل 7 يوليو 2009 بواسطة mzohairy

[سهل جدا]

ربنا عز وجل أنزل أية ان لا يصح أن يدعي احد بغير أبيه

لأن مجرد أقل كذبة أو شي منافي للحقيقة ده مش مقبول في الدين

و دي المثالية أو الشفافية زي ما بيقولوا عليها

تحري الصدق حتي في أبسط الأمور

إضافة جيدة وتناول للموضوع من زاوية جديدة

فعلا , نسينا موضوع تحرّي الصدق

شكرا لك أختنا الكريمة

و لما يكون اسمها نوال ولا عفاف ولا اي اسم و تلاقيهم ينادوها في الخليج بكلمة الحرمه او يا حرمه او يكنيها جوزها بكلمة الولاد (لما يحب يجيب سيرة مراته يعني) حتى بيتكسف يقول مراتي!!!

ده مفيهوش سلب و طمس لشخصيتها ايضا؟؟؟

اتمنى نقول اللي لينا و اللي علينا

عاش من شافك يا جويريه

ما احنا قولنا يا أستاذ زهيري إن ظلم المرأة موجود عندنا وعندهم

لكن المشكلة لما تنتقل عادة سيئة من عندهم , وتنتشر بيننا -بالرغم من أنه فيها مخالفة شرعية واضحة-

[النسر المصري]

اما انا عندي ليك يا أخ سهل حتة موضوع على كيف كيفك....والنقاش فيه هيعجبك جدا وحتى مشارك فيه الاخت فيروز كمان!....

يلا خش برجلك اليمين

http://www.egyptiantalks.org/invb/?showtopic=19854

[مغتربة]

كنت أرى في بعض المجتمعات

أن المرأة تقول لزوجها يا بابا

وأن الرجل يقول لزوجته يا ماما

والأستاذ : سهل يتحدث عن نسب امرأة لزوجها في التسمية وهذا الأمر شاذ وغريب على مجتمعنا المسلم

فليس الزوج أبا لزوجته في الحقيقة والواقع

وحق الأب غير حق الزوج

وربما يكون حق الزوج بالنسبة للزوجة أكبر من حق أبيها

وفيه من تشبية الزوج الغير المحرم على الزوجه بأبيها المحرم

منقول بتصرف

عذرا استاذ طارق

و لكنى للاسف لم استطيع ان افهم ما تود قوله فى هذه المداخله

ارجو شرح وجهه نظرك بشكل اكبر

لاننى بجد اتلخبطت

يعنى حضرتك ترفض ان تنادى الزوجه زوجها ببابا و العكس

ام انت تريد ان تبرهن لاستاذ سهل انها ليست بها شيىء

[alsaher]

عندنا في فلسطين من سنين طويله ، يتبعوا هذا النظام

في الهويه تنسب المرأة لعائلة زوجها

يعني يكتب إسمها الرباعي مثل ماهو في شهادة الميلاد ، لكن عند اللقب (العائلة ) يكتب عائلة زوجها وليس عائلتها

مع ذلك أرى أنه من حق المرأة أن تنسب لعائلتها

لكن مش قضية برضو ، مادام إسم والدها وجدها موجودين :angry:

[فــيــروز]

منورة يافيروز ...بجد وحشتينا .

ده نور حضرتك والله .. بجد أسعدتنى جدّا هذه اللفته الجميله من حضرتك :closedeyes:

أيوه يا "نسر" بتقول إيه بقى مالها مشاركاتى فى الموضوع التانى :closedeyes:

[عز الدين]

أى شئ يحدث فى الغرب بالتاكيد ستجد من يحاولون تقليده هنا

فأذناب الغرب كثيرون فى بلادنا

تجدهم يهرولون بكل قوتهم ويلهثون خلف كل ما هو غربى

حتى لو دخل الغربيون جحور الفئران لوجدت الأذناب عندنا يحاولون دخولها ورائهم

وذلك مصداقاً لقول الهادى البشير صلوات الله وسلامه عليه

[النسر المصري]

أيوه يا "نسر" بتقول إيه بقى مالها مشاركاتى فى الموضوع التانى :cry:

هو انا اقدر افتح بقي ولا اتكلم قدام حضرتك يا فيروز....

تحياتي واحتراماتي :cry1:

(عقلي الباطن بيغزني وبينغوشني وبينقح على جنابي وبيقولي..... ياترى فيروز عرفت اني اتجوزت وخلفت وجبت بنت قمرايه وسميتها فيروز زي قولتلها زمااااااااااااااااان n2&( )

[فــيــروز]

(عقلي الباطن بيغزني وبينغوشني وبينقح على جنابي وبيقولي..... ياترى فيروز عرفت اني اتجوزت وخلفت وجبت بنت قمرايه وسميتها فيروز زي قولتلها زمااااااااااااااااان :cry1: )

طبعا عرفت :) و رغم أنّى لم أبارك لك فى الموضوع وقتها للأسف الشديد بس فعلا فرحت جدّا و دعيت ربنا يبارك لك أنت و زوجتك فيها و يجعلها قرّة عين لكما .. :cry:

معلش يا أخ "سهل" على التعليق الخارج عن الموضوع ده بس مش كل مرّه أضيّع فرصة المباركه ل "النسر" على البنّوته .. n2&(

[النسر المصري]

(عقلي الباطن بيغزني وبينغوشني وبينقح على جنابي وبيقولي..... ياترى فيروز عرفت اني اتجوزت وخلفت وجبت بنت قمرايه وسميتها فيروز زي قولتلها زمااااااااااااااااان )

طبعا عرفت :D و رغم أنّى لم أبارك لك فى الموضوع وقتها للأسف الشديد بس فعلا فرحت جدّا و دعيت ربنا يبارك لك أنت و زوجتك فيها و يجعلها قرّة عين لكما .. :lol:

معلش يا أخ "سهل" على التعليق الخارج عن الموضوع ده بس مش كل مرّه أضيّع فرصة المباركه ل "النسر" على البنّوته .. :closedeyes:

تصدقي يافيروز.... والله لولا اني كعادتي مصايبجي قديم ومليان مشاكل للصبح زي ماتعودتوا من ايام مراخيري...كنت حطتلك صورتها عشان تشوفيها قمر قد ايه....

سامحني ياخ سهل.....بس مش هضيع فرصة زي دي عشان ارد المباركة للست فيروز :lol:

[سهل جدا]

معلش يا أخ "سهل" على التعليق الخارج عن الموضوع ده بس مش كل مرّه أضيّع فرصة المباركه ل "النسر" على البنّوته .. :closedeyes:

لا أبدا يا مدام فيروز مافيش أي مشكلة.. بيتك ومطرحك

سامحني ياخ سهل.....بس مش هضيع فرصة زي دي عشان ارد المباركة للست فيروز :lol:

وانت كمان يا أستاذ نسر .. بيتك ومطرحك :lol:

وبما إنكم ضيوف عندي في الموضوع بتاعي, لازم طبعاً أكرمكم ... لأن إكرام الضيف واجب

تحبوا تشربوا إيه بقى :D

تم تعديل 11 يوليو 2009 بواسطة سهل جدا

[جويرية]

و لما يكون اسمها نوال ولا عفاف ولا اي اسم و تلاقيهم ينادوها في الخليج بكلمة الحرمه او يا حرمه او يكنيها جوزها بكلمة الولاد (لما يحب يجيب سيرة مراته يعني) حتى بيتكسف يقول مراتي!!!

ده مفيهوش سلب و طمس لشخصيتها ايضا؟؟؟

اتمنى نقول اللي لينا و اللي علينا

عاش من شافك يا جويريه

أهلا و سهلا يا استاذ زهيري

الأتيكيت الشرقي في الألقاب أفضل بكتير من الأتيكيت الغربي اللي مفيهوش حتي ذوق

يعني مثلا زمان المرأة اللي مش عارفين اسمها يقولولها يا أخت أو يا امة الله و دي زي يا عبدالله لو واحد مش عارفين أسمها ، ننظر للأتيكيت الغربي اللي بيدي لقب لواحدة لو مش عارفين اسمها نقولها يا مدام أو يا أنسة و ده طبعا بيسبب حرج لما واحدة يتقال ليها لقب و هيا تكون عكس ذلك

يعني مثلا كنت في احدي المصالح الحكومية و سألت عن مدام فولانة هيا شكلها فوق الخمسين و أثناء غيابها في مكتب اخر نبهتني احدي النساء ان فولانة دي أنسة مش مدام ،

في بنات بيرفضوا الحجاب لأن بيكبرهم و الناس بينادوهم بكلمة مدام

[MZohairy]

و لما يكون اسمها نوال ولا عفاف ولا اي اسم و تلاقيهم ينادوها في الخليج بكلمة الحرمه او يا حرمه او يكنيها جوزها بكلمة الولاد (لما يحب يجيب سيرة مراته يعني) حتى بيتكسف يقول مراتي!!!

ده مفيهوش سلب و طمس لشخصيتها ايضا؟؟؟

اتمنى نقول اللي لينا و اللي علينا

عاش من شافك يا جويريه

أهلا و سهلا يا استاذ زهيري

الأتيكيت الشرقي في الألقاب أفضل بكتير من الأتيكيت الغربي اللي مفيهوش حتي ذوق

يعني مثلا زمان المرأة اللي مش عارفين اسمها يقولولها يا أخت أو يا امة الله و دي زي يا عبدالله لو واحد مش عارفين أسمها ، ننظر للأتيكيت الغربي اللي بيدي لقب لواحدة لو مش عارفين اسمها نقولها يا مدام أو يا أنسة و ده طبعا بيسبب حرج لما واحدة يتقال ليها لقب و هيا تكون عكس ذلك

يعني مثلا كنت في احدي المصالح الحكومية و سألت عن مدام فولانة هيا شكلها فوق الخمسين و أثناء غيابها في مكتب اخر نبهتني احدي النساء ان فولانة دي أنسة مش مدام ،

في بنات بيرفضوا الحجاب لأن بيكبرهم و الناس بينادوهم بكلمة مدام

ياسلاطين الزبادي :aslam:

ازيك يا جويريه

يعني انتي رأيك لما الراجل يقول على مراته الولاد

او الراجل يقول على الست يا حرمه أو الحريم

أفضل من مدام أو مدموازيل او آنسه؟ :bsmal:

[الباشمهندس ياسر]

وبما إنكم ضيوف عندي في الموضوع بتاعي, لازم طبعاً أكرمكم ... لأن إكرام الضيف واجب

تحبوا تشربوا إيه بقى

اقفش عندك

و بتقول اصلا صعيدى...!!!!!!!!!!

طالما قلت اكرام الضيف واجب ... يبقى لازم تدبح دبيحة

انما لما الوضع ميسمحش تقول اهلا و سهلا ... نورتونا ... شرفتونا

قلى بقى .... نغرمك ايه ف الموضوع ده