استطلاع دولي: أكثر من 80% من المصريين يثقون في مبارك

[aimen]

بلا تعليق

اشنطن – عبرت الأغلبية الساحقة من المصريين عن ثقتهم في الرئيس حسني مبارك فيما يتعلق بالشئون العالمية، وفقا لاستطلاع دولي أجرته مؤسسة أبحاث أمريكية مرموقة.

وكشف الاستطلاع، الذي أعلنته مؤسسة وورلد ببلك أوبينين الأمريكية، أن 81% من المصريين لديهم الثقة في الرئيس حسني مبارك في قيامه "بما هو صحيح في الشئون العالمية".

وبهذه النسبة تصدر الرئيس حسني مبارك قائمة القيادات السياسية في العالم العربي ودول الشرق الأوسط التي عبر المصريون عن ثقتهم فيها.

كما حاز مبارك، وفقا للاستطلاع على أعلى نسبة ثقة منحها المصريون لأي قيادي عربي أو عالمي شمله الاستطلاع، متفوقا بذلك على 16 قياديا إقليميا وعالميا شملهم الاستطلاع، بما في ذلك الرئيس الأمريكي باراك أوباما وبان كي مون الأمين العام للأمم المتحدة.

باقى المقال والمصدر

منكن اسأل سؤال ؟

هو العبيط بيبقى عارف انه عبيط ولا لازم حد يقوله انه عبيط

[Egypt]

اكيد الاستطلاع تم فى مقر امن الدوله

[ذهبية]

منكن اسأل سؤال ؟

هو العبيط بيبقى عارف انه عبيط ولا لازم حد يقوله انه عبيط

لا العبيط شغلتة يستعبط و بعد ما يستعبط يمثل انة عبيط ومش واخد بالة

[galaxy]

مفيش داعي يا جماعه نشكك في نزاهه الاستطلاع ووطنيه الزعماء...........النسب موجوده والعارف لا يعرف .............وعشان كدا احنا اخترنااااه

[محمد عبدالعزيز]

يا أخى الأمريكان دول بيعرفوا كل حاجة ومفيش حاجة بتستخبى عليهم!!!

وصلت كمان إنهم يعرفوا عننا اللى احنا منعرفوش عن نفسنا؟!!!

عجبى!!!

[pink rose]

الاستطلاع دا تم فين؟

في مصــــــــــــــــــــــــــــــــــــــــــــر؟؟؟؟؟؟؟؟؟؟ :rolleyes:

[tarek hassan]

20% فقط لا يثقون في مبارك

أكيد دي الفلة المنحرفة الضالة

من الإخوان وغيرهم أو من 24 حزب معارض أو من الطبقات معدومة الدخل أو محدودة الدخل

أو من الطبقة المثقفة اللي مبيعجبهاش العجب ولا الصيام في رجب

لا انتخابات جايبة نتيجة صح

ولا استطلاعات داخلية

ولا خارجية نافعة

مفيش فايده

تم تعديل 1 يوليو 2009 بواسطة tarek hassan

[سهل جدا]

والله يا أستاذ أيمن برافو عليك

برافو إنك اخترت قسم موضوعات خفيفة لهذا الموضوع :rolleyes:

وهذا بصراحة أبلغ تعليق على الخبر

واحد غيرك كان ممكن يحطها في قسم موضوعات جادة ويزهقنا

[الباشمهندس ياسر]

هو العبيط بيبقى عارف انه عبيط ولا لازم حد يقوله انه عبيط

يعنى ايه عارف يا استاذ ايمن

ولا حضرتك تقصد الاستاذ عارف اللى كان بيدرسلنا النحو زمان

[Simba]

ونعم الثقة

دي الموضوعات القديمة فيها بلاوي تضحك :happy: