هل قامت السعودية بفتح باب إستقدام الخادمات من مصر وما الموقف المصري من ذلك

[سهل جدا]

معلش سؤال خارج عن الموضوع

هو ايه الفرق بين واحده مصريه بتشتغل شغاله عند مصريين و واحده مصريه بتشتغل شغاله عند اجانب؟

و ايه الفرق بين شغاله مصريه بتشتغل داخل مصر و خارج مصر؟

و ايه الفرق لما الشغاله المصريه تشتغل في مصر عند سعوديين او تشتغل عندهم في السعوديه؟

ارجوا عدم التسرع بالاجابه قبل الوصول الى اجابه منطقيه

و شكرا

طب وانت بتسألنا ليه ومنتظر مننا الاجابة ؟

مانت كنت في الخليج مدة طويله

اتفضل جاوب وسمعنا

انا عن نفسي متلخبط بس ححاول اوضح اللي بيدور في دماغي رغم طبعا عدم رضائي عن ان مصريه زيي تشتغل شغاله في الخارج لتسوء سمعة المصريين و تقلل من شأنهم (نظريا)

بس طالما فيه شغالات في مصر بيشتغلوا سواء عند المصريين او السعوديين او الاجانب بشكل عام

يبقى ايه الغريب انهم يشتغلوا نفس المهنه في الخارج؟؟

انا اعتقد ان مهنة الخادمه او الشغاله مش حرام

و طريقه شريفه لكسب الرزق لذوي الظروف الماديه المتعثره (احسن من ان تمتهن الرقص او الدعاره مثلا)

خلينا نواجه الحقيقه بمنطق

البطاله و الفقر نسبتهم عاليه جدا في مصر

و الشغالات موجودين في مصر فعلا من قديم الازل

و الدوله مش قادره توفرلهم فرص عمل و متقدرش توفرلهم معونة بطاله لمواجهة مصاريف حياتهم

يبقى نحللهم مشكلتهم ازاي بموضوعيه و بدون شعارات؟

هل الموضوع هو ان المهنه في حد ذاتها عيب خارج مصر و مش عيب داخل مصر؟

أم ان المهنه عيب في حد ذاتها؟

ما شاء الله عليك يا أستاذ زهيري

عندك قدرة هائلة على تحوير المواضيع وقلب الترابيزة على الكلّ :happy:

والله تساؤلات جيدة وتحتاج فعلا لإجابة

لكن عموما هو الشيء اللي ظاهر قدامي دلوقتي إن المسألة تتعلق بكرامة بلد, وحفظ نساء مصر

مع وجوب أن نضع في الاعتبار إن المرأة ضعيفة, وفي الغربة بتكون أضعف وأضعف

وعملها في المنازل تحت سطوة رجل غير معروفة نيته ربما يسبب كثير من المشاكل..

أضف إلى جميع ما سبق نظام الكفالة الشبيه بنظام العبودية, حينما يتم تطبيقه على الخدم بيكون أصعب بكثير جدا

[capitshino]

[

انا عن نفسي متلخبط بس ححاول اوضح اللي بيدور في دماغي رغم طبعا عدم رضائي عن ان مصريه زيي تشتغل شغاله في الخارج لتسوء سمعة المصريين و تقلل من شأنهم (نظريا)

بس طالما فيه شغالات في مصر بيشتغلوا سواء عند المصريين او السعوديين او الاجانب بشكل عام

يبقى ايه الغريب انهم يشتغلوا نفس المهنه في الخارج؟؟

انا اعتقد ان مهنة الخادمه او الشغاله مش حرام

و طريقه شريفه لكسب الرزق لذوي الظروف الماديه المتعثره (احسن من ان تمتهن الرقص او الدعاره مثلا)

خلينا نواجه الحقيقه بمنطق

البطاله و الفقر نسبتهم عاليه جدا في مصر

و الشغالات موجودين في مصر فعلا من قديم الازل

و الدوله مش قادره توفرلهم فرص عمل و متقدرش توفرلهم معونة بطاله لمواجهة مصاريف حياتهم

يبقى نحللهم مشكلتهم ازاي بموضوعيه و بدون شعارات؟

هل الموضوع هو ان المهنه في حد ذاتها عيب خارج مصر و مش عيب داخل مصر؟

أم ان المهنه عيب في حد ذاتها؟

المهنة مش حرام ولا حاجة طالما فى ظل الحدود الشرعية

يعنى لو شغالة هتشتغل فى بيت تساعد واحدة مسنة .. ايه المشكلة فى كده

انما لو هيبقى فى خلوة بينها وبين اجنبى تبقى حرام

اما بخصوص الفرق بين الشغالة فى مصر والشغالة خارج مصر _ وهاتكلم هنا عن السعودية

الشغالة فى مصر او حد ضايقها فى ثوانى هتبقى حرة وترجع بيتها

انما هنا الكلام ده صعب جدا ..

ايضا البيوت هنا معظمها منعزل وحوله اسوار _ وطبعا فاهمين كلامى

من شهر تقريبا وجدو سيدة فى جدة بتشاو من شباك .. فالامن كسر باب البيت ودخل وخرج الست ومانت كالاتى

سيدة عربية تزوجت مسيار منا صاحب المنزل وساجنها بقبو لاكثر من 4 سنوات ومخلف منها كمان

اعتقد ان فى مصر حاجة زى كده صعبة شوية انها تحصل

بس انا اكتر حاجة مستغرب منها ان فى بعض الناس الموضوع شايفينه عادى جدا ومنهم ناس كانو هنا بالخليج او بالسعودية خصوصا

[MZohairy]

يعني لو فيه ضمانات معينه تضمن ان الشغاله حتشتغل في بيت فيه امرأه مسنه او ما شابه (خارج مصر) محدش حيعترض؟

و هل كل الشغالات اللي شغالين في مصر بيشتغلوا في ظروف آمنه و انسانيه و شرعيه؟

[capitshino]

يعني لو فيه ضمانات معينه تضمن ان الشغاله حتشتغل في بيت فيه امرأه مسنه او ما شابه (خارج مصر) محدش حيعترض؟

هنا يا عم زهيرى مافيش حاجة اسمها ضمانات... الناس بتبقى جاية بعقود موثقة وبتحصل لها مشاكل كتيرة وتدخل فى قصص مكتب العمل وما ادراك ما مكتب العمل

موال ما له اخر .. ومن فترة كتبت قصة صديق لى هنا حدثت له مشكلة مع كفيله

تروح تشتكى ييدلك جواب ويقولك اديه للكفيل ويجى الكقيل يقول ماحدش حاجة .. وموال وقصص مالها اخر

فى الاخر ممكن تاخد حقك وممكن تطلع باقل خسائر علشان تخلص وترجع بلدك .. واعتقد ان كل من عمل بالخليج على الاقل قابل او يعرف شخص حدثت له مشكلة

فما بالك بشغالة فى بيت مقفول عليها ...

ده غير ان زى ما الكل عارف ازاى السفارة بتتعامل مع المصريين هنا

و هل كل الشغالات اللي شغالين في مصر بيشتغلوا في ظروف آمنه و انسانيه و شرعيه؟

يا عم زهيرى فى فرق كبير بين الخليج و مصر

عالاقل لو شغالة حصل لها حاجة فى مصر هتعرف ترجع بيتها او ان اهلها بيزوروها

انت يا عمنا مش كنت هنا وعارف

[mandoo]

خلاص ؟ بقينا زى الفليبينيات ؟؟؟؟ بعد ما كانت مصر أم الدنيا بقت الدادة بتاعت الدنيا أو خدامة الدنيا؟؟؟

منك لله ياللى فى بالى :@

عفواً يا دود

لا داعي للغلط في الفلبينيات ومقارنتهم بالمصريات

حضرتك ..... الخدامة الفلبينية هنا في السعودية لو حد مس شعره من شعرها بتتصل بالسفارة الفلبينية ... وفجأة تلاقي السيارات الدبلوماسية احاطت بالبيت ولا رجال الاف بي اي ... وهذه حقيقة يعلمها الجميع هنا

الخدامة الفلبينية لا يجرؤ السعودي انه ياكل عليها مليم والا تتفتح عليه ابواب جهنم

الخدامه الفلبينية .... عندها رئيسة جمهورية ارجل من 100 رئيس راجل بشنبات من اللي عندنا ... سوري ريسنا من غير شنب ( تفتكروا ده السبب ؟ طب تيجي نلزق له شنب وهو نايم يمكن يمكن يتحقق المراد ؟ )

الخدامة الفلبينية حكومتها اللي مش لاقيه تاكل ... نفس الحكومة مخصصه ميزانية سنوية لتعيين كتيبة محاميين للدفاع مجاناً .,,,, مجاناً ... عن اي خدامه في الخليج تتعرض لأي مضايقات

الخدامة الفلبينية . حكومتها قامت وثارت وعملت ازمه دبلوماسية - آه والله - عشان فيلم سينمائي مصري اسمه " ولا في النيه ابقى فلبينيه " من كام سنة وقدمت الخارجية الفلبينية احتجاجاً رسمياً للحكومة المصرية وتم تغيير اسم الفيلم الى " ولا في النيه ابقى .... " وحطوا نقط بدل فلبينية

الخدامه الفلبينية .... لحد دلوقت العلاقة متوترة بين الفلبين واليونان عشان يغيروا معنى خدامه في القاموس اللي عاملينه ( خادمه = فلبينية )

هي دي الخدامة الفلبينية

اتحدي احمد ابو الغيظ نفسه ينفي الكلام ده

واتحداه يقول هو نفسه بيعمل يه لو حصل لمغترب مصري بدرجة دكتورجامعه او طبيب في الغربة

بيعمل ايه ؟

ياأبو الأسيان ياحبيبى أحيك على مشاعرك الملتهبة ووطنيتك وياريت الفيروس بتاعك ده يتنقل بسرعة ويصبح عدوى تصيب كل المصريين الغير شرفاء

كما احى الأخ العزيز متولى الرجل الغيور وربنا يكتر من أممثاله

اما بخصوص الفلبينيين فإعلم ياأخى بأنها جنسية تحترم هنا ويكفى أن أى شركة لاتقوى على إتهاض الفلبينى لأنه ببساطة يمكنهم وضع هذه الشركة على القائمة السوداء والتى لاتمكن أى شركة من إستقدام ولو حتى عاملة نظافة . وتخيل ياأخى أن السفارة البغلاديشية لها شنه ورنه فى السعودية وأنت تعلم جيدا أن هذه العمالة من أسوأ الجنسيات التى تعمل بدول الخليج لكن السفارة تحميهم وتسهل لهم امورهم ، لكن للأسف الشديد سفارتنا كلنا عارفين ماتقدمه للمواطن المصرى وطبعا لأن سعادة السفير مشغول بأمور أهم من مشاكل المواطن المصرى وهو يطبق المثل ( إبعد عن الشر وغنيله يروح فى داهية المصرى ونستقدم ميه غيره ) .

وبمناسبة الحديث عن الرؤساء سمعت من صديق أنه يوم القيامة يأتى الحكام كعقلة الصباع وكل شعب يدوس على الريس بتاعة ، تصدق وتآمن بالله فرحت قوى ونفسى القيامة تقوم دلوقتى علشان أحقق أمنيتى .

اليوم قمت بإرسال رسالتى الى العاشرة مساءا و 90 دقيقة وبرنامج الحقيقة والقاهرة اليوم وكتبت لهم التالى :

لقد هالنا ماسمعنا وندعوا الله أن يلطف بنا ، ياسادة ياكرام إنقذوا سمعة مصر والمصريين.

سيدى الفاضل نعلم جيدا أن طلب الرزق الحلال حق مشروع لكل مواطن ولكن الرزق المسموم والملطخ بالشبهات فهذا مالايقبله دين وعقل ، ونحن كأبناء شرفاء لهذا الوطن العزيز على قلوبنا نرفض بشده أن يتم إصدار تأشيرات بمهنة خادمات أو مربيات للعمل لدى العائلات السعودية .

سيدى الفاضل الطلب فى ظاهره لاغبار عليه فالعمل شرف وكفاح ولكن فى باطنه الفجور والمهانة والرذيلة ونحن نعلم جيدا وعلى يقين بأن تلك الوظائف ماهى إلا دعارة مستترة وآمل أن تراجعوا طلبات الوظائف النسائية لدول الخليج .

نستحلفكم بالله أن تقوموا بتفجيرها إعلاميا لأنها أشد من القتل وأخطر من السرقة وعلينا جميعا أن نقف فى وجه ممن يعيثون فى الأرض فسادا ويسهلون لبناتنا الأعمال المنافية لآداب مجتمعنا المسلم .

ولعنة الله على من يسهل الرذيلة ويغمض عينيه عن محاولة إيقافها .

[capitshino]

اليوم قمت بإرسال رسالتى الى العاشرة مساءا و 90 دقيقة وبرنامج الحقيقة والقاهرة اليوم وكتبت لهم التالى :

لقد هالنا ماسمعنا وندعوا الله أن يلطف بنا ، ياسادة ياكرام إنقذوا سمعة مصر والمصريين.

سيدى الفاضل نعلم جيدا أن طلب الرزق الحلال حق مشروع لكل مواطن ولكن الرزق المسموم والملطخ بالشبهات فهذا مالايقبله دين وعقل ، ونحن كأبناء شرفاء لهذا الوطن العزيز على قلوبنا نرفض بشده أن يتم إصدار تأشيرات بمهنة خادمات أو مربيات للعمل لدى العائلات السعودية .

سيدى الفاضل الطلب فى ظاهره لاغبار عليه فالعمل شرف وكفاح ولكن فى باطنه الفجور والمهانة والرذيلة ونحن نعلم جيدا وعلى يقين بأن تلك الوظائف ماهى إلا دعارة مستترة وآمل أن تراجعوا طلبات الوظائف النسائية لدول الخليج .

نستحلفكم بالله أن تقوموا بتفجيرها إعلاميا لأنها أشد من القتل وأخطر من السرقة وعلينا جميعا أن نقف فى وجه ممن يعيثون فى الأرض فسادا ويسهلون لبناتنا الأعمال المنافية لآداب مجتمعنا المسلم .

ولعنة الله على من يسهل الرذيلة ويغمض عينيه عن محاولة إيقافها .

بارك الله فيك يا اخى ...الله المستعان

[se_ Elsyed]

يعني لو فيه ضمانات معينه تضمن ان الشغاله حتشتغل في بيت فيه امرأه مسنه او ما شابه (خارج مصر) محدش حيعترض؟

و هل كل الشغالات اللي شغالين في مصر بيشتغلوا في ظروف آمنه و انسانيه و شرعيه؟

برضوا هانعترض ..

إيه الحكاية يا زهارهر

كندا خليتك مريح ولا إيه ؟

أنا مش مصدق اللي بأقرأه ده سواء رأيك أو رأي اخي الفاضل أحمد سيف

يكفي أنكم بتساووا بين الشغالة اللي بتشتغل في مصر وتروح بيتها لعياهال أخر النهار ... وبين من سيسجنون هنا ويعتبرونهم " ما ملك أيمانهم " على اساس أنهن تم أسرهن في الحرب ... وبالتالي أعرضاهم حلال حلال حلال ....

أما عن الكبيرة في السن والمُسنة ... فيد استثناءات هنا ...

[MZohairy]

يعني لو فيه ضمانات معينه تضمن ان الشغاله حتشتغل في بيت فيه امرأه مسنه او ما شابه (خارج مصر) محدش حيعترض؟

و هل كل الشغالات اللي شغالين في مصر بيشتغلوا في ظروف آمنه و انسانيه و شرعيه؟

برضوا هانعترض ..

إيه الحكاية يا زهارهر

كندا خليتك مريح ولا إيه ؟

أنا مش مصدق اللي بأقرأه ده سواء رأيك أو رأي اخي الفاضل أحمد سيف

يكفي أنكم بتساووا بين الشغالة اللي بتشتغل في مصر وتروح بيتها لعياهال أخر النهار ... وبين من سيسجنون هنا ويعتبرونهم " ما ملك أيمانهم " على اساس أنهن تم أسرهن في الحرب ... وبالتالي أعرضاهم حلال حلال حلال ....

أما عن الكبيرة في السن والمُسنة ... فيد استثناءات هنا ...

مش انا قلتلك اني متلخبط يا حماده؟

انا مبقتش فاهم هل العيب في الشغلانه نفسها ولا في كونها بره او جوا مصر

و بعدين لقيت ان فيه شغالات كتير جدا بيبقوا من الصعيد و الفلاحين و ييجوا يشتغلوا و يقيموا في مكان شغلهم في القاهره على مسافات بعيده جدا عن بيوتهم في القرى و بيحصل فيهم البدع و مبيروحوش

يعني لقيت ان اعتبارات الأمن و الامان و الشرع مش مطبقه في ظروفهم دي

ففكرت و قلت لنفسي ...طيب ياواد يا Mzohairy انت معترض على ايه؟

هل عشان عيب المصريه تبقى شغاله في الخليج؟

طيب ماهي شغاله في مصر!! و كثيرا عند اجانب و خليجيين!!

ولا عشان خايف احسن يتم التعامل معها كسلعه جنسيه بدل ما تكون شغاله؟

طب ماهو نفس الكلام بيحصل في مصر برضه و محدش بيمنعه!!

طبعا انا عارف شعورنا كمصريين في الخليج قدام المواطنين لو حصل موضوع الشغاله ده هناك

بس انت مش حاسس انه زي اللي بيشغل بنته في الكباريه اللي في الشارع بتاعهم بس و ميقبلش يشغلها في اي كباريه بعيد؟

[metwallly]

السلام عليكم ورحمة الله وبركاته

ياريت يا جماعة أى حد عنده نظرية معينة مؤمن بيها يحتفظ بيها لنفسه لآن الواقع غير النظريات

وأنا بحكم شغلى المنيل بستين نيلة بأعيش الواقع ده يوميا فالعملية مش محتاجة نظريات وفلسفة

إحنا هنا بنتكلم عن الواقع يعنى اللى عنده حاجة واقعية شافها يناقشها ولو محتاج نفتح موضوع منفصل

عن واقع العمالة المنزلية فى الخليج وخاصة السعودية ما فيش مانع والموضوع ده ياريت نخليه لعرض

ما تم فعله من قبل الآخوة للمشاركة فى منع هذه الكارثة وايه اللى إتحقق فعليا من قبل حكومتنا المصونة

[MZohairy]

و لو كل واحد قال اللي هو عايزه حتعمل ايه؟

[metwallly]

و لو كل واحد قال اللي هو عايزه حتعمل ايه؟

[size="4"]أستاذى الفاضل حضرتك ممكن تشرفنى تقضى معايا يومين فى مكتب الإستقدام

اللى أنا شغال فيه وهتفى قصدى أيه الواقع مختلف تماما عن الكلام اللى حضرتك بتقوله

وآسف إذا كنت معصب شوية بس كله ده من اللى بشوفه يوميا[/size]

تم تعديل 8 يوليو 2009 بواسطة metwallly

[MZohairy]

و لو كل واحد قال اللي هو عايزه حتعمل ايه؟

[size="4"]أستاذى الفاضل حضرتك ممكن تشرفنى تقضى معايا يومين فى مكتب الإستقدام

اللى أنا شغال فيه وهتفى قصدى أيه الواقع مختلف تماما عن الكلام اللى حضرتك بتقوله

وآسف إذا كنت معصب شوية بس كله ده من اللى بشوفه يوميا[/size]

ولا يهمك

الموضوع فعلا يعصب

وانا عارف ان الواقع مرير يا متولي عشان شفته بعيني

بس مش يمكن لو فكرنا بطريقه تانيه نقدر نرتاح؟

الحل واضح

ان الدوله المصريه توفر فرص عمل لمثل هذه الفئه نظرا لكونهم بالتأكيد تعليمهم و مستواهم الثقافي لا يؤهلهم لدخول اي سوق عمل في مهنه مشرفه

الكل بيفكر يمنعهم من السفر و خلاص

بس يشتغلوا ايه بعد المنع ده مش مهم

خلونا نحاول نطرح حلول ان امكن ذلك

[بركة]

الاجابة بسيطة وهي إن هؤلاء الخادمات لو حبوا يشتغلوا في مصر هيلاقوا بدل البيت عشرة

ويتمنو ا لهم الرضا كمان ....ياجماعة دا فيه أزمة شغالات في مصر وناس كتير مستعدة تدفع أرقام

محترمة جدا بس تلاقي شغالة كويسة ......

المشكلة إن هؤلاء الشغالات عايشين الحلم الخليجي إذا جازت التسمية ..

فاكرين نفسهم هيبنوا بيت وللا هيحوشوا دهب من الخليج .....

وأصبح حلم الثراء لهن أيضا كحلم راكبي قوارب الموت لإيطاليا .....

تم تعديل 8 يوليو 2009 بواسطة بركة

[أحمد سيف]

الاجابة بسيطة وهي إن هؤلاء الخادمات لو حبوا يشتغلوا في مصر هيلاقوا بدل البيت عشرة

ويتمنو ا لهم الرضا كمان ....ياجماعة دا فيه أزمة شغالات في مصر وناس كتير مستعدة تدفع أرقام

محترمة جدا بس تلاقي شغالة كويسة ......

المشكلة إن هؤلاء الشغالات عايشين الحلم الخليجي إذا جازت التسمية ..

فاكرين نفسهم هيبنوا بيت وللا هيحوشوا دهب من الخليج .....

وأصبح حلم الثراء لهن أيضا كحلم راكبي قوارب الموت لإيطاليا .....

كلامك مظبوط ميه في الميه

بس نرجع نقول هما أحرار ... زي الجامعي اللي بيشتري فيزا حره ب 15 ألف ريال علشان يروح السعودية يشتغل زبال بألف ريال في الشهر ... ولا المثال الأبلغ بتاع قوارب الموت اللي حضرتك ذكرتيه ... واحد عاوز ينتحر ... نعمل له ايه؟؟؟

دورنا إننا نوعيهم ونعرفهم الوضع اللي هما رايحين عليه ونحاول بقدر الإمكان نحفظ لهم حقوقهم... لكن لو واحده ركبت دماغها وقبلت الوضع ده على نفسها تبقى هيا حره وذنبها على جنبها ... واللي بيشيل قربه مقطوعه بتخر على نافوخه

تم تعديل 8 يوليو 2009 بواسطة أحمد سيف

[se_ Elsyed]

الاجابة بسيطة وهي إن هؤلاء الخادمات لو حبوا يشتغلوا في مصر هيلاقوا بدل البيت عشرة

ويتمنو ا لهم الرضا كمان ....ياجماعة دا فيه أزمة شغالات في مصر وناس كتير مستعدة تدفع أرقام

محترمة جدا بس تلاقي شغالة كويسة ......

المشكلة إن هؤلاء الشغالات عايشين الحلم الخليجي إذا جازت التسمية ..

فاكرين نفسهم هيبنوا بيت وللا هيحوشوا دهب من الخليج .....

وأصبح حلم الثراء لهن أيضا كحلم راكبي قوارب الموت لإيطاليا .....

كلامك مظبوط ميه في الميه

بس نرجع نقول هما أحرار ... زي الجامعي اللي بيشتري فيزا حره ب 15 ألف ريال علشان يروح السعودية يشتغل زبال بألف ريال في الشهر ... ولا المثال الأبلغ بتاع قوارب الموت اللي حضرتك ذكرتيه ... واحد عاوز ينتحر ... نعمل له ايه؟؟؟

دورنا إننا نوعيهم ونعرفهم الوضع اللي هما رايحين عليه ونحاول بقدر الإمكان نحفظ لهم حقوقهم... لكن لو واحده ركبت دماغها وقبلت الوضع ده على نفسها تبقى هيا حره وذنبها على جنبها ... واللي بيشيل قربه مقطوعه بتخر على نافوخه

هما احرار ؟!!!!

منطق غريب يا احمد وغير مقبول

[أبو محمد]

المشكلة إن هؤلاء الشغالات عايشين الحلم الخليجي إذا جازت التسمية ..

فاكرين نفسهم هيبنوا بيت وللا هيحوشوا دهب من الخليج .....

وأصبح حلم الثراء لهن أيضا كحلم راكبي قوارب الموت لإيطاليا .....

ده سبب حقيقى ومعروف

فيه سبب تانى بينطبق عليه المثل اللى مش ظريف .. "البلد اللى ما حدش يعرفك فيها ، ............... " .. أنا لا أقصد المعنى الحرفى للمثل .. ولكن هناك من يقبل العمل فى أعمال دنيا بطيب نفس ولكن ليس فى بلده ....

شاب من شباب عائلتى .. طالب فى كلية الهندسة .. أبدى أمامى أمنيته أن يعمل فى الصيف .. سألته : هل تقبل أن تعمل Waiter .. فأجاب على الفور : نعم أقبل .. قلت له أستطيع أن أساعدك فى الحصول على هذه الوظيفة الصيفية فى نادى المهندسين .. فقال فرحا : OK .. ولكن لم تلبث ابتسامة الرضا التى ارتسمت على وجهه أن اختفت .. وقال حزينا : لأ .. نادى المهندسين لأ .. سألته متعجبا : لماذا ؟ .. فقال : أصل أصحابى كتير بيروحو هناك !!!!!!!!!!!!!

هكذا هى الحياة .. هناك من يتخذ القرار الخطأ عن غير وعى .. وهذا النوع له فى أعناقنا حق توعيته .. وهناك من يتخذ القرار ويقبل المغامرة ذات الضرر شبه المؤكد ولا يأبه لما قد يجره عليه هذا القرار الخطأ .. المهم عنده .. هو .. كلام الناس !! .. هذا النوع لا حق له عندنا

[MZohairy]

كلام ابو محمد منطقي قوي يا جماعه

فيه دكاتره بييجوا كندا و لا يجدوا حرجا في توزيع الصحف مثلا او الشغل في توصيل البيتزا للمنازل (كوضع مؤقت لحين معادلة شهادته)

و طبعا ماعتقدش ان معظمهم يقدر يعمل حاجه زي دي في مصر

بس اقدر اقول اذا كان وظيفة الشغاله متاحه في مصر كتير للي عايز

و مرتبها حيتقارب او يتساوى مع دخلها المتوقع في الخليج

يبقى ايه لزوم الشحططه ؟

و اذا بليتم فاستتروا جوا بلدكم افضل بلا شك

[سهل جدا]

نقطة لها تعلّق قوي بالموضوع ونسيناها

هل تعتقدوا إن النخوة المصرية والغيرة تخلي الراجل يقبل على بنته أو أخته إنها تروح بلاد غريبة وتخدم في بيت راجل غريب وتبيّت عنده لوحدها ؟!!

أعتقد -لا قدَّر الله- لو حصل وتم السماح بمهنة الخادمة المصرية في الخارج , إن الإقبال مش هايكون كبير

وفي الغالب اللي هاييجوا السعودية من الخادمات يا إمّا واحدة بتتاجر بعرضها (والعياذ بالله), أو واحدة شريفة رايحة لزوجها اللي بيشتغل في السعودية ومش عارف يعملها استقدام مثلا بسب مسمَّاه الوظيفي..

أعرف واحد سوداني عمل الحركة ديه

كانت مهنته في الإقامة عامل, وحاول يغيّر المهنة كذا مرة عشان يعمل استقدام لمراته لكنه ما عرفش, فراح جاب تأشيرة مربّية لمراته , وجابها السعودية معاه , وعاشوا في تبات ونبات وخلفوا صبيان وبنات !

[MZohairy]

نقطة لها تعلّق قوي بالموضوع ونسيناها

هل تعتقدوا إن النخوة المصرية والغيرة تخلي الراجل يقبل على بنته أو أخته إنها تروح بلاد غريبة وتخدم في بيت راجل غريب وتبيّت عنده لوحدها ؟!!

يا سلااام؟؟!!! :unsure:

يعني النخوه المصريه و الغيره تخلي راجل من اقاصي الصعيد او من قرى مصر في الشمال على بعد مئات الكيلومترات يقبل على بنته تروح القاهره عند ناس معارف او معارف المعارف او يمكن من غير معرفه خالص و يشغل بنته هناك (واكله شاربه نايمه قايمه قاعده) و الله اعلم مين في البيت و مين اللي حييجي و مين اللي حيقل ادبه و مين الحليوه اللي يضحك عليها و مين و مين و مين؟ :rolleyes:

اللي يقبل او ظروفه تضطره الى انه يقبل ان بنته تشتغل شغاله في بيت ناس تانيين معتقدش حتفرق معاه مكان البيت جغرافيا على الخريطه

[زعلان]

كم نقطة سريعه

1- الخادمة في مصر تستطيع ان تحصل على حقوقها وتعارف في قضاء ومحاكم لو مسها شيء

2- صعب جدا على الخادمة في السعوديةان تحصل على حقوقها او تعافر لافي قضاء ولا شرطة لو حصل لها حاجة

3- الخادمة المنزلية في مصر مرتبها وصل 1000 جنيه في الشهر وفي 1600 جنيه في الشهر و انت طالع حسب درجة تعليمها و قدراتها طيب ليه الخادة الي بتحصل في المتوسط في مصر على 1600 جنيه تسيب مصر وتروح تشتغل في السعودية ب 700 ريال ولا 800 ريال ليه الشحططه

4- في ازمة خادمات في مصر (ده برضه سبب زيادة مرتباتهن)

5- الي شاكك في المرتبات ده ادله على مكاتب بتوفر خادمات بهذه الاسعار و بامكانيات عالية خدمة تربية اطفال ونظافة منازل وده طبعا غير شالمل الاقامة و الاكل