هل قامت السعودية بفتح باب إستقدام الخادمات من مصر وما الموقف المصري من ذلك

[dawn walker]

يعني النخوه المصريه و الغيره تخلي راجل من اقاصي الصعيد او من قرى مصر في الشمال على بعد مئات الكيلومترات يقبل على بنته تروح القاهره عند ناس معارف او معارف المعارف او يمكن من غير معرفه خالص و يشغل بنته هناك (واكله شاربه نايمه قايمه قاعده) و الله اعلم مين في البيت و مين اللي حييجي و مين اللي حيقل ادبه و مين الحليوه اللي يضحك عليها و مين و مين و مين؟

مصر برغم ما فيها من بلاوى كثيرة

الا ان بها قضاء شبه حر

[doudy]

كم نقطة سريعه

1- الخادمة في مصر تستطيع ان تحصل على حقوقها وتعارف في قضاء ومحاكم لو مسها شيء

2- صعب جدا على الخادمة في السعوديةان تحصل على حقوقها او تعافر لافي قضاء ولا شرطة لو حصل لها حاجة

3- الخادمة المنزلية في مصر مرتبها وصل 1000 جنيه في الشهر وفي 1600 جنيه في الشهر و انت طالع حسب درجة تعليمها و قدراتها طيب ليه الخادة الي بتحصل في المتوسط في مصر على 1600 جنيه تسيب مصر وتروح تشتغل في السعودية ب 700 ريال ولا 800 ريال ليه الشحططه

4- في ازمة خادمات في مصر (ده برضه سبب زيادة مرتباتهن)

5- الي شاكك في المرتبات ده ادله على مكاتب بتوفر خادمات بهذه الاسعار و بامكانيات عالية خدمة تربية اطفال ونظافة منازل وده طبعا غير شالمل الاقامة و الاكل

فعلا يا زعلان

ما عندهمش سبب لغربة و البهدلة

يومية الشغالة اللى بتجيلى 50 جنيه غير طبعا الاكل و الشرب و الحاجات التانية

و فيه شغالات يوميتهم 70 جنيه كمان

و الواحد بيدوخ على ما يلاقيهم و بيتملعنوا لازم تحجزهم قبلها باسبوع مثلا

بجد ما لهمش حجة للسفر و العمل برة

تم تعديل 9 يوليو 2009 بواسطة doudy

[mandoo]

كم نقطة سريعه

3- الخادمة المنزلية في مصر مرتبها وصل 1000 جنيه في الشهر وفي 1600 جنيه في الشهر و انت طالع حسب درجة تعليمها و قدراتها طيب ليه الخادة الي بتحصل في المتوسط في مصر على 1600 جنيه تسيب مصر وتروح تشتغل في السعودية ب 700 ريال ولا 800 ريال ليه الشحططه

ياعم زعلان نقطة واحدة ونفسى تجاوب عليها فى سرك ، وهات ودنك علشان أسألك سؤال كله براءة .

تفتكر الواحده من دول تضحى بمبلغ محترم زى ده فى مصر وزى ماسعادتك قلت 1600 جنيه فى الشهر علشان تيجى براتب 800 ريال يبقى أكيد الموضوع شغل من نوع تانى وطبعا هى عارفة كويس إنها حتاخد المبلغ ده فى الساعة مش فى الشهر والحدق يفهم .

أما بخصوص الشغالة فى مصر بتاخد 1600 جنيه يعنى أصبح راتبها أحسن من المهندس والدكتور والصيدلى والمحاسب ، يبقى عين العقل لو يكون لينا نصيب وننزل مصر ونشتغل شغالة ، بس حيكون لينا سوق وتمشى معانا ولا الجنس الناعم هو اللى محتكر المهنة دى ، جاتنا نيله فى حظنا الهباب إتعلمنا وبقينا مهندسين .. قال مهندسين قال ، الله يرحمك يابا كان نفسى أطلع شغالة أو لعيب كورة لكنك أصريت أتعلم والنتيجة شحططة فى بلاد الغربة وسلملى على البتنجان قصدى الحكومة

[سهل جدا]

نقطة لها تعلّق قوي بالموضوع ونسيناها

هل تعتقدوا إن النخوة المصرية والغيرة تخلي الراجل يقبل على بنته أو أخته إنها تروح بلاد غريبة وتخدم في بيت راجل غريب وتبيّت عنده لوحدها ؟!!

يا سلااام؟؟!!! smk:

يعني النخوه المصريه و الغيره تخلي راجل من اقاصي الصعيد او من قرى مصر في الشمال على بعد مئات الكيلومترات يقبل على بنته تروح القاهره عند ناس معارف او معارف المعارف او يمكن من غير معرفه خالص و يشغل بنته هناك (واكله شاربه نايمه قايمه قاعده) و الله اعلم مين في البيت و مين اللي حييجي و مين اللي حيقل ادبه و مين الحليوه اللي يضحك عليها و مين و مين و مين؟ :blink:

اللي يقبل او ظروفه تضطره الى انه يقبل ان بنته تشتغل شغاله في بيت ناس تانيين معتقدش حتفرق معاه مكان البيت جغرافيا على الخريطه

معليش يا أستاذ زهيري المثال اللي حضرتك ذكرته ده , قليل جدا

إنما اللي بيحصل -في الغالب- هو إن العائلة كلها تهاجر من الصعيد أو المناطق الريفية إلى القاهرة (الأب والأم والأولاد مع بعض)

وبيسكنوا تحت بير سلّم أي عمارة, الأب يشتغل بواب , ومراته وبناته يشتغلوا خدّامين (وطبعا مش كلّهم)

أما إن البنت تسافر لوحدها بعلم أهلها للقاهرة وتبات عند أغراب, فدا أعتقد إنه نادر جدا, ولا يٌشكّل ظاهرة ..

3- الخادمة المنزلية في مصر مرتبها وصل 1000 جنيه في الشهر وفي 1600 جنيه في الشهر و انت طالع حسب درجة تعليمها و قدراتها طيب ليه الخادة الي بتحصل في المتوسط في مصر على 1600 جنيه تسيب مصر وتروح تشتغل في السعودية ب 700 ريال ولا 800 ريال ليه الشحططه

تصدق يا أستاذ زعلان

آخر أجازة نزلتها لمصر من حوالي 3 شهور كده كنت بقرأ في جريدة الوسيط الإعلانية

وتحديدا في صحفة الوظائف, وتعجبت جدا

لاقيت مكتوب في باب فرص عمل:

مطلوب خادمات بمرتبات تبدأ من ألف ومائتين جنيه إلى ألفين وخمسمائة جنيه !!

وفي نفس الصفحة لاقيت مطلوب محاسبين بمرتب حوالي 600 جنيه !!

افتكرت علطول الموكوس اللي اسمه عادل إمام لما قال للراجل اللي اسمه بُرَعي (ودا من إيه ده mfb: ) في مسرحية شاهد ما شافش حاجة:

((إتكل على الله واشتغل ........)) :angry:

[metwallly]

قرآت الخبر ده فى المصري اليوم وحبت أنقل لكم

بدون أى تعليق

شاب مصرى أسقط عصابة دولية قبل قيامها بـ «عمليات تخريبية» فى ليبيا

كتب سامى عبدالراضى ١١/ ٧/ ٢٠٠٩

لا يمكن أن تواسيه بـ «لمسات» من يدك على كتفه.. لا يطاوعك قلبك أن تصافحه بحرارة وتضغط على يديه.. يجب أن تنتظر طويلا حتى تخرج كلماته توضح لك ما حدث.. عندما يتحرك لابد لك أن تقترب منه وتقف إلى جواره لتمنعه حتما من السقوط.. إبراهيم السيد إبراهيم.. شاب مصرى عاد قبل شهور من ليبيا.. عاد محمولا فى «بطانية».. تحاصره كسور فى كتفه.. واليدان بهما كسور والظهر به «كسور» فى فقرتين.. وأنف لم تبتعد عنه الكسور.. وقدمان أكل منهما «الجبس « كثيرا.. وتطارده احزان ودموع لا تتوقف.

فى شهر نوفمبر الماضى، كان الشاب ابراهيم حديث بعض الصحف الليبية.. ابراهيم اسقط عصابة دولية فى قبضة السفارة المصرية والامن الليبى.. العصابة ارسل قائدها من لندن مليون يورو.. كانت فى طريقها الى «الغسيل» أو لـ «عملية ارهابية».. الصحف التى نشرت تفاصيل «السقوط» لقبت ابراهيم بـ «الفرعون المصرى الذى اسقط عصابة دولية».. لكن ما حدث بعد ايام من النشر كان قاسيا.. حضر اليه ضابطان من رجال البحث الجنائى فى ليبيا.. عاتباه لأنه أخبر سفارة بلاده بشأن العصابة ولم يخطر الأمن الليبى.. الضابطان اقتاداه الى قسم شرطة هناك..

وحطما عظامه كاملة لمدة يومين متتاليين.. ووضعاه داخل «كيس بلاستيك» من الحجم الكبير.. وألقيا به فى مزرعة وسط مكان خال من المارة والسكان.. ظناً انه مات او سيموت.. وبعد ساعات قادت اليه «المصادفة» صاحب المزرعة ليكتشف الواقعة وينقله إلى المستشفى ليظل به اسبوعا داخل العناية المركزة.

جريمة تعذيب ابراهيم حققت فيها السلطات الليبية والنيابة العامة هناك وأمرت بحبس الضابطين.. لكن السفارة المصرية فى ليبيا التى «طارت» بإبراهيم فرحا عندما أبلغ عن العصابة، تركته هكذا محطما.. لا يقوى على شىء.. وحتى المكافأة التى كان مقررا ان يحصل عليها لم تصله.. ١٠ آلاف يورو كانت كفيلة ان تعيد بعض الكسور فى جسد الضحية الى طبيعتها.. كانت كفيلة ان تعوضه مؤقتا عن «حفلة تعذيب» تعرض لها.. كانت ستمنع دموعا لا تتوقف تغرق وجه الشاب حينما يتحدث.

إبراهيم «٣٧ سنة».. سمكرى سيارات سافر الى ليبيا فى سبتمبر ٢٠٠٧ _ الحديث لإبراهيم بمساعدة شقيقه احمد حينما يتوقف_.. احضر زوجته وابنيه الى حيث يعمل وألحقهما بمدارس فى نفس المنطقة وبعد شهرين أغلقت الورشة التى كان يعمل بها.. التحق بورشة يمتلكها مصرى يدعى نسيم موسى خليفة ١٠ ايام فقط واقترب منه نسيم وطلب منه جواز السفر الخاص به لشراء طلبات على «الجواز» واحضارها من الخارج اخبره انها ملابس وبطاطين.

وفى يوم التسليم حضرت الرسالة من بنك معروف فى لندن ودفع الجمرك الخاص بها وقيمته ٢٥ الف يورو من اموال صاحب الورشة وحضر ٤ افارقة من ليبيريا كانوا يعملون فى الورشة، توجهنا معهم الى سفارة بلادهم واعطونى الطرد وخزينة اموال..

ورفضت تسلمه لانه مخالف لما اتفقنا عليه.. كان الاتفاق انه ملابس وبطاطين.. توجهت الى السفارة المصرية واخبرتهم بالتفاصيل.. وقالوا لن نستطيع مساعدتك حتى نعرف ما بداخل الطرد.. واعطانى رجل الامن فى السفارة رقم القنصل «وئام بيه» وانه ينتظر ان يعرف ما فى الطرد.

فى تلك اللحظات _ ابراهيم يتحدث ويتوقف ودموعه تخنقه _ اتصل بى الافارقة ونسيم وقال: «إن لم تأت سنقتل اولادك وزوجتك»..ذهبت اليهم وفتحوا الخزينة وكانت بها اموال، عرفت فيما بعد انها مليون يورو وكان مع المبلغ كتاب مكتوب فيه :»من الاتحاد الاوروبى الى شمال افريقيا للتشكيل تحت الهيكلى ومساعدة الدول النامية»..

واعطونى لحظتها ١٠ آلاف دولار.. ممكن تقول عمولة وألقوا بالكتاب فى القمامة.. أمسكت بالكتاب والمبلغ وتوجهت فى اليوم التالى الى «وئام بيه».. القنصل المصرى فى ليبيا وسلمته الكتاب والمبلغ.. تركنى وتوجه الى السفارة والتقيت السفير المصرى وقال لى: «انت ابن مصر ودى بطولة» وطلب منى ان أساعد الأمن الليبى لأسقط العصابة.

التقيت ضباطا ليبيين بمعرفة السفارة واعطونى هاتفا محمولا لتسجيل المكالمات بينى وبين نسيم.. وقتها كانت الخزينة الموجود بها الاموال فى الورشة.. واتصلت بـ «نسيم» وقال لى ان الافارقة سيعطوننى ١٠٠ الف يورو كى اسلمهم الخزينة..

فى الوقت نفسه كانت السفارة تتصل بى للاطمئنان على وعلى اولادى من خلال عمرو بيه.. وبعد ٤ ايام تم القبض على الافارقة ومبلغ المليون يورو وجهاز صغير.. تلقيت اتصالا من عمرو بيه مستشار السفارة.. وقال: «سلمت العيال يا بطل.. هنعملك حفلة» وفى اليوم التالى.. حدث ما قاله عمرو بيه وقالوا لى ستأخذ ١٠% من قيمة المبلغ وكذلك ١٠ آلاف دينار من الحكومة الليبية..

مر يومان واتصل بى شخص يدعى يوسف من لندن وقال: «سنذبحك انت واولادك « حتى لو سافرت مصر.. وابلغت السفارة بـ «الاتصال الجديد».. وحضر الى رجال امن ليبيين واعطونى هاتفا محمولا وسافروا بى الى لندن ووصلوا الى المتصل.. حيث كان يتصل بى على نفس الرقم وانا بجواره فى بنك بلندن ويظن اننى فى ليبيا.. وتبين انه نائب لمدير هذا البنك..ونشرت الصحافة الليبية صورا لى «الفرعون المصرى اسقط عصابة دولية قبل قيامها بتخريب فى طرابلس».

كنت خائفا على اولادى وزوجتى ولا اعرف اين ذهب نسيم او كيف اختفى.. ارسلت افراد اسرتى الى مصر خوفا من أى تطورات.

وبعد ١٠ ايام كنت انتظر المكافأة من السفارة او من الحكومة الليبية.. حضر الى اثنان من البحث الجنائى الليبى الى قسم شرطة: «ليه يا مصرى.. ما خبرتناش قبل سفارة بلدك بالعصابة.. انت الفرعون المصرى.. اللى صورك ملأت الصحف؟».. ولا اعرف حتى الآن عدد اللكمات والعصى الخشبية والركلات والإلقاء من مكان إلى آخر او حتى عدد الذين اعتدوا على.. كانت تصيبنى اغماءة واعود ليعود التعذيب والتكسير.. لم اشعر بشىء.. وجدتنى فى مستشفى الحوادث فى ابوسليم بطرابلس..

واخبرنى الاطباء اننى عدت للحياة من جديد.. وان صاحب مزرعة عثر على «كيس بلاستيك» كبير فى مزرعته واننى كنت بداخله لا أتحرك.. كنت أنازع الموت.. ولم اعلم.. كيف وضعنى الضابطان فى «الكيس» او متى القيا بى فى المزرعة.. مكثت فى المستشفى قرابة شهر مصابا بكسور فى الضلوع والقدمين والذراعين والانف وفى فقرات الظهر وجروح فى الوجه وتورم فى العينين.

يبكى ابراهيم من جديد وحوله كمية كبيرة من الاوراق والمستندات والاشعة ويقول: حضر رجال النيابة العامة فى ليبيا.. وحولونى الى الطب الشرعى وثبت اننى تعرضت لضرب مبرح وكسور وكدمات كادت تودى بحياتى.. وامرت النيابة بضبط واحضار الضابطين وحبستهما.

منذ شهرين.. تبرع احد المصريين بمبلغ صغير يمكننى من ان اعود الى اسرتى واطفالى.. وحضر ضابط ليبى كبير ووضعونى فى بطانية.. لاننى كنت مصابا بكسور ولم تلتئم بعد.. وسلمنى للمسؤولين فى منفذ السلوم: «خذوا الفرعون المصرى».

يبكى ابراهيم من جديد.. فرعون مصرى فى بطانية.. بعد كل اللى عملته سلمونى لـ«بلدى فى بطانية».

منذ حضرت وانا ارقد فى مستشفى طنطا العام.. أعانى آلاماً ا..لا يتحملها كثيرون.. الكسور لم تلتئم.. بعت منزلى فى طنطا.. لأنفق على علاجى.. تركت زوجتى واولادى لدى اسرتها..

حضرت الاسبوع الماضى للقاهرة.. اقيم فى شقة شقيقى سائق التاكسى.. لعلى اكون قريبا من وزارة الخارجية لتعيد الى حقى.. أتردد الآن على مستشفى المطرية القريب من منزل اخى.. وأنتظر اجراء جراحات فى جسدى.. منذ اسبوعين فقط تمكنت من الكلام والحديث الى اخرين بعد شهور من فقد النطق.

لا اعرف من سيعيد الى حقى.. هل ما زالت سفارتنا فى ليبيا تحتفظ بالمكافأة.. هل الحكومة الليبية وضعت لى مكافأتى فى بنك ما ، أم ان المكافأة ارسلتها مع الضابطين وكانت عبارة عن كسور وآلام لا تتوقف؟! اتمنى ان تتدخل نقابة المحامين لتتولى الدفاع عنى..

قال لى محام ان الاستاذ خليفة __يقصد حمدى خليفة نقيب المحامين _ سيكلف احدا بالقضية.. ماذا ستفعل وزارة الخارجية وسفارة مصر فى ليبيا معى.. ماذا ستفعل مع شاب اطلقت عليه الصحافة الليبية لقب فرعون.. فرعون؟! اصبح الآن «حطاما «.. ينتظر من «يلملم» عظامه ويعيد اليه بعض حقوقه.

[زعلان]

نعم يا جماعة مرتبات الخادمات في مصر اصبحت اكثر من ممتازة لذلك لا ارى اي معنى لسفرهن للعمل في الخليج مقابل ملاليم و بهدلة وبدون حقوق بينما في مصر كل حقوقها مصانه وبمرتب اكبر بكثر من مرتب السعودية

ختادمات مصر لمصر والمصرين

شعار المرحلة المصري اولى بخدامة بلده

[capitshino]

مافيش جديد يا شباب ... فى اى برانمج اتكلم عن الموضوع ده لانى للاسف لم اتمكن من مشاهدة اى من برامج التوك شو خلال الفترة الماضية

[metwallly]

مافيش جديد يا شباب ... فى اى برانمج اتكلم عن الموضوع ده لانى للاسف لم اتمكن من مشاهدة اى من برامج التوك شو خلال الفترة الماضية

للآسف مافيش ولا آخبار جديدة ولا آخبار قديمة هو كان فيه حبت حماس عند الآخوة

وفضوهم على الصفحات والموضوع نام على كده ولا حياة لمن تنادى فعلا ما يحسش بالنار

إلا اللى ماسكها

[mandoo]

مافيش جديد يا شباب ... فى اى برانمج اتكلم عن الموضوع ده لانى للاسف لم اتمكن من مشاهدة اى من برامج التوك شو خلال الفترة الماضية

للآسف مافيش ولا آخبار جديدة ولا آخبار قديمة هو كان فيه حبت حماس عند الآخوة

وفضوهم على الصفحات والموضوع نام على كده ولا حياة لمن تنادى فعلا ما يحسش بالنار

إلا اللى ماسكها

إيه ياحاج متولى إنت مسمعتشش أغنية مابلاش تلعب بالنار ...حاسب ده الهوا غدار ..... الواد قلبه بيوجعه

تصدق وتآمن بالله أنا كل يوم الصبح أول حاجه بعملها أروح رازع خمسة إيميل للبرامج المهمة بس والله اعلم شكلهم زهقوا منى وبالعند فيا مش حيتكلموا عن الموضوع بتاعك ، أصل أنا لما بحط مناخيرى فى موضوع بتكون النتيجة :gather: أرزاق ياباشا ، أصل أنا فقرى

تصدق أول مرة ألاحظ توقيعك ( ابو متولى ) يعنى أفهم من كده متولى السادس عشر إبن متولى الخامس عشر إبن متولى الرابع عشر .... لحد مانوصل لمتولى الأول

تصدق الموضوع ده عاوز يتفتحلة موضوع لوحده ... موضوع ايه بس قول كده منتدى :waving:

وتقبل تحياتى

[metwallly]

إيه ياحاج متولى إنت مسمعتشش أغنية مابلاش تلعب بالنار ...حاسب ده الهوا غدار ..... الواد قلبه بيوجعه

تصدق وتآمن بالله أنا كل يوم الصبح أول حاجه بعملها أروح رازع خمسة إيميل للبرامج المهمة بس والله اعلم شكلهم زهقوا منى وبالعند فيا مش حيتكلموا عن الموضوع بتاعك ، أصل أنا لما بحط مناخيرى فى موضوع بتكون النتيجة :rolleyes: أرزاق ياباشا ، أصل أنا فقرى wst::

تصدق أول مرة ألاحظ توقيعك ( ابو متولى ) يعنى أفهم من كده متولى السادس عشر إبن متولى الخامس عشر إبن متولى الرابع عشر .... لحد مانوصل لمتولى الأول

تصدق الموضوع ده عاوز يتفتحلة موضوع لوحده ... موضوع ايه بس قول كده منتدى :unsure:

وتقبل تحياتى

السلام عليكم

أخبارك أيه يا هندسة والله ضحكتنى بالرغم من إنى معصب من الصبح

الواحد زهق لآن حاسس إن الموضوع كان زوبعه فى فنجان والحمد لله إنتهت

أصلا أكثر واحد ما يقدرش ينسى الموضوع لأانى فيه يوميا وكل بأشوف حالات مختلفه

من قهر العمالة المنزلية والله المستعان

بالنسبة للتوقيع فأنا عملت منتدى مخصوص علشان قرية وعائلة الحاج متولى بس للآسف

مش فاضى أظبطه حاليا وإن شاء الله تنوره

[hamoudi]

بالنسبه لموضوع الخادمات

تبعا لما جائني من مكتب الاستقدام من احد اعضاء مجلس الاداره الاصدقاء

انه لاتوجد استقدام خادمات مصريات بشكل رسمي وانها تأتي فقط لاصاب الوسايط مث امير يفير وزير واصدقائهم . ولكن بشكل غير رسمي

وانه يمكن ان تأتي خادمات لاحقا في حالة واحده فقط وهي موافقه وزيرة القوى العامله

[ابوعبداللة]

اة يا مرارتى

منك للة يالى مسحت كرامتنا

ينتقم منك ربنا فى الدنيا قبل الاخرة

[وطني حر]

زوبعه في فنجان فلا يصح الا الصحيح ديما

هل ترضى لاختك او بنتك العمل خادمه في السعوديه او الخليح

الاجابه طبعا لا . ولا ارضاها لاختي او بنتي كمان في مصر ؟؟

وطبعا فيه ناس توافق لبناتها للعمل كخادمه في مصر ( القاهره )

وسؤال ايضا لكل ام

هل ترضين لابنك او زوجك المهندس او عامل يسافر وييتبهدل في الخليج ويغيب عنك سنتين

وممكن ما تشوفيهوش تاني ؟ العباره ممكن تغرق فيه ولا الطياره تنخطف ولا يحصل له زي ما حصل لغيره من الاطباء في الخليج .؟

طبعا الاجابه لا والف لا مش ممكن ام توافق لابنها يتبهدل في الغربه .؟؟

لو الوضع بالازمه دي ليه يالناس الي في الخليج ما ترجعوش مصر .؟؟ ليه كل واحد فيكم بقاله سنين ؟ ليه ما الناس الي هناك ترجع ؟؟

هو حلال عليكم حرام علي الناس الغلابـه

هو عشان انتو مبسوطين مع الكفيل او بدون كفيل , اش معني ما فيش ناس تانيه في الخليج طيبه زي كفالكم

هل الكفيل المحترم بالخليج اخذتوه ما فيه حد تاني غيره

البنات الي شغالين بعد طلعت السمان بتعمل ايه ؟؟؟

هو حلال بعد نزله السمان وحرام بعد القناة ؟؟

هو العيب في انها نازله بتاشيره محترمه خدامه . ولا العيب انها بتنزل بتاشيره راقصه او مديره .....ليلي في البحرين او دبي

ولا بتستعرو من وجود خادمات مصريات في الخليج

طب ليه مابتستعو من وجود زبالين مصريين واسف على اللفظ دا في الخليج وفي الاردن ؟

[hamoudi]

زوبعه في فنجان فلا يصح الا الصحيح ديما

هل ترضى لاختك او بنتك العمل خادمه في السعوديه او الخليح

الاجابه طبعا لا . ولا ارضاها لاختي او بنتي كمان في مصر ؟؟

وطبعا فيه ناس توافق لبناتها للعمل كخادمه في مصر ( القاهره )

وسؤال ايضا لكل ام

هل ترضين لابنك او زوجك المهندس او عامل يسافر وييتبهدل في الخليج ويغيب عنك سنتين

وممكن ما تشوفيهوش تاني ؟ العباره ممكن تغرق فيه ولا الطياره تنخطف ولا يحصل له زي ما حصل لغيره من الاطباء في الخليج .؟

طبعا الاجابه لا والف لا مش ممكن ام توافق لابنها يتبهدل في الغربه .؟؟

لو الوضع بالازمه دي ليه يالناس الي في الخليج ما ترجعوش مصر .؟؟ ليه كل واحد فيكم بقاله سنين ؟ ليه ما الناس الي هناك ترجع ؟؟

هو حلال عليكم حرام علي الناس الغلابـه

هو عشان انتو مبسوطين مع الكفيل او بدون كفيل , اش معني ما فيش ناس تانيه في الخليج طيبه زي كفالكم

هل الكفيل المحترم بالخليج اخذتوه ما فيه حد تاني غيره

البنات الي شغالين بعد طلعت السمان بتعمل ايه ؟؟؟

هو حلال بعد نزله السمان وحرام بعد القناة ؟؟

هو العيب في انها نازله بتاشيره محترمه خدامه . ولا العيب انها بتنزل بتاشيره راقصه او مديره .....ليلي في البحرين او دبي

ولا بتستعرو من وجود خادمات مصريات في الخليج

طب ليه مابتستعو من وجود زبالين مصريين واسف على اللفظ دا في الخليج وفي الاردن ؟

انا لست مقيم بالخليج وتقريبا لم اسعى فى حياتي بشكل جدي للإقامه هناك لاسباب خاصه وكذلك انا اكثر واحد بيشجع اى حد على السفر اذا طلب المشوره مني ولي جمله شهيره ان مصر دي دوله منتهية الصلاحيه

ولكن بالنسبه لسفر الخادمات يعيبه من وجهة نظري شيئين

اولا ماستلاقاه من معامله لايعلمها الا الله وفعلا كل ماأتمناه ان تقتصر على المعامله السيئه ولاتصل الى التحرش والاغتصاب ثم ثوابعهم بعد ذلك من إنكار وترحيل وهذا ليس استثناء بل القاعده

ثانيا ان السعوديين والكويتيين بهم مابهم في صدرهم من المصريين بالذات وبالتالي وجود خادمات وبنسبه كبيره هناك سيؤثر بالسلب لما سنلقاه من معامله هناك سيئه وستكون النظره الدونيه فى ازدياد واذا نظرنا الى التصنيف الخليجي للبشر واتبعناه سنكون مثل الهنود بالنسبه لهم

ولولا هوفي من الاطاله كنت سقت امثله كثيره على معاملة الخادمات ومن حملهم سفاحا نظرا لعلاقتيبأحد الاشخاص عضو في مجلس إدارة الهيئة

من الاخر بلاش ودعنا نحتفظ بالقليل المتبقي لنا من كرامتنا

[hamoudi]

بالنسبه لموضوع الخادمات

تبعا لما جائني من مكتب الاستقدام من احد اعضاء مجلس الاداره الاصدقاء

انه لاتوجد استقدام خادمات مصريات بشكل رسمي وانها تأتي فقط لاصاب الوسايط مث امير يفير وزير واصدقائهم . ولكن بشكل غير رسمي

وانه يمكن ان تأتي خادمات لاحقا في حالة واحده فقط وهي موافقه وزيرة القوى العامله

مداخلتى السابقه كانبها كثير من اخطاء و سأعيد تصحيحها

بالنسبه لموضوع الخادمات

تبعا لما جائني من هيئة الاستقدام من احد اعضاء مجلس الاداره الاصدقاء

انه لاتوجد استقدام خادمات مصريات بشكل رسمي وانها تأتي فقط لاصحاب الوسايط مثل امير سفير وزير واصدقائهم بالطبع . ولكن بشكل غير رسمي

وانه يمكن ان تأتي خادمات لاحقا في حالة واحده فقط وهي موافقه وزيرة القوى العامله

[herohero]

زوبعه في فنجان فلا يصح الا الصحيح ديما

هل ترضى لاختك او بنتك العمل خادمه في السعوديه او الخليح

الاجابه طبعا لا . ولا ارضاها لاختي او بنتي كمان في مصر ؟؟

وطبعا فيه ناس توافق لبناتها للعمل كخادمه في مصر ( القاهره )

وسؤال ايضا لكل ام

هل ترضين لابنك او زوجك المهندس او عامل يسافر وييتبهدل في الخليج ويغيب عنك سنتين

وممكن ما تشوفيهوش تاني ؟ العباره ممكن تغرق فيه ولا الطياره تنخطف ولا يحصل له زي ما حصل لغيره من الاطباء في الخليج .؟

طبعا الاجابه لا والف لا مش ممكن ام توافق لابنها يتبهدل في الغربه .؟؟

لو الوضع بالازمه دي ليه يالناس الي في الخليج ما ترجعوش مصر .؟؟ ليه كل واحد فيكم بقاله سنين ؟ ليه ما الناس الي هناك ترجع ؟؟

هو حلال عليكم حرام علي الناس الغلابـه

هو عشان انتو مبسوطين مع الكفيل او بدون كفيل , اش معني ما فيش ناس تانيه في الخليج طيبه زي كفالكم

هل الكفيل المحترم بالخليج اخذتوه ما فيه حد تاني غيره

البنات الي شغالين بعد طلعت السمان بتعمل ايه ؟؟؟

هو حلال بعد نزله السمان وحرام بعد القناة ؟؟

هو العيب في انها نازله بتاشيره محترمه خدامه . ولا العيب انها بتنزل بتاشيره راقصه او مديره .....ليلي في البحرين او دبي

ولا بتستعرو من وجود خادمات مصريات في الخليج

طب ليه مابتستعو من وجود زبالين مصريين واسف على اللفظ دا في الخليج وفي الاردن ؟

لا ياسيدي الاعتراض ان هنا ف السعودية موضوع الخدمة ف المنازل مفهوم غلط خالص ، وماتنساش ان السعودي لو هيعامل الفلبينيه ورغم ان الفبينيات ارتقوا حاليا عن الخدمة ف البيوت معاملة مختلفة ، للاسف السعودي نفسه يطلع اوامره ع المصري وده انا شوفته ف ماكن كتيره بيفضل الهندي او الفلبيني عشان هيقدر يتامر عليه ويحس بنفسه لان لو سالت هندي او فلبيني ما يعرفش حاجه عن تاريخ السعودية انما المصري لو السعودي قاله كلمة هيرد عليه

عشان كده لو تقبلنا موضوع ان المصرية تعمل كخادمة بره بلدها فلتعمل ف العالم كله ماعدا الخليج ، ياسيدي زمان وان صغير الكويتي اللي امه مصريه كانوا بيقولو له يا ابن المصريه كشتمة له وشيئ يعير به

تخيل احنا اعلامنا وصل ليهم ان المراة المصرية دون المستوى وبعض الحثالة ف بلدنا ساعدوا ع توطين مثل هذه الفكرة

اما من تذهب للعمل ف ملهى ليلي ف البحرين او دبي فهل تتوقع اننا نحترمها ونرفع لها القبعة ، ربنا يهديها ويهدي اهلها ويتوب عليها لكن ارحم من الخدمه ف بيوت الخليج

اما ليه احنا قاعدين ف الخليج ، لاننا ادمنا الحياة السهلة ، والحمد لله مش بنعمل ف مجال نكون احنا تحت فيه يعني فيه كفيل اه لكن الشركة فمش بتبحتك بصاحب الشركة الا ف امضائاته وده بتم عن طريق السكرتارية

والسبب الاهم ان احنا ف بلدنا بقينا غير مرغوب فينا

وانا لما الاقي ف بلدي كل واحد بياخد حقه من بكره هتلاقيني فيها سيدي حقي ضاع ف بلدي وما ضاعش ف الغربة

بلدي اللي بتخلي ابو 50% له قيمه ع الطبيب والمهندس ابو حديده ع كتفه يتحكم ف خلق الله ، بلدي اللي بتخلي الغريب ياخد حقي

ده احنا البلد الوحيده اللي الاجنبي فيها ياخد حقه عن ابن البلد

[الحازم حسن]

نقطة لها تعلّق قوي بالموضوع ونسيناها

هل تعتقدوا إن النخوة المصرية والغيرة تخلي الراجل يقبل على بنته أو أخته إنها تروح بلاد غريبة وتخدم في بيت راجل غريب وتبيّت عنده لوحدها ؟!!

بقول لواحد فلاح مصري هنا بيعدي علينا وأنا بقرأ الموضوع شوفت يا عم حيفتحوا باب استقدام الخادمات من مصر الراجل وشه نور وفتح وقال يامنتا كريم يارب انا على كده أقدر أجيب مراتي

وفي اتنين اخوات في مؤسسة كفيلي مصريين بيشتغلوا في تبليط السيراميك راحوا للكفيل وطلبوا منه استخراج تأشيرتين خادمات لزوجاتهم عشان يبقوا معاهم في البلد لان مهنهم لا تسمح باستقدامهم.

المثالية مش موجودة غير في صفحات الانترنت

لو انسانة قبلت بالمهنة دي فقبل ما نلومها على اختيارها فنحاول نلوم المجتمع اللي حرمها من التعليم ومن حقها في حياة كريمة من غير التذلل للغير أعرف دكاترة مصريين هنا في جامعة الملك خالد معاهم دكتوراه وبيستقدموا من مصر على درجة فني حاسب آلي والورق في ايديه اهوه ((شايفينه :unsure: ))

والمنهة اساساً لا تصلح إلا لدول العالم المتخلف .. 95% من العائلات في امريكا واوروبا معندهمش خادمات اللهم الا المليارديرات ونجوم هوليود عشان البرستيج.

العيب مش النظام (االلي هوه الكفالة)

ولا العيب في اللي بيستغل النظام (اللي هوه الخليجي)

العيب في اللي قبل النظام (اللي هوه احنا)

تم تعديل 25 يوليو 2009 بواسطة الحازم حسن

[doha]

فتح باب الاستقدام لخادمات من مصر مش هيقدم ولا يؤخر لان اصلا الناس دي مش محتاجه تسافر برا ..

بالصدفة من يومين قلت اتصفح جريده الوسيط المصريه من على موقعها في النت ولقيت الاعلان التالي ..

مطلوب خادمه للعمل لدى اسرة مصرية في مدينة نصر لتربيه طفلين والعنايه بالمنزل جامعيه او مؤهل متوسط تجيد الحاسب الآلي واللغه الانجليزية .. وراتب ... تتوقعوا كام ؟

ثلاث الاف جنيه .. عادي جدا ..

في مصر ومش هتطلع برا ولا تدخل جوا ..

ياجماعه الشغالات دلوقت بيكسبوا في مصر اكتر مننا انا لما كنت في مصر وكنت بجيب شغاله بتاخذ في اليوم اربعين جنيه ده على اساس بتيجي لي مرتين في الاسبوع ولو هتيجي اقل من كده يبقى كانت هتاخذ اكتر .. عادي جدا برضه ..

محدش بيدور على الخليج غير الغلابه الي زي حالاتنا الي الدنيا جارت عليهم وطلعوا ولاد ناس وتعلموا فمعادش ينفع يتمرمطوا ولا لاقيين حته عدله يحفظوا فيها كرامتهم جوا بلدهم ..

فتح باب الاستقدام هيفرق بس مع حاجه من اثنين اما مصريين عاوزين يجيبوا اسرهم بفيزا شغاله عشان يبقوا مع بعض لان مهنتهم لا تسمح بالاستقدام غير بكده أو مصريين تانيين عاوزين شغاله تربي العيال ومش هيثقوا في اي جنسيه تانيه غير المصريه فهيجيبوا حد من معارفهم او معارف شغالاتهم في مصر وفي كل الاحوال الموضوع لا هيبقى ظاهره ولا فيه اهانه من حد لحد ..

واخيرا انتم شاغلين نفسكم ليه .. لو الجماعه ( الي فوق ) عاوزين يفتحوا الباب هيفتحوه حتى لو ريقنا نشف واحنا بنقول ينسد .. ولو مش عاوزين والله لو نبت لنا شجر في راسنا من الطلبات ماحد هيسأل فينا .. اشتروا دماغكم وشوفوا موضوع تاني افيد نتناقش فيه ..

[جيمي]

محدش بيدور على الخليج غير الغلابه الي زي حالاتنا الي الدنيا جارت عليهم وطلعوا ولاد ناس وتعلموا فمعادش ينفع يتمرمطوا ولا لاقيين حته عدله يحفظوا فيها كرامتهم جوا بلدهم ..

على راي الفنان الكبير عبد الباسط حموده ............ جيت على الجرح ودست عليه جيت على الجرح الى انا بداريه

[سهل جدا]

نقطة لها تعلّق قوي بالموضوع ونسيناها

هل تعتقدوا إن النخوة المصرية والغيرة تخلي الراجل يقبل على بنته أو أخته إنها تروح بلاد غريبة وتخدم في بيت راجل غريب وتبيّت عنده لوحدها ؟!!

بقول لواحد فلاح مصري هنا بيعدي علينا وأنا بقرأ الموضوع شوفت يا عم حيفتحوا باب استقدام الخادمات من مصر الراجل وشه نور وفتح وقال يامنتا كريم يارب انا على كده أقدر أجيب مراتي

وفي اتنين اخوات في مؤسسة كفيلي مصريين بيشتغلوا في تبليط السيراميك راحوا للكفيل وطلبوا منه استخراج تأشيرتين خادمات لزوجاتهم عشان يبقوا معاهم في البلد لان مهنهم لا تسمح باستقدامهم.

المثالية مش موجودة غير في صفحات الانترنت

طيب وإيه المشكلة يا أستاذ حازم

واضح من كلام أصحابك إنهم هايجيبوا زوجاتهم بمهنة خادمة مش عشان يشتغلوا بيها

وإنما عشان يكون دخولهم للملكة دخول شرعي غير مخالف للقانون السعودي

وهذا لا يعيب الرجل ولا زوجته..

العيب مش النظام (االلي هوه الكفالة)

ولا العيب في اللي بيستغل النظام (اللي هوه الخليجي)

العيب في اللي قبل النظام (اللي هوه احنا)

انت معانا ولّا مع التانيين

لأ بقى العيب في نظام الكفالة وفي الخليجيين اللي استغلوا حاجتنا وظروفنا الاقتصادية الصعبة

وقاموا باستعبادنا بنظام الكفالة ده ..

هو حد فينا لو كان عنده بديل كويس في مصر كان اتغرّب واتبهدل ؟!!